FELÉMO 1:22 - Kɛ́lɛ Niinaí

²² Ná vólu múl̃ɔ, ndaa lomú ɣɛ́ kíli batɛ́ mbɛ́ bɔw̃álale, kí tɔ́ na ngáá Ngalá tɔɔ vá wú kpɛ́lɛɛ wú hɛ́li ngoítii ngapotéma ngáá ngi hómbo náá ngi yángaima wú yéle.

FELÉMO 1:22 Iomraidhean Croise

TI GƐ́Ɛ́ HAÍTII 27:24

Aáva i ɣɛi má, ‘Yaa lúwa, Pɔ́ɔ! Kɛ yí lo Lóómi Lɔwɔlɔ́ W̃ása Ngwalaí gakála, yí í gɔ́sɔngi gúla. Aáva Ngalángi háá bɔwɔ w̃aa véle w̃a í hááw̃a, wáá sítii kpɛ́lɛɛ wú keléngi sí h̃u, wú wú ngáá lóma su.’ ”

TI GƐ́Ɛ́ HAÍTII 28:23

Tí kuu láni ma náa ngáá folói tɔ́ɔ́ w̃ɛ́ɛ́ múl̃ɔ Pɔ́ɔ w̃áála. Ná naa hɔwɔ́ í hítini, ti yangí ɣɛ́i wɔɔlɔ í lɔ́ve sítii mba ti vááni maipángi w̃a. Ti vááni mbéi Pɔ́ɔ laaw̃áá vɛ́lɛngɔ i ɣɛi lá na. Í sei ngelendái w̃a í fólo kpɔkɔ́ w̃a, Pɔ́ɔ i ɣɛi áá yɛ́pɛ ti yelé kɔwɔ́ato Ngalángi w̃ásandai wá, ná vólu, íwaa yákpa ngáá í ti lii vóte, ti lá ngáá Jísu. I ɣɛi áá maa hái yakɛ́ ngáá tí ye áá gúla Ngala sávai h̃u í féni Muusé yáá ɛ́ɣɛ fái Ngalá ndaa háá lé mbélai ti pɔnɛní.

LÓÓMI 15:24

Faalɔ, ngí kpátɛa náa gí ma ngáá ngí wú héi heí ngáá ná h̃u ngáá ɣɛ́a lí ndɔwɔlɔ́i sí h̃u taá naa lolí ngáá Sip̃ee. Ngáá ló gɔwɔ́ h̃u wú yéle kuu félengɔ hááw̃a, wáá vá wáá lóko bɔ náá mbá ní híyangi h̃u aá lí Sip̃ee.

KƆ́L̃E GƆ́LƆI HELE KÉLEI 1:11

Wáá bɔ́ ni wa ngáá ná wááyaa Ngala fɛ́li ni haáw̃a. Ná ná áá ɣɛ́, nuu bíh̃iw̃aa taá sɛ́ɣɛɛ gula Ngalá ma kíya í nɛ́ɛ́ma yénga ni w̃a ngáá wú hɛ́li ngoí nátii kpɛ́lɛɛ í ngápotenga ni haáw̃a.

FÉLEPA 1:19

bɔw̃álale ngí kɔ́lɔ ngáá wú Yála fɛlindáitii ɛ́ɣɛ kpɔmbaí Hɛ́ɛ́ma Ỹínangi lɛ́i Jísu Kílisitii í máa gúúlo mboní táá fe mbɛ́ tiyá lɔɔ vá kɛmá ngáá háwu ngúmaa í wo.

FÉLEPA 2:24

Ná Ndemɔí Jísu áá lúw̃a ma, ndángɔɔ lé lá ngáá nyá bútei nyá lɔɔ vá wú yéle h̃umbuwa.

HÍBULU 13:19

Aáva nyá lɔɔ wú w̃áánɛɛnɛ gíte ngáá wú kɛ ngáá hɛ́mbɛ fíli wú Ngala fɛ́li múl̃ɔ ngwala ngáá í mɔ́ɔ́ ngángaima wú yéle h̃úmbuwa.

HÍBULU 13:23

Ndóngɔɔ lé wú ɣɛ́ faa wɔ́lɔ mba ngáá a mu mbála Yalá fɛ́li mɔ́i sí taa ɣɛ́ ma Tímoti tí kulangá kpindi vɛlɛ́i wu. Ná áá vá h̃úmbuwa, ngáá ɣɛ lói ní vá naá láa wú yéle ni wú lɔ.

JIMISÍ 5:16

Náá hááw̃a, faa ỹɔ́itii wú tí ɣɛngá a gáhe ngáá ti ye ỹɔw̃ɔ́ ỹɔ́w̃ɔ w̃a. Ná vólu, wú Ngala fɛ́li ỹɔw̃ɔ́ ỹɔ́w̃ɔ haaw̃a kɛinɔɔ́ Ngalá ngí wú wálo. Nuí sí télembongɔ áá ɣɛ́ la Ngalá ngeyá, ngi Yála fɛli ngói yakpángɔɔ lé.

NJƆÚ GƆ́LƆI HELE KÉLEI 1:12

Faa bíh̃iw̃aa lɔ́ na kule í má ngí ndé wú w̃a. Kɛ́ ngáá lói ngɔ́ɔ́ ló tí vɔ́nɛma kɔlɔ h̃u wú yéle, kɛ́ ndóngɔɔ lé ngí vá a mu yɛ́pɛ lowah̃u maa wúyeni kɛinɔɔ́ mu góóh̃unɛi álaa gɛ́ɛ́lɛ pele h̃u.

NJƆÚ GƆ́LƆI HAWA KÉLEI 1:14

kɛ́ ndóngɔɔ lé ngí vá h̃úmbuwa a mu yɛ́pɛ lowah̃u maa wúyeni. Bɛlɛ́ Ngalángi lííhei í ɣɛ́ wú yɛ́. A mu mbála Yalá fɛ́li mbélai kpɛ́lɛɛ tí hááni wú w̃á. Ngí há mu mbála Yalá fɛ́li mbélaitii kpɛ́lɛɛ má ngáá ngilá ngíla.