Ɛ́FƐSƆ 6:10 - Kɛ́lɛ Niinaí

¹⁰ Ngapúmaa hái lɔ ngáá nde wú w̃a. Wú h̃úúbangɔ í ɣɛ́ la Ndemɔí Jísu yakpangí h̃u ngáá kpahaí wá wáá ɣɛ́ su mba.

Ɛ́FƐSƆ 6:10 Iomraidhean Croise

KƆ́L̃E HESENDAA GƆLƆÍ 16:13

A w̃aahéi wó, wú ló kpáŋ ngáá ndangí wú su ngáá Jísu, wú lííbangɔ i ɣɛ la, ná vólu, wú h̃úú i ɣɛ báni.

KƆ́L̃E GƆ́LƆI HELE KÉLEI 13:11

Faalɔ, mu mbála Yalá fɛ́li mbélai, ní yákɛɛlɛ ngoí waa ngáá a maá lɔ́. A yakpá ngáá faa fíli álaa ɣɛ́ wú gɛ́ɛ́hɔngitii mba. A wolílo ní lááhi ngoítii ma, a ɣɛ́ ngoo yílaa su ɛ́ɣɛ wú ɣɛ́ ndiiheí h̃u. Ngalangí sí áá ndongíni ngaa ndiihéi he í ɣɛ wú lóów̃a.

Ɛ́FƐSƆ 1:19

ɛ́ɣɛ ngakpa ngwálai áá fé mu yaá muỹɛ́i máá lá lá. Ngakpángi sí áá fé mu yaá, aá lɔ nɔ́ɔ

Ɛ́FƐSƆ 3:16

Ngáá Ngala fɛ́li ngáá Ngalángi háá bɔwɔí w̃áá véle w̃a wú ngakpá mááhɔlɔ Hɛ́ɛ́ma Ỹínangi yáa ngáá wú líí í bá.

FÉLEPA 3:1

Mu mbála Yalá fɛ́li mbélai, ngapúma haí waa náa ngáá sí a gooh̃unɛ́ɛ́ wú báha gilíi w̃a Ndemɔí Jísu wa. Aa ngáá faa fíli ngéya ngáá ngí fái sítii pɔ́nɛ wú yéle múl̃ɔ ngí pɔ́nɛni hése. Laáva aa ɣɛ ngáá kpɔmba wú hááw̃a wú lángitii ndo fái w̃a wú líítii su.

FÉLEPA 4:13

Jísu Kílisitii haalái h̃u, ngáá hómbo ngí híya faa kpɛ́lɛɛ su, sífaa laá lɔ áá kɛ ngí hómbo náa la.

FÉLEPA 4:8

Mu mbála Yalá fɛ́li mbélai, ngapúmaa haí wáa ngáá wú gí máa háitii ti ɣɛ́ ngáá fái sítii ti ngáá tɔɔỹaá ɔɔ ngufema háá ɛ́ɣɛ sítii tí péle w̃a ɔɔ maa w̃úỹangɔ, ná vólu, sítii nuu áá kɛ ndo mááh̃u ɔɔ sí fíli áá ɣɛ́ ngáá ngaah̃u w̃aahou háa ɛ́ɣɛ faa fíli nɔ́ɔ taá nuu lɛ́ su ɔɔ sí fíli í ngáá faa yááh̃u bétevengɔ.

KƆLƆ́SE 1:11

Bɛlɛ́ Ngalá ngí wú h̃úúba gite kpáŋ, ná wáá ngáá, suubángi áá gúla Ngalángi yákpa maanɛɛnɛ́ɛ́ngɔi h̃u, kɛinɔɔ́ wú hómbo wu híya faa báma fíli su ngáá ndiibakpá ɛ́ɣɛ ndiilɔlɔ́. Aáva niỹá lɔ́ɔ Ngala fɛ́li ngáá wú ɣɛ́ wáá sɛ́ɣɛɛ gúla Kɛɛɣɛ́i Ngála má ngáá kooh̃unɛɛ, lɛ́i í kɛ́nga ngáá háwu wú hómbonga wú wú ndá yélendai w̃ááhɔlɔ. Ná wáá ngáá, sí í ngandɔ́ɔ́lɔnga ngi vóngaitii fááw̃a ngí w̃ásandai h̃u áá kpíndi h̃u.

TÍMOTI GƆ́LƆI HELE KÉLEI 2:1

Tímoti, yɛ́i yí ngáá kóó h̃u loú ɣɛ́ kíli, faa bɔwɔ́i a maá maahɔ́lɔ áá gula kpahái h̃u maa ɣɛ́ su Jísu Kílisitii wa, bɛlɛ́ ná í í h̃úúba.

TÍMOTI GƆ́LƆI HELE KÉLEI 4:17

Kɛ́ Ndemɔí Jísu i ɣɛi pólu aáva i kɔ́i ngáá ngakpá ngáá ngí hómbo ngí keela woó vándai le ngí ngúkula fó sítii ma taa ngáá Júsua. Aáva Ngalá ngí mááɣawoni naa saí yáa.

PÍTƐ HESENDAA GƆLƆÍ 3:8

Sí náa ngíwaa woo yakɛ́ɛ́lɛ mba aá wáa ngáá sí, ngáá wú kpɛ́lɛɛ wú ɣɛ́ ngáá nuu yílaa kpé. Wú ɣɛ́ wáá ỹɔw̃ɔ́ ỹɔ́w̃ɔ liilá faa kpɛ́lɛɛ su, wú ló ngáá wú mbála Yála fɛ́li mbélaitii, wú ɣɛ́ wáá ỹɔw̃ɔ́ ỹɔ́w̃ɔ yaah̃ú w̃ááw̃aanu hóu, wú wúnga njéi ỹɔw̃ɔ́ ỹɔ́w̃ɔ yɛ́.

PÍTƐ HESENDAA GƆLƆÍ 4:11

Nuí fíli áá Ngála ngóó le, keela wói áá nde, í ɣɛ́ ngáá Ngala kééla woí. Nuí fíli pá áá ɣɛ́ ngáá kpɔmba hé mɔ́ɔ, Ngalángi ɣɛ́ la áá ɣɛ́ maa yákpangi héni mbɛ. Ná í ɣɛ h̃íí kɛinɔɔ́ faa kpɛ́lɛɛ su, Ngalá ngí tɛ maahɔ́lɔ Jísu Kílisitii w̃aa véle w̃a lɛ́i ngufema kpɛ́lɛɛ í ngeyá ɛ́ɣɛ ngakpángi kpɛ́lɛɛ kúnafɔ taá ngí ndá gúnafɔ. Amíína.

PÍTƐ HESENDAA GƆLƆÍ 5:10

Kɛ́ Ngála lɛ́i faa bɔ́wɔ kpɛ́lɛɛ áá gúla ngeya í wú lólingɔ ngáá wú ɣɛ́ mbu ngi w̃ásandaa w̃aanɛɛnɛɛngí wu í na kúnafɔ, wú báha gilíí wa wáá Kílisitii. Maanɔw̃ɔ́i íwaa wó ngáá wú ye suu aá ɣɛ́ ma gooh̃á ngwala kɛ Ngalá pá aa kɛ náa ngáá háwu faa kpɛ́lɛɛ í ɣɛ́ vaní wú yɛ, ná wáá ngáá, wú lángɔ áa ɣɛ́ gíte lá kpáŋ kpáŋ, ná vólu, wú lóó gíli bátɛngɔ aa ɣɛ lá pele kpɛ́lɛɛ su ngi hái h̃u kɛɛlɛ́ ngɛ́i ɣɛ́ mba.

NJƆÚ HESENDAA GƆLƆÍ 2:14

Nyá lɔ́ɔ kɔlɔí sí vɔ́nɛ wú yéle wɛ́i wú ngáá ndengáitii ndóngɔ ngáá wú ye, bɔw̃álale, wú kɔ́lɔ ngáá ele gíte waa ngáá mu Kɛ́ɛ́ɣɛ Ngála. Nyá lɔ́ɔ kɔlɔí sí vɔ́nɛ wú yéle wɛ́i wú ngáá ndoú lé mbélaitii bɔw̃álale, wú núi sí wɔ́lɔ í ɣɛ́ngɔ wɔ́lɔ ná ngetéyangi lɔ́kula héimai. Nyá lɔ́ɔ kɔlɔí sí vɔ́nɛ wú yéle wɛ́i wú ngáa fóningeleaitii bɔw̃álale, wú h̃úúbangɔɔ lé Ngala fái h̃u aáva Ngala kééla woí lɔ wú líí h̃u, ná vólu, wú hómboa nuí síí w̃ɔ́i w̃a taa ɣɛ́ ma Nyaama W̃ɔ́i.