Ɛ́FƐSƆ 6:12 - Kɛ́lɛ Niinaí

¹² Ndapií sí múwaa kɔ, a máa kɔ́ma ngáá a mú mbála nuú búsaa, kɛ́ a muỹá lɔ́ɔ kɔ ngáá ngakpa ŋáni ỹɔu ỹɔungáitii tí ngélewu tiyɛ́i tí h̃úúbangɔ, ti ngáá masangáá, ngakpá ngwála í ti yaa ngetéya súúbindingɔi sí h̃u.

Ɛ́FƐSƆ 6:12 Iomraidhean Croise

MÁFIYU 16:17

Kɛ Jísu i ɣɛa ma, “Aa lɔ́ ngáá faa vánda í hááw̃a Sáimɔ, yɛ́i yí ngáá Njɔú lói, sífaa, nuu búsa láá le ɔ́ɔ́ tɔɔỹái sí vú í lá yɔ́ɔ́ nde, kɛ́ ní Kɛ́ɛ́ɣɛi í ngelegóóh̃u aá lɔ́ í púngɔ í lá.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 4:19

kɛ́ ndɛɛh̃úi sí h̃uu hái lííhɛlɛngitii taa ɣɛ́ ti w̃a ɛ́ɣɛ ndongí taa ɣɛ́ su ngáá ngeleí sí wuu bátɛitii ɛ́ɣɛ mɔ́ni mɔ́ningi taa ɣɛ́ su taá Ngála ndaa wói w̃áá ba. Maa yélai pa tɛ́i faa fíli páá kíya nɔ́ɔ ngali ngáli tufaí hákpa fáleitii mbólo láá yílini, taa wáni.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 13:24

“A kɛ ngáá hɛmbɛ́ fíli wú lɛ́ ngáá pɛlɛ́ láa bɛ́ɛ́ngɔi ŋál̃aa véle, bɔw̃álale ngí nde wú w̃á, nuu bíh̃iw̃aa ti yá lɔɔ́ ɣɛ taa yakpá ngáá ti lɛ́ aáva tɛí hómbo.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 22:53

Ngí ɣɛ́a wú lííwaa hɔ́wɔ fíli Hɛ́ɛ́ma Yála Pɛlɛí góvii h̃u, wáá loko liyáni ngáá ngé sóu fááw̃a. Kɛ́ laa vá wúndai ŋál̃aa hɔwɔ́ lɔ́ í fólonga ma ngáá kpindí h̃u yákpangi í yénge.”

NJƆÚ 12:31

Kɛ i mɔɔ ndengá, i ɣɛ ta, “Ngeléi sí wúu gɔsɔ́ndai lɔ náá í fóloa ma. Ngeleí sí wúu w̃ása ngwalaí va, Ngalá tɔ́ɔ vá kpɛ́ma ngeleí sí wu.

NJƆÚ 14:30

A mɔí mɔ́ɔ́ yɛpɛ maa wúyeni suu ɔ́ɔ́ ɣɛ́ gooh̃á bɔw̃álale ngeleí sí wuu w̃ása ngwalaí aá tɔ́ áá va. Ngi yákpa fíli aa mááh̃u,

NJƆÚ 16:11

Aá lɔ́ áá vá kɛ́ma ngáá ti ye ngáá kɛ ti gísiyaitii táa péle w̃a kɔwɔ́ato Ngalángi gɔ́sɔngi wa bɔw̃álale Ngalá ngí ngeleí sí wúu w̃ásangi gɔ́sɔnga kílii ngáá aa veléi.

TI GƐ́Ɛ́ HAÍTII 26:18

yí kɛ ngáá háwu ti yaah̃ú w̃áá í wó, ti vólu yáfe sítii mba ti gúlangɔ ngáá kpindí h̃ú háa, ti vóte sítii mba ti ngáá faí sítii ti w̃áá áá ɣɛ́ kpál̃au. Ná vólu, tí gúla Setána yákpangi wu, ti ɣɛ́ Ngalángi yákpangi wu, ná vólu, ti lángi w̃aa véle w̃a tí su ngáá ngé, ti ɣɛ́ sítii ndiiwáá Ngalá ngi ti ɣɛ kíli batɛngá bɔwɔ́ hááw̃a ɛ́ɣɛ ti háá ỹɔítii suuhaa í ló.’ ”

LÓÓMI 8:38

Ndángɔɔ lé lá ngwala ngáá ŋani fíli ɛi hombó ɔ́ɔ́ mu betéve Ngálangi lóngi wa. Í lí bɛ́lɛ í tó ndɛɛh̃úi sí wa mú su ɔɔ mɔɔ bɔ́ɔ́ ha. Malékaa ɣele tɔ tɛ́i hómbo. Ngakpa ŋánini kele tɔ tɛ́i hómbo. Fái sítii táá híya náa ɛ́ɣɛ sítii táá vá híyama ɔɔ ngákpa péka fíli nɔ́ɔ tɛ́i ná ɣɛ́,

KƆ́L̃E HESENDAA GƆLƆÍ 15:50

Mu mbála Yalá fɛ́li mbélai, sí ngí ma aá lɔ ngáá sí, mu búsai sí kpatɛngɔ́i ngáá nduwúi ɛ́ɣɛ ŋaaw̃ɔí ɛi ɣɛ Ngalángi w̃ásandai wu aáva mu luwúi sí vá í mu w̃a áá lúúla, ɛi ndɛɛh̃úi sí w̃ááhɔlɔ áá ló na kúnafɔ.

KƆ́L̃E GƆ́LƆI HELE KÉLEI 11:14

Laáva sí áa ngáá kindaa vilí fáa, sífaa, Setána ɣele tɔ aa bɔwɔ́ gúla ngáá maléka w̃aanɛ́ɛ́ngɔ ɣɛ kíli áá hólo.

KƆ́L̃E GƆ́LƆI HELE KÉLEI 4:4

Taá laí ngáá Ngala kééla woí sífaa, Setána lɛ́i í ngáá ngalángi ngeleí sí wu, i ti gi máitii ndaavɛ́lɛnga. I kɛ́a ngáá háwu keela woó vándai lɛ́i kulangɔ́ ngáá lámbo kɛ kíli áá hólo ti w̃a, taá tɔmá. Keela wói sí lɔ na kɔwɔ́ato Kílisitii yákpa maanɛɛnɛɛ ngwalaí wa lɛ́i í ngáá kíya nɔ́ɔ jɔ́ Ngalá ngí na.

GALÉSIYA 1:16

ngáá í ngí H̃íỹɛndou Loí ɣɛ́ ngáá ngé kɛinɔɔ́ ngí keela woó vándai lé kɔwɔ́ato mba sítii ma taa ngáá Júsua. Aáva ngáá nuu fíli mɔ́ɔ́nini ndaahi fááw̃a,

Ɛ́FƐSƆ 1:21

Kílisitii w̃ásandai í ngelegóóh̃u áá lɔ́ masandái kpɛ́lɛɛ kpɛ́lɛɛ maah̃u ngelegóóh̃u. Masa tóów̃aa mbá lááheingi sí í mba, tɔvengɔ́ɔ́ lé masa tóów̃aa mbá lááheingi kpɛ́lɛɛ mbá í ngelewu ɛ́ɣɛ sí áá ɣɛ́ na kúna.

Ɛ́FƐSƆ 1:3

A mú sɛ́ɣɛɛ gula Ngalá ma lɛ́i í ngáá Kɛɛɣɛí Ndemɔí Jísu Kílisitii hááw̃a. I káámaa hɛɛ kpɛ́lɛɛ mbónga mu yɛ ɛ́ɣɛ mu h̃úúyafuw̃angi kɔwɔ́ato kpahaí wa mú su Kílisitii wa.

Ɛ́FƐSƆ 2:2

Wú lúva veléi i ɣɛngɔ ỹɔu kíya nɔ́ɔ ngeleí sí wuu yélai ti lúva véle ỹɔu ỹɔungí tí na. Lɛ́i í ỹína nyɔítii maah̃u ngelewu, wú gólongɔ i ɣɛngɔ la mbu lɛ́i mɔ́ɔ í sítii maah̃u taá kólo lálai gúla ngáá Ngalá.

Ɛ́FƐSƆ 3:10

kɛinɔɔ́ sí h̃úi náa Ngala fɛ́li mbélaitii maa véle w̃á, ngakpa ŋániitii ti ɣɛ́ Ngalángi géle ɣélengi wɔ́lɔ pele kpɛ́lɛɛ su.

KƆLƆ́SE 1:13

Ngalá ngí mu gúlanga kpíndi h̃u w̃ásandai wú, í vá ngáá mu ye lɛ́i lɛ́i ngi líívo Siỹɛndou Loí w̃ásandai wu.

KƆLƆ́SE 2:15

Ngalá ngí ngakpángi gúlani ngakpa ŋáni ỹɔu ỹɔungáitii kpɛ́lɛɛ ngeyá sái w̃áá véle w̃a Kílisitii í mbóni kulɔ́sii w̃a. I kɛni nungáitii kpɛ́lɛɛ tí ngélewu tí ɣɛ́ faa wɔ́lɔ mba ná í ɣɛ́i áá góóh̃unɛɛ ti w̃a ngáá ngi ndái í ndongá ma.

TÍMOTI GƆ́LƆI HELE KÉLEI 2:5

Nuí fíli áá ɣɛ́ loí ngi ndái í ndo ma maaɣaalí haítii su táa ɣɛ́ táá kɛ, kɛ maa w̃ɔ́i í híya ngáá saváitii taa ɣɛ́ maaɣaalí hái ná wá.

HÍBULU 12:1

Nungáá bíh̃i bih̃ingí sítii ti híya veléi ɛ́ɣɛ ti gɛ́ɛ́ haítii tɔ taá ngákɛ ngáá mu ye ngáá sí í ngáá ndangí. Faalɔ, a mú bé fái sítii mba taá kɛ́ ngáá háwu sí kule í mú w̃a mú kɛ a mɔí kɛ, ná vólu, faa ỹɔ́u ɣɛ́ndai lɛ́i ɛ́i lómbiya víli mu gɔwɔ́ h̃u. Kɛ́ áa ɣéle, Ngalángi yéngengi í mú wutúwɔ a mú mbó ngáá lií kpɛ́lɛɛ kpɛ́lɛɛ.

HÍBULU 12:4

Faa bɔ́lundai wáá híya su, ná wáá ngáá, fáá ỹɔ́i ngeleí sí wúú yélai taa ɣɛ́ taa ndá wú w̃á wáá nɛ́ɛ́ loí lápima nga wɔ́ɔ́ fólo saa lowá la.

PÍTƐ HESENDAA GƆLƆÍ 3:22

Lɛ́i va í ngáá Jísu Kílisitii, í liingá ngelegóóh̃u, aá lɔ héi ngufema ỹándai Ngalá kpéla masandáá h̃u. Ngi w̃ásandai vá tɔ malékaitii mááh̃u ɛ́ɣɛ ngakpa ŋániaitii kpɛ́lɛɛ.