Ɛ́FƐSƆ 5:26 - Kɛ́lɛ Niinaí

²⁶ Jísu Kílisitii i ná ɣɛ́ni kɛinɔɔ́ í Ngala fɛ́li mbélaitii kɛ kíli batɛ́ Ngalá mbɛ ndaa wói w̃aa véle w̃a, í tí wúya njɛ́i wu

Ɛ́FƐSƆ 5:26 Iomraidhean Croise

NJƆÚ 15:3

Wú ɣɛ́ kíli batɛngɔ́ɔ́ lé naá fó ngáá kalambongí sí ngí mbónga ngáá wú ye.

HÍBULU 10:22

a mú lókola Ngalá ma, a mú lí kakála ngáá ndiiwóle. A maa ná ɣɛ́ sífaa, Jísu í mu gi mái ɣɛ́nga kpál̃au ngáá faa fíli aa mu wa, a mu w̃aaw̃úỹangɔɔ lé fó ngáá njɛ vanda.

NJƆÚ 3:5

Kɛ Jísu i ngoo yápotenga, i ɣɛ ma, “Tɔɔỹái va tɔ ngáá nde í w̃a ngáá kɛ léi nuu í nde mááhɔlɔ njɛ w̃áá velé w̃a ɛ́ɣɛ Hɛ́ɛ́ma Ỹínangi w̃aa véle w̃a, kɛ́ ná láá le, ɛi ɣɛ Ngalángi w̃ásandai wu.

KƆ́L̃E HESENDAA GƆLƆÍ 6:11

Aáva ngimɔ́ɔ́ wú lɛ́ingaa wú ɣɛ́ngɔ na. Kɛ́ wú wúyangɔɔ lé náa faa ỹɔ́i yaa. Ngala ngí kɛ́a ngáá háwu tɔmbema w̃áá fíli aa wú wá. Wú ɣɛ́a ngáá telembo mbélaa Ngala ngááh̃u Ndemɔí Jísu Kílisitii laahéingi h̃u ɛ́ɣɛ Hɛ́ɛ́ma Ỹínangi w̃áá véle w̃a.

Ɛ́FƐSƆ 6:17

A lokohéi ngumaawóngi wu Ngalá ngáá fé wú yáá í ɣɛ́ ngáá kɔlu wɔɔlɔ́ ɣɛ́ kíli wú wú mba. Ngalá ngói Hɛ́ɛ́ma Ỹínangi áá fe í ɣɛ́ wú yáá ngáá kɔɔ wɔ́ mbówa hɔ́kpɔ ɣɛ kíli.

NJƆÚ HESENDAA GƆLƆÍ 5:6

Jísu Kílisitii sí lɔ í vááni ngeleí sí wu. Aáva faa sáángɔ lɔ na taa faa yákɛ kɔwɔ́ato Jísu vaalái wa aáva tiyá lɔ woo h̃u. Tiyá wáa ngáá, njɛi ná í ngúyai w̃ááhɔlɔni la, ɛ́ɣɛ ngi yááw̃ɔi í vúni ná tí pááni ɛ́ɣɛ Hɛ́ɛ́ma Ỹínangi. Aa ɣɛi nɔ́ɔ léi ngáá njɛ yílaa kɛ́ njɛíni ngáá ŋaaw̃ɔí ti ɣɛ́i na. Aáva Hɛ́ɛ́ma Ỹínangi gíte aa maa hái yakɛ́ kpál̃au ngáá kɛ tɔɔỹaá le bɔw̃álale Hɛ́ɛ́ma Ỹínangi lɔ ngáá tɔɔỹaá w̃ɔ́ɔ.

TÁITƆ 2:14

I lɛɛh̃úi gúlangɔ kɛ́lɛma mu haáw̃a ngáá í mu w̃ááɣawo faa ỹɔ́itii kpɛ́lɛɛ ngéya ɛ́ɣɛ í mú háá ỹɔítii ngúya mu w̃a fó, mu ɣɛ́ ngáá nungáá taá ɣɛ́ faaw̃a nɔ́ɔ ɛ́ɣɛ mu ɣɛ́ kíli batɛ́ngɔ í ɣɛ́ lá faa vánda ɣɛ́ fááw̃a.

HÍBULU 10:10

Sífaa Jísu Kílisitii í sí ɣɛ́ni Ngalá ndóngɔ í ɣɛ́i lá ngáá í kɛ. Ná wáá ngáá, i ɣɛi ngáá saáɣa a mu kpɛ́lɛɛ fááw̃a naa héiw̃aa i yíla kpé kúnafɔ fááw̃a, ná vá tɔ náa í kɛ́a tɔmbema w̃áá fíli áá mu wa Ngala ngááh̃u.

PÍTƐ HESENDAA GƆLƆÍ 3:21

Maa njɛ́hengi ná hái w̃áábale mbaa ngáá ngúyai a maá maahɔ́lɔ, áá kɛ ngáá háwu maá ngúmaawongi w̃ááhɔlɔ. Wáá ngúmaawongi sí w̃ááhɔlɔ sífaa, Jísu Kílisitii í yoɣénga sái h̃u. Aáva maa wúyai aa nɔ́ɔ ngáá sí a maá mbo léélaa, kɛ́ aá ɣéle, aá waa ngáá ná a maa Ngala fɛ́li ngáá í mu gí mai ɣɛ kpál̃au ngáá muỹá lɔ́ɔ lɛ́ɛ́h̃ui h̃uuhíya kíya ndongɔ́ mú suuhíya.

HÍBULU 9:14

Ná ɣɛ́ndai ɣéle na ɔ́ɔ́ kpalo wúya nuu w̃a kɛlaa Kílisitii ỹááw̃ɔi, laá ɣéle p̃ɛ́ɛ́, aa hombó í faa wála ɣɛ́ í lɔ́ve ná wa. Hɛ́ɛ́ma Ỹínangi w̃áá véle w̃a í na kúnafɔ, Kílisitii í bɔwɔ́ gúlani ngáá Ngala sááɣa faa ỹɔ́u vó fíli áá mba. Ngi ỹááw̃ɔi w̃áá véle w̃a, a mu gi máitii kɛ kíli aa batɛ́ ngáá a mu lóko ɛ́i mɔ́ɔ́ ɣɛ ngangímba lála háitii mba nuu áá kɛ kɛinɔɔ́ a maayáá yengé Ngalá mbɛ lɛ́i í ndɛɛh̃ú h̃u.

TI GƐ́Ɛ́ HAÍTII 22:16

Ndeé lɔ náa yíwaa maalɛ́lɛ? Yooɣé, yí nguyaí w̃ááhɔlɔ, yí Ndemɔí w̃ááloli, í í háá ỹɔítii nguya í w̃a.’ ”

PÍTƐ HESENDAA GƆLƆÍ 1:2

Ngalá lɛ́i í ngáá Kɛɛɣɛí i lokolongɔ́ wú wá ngáá ngi vóngaa áá gúla kpɔwɔ́ bɔ́wɔ haa h̃uubatɛ su. Hɛ́ɛ́ma Ỹínangi vá tɔ náa í kɛ́ngɔ ngáá háwu wú ɣɛ́ kíli batɛngɔ́ fó Ngalángi yéngengi hááw̃a. I ná ɣɛ́ngɔ ngáá kɛinɔɔ́ wú gólo Jísu Kílisitii yɛ́, í ɣɛ́ mɔ́ɔ́ í wú háá ỹɔí wúya wú w̃a fó saáɣa haí w̃áá véle w̃a Jísu í mbóngɔ. Bɛlɛ́ Ngalángi háá bɔwɔí ɛ́ɣɛ ngi lííhei tí ɣɛ́ wú yɛ́ ngáá ngambɔ́ɔ́lɔngɔ.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:1

Nyɛ́i ngí ngáá Júu, ngi ngáá Jimisí ndéɣei ɛ́ɣɛ Jísu Kílisitii yénge mɔɔ, nyá lɔ́ ngáá kɔlɔí sí vɔ́nɛ wú yéle wɛ́i Kɛɛɣɛí Ngála ngí wú lólingɔ ngáá wú ɣɛ ngáá Ngala fɛ́li mbélaitii. Ná wáá ngáá, wɛ́i Ngalá ndóngɔ ngáá wú ye aáva Jísu Kílisitii áá wu w̃ááh̃u béle.

TI GƐ́Ɛ́ HAÍTII 26:18

yí kɛ ngáá háwu ti yaah̃ú w̃áá í wó, ti vólu yáfe sítii mba ti gúlangɔ ngáá kpindí h̃ú háa, ti vóte sítii mba ti ngáá faí sítii ti w̃áá áá ɣɛ́ kpál̃au. Ná vólu, tí gúla Setána yákpangi wu, ti ɣɛ́ Ngalángi yákpangi wu, ná vólu, ti lángi w̃aa véle w̃a tí su ngáá ngé, ti ɣɛ́ sítii ndiiwáá Ngalá ngi ti ɣɛ kíli batɛngá bɔwɔ́ hááw̃a ɛ́ɣɛ ti háá ỹɔítii suuhaa í ló.’ ”

NJƆÚ 17:7

Aáva ti ɣɛ́a náá kɔlɔ́ ngáá sí kpɛ́lɛɛ yí fengɔ́ ngéya yá gíte lɔ ti gúlangɔ í yáá.

JIMISÍ 1:18

Ngalá kpútei tɔɔỹaá gééla woí w̃aa véle w̃a i mu wɔngá ngáá ndɛɛh̃ú gítei. I kɛní h̃íí ná sífaa i kpatɛ́i gí ma ngáá í kɛ. Aáva i ɣɛngɔ loí mu ɣɛ́ ngáá maifɔ́lɔ mbélaa ngi bátɛ wɔlingái kpɛ́lɛɛ ndííwaa.

NJƆÚ 15:8

A kɛ ngáá háwu ngamba bih̃íw̃aa í hɔ́lɔ wú h̃u, ná áa ngakɛ ngáá kɛ wá lɔ ngáá pólu yelaa. Ná vá tɔ áá ngákɛ ngáá kíya ní Kɛ́ɛ́ɣɛ gáámaangɔ.

NJƆÚ 13:10

Jísu i ɣɛ ma, “Nuí fíli náa áá ɣɛ́ w̃aaw̃úỹani kɛ nɔ́ɔ́ náá léi í gɔwɔ́itii maaw̃úỹa bɔw̃álale nduwúi kpɛ́lɛɛ mááw̃uỹangɔ aa ɣɛ náá la. Wú kpɛ́lɛɛ wú w̃aaw̃úỹangɔ lé kɛ nɔ́ɔ́ léi nuu yílaa.”

LÓÓMI 10:8

Pɔnɛngɔ́ɔ́ lé Ngala Kɔ́lɔi h̃ú, sí vá pɔnɛngɔ́ aá wáa ngáá sí, “Ngalángi gééla woí i fóloa í w̃a, aa lɔ́ í gí ma aáva yáá hómbo yí nde.” Ná wáa ngáá kalambongí kɔwɔ́ato ndangí wa níwaa mbó ngáá wú yé.

KƆ́L̃E GƆ́LƆI HELE KÉLEI 11:2

Nyáá ngáá wú w̃áálolo gúla kíya nɔ́ɔ Ngalá ngáá wú w̃áálolo gúla. Wú gúlangɔɔ lé ngáá kpelaniiná ɛ́i ɣɛ́ nɛ́nɛ siỹɛ fáá wɔlɔ́ aáva ngí kúúlo mbónga wú wála fááw̃a kɛmbɛhéi h̃u siỹɛ ngílaa ngéya, aáva maa h̃íỹɛngi sí vá taá ɣɛ́ ma Kílisitii.

KƆLƆ́SE 3:16

A bɛ́lɛ kalambongí sí kɔwɔ́ato Kílisitii wa í wú líi h̃uu laahé. Wááyaa ỹɔw̃ɔ́ ỹɔ́w̃ɔ galambo, wáá pele ɣɛ ngáá ỹɔw̃ɔ́ ỹɔ́w̃ɔ ngáá kele ɣelé péle kpɛ́lɛɛ. Waayaa Ngala ngúle gɛvɛlɛ kɛvɛlɛ sɔɔlɛ́, wáa sɛ́ɣɛɛ gula Ngalá ma liítii su.

HÍBULU 4:12

Ngalá kééla woí gulangɔ́ɔ́ lé ngáá ŋani ndɛɛh̃u í su aáva ngakpá tɔ́ su áá fáá ɣɛ́. Ngi hái gúlangɔɔ lé ngáá ngandíngɔɔ lé í lɔ́ve mbowá hɔ́kpɔ wa ndaí áá ɣɛ́ mba féle. Aa hombó í wála ndɛɛh̃úi lówah̃u taá nuu h̃úúyafuw̃angi. Aa wala nuu gáálɛitii su. Aa hómbo í nuu gísiyaitii nga kpɛ́kpɛ ɛ́ɣɛ nuu líívo fáitii taa ɣɛ́ nuu líí h̃u, í ngákɛ ngáá ná wɔ́lii tiyá lɔ́ pele w̃a ɔɔ taá péle w̃a.

HÍBULU 10:14

Saáɣa yiláá kpéngi ná w̃áá véle w̃a, aá lɔ́ɔ́ kɛ́ ngáá háwu sítiini áá ti w̃ááw̃uỹa faa ỹɔ́i yaá faa ỹɔ́u vó kéle tɔ ɛi ɣɛ́ tí w̃a kúnafɔ.

HÍBULU 10:29

Kɛlaa nuí sí áá Ngalángi H̃íỹɛndou Loí háá h̃uuh̃ándɛ ɛ́ɣɛ saáɣa haí Jísu í mbóni í kɛ́lɛngi w̃ááh̃u yílini Ngala ngí ngéɣengɔ ti lówah̃u taá ngi vóngaitiini áá mú w̃ááw̃uỹa fó faa ỹɔ́i yaá nuí áá ná yéɣe ngáá faa gúlo múl̃ɔ, í mɔ́ɔ́ Hɛ́ɛ́ma Ỹínangi sí h̃úúhalata lɛ́i í ngáá faa bɔ́wɔ w̃ɔɔ, maa w̃ɔ́i ndá háá bamaí ɣéle aa ɣɛ́ wɔɔlɔ í lɔ́ve kpɛ́lɛɛ kpɛ́lɛɛ mba.

HÍBULU 13:12

Ná lɔ́ í kɛ́ni Jísu í gúlani taí wa í saa w̃ááhɔlɔ. Ná i ɣɛí kɛinɔɔ́ ngi hááɣai hái w̃áá véle w̃a sítii taa hítɛ polú ti wúyangɔ í ɣɛ́ la fó ti háá ỹɔítii ngeyá.

PÍTƐ GƆ́LƆI HELE KÉLEI 1:9

Kɛ́ nuí fíli faí sítiini tɛi ɣɛ́ su, maa w̃ɔ́i gúlangɔɔ lé ngáa nuí sí ɛí ỹánda lɔ́ góóh̃ama, mbolengɔ́ vóto, ná vólu, ndeew̃angɔ́ɔ́ lé ngáá ngí háá ỹɔí kpɛ́lɛɛ ti ɣɛ́i ma, ti wúyangɔɔ lé naá ma fó.