FELÉMO 1:1 - Kɛ́lɛ Niinaí

¹ Nyɛ́i ngí ngáá Pɔ́ɔ, ngí ngáá pelésina sífaa nyá lɔ́ɔ yénge Jísu Kílisitii yɛ, nyá ɛ́ɣɛ mú mbála Yalá fɛli mɔ́i Tímoti niỹa lɔ́ náa kɔlɔí sí vɔ́nɛ í yéle Felémo, yɛ́i yí ngáá mu mbála vandái ɛ́ɣɛ mu mbála yengé mɔ́ɔ,

FELÉMO 1:1 Iomraidhean Croise

TI GƐ́Ɛ́ HAÍTII 16:1

Kɛ Pɔ́ɔ i liingá Dɛ́bi taa h̃u, i gúla na, í lí Lésitula taa h̃u. Naa lɔ í Jísu volú w̃ɔ́ɔ́ yiláá mááleni na taa ɣɛ́ ma Tímoti. Tímoti sí ngi njéé i ɣɛi ngáá Júsu w̃ɔɔ aáva ndangɔ́ ngáá Jísu. Kɛ́ Tímoti kɛ́ɛ́ɣɛ i ɣɛi ngáá Gilísi w̃ɔɔ.

KƆ́L̃E HESENDAA GƆLƆÍ 3:9

Niỹá lɔ́ ngáá Ngalángi yénge mbelaa náá yénge ỹanda yílaa, wáá vá wú gúlangɔɔ lé ngáá Ngalángi báála. Wú gúlangɔɔ lé mɔ́ɔ ngáá Ngalángi vɛ́lɛ.

KƆ́L̃E GƆ́LƆI HELE KÉLEI 1:1

Nyɛ́i ngí ngáá Pɔ́ɔ, ngí ngáá Jísu Kílisitii géélai áá gúla Ngala ngí háá h̃uubatɛ su, nyá lɔ́ ngáá kɔlɔí sí vɔ́nɛ náa mú mbála Yalá fɛ́li mɔ́i Tímoti. Kɔlɔí sí lɔɔ vá wú yéle wɛ́i wú ngáá Ngala fɛ́li mbélaitii wú taí sí h̃u taá náá lolí ngáá Kɔ́l̃e í báha náá Ngalángi vóngaitii kpɛ́lɛɛ mbá tí Akáya lataí h̃u hááli hááli.

GALÉSIYA 3:26

Ndangí w̃áá véle w̃a wú kpɛ́lɛɛ wú su ngáá Jísu Kílisitii, i wú báhaa Jísu wa aáva i kɛ́a wú kpɛ́lɛɛ wú ɣɛ ngáá Ngala ndéngaa.

Ɛ́FƐSƆ 3:1

Náá hááw̃a, nyɛ́i ngí ngáá Pɔ́ɔ, nyá lɔ́ Ngala fɛ́li wú hááw̃a nyɛ́i ngí ngáá pelésina bɔw̃álale nyáá lɔ́ɔ yénge Jísu Kílisitii yɛ wú hááw̃a wɛ́i wáá ngáá Júsua.

Ɛ́FƐSƆ 4:1

Náá hááw̃a, nyɛ́i ngí ngáá pelésina bɔw̃álale nyáá lɔ́ɔ yénge Ndemɔí Jísu yɛ, nyáá lɔ́ɔ wú w̃áánɛɛnɛ ngáá wú gɛ́ɛ́ háitii ɛ́ɣɛ wú híya veléitii tí ɣɛ́ ngáá kíya Ngalá ndongɔ́ ti ɣɛ́ na ná h̃u í wú lólini.

Ɛ́FƐSƆ 6:20

Ngala ngí tɔ́vengɔ ngáá ngí ɣɛ́ ngáá Jísu Kílisitii yaah̃ú keela woó vándai sí lé fái w̃a kíya bɛ́lɛ háá ngí ngáá pelésina. A Ngala fɛ́li ngáá nduwá álaa ɣɛ́ sú ná ngáá ɣɛ́a yɛ́pɛ kɔwɔ́ato keela woó vándai wa kíya kule í má ngí kɛ.

FÉLEPA 1:1

Nyɛ́i ngí ngáá Pɔ́ɔ í báha Tímoti wa niỹɛ́i ni ngáá Jísu Kílisitii yenge mbélaa, niỹa lɔ níwaa kɔlɔí sí vɔ́nɛ wú yele. Ní pɔ́nɛngɔ wú kpɛ́lɛɛ ngéle wɛ́i wú ngáá Ngalángi vóngaitii wú Félepa taa h̃u wú báhangɔ Jísu Kílisitii wa ngungi nda mɛ́ɛ Ngala fɛ́li mbélai ti wutúwɔaitii ma ɛ́ɣɛ ti bɔmba yeláitii.

FÉLEPA 2:25

Ngí gísiyaa lá ngáá kɛ aá lɔ pele w̃a ngáá ngí wú gééla hiya mbo mɔ́i Ɛpafulɔdáitɔ yangáima wú yéle, lɛ́i laá bɛ́lɛ í ngáá a mu mbála Yalá fɛ́li mɔ́i ta. Laá lɔ múl̃ɔ ngáá maa yénge mbo mɔ́ɔ́ ta. Naá laa lɔ ni ngáá Ngalá ndaa wói w̃ááɣawo mbélaa lɛ́i wú ɣɛ́ngɔ tɔvení ngáá í vá ngáá kpéɣema wɔ́lingaitii.

FÉLEPA 4:3

Ní mbála yengé mɔ́i yɛ́i tókolangɔi í w̃á ngwala ngáá yí bɔ́ mbá, bɔ́ nyah̃ái sítii mba ti woo í ɣɛ́ su yíla. Tiyá lɔ ti bɔ́ngɔ ni wa ngengengí h̃u Ngala ngói hááw̃a naa Kílɛmɛ ɛ́ɣɛ ní mbála yengé mbélaa vekaítii kpɛ́lɛɛ. Nungái sítii ti bɔ́ngɔ mbá ti laahéingai pɔnɛngɔ́ɔ́ lé kúnafɔ lɛ́ɛ́h̃u gɔ́lɔi h̃u.

KƆLƆ́SE 1:1

Nyɛ́i ngí ngáá Pɔ́ɔ, nyɛ́i Ngalá ngí kɛ́ngɔ ngáá Jísu Kílisitii géélai, nyá ɛ́ɣɛ mu mbála Yála fɛ́li mɔ́i Tímoti niỹá lɔ náa kɔlɔí sí vɔ́nɛ.

KƆLƆ́SE 4:11

Jásuwa lɛ́i taa ɣɛ́ ma múl̃ɔ Júsutɔ aá bɛ́lɛ nɔ i haaní wú w̃a. Júsuaitii ti langɔ́ ngáá Jísu Kílisitii, sítii sáángɔ lɔ nɔ́ɔ léi naá tiyéni níwaa Ngalángi w̃ásandai w̃ááyenge mbo, aáva tí bɔ́nga mbá ngwala.

TƐSALÓNIKA HESENDAA GƆLƆÍ 3:2

Aáva mu mbála Yála fɛ́li mɔ́i Tímoti, lɛ́i naá tiyéni náa yénge Ngalá mbɛ́ Ngalángi gééla woo vandaí léndai h̃u kɔwɔ́ato Kílisitii wa, ní tɔ́veni wú yéle. Ní tɔ́vei ngáá í wú lííwuulɛ, í kɛ́ ngáá háwu wú h̃uu í bá wú lángi h̃u.

TƐSALÓNIKA GƆ́LƆI HELE KÉLEI 1:1

Nyɛ́i ngí ngáá Pɔ́ɔ í báha Sáilɔ wa ɛ́ɣɛ Tímoti, niỹá lɔ́ níwaa kɔlɔí sí vɔ́nɛ wú yéle wɛ́i wú ngáá Ngala fɛ́li mbélai taí sí h̃u taá náá lolí ngáá Tɛsalónika, wɛ́i wú mu Kɛ́ɛ́ɣɛ Ngalá fááw̃a ɛ́ɣɛ mu Lemɔ́i Jísu Kílisitii.

TÍMOTI GƆ́LƆI HELE KÉLEI 1:8

Ná hááw̃a, yálaa wúfe ngáá yɛpɛndáá kɔwɔ́ato a mu Lemɔ́i Jísu Kílisitii wa, kɛlaa yɔ́ɔ wúfe ngáá ní hái sífaa ngí kpíndi vɛlɛ́ wu bɔw̃álale nyá lɔ ngáá Kílisitii yénge mɔɔ. Kɛ́ laá ɣéle, í w̃ááhei wóngɔ í ɣɛ́ la yá bɛ́lɛ í nda w̃áánɔw̃ɔi yeɣé fááw̃a kɔwɔ́ato keela woó vándai lé fááw̃a aáva Ngalá ngáá i h̃úúba ngáá yí híya su.

FELÉMO 1:23

Siỹɛndópoi sí taa ɣɛ́ ma Ɛpáfulɔ lɛ́i laa bɛ́lɛ í kpíndi vɛlɛí wu mbéi ngí na, sífaa í tɔɔỹái lengá láa bɛ́lɛ kɔwɔ́ato Jísu Kílisitii wa, i haaní i w̃a.

FELÉMO 1:24

Máa, Alesitáákɔ, Dímɔ ɛ́ɣɛ Lúu, tiyɛ́i ti ngáá mu mbála yengé mbélaitii tiyá bɛ́lɛ nɔ́ tí haaní í w̃a.

FELÉMO 1:9

Kɛ́ sífaa ndóngɔ ngáá í ye, ná lɔ́ɔ í kɛ́a ngáá háwu ngíwaa maanɛɛnɛ́ngi sí wo. Nyɛ́i ngí ngáá Pɔ́ɔ, ngí ngáá Jísu Kílisitii yááh̃u, aáva ngi hái í kɛ́a ngáá háwu ngí ngáá pelésina,