Ɛ́FƐSƆ 6:9 - Kɛ́lɛ Niinaí

⁹ Wɛ́i wú ngáá nduwɔ w̃ááliɣiaitii, wá bɛ́lɛ kɛ wááyaa wúfe wú lúwɔaitii ma. Wálaa ɣɛ́ wáá w̃aa ỹíki ti w̃a. Wú ɣɛ́ kɔ́lɔ ngáá kɛ wá bútei wú báha wú lúwɔaitii mba, wá lɔ nuu yílaa kpé mbú í ngáá wú W̃ááliɣii í ngelegóóh̃u lɛ́i áá nuu kpɛ́lɛɛ kɔ́sɔ ngáá kahá ɛ́i ɣɛ́ su.

Ɛ́FƐSƆ 6:9 Iomraidhean Croise

MÁFIYU 22:10

Aáva, bɔ́ilopoaitii tí liiní pele waláitii ma tí nungáitii kpɛ́lɛɛ ngátɛ mba tɔ́ɔ́ ti lɔ, nungái sítii ti ɣɛ́i ngáá tuva velé ỹɔ́u yelaa, ɛ́ɣɛ tuva velé vánda yelaa, tí lí ngáá ti ye, kɛ nyah̃á wɔ́li kotái wuu laá í hénga kpé ngáá sítii tí tí lolíni.

MÁFIYU 22:8

Kɛ i ngi bɔ́ilopo vekaítii tolínga, i ɣɛ ti w̃a, ‘Ní lói ỹáh̃a wɔlí kúi i folónga náa ma, kɛ́ nungái sítii ngí tí lolíngɔ taá kúlaɣɛi ngáá nungáá vaa hááw̃a.

MÁFIYU 24:48

Kɛ́ ná wɔ́lii ngenge mɔ́i ná áá ɣɛ́ ngáá nyaama w̃ɔ́ɔ, aa nde náa gi ma, i ɣɛ ta, ‘Ni núú walaí aa h̃umbuwa vaamá táiŋ suugooh̃ángɔ hááw̃a,’

MÁFIYU 24:51

Ngi núu wálai áá faa bá ngwála la má í tɔ́ve mbéinda sítii taá ngenge fái lá yaah̃ú ti núú walaí yaah̃ú kɛ́ tɛ́i mbo, tí ná. Naa lɔ taa ɣɛ́ ná táá wɔ́lɔ, táá laangɔ́lu yámɛ.”

MÁFIYU 7:12

Faalɔ, a wú mbála nuu búsaitii suuhóu kɛ kíya wáá ɣɛ́ lói ti wú h̃úúhou. Bɔw̃álale savaí Ngala ngí féni Muusé yaá ɛ́ɣɛ kalambongí Ngalá ndaa háá lé mbélaitii tí mbóni, ti h̃úúgulamai w̃úl̃ɔ.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:31

A wú mbála nuú búsaitii suuhóu kɛ kíya wáá ɣɛ́ lói ti wú h̃úúhou.

NJƆÚ 13:13

Wáá ɣɛ́ ma Kaamɔ́ɔ́ wú mɔ́ɔ́ ɣɛ má Ndemɔí, aáva aá lɔ́ pele w̃a ngáá wáá ɣɛ́a tóli h̃íí ná bɔw̃álale nyá lɔ́ ngí ngáá Kaamɔí, ngí ngáá Ndemɔí.

TI GƐ́Ɛ́ HAÍTII 10:34

Kɛ Pítɛ i pɛlɛngá yɛpɛmá, áá ɣɛ ta, “Ngí kɔ́lɔ náa ngáá tɔɔỹaá le ngáá kɛ Ngalá ngɛi suuwɔlɛ́ mbo.

LÓÓMI 2:11

Ngalá ngɛ́i suuwɔ́lɛ mbo ngi gɔ́sɔngi h̃u.

KƆ́L̃E HESENDAA GƆLƆÍ 1:2

Kɔlɔí sí lɔ́ɔ vá wú yéle wɛ́i wú ngáá Ngala fɛ́li mbélaitii wú taí sí h̃u taá náá lolí ngáá Kɔ́l̃e, wɛ́i wú w̃ááw̃uỹangɔ fó wú báha kílii su Jísu Kílisitii wa. Ngalá ngí wú lólingɔ wú ɣɛ́ ngáá ngi vóngaa í báha naá nungáá kpɛ́lɛɛ mbá ỹánda kpɛ́lɛɛ taa Ndemɔí Jísu Kílisitii hɛ́li lɛ́i í ngáá a mu Lemɔ́i, í ngáá tiyá bɛ́lɛ ti Lemɔ́i.

KƆ́L̃E HESENDAA GƆLƆÍ 7:22

Sífaa, nuí áá ɣɛ́ ngáá nduwɔ lopó í ló su Ndemɔí Jísu í tóli, kɛ maa w̃ɔ́i aa ngáá nduwɔ lopó Ndemɔí Jísu yaá. Ngimɔ́ɔ́ nɔ́ɔ múl̃ɔ ná nuu ɛ́i ɣɛ́ ngáá nduwɔ lopó í ló su Kílisitii í tóli, kɛ aá lɔ́ ngáá nduwɔ lopó Kílisitii yaá.

KƆLƆ́SE 3:25

Nuí fíli aa nyaama haa ɣɛ, aa maa w̃ááỹa sɔlɔ bɔw̃álale, Ngalá ngɛ́i suuwɔlɛ́ mbó ngi gɔ́sɔngi h̃u.

KƆLƆ́SE 4:1

Wɛ́i wú ngáá maaliɣíaitii nduwɔ lopoáitii mááh̃u, a waayaa tí h̃úúhou ngáá pangɔ́. Wálaa ti gahá. A giséi ma ngáá kɛ wa bɛ́lɛ nɔ́ wú W̃ááliɣi lɔ́ na lɛ́i í ngelegóóh̃u.

JIMISÍ 2:13

sífaa nuí sí ɛ́i nungáá yaah̃ú w̃ááw̃aanu hóu, ná Ngalá ngáá ɣɛ́ ngáá maa w̃ɔ́i gɔ́sɔ ɛi ngaah̃ú w̃ááw̃aanu hóu laá bɛ́lɛ. Kɛ́ núi sí áá nuu yááh̃u w̃ááw̃aanu hóu, Ngala ngáá maa w̃ɔ́i yaah̃ú w̃ááw̃aanu hóu kɔsɔ́ su.

JIMISÍ 2:8

Ná gíte wáá híya ngáá sava wúúỹingɔi sí pɔnɛngɔ́i Ngalá Kɔ́lɔi h̃u, ná ná áá ɣɛ, kɛ wá lɔɔ híya ngáá sí í péle w̃a. Ná wáa ngáá, sí í ɣɛ́ngɔ ta, “Ló ngáá í mbála nuú búsai kíya í lóngɔ ngáá bɔwɔ́.”

JIMISÍ 5:4

A wɔlɛ lɛ́ɛ́ sítii mba táá yénge wú híí hii ŋani beleítii su, wáá kɛngɔ́ wɔ́ɔ́ ti pávaitii fe ti yaá. Tiyá lɔɔ́ woo gúla ngáá maa w̃áh̃a behengí. Ti wɔlɔ́ woí i folónga Ndemɔí Ngalá ma lɛí í ngáá ngakpa mɔ́ɔ́ walaí.