Ɛ́FƐSƆ 5:3 - Kɛ́lɛ Niinaí

³ Ná wú ngáá Ngalángi vóngaitii náa, wú lúva veléi í kɛ ngáá nuu fíli ɛi gisíya ngáá kɛ wú tá fíli wáá kɔlɔsiyá mbó kɛlaa njeé sína w̃áá luvá, kɛlaa wɔ́ɔ́ ɣɛ́ ngáá mɔní mɔ́ni mbélaa.

Ɛ́FƐSƆ 5:3 Iomraidhean Croise

MÁFIYU 15:19

Sífaa, núi gí mai lɔ́ kisiyá ỹɔ́i áá gúla na sí áá kɛ ngáá háwu í nuu váa, í kɔ́lɔsiya mbo, í ŋúỹa wó, í káha hééle woo le, ɛ́ɣɛ í maaboo ngoo le kɔwɔ́ato nungáá véka wa.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:15

Jísu i ndiní ngú ma ngáá yɛpɛndáá faŋaí ná yéle, i ɣɛ ti w̃a, “A w̃aah̃ú béle ngáá wálaa ŋani fíli máa lii víli goo ya. Sífaa nuu yí bɔ́ɔ́ batɛ́ í hɔ́lɔ wɔlíngi í w̃ɔ́lu í w̃á ná ɛi kɛ ngáá háwu í lɛ́ɛ́h̃ui ɔ́ɔ́ ló na.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 16:14

Júsuai sítii taa ɣɛ́ ti w̃a Falósiai tí ngoí sítii kpɛ́lɛɛ mɛ́nini Jísu í ndéni, aáva ti náholo w̃ɔl̃íngɔ i ɣɛi lá ngwála. Faalɔ, tí pɛ́lɛni laa bɛ́ɛ́luma ngáá Jísu, tíwaa ngɛlɛ́ gúla su.

TI GƐ́Ɛ́ HAÍTII 15:20

Kɛ́ laá ɣéle, mú kɔlɔ vɔ́nɛ ti yelé, mú nde ti w̃a ngáá tálaa kpaló mba ỹɛ́ɛ́ni fíli mɛ́ sí taá ɣɛ́ naá kɔɔ kɔɔ́ ŋáni fíli kɔ́ni la taa ti yeɣé ngáá ngalángaa. Kɛ́ múl̃ɔ ti bé kɔlɔsiyá mbóndai wa. Ná vólu, tálaa suwa fíli mɛ́ tɛ́i ɣɛ́ mboló laa léveni kɛlaa tɔɔ́ ŋaaw̃ɔ ỹɛ.

TI GƐ́Ɛ́ HAÍTII 20:33

Ngáá nɛ́ɛ́ nuu fíli ngi wɔ́li faa viliní lii vólu, ɔ́ɔ́ bɔ́ɔ́ ɣɛ ngáá kaní kóle ɔɔ góóli kɛlaa kula.

LÓÓMI 1:29

Tiyá lɔ́ ngáá fáá ỹɔ́u yélaa ti ỹáámangɔ, ná vólu, tiyá lɔ́ ngáá mɔní mɔ́ni mbélaa. Ti hilimangɔ́ɔ́ lé ngwala, ti ngáá tolóma yélaa, ná vólu, tiyá lɔ́ ngáá nuu váá mbélaa, ti ngáá ndaahasá yélaa ɛ́ɣɛ káha yélaa. Aáva nuu bɔ́ndai faaw̃á wáá tiyéni naa bangɔ́ɔ́ lé ngwála, ná vólu, tiyá lɔ́ ngáá njɛpɛ mba yélaa.

LÓÓMI 16:2

A lokohéi mbu ngáá pangɔ ngáá kíya nɔ́ɔ kule aa ɣɛ́ Ngalángi vóngaitii ma ti lókohei nuu wu áá ɣɛ́ lái ngáá Ndemɔí Jísu. A bɔ́ mba pele kpɛ́lɛɛ su bɔw̃álale aá lɔ́ ngáá kpɔmba w̃ɔ́ɔ́ vánda nuu bíh̃i bíh̃i faaw̃a kpahangɔ́ nyá gíte ɣele tɔ mba.

LÓÓMI 6:13

Wálaa kɛ wú lúwui waa wɔ́lingaitii tá fíli tɔɔ́ gúla kɛlɛ́ma faa ỹɔ́u ɣɛ́ndai yɛ, tɔɔ́ ɣɛ́ ngáá kíya nɔ́ɔ ngenge nyáákani taa ɣɛ́ na faa ỹɔ́u ɣɛ́ndaa h̃u. Kɛ́ áá ɣéle, a bɔwɔ́ gúla kɛ́lɛma Ngalá mbɛ, wú ɣɛ́ kíli í ɣɛ́ nɔ́ɔ́ ngáá kíya nungáá taa ɣɛ́ yooɣénga saa h̃u, tí ɣɛ́ ndɛɛh̃ú h̃u. Wú lúwui waa wɔ́lingaitii kpɛ́lɛɛ kúla kɛlɛ́ma Ngalá mbɛ faa vándani kɛndáá h̃u.

KƆ́L̃E HESENDAA GƆLƆÍ 10:8

Málaa kɔlɔsiyá fáa ỹaani mbó kɛ kíya ti lɛ́ingaa tí kɛ́ni aáva folo yílaa tí hái ngáá tásu puu félengɔ maah̃úú sáángɔ.

KƆ́L̃E HESENDAA GƆLƆÍ 5:1

Nungáá tí ndénga má gíte ngáá kɛ kɔlɔsiyángi lɔ wú lííwaa ngwala ngáá ngi híí ɣele tɔ aa sítii ndowah̃u taa ngáá Ngala fɛ́li mbélaa. Ngí mɛ́ningɔ ngáá siỹɛndópo yiláá i ngi kɛ́ɛ́ɣɛ ỹáh̃ai ta yéɣenga ngáá ngi ỹáh̃a.

KƆ́L̃E HESENDAA GƆLƆÍ 6:13

Nuí tá áá ɣɛ́ tá, “Mɛɛníi lɔ́ na nuu gói hááw̃a, aáva nuu gói vá tɔ na mɛɛníi hááw̃a.” Tɔɔỹáa le, kɛ́ Ngalá tɔɔ vá ti héi h̃u félengɔ ỹáánima. Nuu lúwui aa na kɔlɔsiyá fááw̃a. Kɛ́ laá lɔ na ngáá kɛinɔɔ́ Ndemɔí Jísu í ngúfemaa w̃ááhɔlɔ maa véle w̃a. Ndemɔí Jísu va tɔ́ áá maah̃u béle.

KƆ́L̃E HESENDAA GƆLƆÍ 6:18

A w̃aavéla kɔlɔsiyángi wa. Faa ỹɔ́u vékaitii kpɛ́lɛɛ nuí áá kɛ tɛí faa ɣɛ́ ngáá nduwúi. Kɛ́ nuí áá kɔ́lɔsiya mbó, kɛ aá lɔ́ɔ faa vɛ́lɛ bɔwɔ́ lúwui wa.

KƆ́L̃E GƆ́LƆI HELE KÉLEI 12:21

Aáva nyá lɔ́ɔ gísiya ngáá ná ngáá vá Ngalá lɛ́i ngíwaa fɛ́li aa kɛ ngáá háwu ngí wúfe wú gákala. Nyá lɔ́ɔ gísiya ngáá maaw̃aanú áá ɣɛ má wú bíh̃iw̃aa hááw̃a wɛ́i wúwaa ndí ngu ma ngáá faa ỹɔ́itii kɛ́ndaa wú tɔ́kula héingɔ wɔ́lɔ aáva wáá nɛ́ɛ́ vólu yáfei maa háá ỹɔu ɣɛndái wa ná wáá ngáá, kɔlɔsiyángi ɛ́ɣɛ njeé sína w̃áá lúva wóndai ɛ́ɣɛ njɔlɔ haa ɣɛ́ndaitii.

Ɛ́FƐSƆ 5:12

Aa ɣɛ́ ngáá ngufe fáá wala ngáá nuu áá laa lúba bɛ́lɛ sí wa taá kɛ́ ndɔɔwu h̃u.

Ɛ́FƐSƆ 5:5

Wú ɣɛ́ kɔ́lɔ ngáá kúnafɔ nuu fíli ɛi ɣɛ́ Kílisitii taa Ngalángi w̃ásandai wu ná áá kɔlɔsiyá mbó, ɔɔ í njeé sína w̃áá luvá wó, ɔɔ i ngáá mɔní mɔ́ni mɔ́ɔ́. Kɛ ngimɔ́ɔ́ nɔ́ɔ nuí fíli áá nungáá yáa wɔ́li kɛ ngáá liivó ngwála kɛ náá w̃ɔ́i ndá yála mil̃á.

FÉLEPA 1:27

Faa fíli ɔ́ɔ́ bɔ́ɔ́ ɣɛ, a luva veléitii kɛ vaní kɛ kíya keela woó vándai kɔwɔ́ato Kílisitii wa í ndéngɔ ngáá ti ɣɛ́ na. Faalɔ, bele pá ngáá vá ngí wú héi heí ɔɔ ngɛ́i ɣɛ́ vaaní, ngi wú w̃áá woo ỹɛ́ni ngáá wá lɔ lóóni kpáŋ ngoo yílaa sú ɛ́ɣɛ kisiyá yílaa su aáva wáa lápi ngáá wú lángi í ɣɛ́ yíla kpé kɔwɔ́ato Ngalángi gééla woo vandaí wa.

KƆLƆ́SE 3:5

Sítii kínɛi tí wú h̃u ngáá faa ỹɔ́itii ngeleí sí wu, a vólu yafé ti kpɛ́lɛɛ mbá. Ná wáá ngáá, kɔlɔsiyá fáitii ɔɔ njeé sína w̃áa lúva wóndaitii ɔɔ nyah̃á w̃ɔ́nini ngaa siỹɛ mɔ́ni táá víli nuu líí vólu ɔɔ nyaama gúla mɔní ɔɔ mɔ́ni mɔ́ningi. Kɛ ngimɔ́ɔ́ nɔ́ɔ nuí fíli áá nungáá yáá wɔ́li kɛ ngáá liivó ngwála kɛ náá w̃ɔ́i ndá yála mil̃a.

TƐSALÓNIKA HESENDAA GƆLƆÍ 4:3

Ngalá ndóngɔɔ lé wú w̃ááw̃uỹangɔ í ɣɛ́ la fó faa ỹɔ́u fíli álaa ɣɛ́ wú h̃u. Ná wáá ngáá, kɔlɔsiyá faá álaa ɣɛ́ wú h̃ú ɛ́ɣɛ nyah̃ápo haa ɛ́ɣɛ siỹɛndópo haa.

TƐSALÓNIKA HESENDAA GƆLƆÍ 4:7

Sífaa, Ngalá ngáá mu yeɣéngɔ ngáá mu ɣɛ́ faa ỹɔ́i nátii kɛ́ ndaani su, kɛ́ aá ɣéle, i mu yeɣéngɔ ngáá ngi vóngaa ngáá faa ỹɔ́u fíli álaa ɣɛ́ mu h̃u.

TÍMOTI HESENDAA GƆLƆÍ 2:10

Kɛ́ laá ɣéle, ti w̃ááyili walaí í ɣɛ́ ngáá tuva velé vándaitii táá ɣɛ́ ti h̃u kíya kule áá ɣɛ́ nyah̃ái sítii ma taa ɣɛ́ ta tiyá lɔ ngáá Ngala fɛ́li mbélaa taá kɛ.

TÍMOTI HESENDAA GƆLƆÍ 3:3

Ngala fɛ́li mbélai ti wutúwɔɔ w̃ɔ́ɔ́ álaa ɣɛ́ ndɔɔ hoú h̃u, ɔɔ ɔ́ɔ́ ɣɛ́ ngáá ndapi gúla mɔ́ɔ́. Kɛ́ laá géle, í ɣɛ́ ngáá nuu kɛngɔ́ áá ɣɛ́ la lúúỹaa. Álaa ɣɛ́ ngáá ndaahasá w̃ɔ́ɔ. Álaa ɣɛ́ ngáá nuú naholó háá vílingɔ ɔ́ɔ́ ɣɛ́ lá ndii vólu.

TÍMOTI HESENDAA GƆLƆÍ 6:10

sífaa, ndongí nuu áá ɣɛ́ sú ngáá naholoí ngwala laá lɔ í ngáá sapeí faa ỹɔ́i híí kpɛ́lɛɛ kpɛ́lɛɛ mbu. Nungáá lɛ́ingaa va naholó w̃ɔ́ni í ti w̃a ngwala í kɛ́a ngáá háwu ndangí taa ɣɛ́ su ngáá Jísu Kílisitii i gulaá ti h̃u aáva ndiihoolɛ́ bíh̃i kpih̃i ngi langá tí w̃a.

TÍMOTI GƆ́LƆI HELE KÉLEI 3:2

Nungáitii taa ɣɛ́ nɔ́ɔ loí ngáá bɔwɔ́, naholói ɛ́ɣɛ kpátɛi w̃aa líí vilingɔ́ aa ɣɛ́ lá tí lii vólu, aáva ti yóngangɔ áá ɣɛ́ lá ti h̃úúwɔɔlɔngɔ múl̃ɔ. Taá ɣɛ́ ngáá ngɛɛlí píli mbélaa ɛ́ɣɛ ti goló lálangɔ ti lé mbélaitii mbɛ ɛ́ɣɛ ti ngáá faa bɔ́wɔ wúu wɔlɔ́ tála yelaa. Ngala fái ɛi ɣɛ ti w̃a.

TÁITƆ 1:11

Kule lɔ í w̃á yí ti betéve nátii mba, bɔw̃álale tiyá lɔ́ɔ́ nde kpambíaitii ngú ngapóte ngáá kalambongí sí kule áá tí w̃a tɔɔ́ mbó. Tiyá lɔ́ɔ ngufe tála galambongí sítii mbo nɔ́ɔ naholó hɔ́lɔ fááw̃a.

TÁITƆ 1:7

Ngala fɛ́li mbélai ti wutúwɔɔ w̃ɔ́ɔ fíli aá lɔ́ ngáá Ngalá ngénge mɔ́ɔ. Faalɔ, tɔmbema w̃áá fíli álaa ɣɛ́ maa w̃ɔi wa. Maa w̃ɔ́i álaa ɣɛ ngáá suuwɔɔlɔ́ w̃ɔ́ɔ́ ɛ́ɣɛ ndiibándi bándi w̃ɔ́ɔ́, kɛlaa ɔ́ɔ́ ɣɛ́ ngáá nuu áá ɣɛ́ ndɔɔ hou h̃u ɔɔ, ɔ́ɔ́ ɣɛ́ ngáá ndapí gúla mɔ́ɔ́. Álaa ɣɛ́ ngáá kahá w̃ɔ́ɔ́ yawo wɔndaa híí fíli su.

TÁITƆ 2:3

Nyah̃á bákolongaitii kala ngáá tiyá bɛ́lɛ tí híya veleítii ti ɣɛ́ ngáá sítii kɛ́ kíli taa ɣɛ́ Ngála fááw̃a. Tálaa ɣɛ́ ngáá ndɛɛ vɛlɛ́ mbá yélaa ɔɔ ndɔɔ bɔ́le mbélaa wala, kɛ́ láa ɣéle, tí ɣɛ́ ngáá kalambo pánda wó mbélaa,

HÍBULU 12:16

A naa w̃ááh̃u béle gíte ngáá kɛinɔɔ́ nuu fíli álaa ɣɛ́ kɔ́lɔsiya mbóndaa h̃u ɔɔ álaa ɣɛ́ ngáá nuí sí áá Ngalá fááw̃a kíya Ísɔ í kɛ́ni. Ná wáá ngáá, ná kpɔkɔ ỹɛ́ɛ́ni ỹɛ́ tái ngiláá í fóloni ma, Ísɔ í ndiyalaí w̃áá híyani ngí ndéɣe w̃a ngáá í ngi ndéɣe ỹɛ́ɛ́nii ỹɛ.

PÍTƐ HESENDAA GƆLƆÍ 5:2

sí ngíwaa nde wú w̃a aá wáa ngáá sí, a ɣɛ́ wáá Ngala fɛ́li mbélaitii ti háá yeɣé ngáá loko félengɔ kíya nɔ́ɔ mbaala w̃ááh̃u béle mɔ́i áá mbaalaítii ti hái yeɣé. Ná wáá ngáá, sítii Ngalá ngáá ɣɛ kɛ́i ngáá háwu wáá ɣɛ́ ngáá ngutuwɔ́ yélaa ti hááw̃a. Laáva wú kɛ ndiiwolé w̃ááh̃u kíya Ngala ndóngɔ wú kɛ, kɛ́ wálaa kɛ́ kíya nɔ́ɔ taa ɣɛ́ wú bándangɔ nga ngáá wú kɛ. Wálaa ɣɛ́ wáá kɛ nɔ́ɔ ngáá wú ŋani hɔ́lɔ polú véle h̃u, Kɛ́ aá ɣéle, wú kɛ sífaa wú lóngɔ wú kɛ.

PÍTƐ GƆ́LƆI HELE KÉLEI 2:10

ngungí nda mɛ́ɛ́ gíte sítiini ma ti hítɛngɔ nɔ́ɔ́ ti líívo kɛɛ ỹɔu ỹɔungáitii polú ngáá luwúi aáva Ngalángi yákpangi wúfema fíli aa tí yɛ. Maa lɛ́ɛ́ galambo mbo mbélaitii ti liibángɔ áá ɣɛ lá ngwála ti lii wɔ́ɔ́lɔngɔ ti w̃a, nduwá fíli pá ɛi ɣɛ́ ti h̃u ngáá ti sítii suuhalatá tí ngakpa su Ngalá ngéya ngelegóóh̃u.

PÍTƐ GƆ́LƆI HELE KÉLEI 2:14

Ti yaah̃ú lɔ nɔ́ɔ fɔ́ kɔ́lɔsiya mbá, ti lii vá ngɛ́i la faa ỹɔ́u ɣɛ́ndai h̃u kulo bɛ́lɛ. Sítii ti h̃úúbangɔ láá le Ngala fái h̃u taa nátii píli kaka péle wa. Mɔní mɔ́ni fáá wala vilingɔ́ tí líí vólu ngwala, kɛ́ aáva Ngalángi vélengi lɔ́ ti wa.

PÍTƐ GƆ́LƆI HELE KÉLEI 2:3

Maa lɛɛ gálambo mbo mbelaí sítiini ŋani w̃áálii vílingɔ aa ɣɛ́ lá ngwala ti lii vólu, faale, taá ndɛɛ háá bíh̃i bih̃i sei heínga ngáá kɛinɔɔ́ ti ɣɛ́ taá ŋani w̃ááhɔlɔ su wú yáá. Aáva kaví te náá ti ndá gɔ́sɔngi sí wáálevengɔ ngáá taá vélei ɛ́ɣɛ kɛ kíli ỹaaní íwaa vá wóma ngáá ti ye, aa siɣemá ma.

FAA YÁKƐ KƆ́LƆI 2:14

Kɛ́ fái sítii tɔ ngáá wú báálɛ hóu sú. Wú lɛ́ingaa lɔ na wú hítɛa kalambongí sí vólu Béél̃ɔ í Bééla galambóngɔ lá ngáá í Ísulɔ yeláitii píli faa ỹɔ́i ɣɛndaa h̃u. Ná wáá ngáá, mɛɛni sítii mɛ́ndai taá fé kɔɔ kɔ́ɔ ŋániaitii mbɛ taa ti yeɣé ngáá ngalángaa ɛ́ɣɛ kɔlɔsiyá mbóndai.

FAA YÁKƐ KƆ́LƆI 2:21

Ngí kúú hénga nyah̃ápoi sí yáa ngáá í vólu yáfe ngí háá ỹɔítii mba, kɛ́ aa kɛ́ma ɔ́ɔ́ lókogula ngi gɔ́lɔsiyangi h̃u.

FAA YÁKƐ KƆ́LƆI 21:8

Kɛ́ sítii nduwá ndúwa ngáá ɣɛ́ tí h̃u Ngala fáá ɣɛndái h̃u, sítii taa lá ngáá Ngalá kɛ́ tɛ́i ndí ngu ma taa sítii taa híɣe Ngala péle giteí wa í báha sítii mba ti ngáá nuu váá mbélaa ɛ́ɣɛ kɔlɔsiyá mbélaa taa súkɛ yélaitii ɛ́ɣɛ kɔɔ kɔɔ́ ŋani hɛ́li mbélaitii taá ndɛ́ɛ yélai ti kpɛ́lɛɛ ti lííw̃ai waá ngáá ngɔmbu hó ngwálai h̃u ngɛ́i w̃ááku nyɔu ỹɔungí áá w̃ɔ́ ngwala kíya fukú í na i su. Saí helé kélei wómai va mil̃á.”

FAA YÁKƐ KƆ́LƆI 22:15

Kɛ́ sítii ti ngáá nyaama yélaitii ɛ́ɣɛ súkɛ gúla mbélaitii taa kɔlɔsiyá mbélaitii ɛ́ɣɛ nuu váa mbélaitii ɛ́ɣɛ sítii taá kɔɔ kɔɔ́ ŋániitii fɛ́li ɛ́ɣɛ sítii ti longɔ ngáá ndɛɛ gɔ́ɔ́landai, tɛí lí taa walái ná h̃u kúnafɔ.

FAA YÁKƐ KƆ́LƆI 9:21

Táa gahéi tɔɔ́ vólu yáfe nuu váándai wa, súkɛ gúlandai, kɔlɔsiyá mbóndai ɛ́ɣɛ ŋúỹa wóndai.