FELÉMO 1:17 - Kɛ́lɛ Niinaí

¹⁷ Faalɔ, ná yíwaa ngéɣe ngáá í mbála yengé mɔ́ɔ́ Ngala fɛ́lindai h̃u, kɛ lokohéi Onɛsímɔ wu kɛ kíya nɔ́ɔ yáá lokohéi mbú.

FELÉMO 1:17 Iomraidhean Croise

MÁFIYU 10:40

Jísu í mɔ́ɔ́ ɣɛ ta, “Nuí fíli áá lokohéi wú wú, kɛ maa w̃ɔ́i i lókoheinga mbú. Nuí fíli pá áá lokohéi mbú, kɛ i lokohéinga Ngala mbú lɛ́i í tɔ́vengɔ.

MÁFIYU 18:5

Aáva nuí fíli áá ló ngáá ngé aáva í lokohéi ndopo gúlo laalií sí tá yílaa kéle tɔ mbu ndongí hááw̃a í su ngáá ngé, kɛ maa w̃ɔ́i i lokohéinga mbú.”

MÁFIYU 25:40

Masangí aa ti woo yápote náa, i ɣɛ ti w̃a, ‘Ngí tɔɔỹái le wú w̃á, sí fíli wú kɛ́ni nungái sítii ti tá yílaa mbɛ́ ngakpá ngáa ɣɛ́i tí yɛ, kɛ́ ti ngáá ní vóngaa ɣɛ kíli, wú kɛngɔ́ mbɛ́.’

TI GƐ́Ɛ́ HAÍTII 16:15

Ná í nguyaí w̃aahɔ́lɔni taá ngi vɛ́lɛ lowaí wúu yélaitii, i ni lolíni ngi vɛ́lɛi wu, i ɣɛ ni w̃a, “Ná wáá ɣɛ́ ngéɣengɔ ngáá kɛ Ngala fɛ́li mɔ́ɔ waa ngáá ngé Ndemɔí Jísu w̃aa véle w̃á, a vá wú ɣɛ́ ní vɛ́lɛi wu.” Aáva, i ni gi mái vóteni, ní lí.

KƆ́L̃E GƆ́LƆI HELE KÉLEI 8:23

Táitɔ lɔ ngáá ní mbála naá laá náa yénge ngáá ni bɔ́ wú wá. Kɛ́ Ngala fɛ́li mbélaa veka félengɔitii taá tiyéni táá vá, nátii tɔ ngáá Ngalá fɛ́li mbélaitii ngááh̃u aáva ti yéngengi aa va ngáá ngufema Kílisitii yɛ.

Ɛ́FƐSƆ 3:6

Ndɔɔwu h̃ú hái sí wáa ngáá kééla woo vándai í kɛ́a ngáá háwu Júsuai ɛ́ɣɛ sítii taá ngáá Júsua tí héi h̃u félengɔ p̃ɛ́ɛ́ tí ɣɛ́a ngáá nuu yílaa aáva ti kpɛ́lɛɛ taa Ngalángi nɛ́ɛ́mai w̃ááhɔlɔ ɛ́ɣɛ kuulóngi Ngalá ngi mbóngɔ Jísu Kílisitii í kɛ́nga ngáá háwu íwaa ɣɛ́.

FÉLEPA 1:7

Ngí bɔ́ɔ́ ɣɛ sou sú ɔɔ ngálaa ɣɛ́ sou sú, aá lɔ pele w̃a ngáá kóóh̃unɛɛngɔ í ɣɛ́ la kɔwɔ́ato wú wá. Sífaa nyá lɔ́ɔ Ngalángi gééla woo vandaí w̃ááɣawo aáva ngáá ngakɛ́ ngáá nungáitii ngáá kɛ tɔɔỹaá le. Laáva wú kpɛ́lɛɛ pá wá lɔ́ ngáá ndíívo mbélaa ngengengí sí h̃u Ngalá ngí fénga ngéya kpɔwɔ́ lúw̃ama h̃u.

TÍMOTI HESENDAA GƆLƆÍ 6:2

Ngala fɛ́li mbélai sítii pa taa ɣɛ́ ngáá nduwɔ lopóa sítii mbu tiyá bɛ́lɛ taa ɣɛ́ ngáá Ngala fɛ́li mbélaa, tálaa lɛ́ɣɛ ti w̃ááliɣiai nátii su ngáá sífaa nɔ́ɔ nátii bɛ́lɛ ti ngáá Ngala fɛ́li mbélaa. Kɛ́ laá ɣéle, ti gólo ti yɛ́ ngáá pangɔ́, bɔw̃álale, ti w̃ááliɣiai nátii tíwaa maa gúlasuunumai w̃aahɔ́lɔ, tiyá lɔ ngáá ti mbála Yalá fɛ́li mbélaa tiyɛ́i Ngala ndongɔ́ ngáá ti ye. Yaayaa fái sítii nde ngáá Ngalá ngoo, ná vólu, yí ɣɛ́ yáá núngaa gálambo la.

FELÉMO 1:10

nyá lɔ́ ngáá í w̃áánɛɛnɛ siỹɛndópoi sí hááw̃a taa ɣɛ́ ma Onɛsímɔ lɛ́i í ɣɛ́a ngáá ní lóu Ngala fɛ́lindai h̃u táingi sí h̃u ngí ngáá pelésina.

FELÉMO 1:12

Felémo, ndóngɔɔ lé ngáá Onɛsímɔ ngwala, kɛ́ ná fíli su, nyá lɔɔ́ tɔvé náá volú í yéle.

FELÉMO 1:18

Faa ỹɔ́u fíli áá ɣɛ́ kɛ́ngɔ ngáá í ye ɔɔ í gúle bɛ́lɛ í ɣɛ́ ma, bɛlɛ́ kpɛ́lɛɛ í ɣɛ́ ngáá mbáá háá.

HÍBULU 3:1

Faalɔ, wɛ́i wú ngáá mu mbála Yalá fɛ́li mbélai, wɛ́i wá bɛ́lɛ Ngala ngí wú lólinga ngáá wú vá ngelé, a wóliɣɛ Jísu w̃a. Ná wáá ngáá Jísu lɛ́i Ngala ngí tɔ́vengɔ, í ngáá Ngala sááɣa gula mɔ́ɔ walaí Ngalá fɛ́lindai sí w̃áá véle w̃a a mu langɔ́ la.

HÍBULU 3:14

A maá ɣɛ́ nɔ́ɔ léi ngáá ngenge mbélaa maa Kílisitiini ná á mɔ́i yɔ́ njɔ́ ndangí wa í ɣɛ́i mu h̃u tɔkúla héi mái, kɛ́ aá ɣéle, a mú ndí ngu ma í ló su ngakɛɛlɛmái í fólo.

JIMISÍ 2:5

Mu mbála vandáitii, a wolílo. Kɛ́mbɛ Ngalá ngí lókolongɔ sítii mba ti ỹááningɔi tiyɛ́i ngeleí sí wú bátɛi ta áá ti yáa, ngáá ti ɣɛ́ ngáá kpatɛ yélaa ndangí h̃u taa ɣɛ́ su ngwala ngáá Jísu Kílisitii? Ngalángi w̃ásandai vá í ɣɛ́ ti w̃ááh̃u. Ngi w̃ásandai sí lɔ́ í sítii kuulóngɔ lá ti longɔ́ ngáá laá Ngála.

PÍTƐ HESENDAA GƆLƆÍ 5:1

Nyá lɔɔ yɛ́pɛ naa wú yéle wɛ́i wú ngáá kele ɣelé mbélaitii Ngala fɛ́li mbélai faaw̃a, nyɛ́i nyá bɛ́lɛ ngí ngáá kele ɣelé mɔ́ɔ Ngala fɛ́li mbélai faaw̃a. Nyá lɔ́ɔ yɛ́pɛ wú yelé ngáá lií kpɛ́lɛɛ. Ngí tɔ́i maanɔw̃ɔ́i í wói ngáá Kílisitii. Aáva maanɛɛ́ wálai ná í su, aá lɔɔ vá kɛmá ngáá háwu ngí ɣɛ ta h̃u naa hɔwɔ́i ná áá vá gúlama kɛ́lɛma. Wú w̃áánɛɛnɛngɔ gíte le,

NJƆÚ HESENDAA GƆLƆÍ 1:3

Sí ní tɔá ɛ́ɣɛ sí ní mɛningá, laá lɔ naá faa lé wú w̃a kɔwɔ́ato mba ngáá kɛinɔɔ́ wá bɛ́lɛ nɔ́ wú báha ni wa, a mu háá í ɣɛ́ su yíla maá Kɛɛɣɛí Ngálani ngaa ngí H̃íỹɛndou Loí Jísu Kílisitii.