Ɛ́FƐSƆ 6:6 - Kɛ́lɛ Niinaí

⁶ A yenge ti yɛ ngáá pangɔ́ bele bɛ́lɛ taá na tɔɔ́ ɣɛ́ taa wú béle. Wálaa ɣɛ́ nɔ́ɔ wáá yénge tí yaah̃ú w̃á ngáá pangɔ́ kɛinɔɔ́ ti ló ngáá wú ye, kɛ́ laá ɣéle, a yenge ngáá hɛmbɛ́i kpɛ́lɛɛ kíya Ngalá ndóngɔ wú kɛ, bɔw̃álale wá lɔ́ ngáá Kílisitii lúwɔa ɣɛ kíli.

Ɛ́FƐSƆ 6:6 Iomraidhean Croise

MÁFIYU 12:50

Nuí fíli áá sítii kɛ ní Kɛ́ɛ́ɣɛ lóngɔ la, lɛ́i í ngelegóóh̃u, maa w̃ɔ́i lɔ í ngáá ní njéé, ní ndéɣe ɛ́ɣɛ ní hééla.”

MÁFIYU 7:21

Nuí kpɛ́lɛɛ táa le taa tóli ngáá ‘Kawálai, Kawálai’ tɔɔ ɣɛ́ taá vá ɣɛ́ma Ngalángi w̃ásandai wu, kɛ nɔ́ɔ léi sítii taa sítii kɛ ní Kɛ́ɛ́ɣɛ lóngɔ la lɛ́i í ngelegóóh̃u.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 3:35

Nuí fíli áá sítii kɛ Ngalá ndóngɔ la, aá lɔ í ngáá ní njéé, ní ndéɣe, ɛ́ɣɛ ní hééla.”

LÓÓMI 6:17

Nuu áá sɛ́ɣɛɛ gulá Ngalá ma ngáá kíya bɛ́lɛ wú ɣɛ́i ngáá nduwɔ lopóa ɣɛ́ kíli faa ỹɔ́u ɣɛ́ndai h̃u kɛ́ wú bɔ́wɔ gulangá kɛ́lɛma fó fóndei tɔɔỹaá galambongí sí wu, wú mááhɔlɔni.

KƆ́L̃E HESENDAA GƆLƆÍ 7:22

Sífaa, nuí áá ɣɛ́ ngáá nduwɔ lopó í ló su Ndemɔí Jísu í tóli, kɛ maa w̃ɔ́i aa ngáá nduwɔ lopó Ndemɔí Jísu yaá. Ngimɔ́ɔ́ nɔ́ɔ múl̃ɔ ná nuu ɛ́i ɣɛ́ ngáá nduwɔ lopó í ló su Kílisitii í tóli, kɛ aá lɔ́ ngáá nduwɔ lopó Kílisitii yaá.

GALÉSIYA 1:10

Ngáá sí ɣɛ́ma nungáá lííla fááw̃a kulo bɛ́lɛ! Sí ndóngɔ la, aá wáá ngáá sí ngáá kɛ áá Ngála ndiilá. Ngáá sí ɣɛ́ma kúlo bɛ́lɛ ngáá kɛinɔɔ́ tɔ́wɔ ɔ́ɔ́ lɛ́ ɔɔ nungáá ti ló ngáá ngé. Kɛbei ná lɔ́ nɔ́ɔ ngí ɣɛ́i loí ngí kɛ, ngɛ́i béle ɣɛ ɣɛi ngáá Kílisitii yénge mɔɔ.

Ɛ́FƐSƆ 5:17

Wálaa ɣɛ́ ngáá faa yátɔ tála yelaa, kɛ́ laá ɣéle, wú yákpa wú ɣɛ́ kɔlɔ́ sí Ndemɔí Jísu longɔ́ wú kɛ.

FÉLEPA 2:12

Faalɔ, mu mbála vandáitii, kɛ kíya nɔ́ɔ hɔ́wɔ fíli wú gólongɔ í ɣɛ́ngɔ lá mbɛ́ ná ngí ɣɛ́ngɔ wú lóów̃a, aá lɔ ngáá faa wúú ỹííngɔ ngáá wú gólo mbɛ́ sí h̃u ná ngáá mɔ́ɔ wú lóów̃a. A yakpá wú wú wúmaawongi wúkula ngáá wú yákpangi kpɛ́lɛɛ Ngalá mbɛ.

KƆLƆ́SE 1:9

Háwui nátii kpɛ́lɛɛ fááw̃a, hɔ́wɔ fíli naá Ngála fɛ́li wú yɛ í séi ná h̃úú w̃á ni wú w̃áá woo ỹɛ́nini. Niỹa lɔ́ɔ́ Ngala fɛ́li ngáá í kɛ́ ngáá háwu sí ndongɔ lá nga ngi ɣɛ́ kpál̃au ngáá wú ye. Ná wáá ngáá, ngi Hɛ́ɛ́ma Ỹínangi í kɛ ngáá háwu wú géle ɣelengɔ í ɣɛ la, wúwaa fáitii ngatɔ́ mba.

KƆLƆ́SE 4:12

Siỹɛndópoi sí taa ɣɛ́ ma Ɛpáfulɔ, lɛ́i í ngáa mú mbalá Yalá fɛ́li mɔ́i ta wú gúúwui h̃u ɛ́ɣɛ Jísu Kílisitii yénge mɔɔ aa bɛlɛ́ i haaní wú w̃a. Aá lɔ́ nɔ́ɔ fɔ́ áá Ngala fɛ́li wú hááw̃a ngáá lií kpɛ́lɛɛ ngáá Ngalá ngí kɛ ngáá háwu wú h̃úú í bá wú lángi h̃u, wú ɣɛ suuwɔlɔ́ kpál̃au ngáá kɛ wú lángi wú su ngáá Jísu Kílisitii kɛ tɔɔỹaá le ɛ́ɣɛ wú gólongɔ í ɣɛ́ la Ngalá mbɛ ngáá hɛmbɛ́ fíli.

TƐSALÓNIKA HESENDAA GƆLƆÍ 2:4

Sí Ngála ngáá ɣɛ́ lói ní ndé laá lɔ́ nɔ́ɔ naá nde bɔw̃álale i lokolongá ní wa, í kééla wóó vándai léndai he ni yaá. Naá yákpama ngáá sí nɔ́ɔ áá ɣɛ́ ngáá nuu búsa liivó fái ni ná ɣɛ́, kɛ́ Ngalá lɛ́i í nuu líí h̃u háitii kɔ́lɔ, laá lɔ náa yakpá ngáá naa ɣɛ́a ndiilá.

TƐSALÓNIKA HESENDAA GƆLƆÍ 4:3

Ngalá ndóngɔɔ lé wú w̃ááw̃uỹangɔ í ɣɛ́ la fó faa ỹɔ́u fíli álaa ɣɛ́ wú h̃u. Ná wáá ngáá, kɔlɔsiyá faá álaa ɣɛ́ wú h̃ú ɛ́ɣɛ nyah̃ápo haa ɛ́ɣɛ siỹɛndópo haa.

HÍBULU 10:36

Kule lɔ́ wú w̃a wú líílɔlɔngɔ í ɣɛ́ la kɛinɔɔ́ wááyaa Ngalá fáitii kɛ́, aáva kuulóngai sítii pa Ngalá ngí mbóngɔ ngáá wú yé aa kɛ ngáá háwu ti hítɛ nga.

PÍTƐ HESENDAA GƆLƆÍ 2:15

Sífaa sí Ngalá ndóngɔ la aá waa ngáá wú lúva vélei, sítii ti lamál̃angɔ faa ỹɔ́u fíli álaa ɣɛ́ na tɔ́ɔ́ nde kɔwɔ́ato wú lúva véle vándai wa.

PÍTƐ HESENDAA GƆLƆÍ 4:2

A ná ɣɛ kɛinɔɔ́ wú wú lɛ́ɛ́h̃ui w̃áta h̃uuhíya ngeleí sí wu kíya Ngalá ndóngɔ wú kɛ, kɛ́ álaa ɣɛ́ ngáá ngeleí sí wu líívo kɛí.

NJƆÚ HESENDAA GƆLƆÍ 2:17

Ngeleí sí wú ɛ́ɣɛ sí kínɛi tí ngáá suu wɔ́lingaitiini ngáá nuu búsaa taá mɔní mɔ́ni kɛ, kpɛ́lɛɛ tɔ́ɔ́ vá vílama, kɛ́ ná maa Ngalá ndiivó fáitii kɛ, maa kúnafɔ lɛ́ɛ́h̃u w̃aahɔ́lɔ.