Ɛ́FƐSƆ 6:8 - Kɛ́lɛ Niinaí

⁸ Yí ɣɛ́i ngáá nduwɔ ɔɔ yáá ɣɛ́i ngáá nduwɔ, wú ɣɛ́ kɔ́lɔ ngáá kɛ Ndemɔí Jísu lɔɔ wú w̃ááỹa fe wú yénge pandaí hááw̃a wáá mbo.

Ɛ́FƐSƆ 6:8 Iomraidhean Croise

MÁFIYU 16:27

Sífaa nuí síí w̃ɔ́i taa ɣɛ́ ma Nuu Búsa Goo H̃ú Loí aá lɔɔ vá vaamá taá ngi w̃álekaitii, aá lɔɔ vá ngi Kɛ́ɛ́ɣɛ yákpa maanɛɛnɛɛngí h̃u. Aáva aa nuí kpɛ́lɛɛ mááỹa fe ngáá ngilá ngíla kíya nuu í yénge tokoí áá ɣɛ́ na.

MÁFIYU 20:7

Nátii tí ngoo yápoteni, ti ɣɛ́ ma, ‘Nuu fíli aa ni yeɣéngɔ ngáá ni yénge mbɛ.’ Kɛ i ɣɛa ti w̃a, ‘Kɛ a lí hɔ́ɔ́ wá bɛ́lɛ wú yénge ní bélei h̃u.’

MÁFIYU 5:12

Faí nátii tɔɔ́ bɔ́ɔ́ ɣɛ ngáá wú ye, wú líílangɔ í ɣɛ́ la, wú kóóh̃unɛɛ gúla bɔw̃álale wú gúlasuunumai wála yangí í wɔ́ɔ́lɔ í ngelegóóh̃u. Ngimɔ́ɔ́ nɔ́ɔ wɔ́lɔ tɔ́ɔ faa bámaitii nda Ngalá ndaa háá lé mbélaitii má, tiyɛ́i ti ɣɛ́i wɔ́lɔ na, ná h̃u taá nɛ́ɛ ɣɛi wú léni.”

MÁFIYU 6:1

Ná vólu, Jísu í mɔ́ɔ́ ɣɛ́ ti w̃a, “A w̃aah̃ú béle ngáá wú Yála faa ɣɛndái álaa ɣɛ́ nɔ́ɔ ngáá nungáá ti yaah̃ú háa. Ná wáá ná ɣɛ, wú Kɛ́ɛ́ɣɛ Ngalá ngí ngelegóóh̃u, maaỹá fíli ɛi ɣɛ ngeyá wú hááw̃a wá bɛ́lɛ nɔ.

MÁFIYU 6:4

Ná lɔ́ áá kɛ́ áá ɣɛ́ ngáá ndɔɔwu h̃ú háa. Aáva wú Kɛ́ɛ́ɣɛ Ngalá pá áá tɔ sí wáá kɛ ndɔɔwu h̃ú, aá lɔɔ vá wú w̃ááyangi hemá.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 14:14

Aáva aa ɣɛ ngáá faa vánda í háaw̃a. Kíya bɛ́lɛ tɛi hómbo tɔɔ́ suulóo, suu áá lóo í w̃á ná sítii ti ngáá telembo mbélaa Ngalá ngaah̃ú taa yóóɣe sái h̃u.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:35

Kɛ́ a ló ngáá wú wááhilima yélaitii, wú faa bɔ́wɔ ɣɛ́ ti yɛ, wú kule vɛ́lɛ ti w̃a, aáva wú gí ngálaa ɣɛ́ na ngáá kɛ wáá ŋani fíli sɔ́lɔ ti yaá múl̃ɔ volu. Ná ná áá ɣɛ́, wú gúlasuunumai ya ngáá ɣɛ wɔɔlɔ ngwala aáva wáá ɣɛ náa ngáá Ngalá ndéngaitii lɛ́i í ngáá Ngutuwɔ́ Yála Ngwalaí, bɔw̃álale aa sítii ngaah̃ú w̃ááw̃aanu hóu taá faa bɔ́wɔ wuu wɔlɔ́ aáva ti ỹáámangɔ.

KƆ́L̃E HESENDAA GƆLƆÍ 12:13

Mu lɛ́ingaa muỹá lɔ́ ngáá Júsua, mu lɛ́ingaa maá ngáá Júsua, mu lɛ́ingaa mu ngáá nduwɔ lopóa, mu lɛ́ingaa maa ngáá nduwɔ lopóa, kɛ́ Hɛ́ɛ́ma Ỹína ngilaa kpéngi lɔ mu kpɛ́lɛɛ mú nguyaí w̃ááhɔlɔngɔ maa véle w̃a, mu gúlangɔ ngáá kpusa yílaa. Aáva Hɛ́ɛ́ma Ỹína ngiláá kpéngi lɔ áá ɣɛ́ mu yilá ngílangi kpɛ́lɛɛ pólu.

KƆ́L̃E GƆ́LƆI HELE KÉLEI 5:10

sífaa, a mu kpɛ́lɛɛ kɛ mú ló Kílisitii gakála mu gɔsɔ́ fááw̃a. Nuu yíla ngílangi fíli sí áá ɣɛ́ kɛ́ni ngeleí wu i ɣɛi ngáá ngi vánda ɔɔ ngi ỹɔ́u, aa polú háá w̃aahɔ́lɔ.

GALÉSIYA 3:28

Faalɔ, ndowah̃u kɔlɛ́ aa mɔɔ Júsuaitii ndowah̃u taa sítii taa ngáá Júsua, ɛ́ɣɛ nduwɔ lopóaitii taa sítii taa ngáá nduwɔ lopóa, ɛ́ɣɛ siỹɛngáitii ndowah̃u taá nyah̃áitii, wú kpɛ́lɛɛ wú báhangɔɔ lé náá su ngáá nuu yílaa Jísu Kílisitii wa.

KƆLƆ́SE 3:11

Náá hááw̃a, ndowah̃u kɔ́lɛ fíli áa mɔɔ sítii ndowah̃u taa ngáá Júsua ɛ́ɣɛ sítii ti ngáá Júsua, sítii ndówah̃u tí lɔ́vengɔ pɛ́lɛ vólu ɛ́ɣɛ sítii taa ti lɔ́vengɔ pɛ́lɛ vólu. Ná vólu mɔ́ɔ́, ndowah̃u kɔ́lɛ aa mɔ́ɔ sítii ndówah̃u ti ngáá ndɔwɔlɔ vékaa h̃uu yélaa ɛ́ɣɛ sítii taa wíí fáá fíli ngákɔlɔ. Ndowah̃u kɔ́lɛ aa sítii ndówah̃u ti ngáá nduwɔ lopóa taa sítii taa ngáá nduwɔ lopóa. Kɛ́ maa hái kpɛ́lɛɛ su, Kílisitii lɔ́ í ngáá faa bíkpingi, aáva aa ɣɛ Ngalá fɛ́li mbélaitii kpɛ́lɛɛ ndííh̃u.

KƆLƆ́SE 3:24

A giséi ma ngáá kɛ Ndemɔí Jísu lɔɔ va wú w̃ááỹa féma ngáá sí í ngándɔɔlɔngɔ sítii mbɛ ti ngáá ngi vóngaa, sífaa Kílisitii lɔ í ngáá wú W̃ááliɣii kái káingi wáá yénge mbɛ.

KƆLƆ́SE 3:25

Nuí fíli aa nyaama haa ɣɛ, aa maa w̃ááỹa sɔlɔ bɔw̃álale, Ngalá ngɛ́i suuwɔlɛ́ mbó ngi gɔ́sɔngi h̃u.

HÍBULU 10:35

Náá hááw̃a, wú lííbangɔ i ɣɛ nɔ́ɔ́ la bɔw̃álale, wú w̃ááỹangi wáá vá maahɔ́lɔma i wɔɔlɔ ngwala.

HÍBULU 11:26

Nganguféngi í ɣɛ́i áá va lamá kákala ngáá maanɔw̃ɔ́ Ngalángi Lókolo Mbá W̃ɔ́i hááw̃a, í ná yéɣei ngáá faa vánda í lɔ́ve Íjepi batɛítii mba bɔw̃álale, ki ngí ɣɛ́i ngi w̃ááỹangi wa í ɣɛ́i áá va maahɔ́lɔma.