Ɛ́FƐSƆ 5:4 - Kɛ́lɛ Niinaí

⁴ Aa pele w̃a ngáá ngufe tála woo ɔɔ tamál̃a ngóó ɔ́ɔ́ ɣɛ́ áá gúla wú lá kɛlaa seemɔɔ woo kɔwɔ́ato nyah̃áa taa siỹɛ fáa wa, kɛ́ laá ɣele, a waayaa sɛ́ɣɛɛ gula Ngalá má.

Ɛ́FƐSƆ 5:4 Iomraidhean Croise

Keela woó vándai Máa í pɔ́nɛni kɔwɔ́ato Jísu Kílisitii wa MÁI 7:22

í núngaa yáa wɔ́li mɔní ɣɛ́, í túva velé ỹɔ́u wo, í nungáá vɛ́lɛ, í tóloma gúla, í maaboo ngoo le kɔwɔ́ato nungáá véka wa, í suuwɔɔlɔ́ gúla, ɛ́ɣɛ í kútɔ túva wo.

NJƆÚ 6:23

Kelé pékaa tí vaaní táá gúla Tebɛliya taí h̃u. Tí vááni mbéinda Ndemɔí Jísu í sɛ́ɣɛɛ gulaní na Ngalá ma biléi hááw̃a í féi fáŋai yaá tí mɛ.

LÓÓMI 1:28

Ná núngai sítiini ti lélenga ngáá tí kisíyai sí ɣéle tɔ mbo ngáá Ngalá, ná lɔ́ í kɛ́a Ngalá ngí lókogulaa tí h̃u ngáá tí ɣɛ́ ti lámal̃a kisiyái nátiini su. Ná lɔ́ í kɛ́a taa ɣɛ́ táá njɔlɔ haá lááli taalingái kpɛ́lɛɛ kɛ.

KƆ́L̃E GƆ́LƆI HELE KÉLEI 1:11

Wáá bɔ́ ni wa ngáá ná wááyaa Ngala fɛ́li ni haáw̃a. Ná ná áá ɣɛ́, nuu bíh̃iw̃aa taá sɛ́ɣɛɛ gula Ngalá ma kíya í nɛ́ɛ́ma yénga ni w̃a ngáá wú hɛ́li ngoí nátii kpɛ́lɛɛ í ngápotenga ni haáw̃a.

KƆ́L̃E GƆ́LƆI HELE KÉLEI 9:15

A mú sɛ́ɣɛɛ gula Ngalá ma ngi háá bɔwɔí hááw̃a ngáá nuu ɛ́i hómbo p̃ɛ́ɛ́ nuu ɔ́ɔ́ súúgula kíya ngangímba.

Ɛ́FƐSƆ 4:29

Ngoo ỹɔ́u ỹɔ́u álaa ɣɛ́ áá gúla wú la. Wú láá wóitii ti ɣɛ́ ngáá ngoo vánda vándaa táingi fíli ma ngáá sítii taá mɛ́ni, í tí gúla faa h̃u.

FÉLEPA 4:6

A wálaa ndiihɛlɛ́ fíli píli w̃a faa fíli fááw̃a. Kɛ́ aá ɣéle, a waayaa Ngala fɛ́li faa fíli fááw̃a wú béɣengɔ áá ɣɛ́ la faaw̃a. Aáva sɛ́ɣɛɛ gulama í ɣɛ́ wú líítii su hɔ́wɔ fíli ná wáá ɣɛ́ wáá fɛ́li.

KƆLƆ́SE 3:8

Kɛ́ a lokogúla náá faa ỹɔ́i sítii kpɛ́lɛɛ su. Na wáá ngáá, tuu wondái, ndiibándii ɛ́ɣɛ sílimai. Wálaa ɣɛ́ wáá ngɛɛli píli ɔ́ɔ́ ngoo ỹɔ́u fíli álaa gúla wú lá.

TƐSALÓNIKA HESENDAA GƆLƆÍ 3:9

Naá sɛ́ɣɛɛ gula nɔ́ɔ Ngalá ma ngwala wú hááw̃a. Kíya fíli naa ɣɛ́ naá fɛ́li, ni góóh̃unɛɛngɔ áá ɣɛ́ la kɔwɔ́ato wú wa. Faalɔ, naá sɛ́ɣɛɛ gulá ma náá hááw̃a.

TƐSALÓNIKA HESENDAA GƆLƆÍ 5:18

Wááyaa sɛ́ɣɛɛ gula Ngalá má faa híí fíli su nɔ́ɔ sífaa, ná lɔ́ Ngalá ndóngɔ lá wú yaa kpahaíi wa wú su Jísu Kílisitii wa.

FELÉMO 1:8

Faalɔ, kíya mu báhangɔ su Kílisitii wa, ngɔ́ɔ́ nde í w̃a kpésekele ngáá sí kule í í w̃a kɛ fááw̃a.

HÍBULU 13:15

Jísu w̃aa véle w̃a a mu ɣɛ́ nɔ́ɔ fɔ́ a maá Ngalá tɛ́. Ná lɔ́ áá ɣɛ ngáá saáɣa ɣɛ kíli nuu áá kúla Ngalá ngéle. Sí lɔ́ í ngáá saáɣai áá gúla mu la ná á maa gáhe ngáá Jísu lɔ í ngáá mu Lemɔ́i.

PÍTƐ GƆ́LƆI HELE KÉLEI 2:18

Ti yónga tevéndai kele ɣelé kíte ɛi ɣɛ́ su. Ndiivo kɛɛ́ ỹɔ́u ỹɔungáitii taa ɣɛ su ngáá lúwui, laá lɔ́ taá nungáitii píli lá faa ỹɔ́u ɣɛ́ndai h̃u. Ná wáá ngáá, nungái sítiini taa ɣɛ́ nɔ́ɔ taá gɔ́wɔ gúla ngáá niina nungái sítiini ndiiwáá ti lɔ́ngɔ ti ɣɛ́ngɔ faa ỹɔ́i h̃u taá tiyéni.

PÍTƐ GƆ́LƆI HELE KÉLEI 2:7

Nuí léi í maaɣawóni i ɣɛi ngáá siỹɛndópoi sí tɔ́ɔ ɣɛ́ ma Lɔ́ti. Lɔ́ti i ɣɛi ngáá tuva velé vánda w̃ɔɔ, laáva ndiiỹááningɔ í ɣɛi lá kɔwɔ́ato njɔlɔ háitii mba nyaama yélai nátii ti ɣɛ́i su taa walá wálai nátii su.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:10

Kɛ́ nungái sítii taa faa fíli suuhaláta tɛ́i ngátɔ mba. Ti gulangɔ́ɔ́ lé ngáá ndɔbɔ huwáa sí ɣéle tɔ tí faa wɔ́lɔ mba kulo aá lɔ́ áá ti ɣɛ kíli ỹaaní.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:13

Ngufe tálai í ti h̃u kɛɛlɛ́ ngáá mba kíya nɔ́ɔ njɛí áá ɣɛ́ áá lúndɛ ngí húúlengi áá lɛ́nga. Ti gúlangɔɔ lé ngáá temúleɣai áá ɣɛ́ káka su, Ngalá ngáá ɣɛ ỹanda bátɛni mbɛ kpindí wála h̃u áá ɣɛ́ na kúnafɔ.