Ɛ́FƐSƆ 5:8 - Kɛ́lɛ Niinaí

⁸ Wú ɣɛ́ngɔ hése wɔ́lɔ kpíndi h̃ú, kɛ́ wú báhangɔɔ lé náa Ndemɔí Jísu wa. Wáá mɔ́ɔ kpindi h̃ú. Wá lɔ náa kala kala ma. Faalɔ, wú híya gilíítii ti ɣɛ́ náa ngáá kíya sítii taa ɣɛ kala kala ma.

Ɛ́FƐSƆ 5:8 Iomraidhean Croise

MÁFIYU 3:8

Wú lúva veléitii ti ɣɛ náá pele w̃a sí áá ngákɛ ngáá nungáitii ngáá wú vólu yáfenga wú háá ỹɔítii mba.

MÁFIYU 4:16

wɛ́i wú kpindí h̃u, wá lɔɔ vá folo hólo ngwála lɔmá. Wɛ́i va wú gúlangɔ ngáá wú háángɔɔ lé, maa holói lɔ́ɔ vá ngumááwo peleí ɣɛma ngáá wu ye.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:79

Ngi hólongi va aa holó sítii ma ti héini kpindíi h̃u ɛ́ɣɛ sái í hɛ́lɛni ti w̃ááh̃u ngáá í a mu lɛ́ɛ́h̃ui h̃uuhíya kíli ɣɛ áá li ndiiheí h̃u.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 16:8

Ngapúmai náa, kpatɛ w̃ɔ́i ná i telembo tála w̃ɔ́i ná lɛ́ni í ɣɛ́i ngáá ngeyá wɔ́li maah̃ú béle mɔ́i ngáá kele ɣeléngɔ́ɔ́ lé. Sífaa nungái sítiini taá Ngala fááw̃a ngeleí sí wu, ti géle ɣelengɔ́ɔ́ lé ti lɛ́ɛ́h̃ui h̃uuhíya kíli w̃a í lɔ́ve Ngalángi vóngaitii mba.”

NJƆÚ 1:9

Lámbo kiteí áá hólo nuu kpɛ́lɛɛ mbɛ́, i ɣɛi áá vá ngelewu.

NJƆÚ 12:35

Kɛ Jísu i ti woo yápotenga, i ɣɛ ti w̃a, “Naa lɔ ɣɛ́ nɛ́nɛ kpɛ́ɛ́ ngelewongí í wú lóów̃a. A ndi ngu ma ngáá wú híyangi ná nɛ́nɛ ngelewongí í wú lóów̃a, kpindí ɔ́ɔ́ va vɛ́lɛ wú wá, bɔw̃álale nuí fíli áá híya kpindí h̃u ɛi ɣɛ áá ỹandái lɔ́ ááyaa híya na.

NJƆÚ 12:36

A lá hɔ́ɔ́ ngáá nuí síí w̃ɔ́i í ngáá ngelewongí í wú lóów̃a kɛinɔɔ́ wɔ́ɔ́ ɣɛ́ ngáá kpindi h̃uu yélaa.” Ná Jísu í sí lení, kɛ i liingá ỹandá ta mbéi í ɣɛ́i na taa ɣɛ́i taá tɔ.

NJƆÚ 12:46

Ngí vaangá ngeleí sí wu ngáá ngí ɣɛ́ ngáá ngelewo kɛ́ kíli, kɛinɔɔ́ nuí fíli áá lá ngáá ngé, maa w̃ɔ́i álaa ló kpindí gítei h̃u.

NJƆÚ 8:12

Ná Jísu í yɛ́pɛni mɔɔ nungái ngele, í ndéni, í ɣɛ ta, “Nyá lɔ́ ngí ngáá lámbongi ngeleí sí wuu yélaitii faaw̃a. Nuí fíli pá áá ɣɛ́ ngáá pólu w̃ɔ́ɔ ɛi hiya kpíndii h̃u kɛ́ aa lámbongi sí w̃ááhɔlɔ áá ndɛ́ɛ́h̃ui gitei he ngeyá.”

TI GƐ́Ɛ́ HAÍTII 17:30

Ngalá ngí volú yáfeni faa yatɔ tála haítii mba ti ɣɛ́i taá kɛ. Kɛ́ sí h̃úi, i ndengá nuí kpɛ́lɛɛ má tí ỹandáitii kpɛ́lɛɛ ngáá tí volú yafé faa ỹɔ́itii mba,

TI GƐ́Ɛ́ HAÍTII 26:18

yí kɛ ngáá háwu ti yaah̃ú w̃áá í wó, ti vólu yáfe sítii mba ti gúlangɔ ngáá kpindí h̃ú háa, ti vóte sítii mba ti ngáá faí sítii ti w̃áá áá ɣɛ́ kpál̃au. Ná vólu, tí gúla Setána yákpangi wu, ti ɣɛ́ Ngalángi yákpangi wu, ná vólu, ti lángi w̃aa véle w̃a tí su ngáá ngé, ti ɣɛ́ sítii ndiiwáá Ngalá ngi ti ɣɛ kíli batɛngá bɔwɔ́ hááw̃a ɛ́ɣɛ ti háá ỹɔítii suuhaa í ló.’ ”

LÓÓMI 1:21

Kíya bɛ́lɛ ti Ngalá kɔ́lɔ, taá ɣɛ́i taa wúfe ma ngáá Ngalá kɛlaa tɔɔ ɣɛ́ táa sɛ́ɣɛɛ gulá ma, kɛ́ laá ɣéle, tí gísiyaitii ti ɣɛ́a ngáá ngámbalamba háá, ná vólu, ti gútɔ kimaítii ngangí bíndi.

LÓÓMI 13:12

Maa hái gúlangɔɔ lé ngáá kpindíí h̃uu híyangɔɔ lé náá kíli, suu áá mɔ́ɔ́ ngelewondái wa. A mu bé fáitii kɛ́ma ngáá kíya kpéi kpíndi h̃úú yélaa taa ɣɛ́ na, kɛ́ aá ɣéle a mu ɣɛ kíli í ɣɛ́ ngáá nungáá ti w̃ááhei wóngɔ í ɣɛ́ la kɔɔ́ wɔ́ fááw̃a ngelewo sú.

LÓÓMI 2:19

Wú lángɔɔ lé lá kpál̃au ngáá wá lɔ́ ngáá pele ɣɛ mbélaa ngáá sítii ti gúlangɔ ngáá mbole yeláá ɣɛ́ kíli Ngala fái h̃u, ná vólu, wú ɣɛ́ kíli gúlangɔɔ lé ngáá lámbo fo sítii fááw̃a ti ngáá kpindí h̃úú yélaa.

KƆ́L̃E HESENDAA GƆLƆÍ 1:30

I kɛngɔ́ ngáá háwu mu báha su maa Jísu Kílisitiini. Í mú ɣɛ́ ngáá kele ɣéle mbélaa, í mu yeɣé ngáá telembo mbélaa laá búte yaá ɛ́ɣɛ í mu w̃ááw̃uỹa fó fóndei, ná vólu, í mu wúmaawo mu háá ỹɔítii ngeyá. Ngala pá i sí kpɛ́lɛɛ kɛ́ngɔ mu yɛ Jísu Kílisitii w̃áá véle w̃a.

KƆ́L̃E GƆ́LƆI HELE KÉLEI 3:18

A muỹɛ́i maa hái gúlangɔ ngáá kulaí ná í híɣenga mu gi maitii nda, nungáitii taá Ndemɔí Ngalá ngí háá w̃áánɛɛnɛngi tá lɔ mu h̃u aáva maá ɣɛ nɔ́ɔ maa ɣɛ́ ngáá kɛ kíli kélei kélei. Ndemɔí Ngalá lɛ́i í ngáá Hɛ́ɛ́ma Ỹínangi aá lɔ áá sí ɣɛ.

KƆ́L̃E GƆ́LƆI HELE KÉLEI 4:6

Ngalangí sí í ndéni ngáá bɛ́lɛ folo hólongi í hólo kpindíí h̃u, láa lɔ nɔ́ɔ múl̃ɔ áá ndé ngáá maa hólo folongí í hólo ni liítii su, í vá ngáá kele ɣelé ní yɛ kɔwɔ́ato Ngalángi yákpa maanɛ́ɛ́nɛɛngɔi wa nuu áá tɔ Kílisitii h̃u.

KƆ́L̃E GƆ́LƆI HELE KÉLEI 6:14

Wú háá álaa ɣɛ́ su yílaa wáá sítii taá lái ngáá Jísu Kílisitii sífaa, ná ɛ́i holowo. Aá ɣelé kɛ náa sí áá pele w̃a taá sí í pele w̃a taá ɣɛ́ ngáá faa yílaa? Aá ɣelé kɛ náa sítii ti ngáá kalá kála ma háitii ɛ́ɣɛ sítii ti ngáá kpindí h̃u háitii tí ɣɛ́ ỹanda yílaa?

GALÉSIYA 5:25

Faalɔ, ná Hɛ́ɛ́ma Ỹínangi í kɛ́a ngáá háwu a mu ndɛ́ɛ́h̃u gítei h̃u, kɛ i ɣɛ áá mú wúto mu lɛ́ɛ́h̃ui h̃uu híya kílii h̃u.

Ɛ́FƐSƆ 2:2

Wú lúva veléi i ɣɛngɔ ỹɔu kíya nɔ́ɔ ngeleí sí wuu yélai ti lúva véle ỹɔu ỹɔungí tí na. Lɛ́i í ỹína nyɔítii maah̃u ngelewu, wú gólongɔ i ɣɛngɔ la mbu lɛ́i mɔ́ɔ í sítii maah̃u taá kólo lálai gúla ngáá Ngalá.

Ɛ́FƐSƆ 4:18

ɛ́ɣɛ tɛ́i faa yátɔ mba. Tí ndá aa ndɛɛh̃u níínai sí wá Ngalá ngáá fe bɔw̃álale tí wolí h̃u bɔ́lɔngɔɔ lé, taá faá fíli kɔ́lɔ aáva taá lói tɔɔ́ ɣɛ́ faa wɔ́lɔ.

Ɛ́FƐSƆ 5:2

Wú gɛ́ɛ́ háitii taa wú híya veléitii ndo ngí ɣɛ́ ti h̃u kíya nɔ́ɔ Kílisitii í lóngɔ ngáá mu ye, í lɛɛh̃úi gúlangɔ kɛ́lɛma mu haáw̃a ngáá saáɣa vanda Ngalángi ndaahóungɔ.

Ɛ́FƐSƆ 6:12

Ndapií sí múwaa kɔ, a máa kɔ́ma ngáá a mú mbála nuú búsaa, kɛ́ a muỹá lɔ́ɔ kɔ ngáá ngakpa ŋáni ỹɔu ỹɔungáitii tí ngélewu tiyɛ́i tí h̃úúbangɔ, ti ngáá masangáá, ngakpá ngwála í ti yaa ngetéya súúbindingɔi sí h̃u.

KƆLƆ́SE 1:13

Ngalá ngí mu gúlanga kpíndi h̃u w̃ásandai wú, í vá ngáá mu ye lɛ́i lɛ́i ngi líívo Siỹɛndou Loí w̃ásandai wu.

TÁITƆ 3:3

Muỹá bɛ́lɛ mu ɣɛ́i wɔ́lɔ ngáá tamál̃aa mbélaa ɛ́ɣɛ kolo lála yélaa hése ɛ́ɣɛ mú yakpolowangɔ. Muỹá bɛ́lɛ mu ɣɛ́i kíya nduwɔá taa ɣɛ́ na ndiivo kɛ́i híí kpɛ́lɛɛ su ɛ́ɣɛ mu ɣɛ́i ngáá nyaama yélaa mu lólomangɔ, ná vólu, mu hilímangɔ, nungáá bɛ́lɛ tí hílingɔ ngáá mu ye.

NJƆÚ HESENDAA GƆLƆÍ 1:7

Kɛ́ ná a maa ɣɛ́ kala kála ma kíya nɔ́ɔ Ngalá kpútei í ná, í kála kála ma, ná ná áá ɣɛ́, kɛ a mu háá lɔ nɔ́ɔ su yíla. Aáva saáɣa haí Ngalángi H̃íỹɛndou Loí Jísu í mbóngɔ, aa mu wúya fó, faa ỹɔ́u fíli ɛi ɣɛ mu h̃u.