FELÉMO 1:6 - Kɛ́lɛ Niinaí

⁶ Ní Yála fɛ́li ngói í hááw̃a aá waa ngáá, mu lángi í su yíla í kɛ́ ngáá háwu yí ɣɛ́ kulasuunúmai kpɛ́lɛɛ kɔ́lɔ í mu haáw̃a ɛ́ɣɛ yí ngátɔ ti wa kɛinɔɔ́ yí hómbo yí yénge Kílisitii yɛ.

FELÉMO 1:6 Iomraidhean Croise

MÁFIYU 25:16

Ngenge mɔ́i sí í bɛ́ki ndɔ́ɔ́lungɔi w̃aahɔ́lɔni, i lií ngamá áá loko vóte voté ngí ndá gápangi h̃u, bɛ́ki ndɔ́ɔ́lungɔi í láma ngeyá.

MÁFIYU 5:16

Ngimɔ́ɔ́ nɔ́ɔ kule í wú w̃á wú lámbongi í hólo nuu kpɛ́lɛɛ kákala. Ná lɔ́ áá kɛ ti wú háá vandaítii tɔ, táa wú Kɛ́ɛ́ɣɛ Ngalá ndaaw̃áálɛ, lɛ́i í ngelegóóh̃u.”

KƆ́L̃E HESENDAA GƆLƆÍ 14:25

Ti háá ỹɔítii taa ɣɛ́ ti lií h̃u kaa ngáá híɣe ma, aáva taa hítɛ wumbú ya tí Ngalá fɛ́li, táá ɣɛ́ ta, “Ngalá tɔ́ wu vólu kái kái ngáá tɔɔỹaá!”

KƆ́L̃E HESENDAA GƆLƆÍ 16:9

bɔw̃álale Ngalá ngí pele laawóa ngáá ngí ngenge pánda wo ngáá suuwɔ́ɔ́lɔngɔ mbéi, kɛ kíya bɛ́lɛ nungáá bih̃íngɔ tí na táá lápi ngáá tí lókola maa hái lúwɔ.

FÉLEPA 4:8

Mu mbála Yalá fɛ́li mbélai, ngapúmaa haí wáa ngáá wú gí máa háitii ti ɣɛ́ ngáá fái sítii ti ngáá tɔɔỹaá ɔɔ ngufema háá ɛ́ɣɛ sítii tí péle w̃a ɔɔ maa w̃úỹangɔ, ná vólu, sítii nuu áá kɛ ndo mááh̃u ɔɔ sí fíli áá ɣɛ́ ngáá ngaah̃u w̃aahou háa ɛ́ɣɛ faa fíli nɔ́ɔ taá nuu lɛ́ su ɔɔ sí fíli í ngáá faa yááh̃u bétevengɔ.

KƆLƆ́SE 1:9

Háwui nátii kpɛ́lɛɛ fááw̃a, hɔ́wɔ fíli naá Ngála fɛ́li wú yɛ í séi ná h̃úú w̃á ni wú w̃áá woo ỹɛ́nini. Niỹa lɔ́ɔ́ Ngala fɛ́li ngáá í kɛ́ ngáá háwu sí ndongɔ lá nga ngi ɣɛ́ kpál̃au ngáá wú ye. Ná wáá ngáá, ngi Hɛ́ɛ́ma Ỹínangi í kɛ ngáá háwu wú géle ɣelengɔ í ɣɛ la, wúwaa fáitii ngatɔ́ mba.

KƆLƆ́SE 3:10

Wálaa nátii kɛ sífaa, wá lɔ́ náá ngáá nuu níína. Wú bátɛ mɔ́i Ngalá tɔɔ kɛ ngáá háwu wú ɣɛ́ kílii í ɣɛ́ nɔ́ɔ kélei ngáá kíya laá Ngalá kpútei í na. Aá lɔɔ ná ɣɛ́ h̃íí ná kɛinɔɔ́ í kɛ́ ngáá háwu wú ɣɛ́ kɔ́lɔ ngáá ele gíte waa ngáá laá.

TÁITƆ 3:14

Kule lɔ mu mbála Yalá fɛ́li mbélaitii ma tí ɣɛ ngáá faa vánda ɣɛ́ mbélaa ngáá taayaa kpɔmba hé sítii mbɛ maanɛ́ɛ́ngɔ áá ɣɛ́ la ngáá tí kpɔ́mba w̃ááhɔlɔ kɛinɔɔ́ ti lɛɛh̃úi í ɣɛ́ ngáá kulasuunúma.

HÍBULU 6:10

Ngála ngaa ngáá kahá gúla mɔ́ɔ́. Ɛi leéw̃a ngengengí w̃a wú mbóngɔ mbɛ́ ɛ́ɣɛ ndongí wú ngááh̃u ɣɛ́ngɔ lá ná wú bɔ́ngɔ ngi vóngaitii mba aáva wáá ndi nɔ́ɔ ngu ma kélei ngáá kpɔmbái wáá fé ti yɛ.

JIMISÍ 2:14

Mu mbála Yalá fɛ́li mbélai, aá lɔ́ ngáá faa ỹááka nuí sí hááw̃a áá ɣɛ́ ta, “Ndangɔ́ɔ́ lé ngáá Ngalá,” kɛ́ ɛi maah̃ú háá ɣɛ. Kɛ ná w̃aa lángi aa ngumááwo?

JIMISÍ 2:17

Ngimɔ́ɔ́ nɔ́ɔ́ maa hái í na, ná nuu áá ɣɛ́ lái ngáá Ngalá aáva ɛ́i maah̃u haa ɣɛ́ híya gilí h̃u, kɛ nga ngáá ngi lángi ná wa.

PÍTƐ HESENDAA GƆLƆÍ 2:12

Wú lúva veléi w̃aanɛ́ɛ́ngɔ í ɣɛ́ la ngwala sítii ndiiwáá taa ngáá Ngala fɛ́li mbélaa. Ngáá ná bɛ́lɛ taá í yéɣe ngáá tuva velé ỹɔ́u w̃ɔɔ, taá wɔ́lɛ nɔ́ɔ í lúva velé vándaitii mba tí Ngala tɛ folói ná w̃a íwaa vá nuu kpɛ́lɛɛ kɔ́sɔma ma.

PÍTƐ HESENDAA GƆLƆÍ 3:1

Ngimɔ́ɔ́ nɔ́ɔ maa hái í ná wá bɛ́lɛ nɔ wú hááw̃a wɛ́i wú ngáá nyah̃áitii wú kɛmbɛheí h̃u. A bɔwɔ́ gúla kɛlɛ́ma wú h̃íỹɛngaitiini mbɛ. A ná ɣɛ́ kɛinɔɔ́ ná ti lɛ́ingaa tɛi ɣɛ́ lái ngáá Ngalá kééla wói wú lúva velé vándai í kɛ ngáá háwu ti lá la. Wɔ́i lo múl̃ɔ p̃ɛ́ɛ́ yɛpɛmá ti yelé kɔwɔ́ato Ngalá mba kɛ́ wu lúva velé vándai ɛ́ɣɛ ngufemái wáá fé ti yɛ, laá lɔ nɔ́ɔ́ taa wɔ́lɛ mba tí lá ngáá Ngalá ná w̃aa véle w̃a.

PÍTƐ HESENDAA GƆLƆÍ 3:16

Kɛ́ wáá suugúla maa w̃ɔ́i w̃a ngufema h̃ú ɛ́ɣɛ tuva véle w̃aanɛ́ɛ́ngɔ h̃u. Aáva wú gí mai í ɣɛ́ kpál̃au ngáá fáá ỹɔ́u aa wú lúva veleí h̃u kɛinɔɔ́ ná nuu áá ngoo ỹɔ́u le kɔwɔ́ato wú lɛ́ɛ́h̃ui wa wáá suuhíya ngáá pangɔ́ sífaa wú ngáá Kílisitii volú yelaa, ngufé ngí vɛ́lɛ maa yélaitii ma.

PÍTƐ GƆ́LƆI HELE KÉLEI 1:8

Ná faa vánda vándai sítii kpɛ́lɛɛ taa ɣɛ́ wú h̃u wáa ndi ngu ma ngáá ti ɣɛndáá, ná ná áá ɣɛ́, Ndemɔí Jísu Kílisitii wɔ́lɔndai wú yɛ́ ɛi ɣɛ nɔ́ɔ ngáá faa gbááma wɔ́i ɣɛ́ wáá maah̃ú háá ɣɛ.