Ɛ́FƐSƆ 6:5 - Kɛ́lɛ Niinaí

⁵ Wɛ́i wu ngáá nduwɔáitii, a gólo wú w̃ááliɣiaitii mbu, wú wúfe ti w̃a ngwala ngáá ndiiwolé, kíya nɔ́ɔ wáa ɣɛ́ wáá yénge Kílisitii yɛ.

Ɛ́FƐSƆ 6:5 Iomraidhean Croise

MÁFIYU 6:22

Jísu i mɔɔ ndení, i ɣɛ ta, “Nuí yááh̃ui lɔ́ í ngáá lámbongi kpusaí hááw̃a. Ná nuu yááh̃uitii pángɔ áá ɣɛ́ la, ɛ́i ɣɛ́ kpindí h̃u.

MÁFIYU 6:24

Jísu í mɔ́ɔ́ ɣɛ ta, “Nuu fíli ɛi yénge masa félengɔ yɛ́ ngáá maa tɔ́iŋngɔ. Sífaa aa hilí ngáá ngiláángi, í ló ngáá pekaí, ɔɔ aa bɔwɔ́ gúla kɛlɛ́ma ngiláángi yɛ́, í híli ngáá pekaí. Nuu ɛ́i yénge maa tɔ́iŋngɔ kpéiŋ Ngalá mbɛ́ táá naholói.

MÁFIYU 8:9

Sífaa, nyá ɣéle tɔ nyá lɔ sóya nuu wala walaítii mbu, nyá bɛ́lɛ nɔ sóyaitii tɔ mbú. Ngáá ɣɛ́ sí w̃a, ‘Lí!’ aáva í lí, ná vólu, ngáá ɣɛ́ peka w̃a, ‘Vá!’ laáva í vá. Ngí mɔ́ɔ́ ɣɛ ní bɔ́ilopoi w̃a, ‘Sí ɣɛ!’ aáva í kɛ́.”

TI GƐ́Ɛ́ HAÍTII 2:46

Tí ndíi ngú ma ngáá w̃ɛɛ́ndaa Hɛ́ɛ́ma Yála Pɛ́lɛi góvii h̃u foló fíli má. Tɔ́ɔ́ w̃ɛ́ɛ́ ti vɛ́lɛitii nda bɛ́kpɛ, tí lááỹɛ ỹanda yílaa ndiiwolé w̃ááh̃u ɛ́ɣɛ kooh̃unɛ́ɛ́ h̃u.

KƆ́L̃E HESENDAA GƆLƆÍ 2:3

Ná ngí vááni wú yéle súú áá ɣɛ́i baní, ɛ́ɣɛ súú i ɣɛi áá bɛ́li í tó nduwái wa í ɣɛ́i sú.

KƆ́L̃E HESENDAA GƆLƆÍ 7:22

Sífaa, nuí áá ɣɛ́ ngáá nduwɔ lopó í ló su Ndemɔí Jísu í tóli, kɛ maa w̃ɔ́i aa ngáá nduwɔ lopó Ndemɔí Jísu yaá. Ngimɔ́ɔ́ nɔ́ɔ múl̃ɔ ná nuu ɛ́i ɣɛ́ ngáá nduwɔ lopó í ló su Kílisitii í tóli, kɛ aá lɔ́ ngáá nduwɔ lopó Kílisitii yaá.

KƆ́L̃E GƆ́LƆI HELE KÉLEI 1:12

Sí naa maayónga tevé aá wáá ngáá ni gi má ɣɛ́ngɔ lé kpál̃au ngáá ni lúva veléi i ɣɛ́i vaní ngeleí sí wúú hááw̃a ɛ́ɣɛ wá bútei wú hááw̃a. Ní ndɛɛh̃ú w̃aaw̃úỹangɔ ɛ́ɣɛ tɔɔỹáá gele h̃uuhíyanga kɛ kíya Ngalá ndóngɔ ní kɛ. Naa ná ɣɛ́ni nuu búsa géle ɣele maa véle w̃a kɛ́ Ngalángi háá bɔwɔí w̃áá véle w̃a.

KƆ́L̃E GƆ́LƆI HELE KÉLEI 7:15

Táitɔ gi ngí lóngɔ su kɛ kíya wú wú nganjéini mbɛ ɛ́ɣɛ wú ngúfema héni mbɛ ná vólu, mɔ́ɔ kɛ kíya wú kpɛ́lɛɛ wú ɣɛ́ kíli batɛngɔ́ í ɣɛ́i lá goló fááw̃a ngi gálambongaitii mbu. Faalɔ, ngi lóngi wú hááw̃a suu lɔ ɣɛ́ nɔ́ɔ́ wɔ́ɔ́lɔ kélei.

Ɛ́FƐSƆ 5:22

Wɛ́i wú ngáá nyah̃áitii, a waayaa bɔwɔ́ gúla kɛlɛ́ma wú h̃íỹɛngaitii mbɛ kíya nɔ́ɔ wáá bɔ́wɔ gúla kɛlɛ́ma ma Ndemɔí Jísu yɛ,

Ɛ́FƐSƆ 6:24

Bɛlɛ́ Ngalángi háá bɔwɔí í ɣɛ́ sítii kpɛ́lɛɛ mbɛ́ tiyɛ́i ti longɔ́ ngáá Ndemɔí Jísu Kílisitii kúnafɔ taá ngi ndá gúnafɔ.

FÉLEPA 2:12

Faalɔ, mu mbála vandáitii, kɛ kíya nɔ́ɔ hɔ́wɔ fíli wú gólongɔ í ɣɛ́ngɔ lá mbɛ́ ná ngí ɣɛ́ngɔ wú lóów̃a, aá lɔ ngáá faa wúú ỹííngɔ ngáá wú gólo mbɛ́ sí h̃u ná ngáá mɔ́ɔ wú lóów̃a. A yakpá wú wú wúmaawongi wúkula ngáá wú yákpangi kpɛ́lɛɛ Ngalá mbɛ.

FELÉMO 1:16

Kɛ́ aáva aa mɔɔ ngáá í lúwɔ lopo nɔ́ɔ, tɔvengɔ́ɔ́ lé náa nduwɔ lopólaa wa, aá lɔ́ náá ngáá mu mbála Yalá fɛ́li mɔ́i ta. Aá lɔ́ ngáá ndíívo mɔ́ɔ́ vánda wala aáva kíya ndóngɔ la, yá lɔɔ vá lóma la í lɔ́ve mbá sífaa, aá lɔ vá ɣɛ́ma ngáá í lúwɔ ɛ́ɣɛ múl̃ɔ í mbála ndangɔ́ ngáá Ndemɔí Jísu kíya nɔ́ɔ yí na.