Ɛ́FƐSƆ 5:25 - Kɛ́lɛ Niinaí

²⁵ Siỹɛngáitii pa wú ló ngáá wú ỹáh̃aitii kíya nɔ́ɔ Kílisitii í lóni ngáá Ngala fɛ́li mbélaitii í lɛ́ɛ́h̃ui gúlai kɛlɛ́ma tí hááw̃a.

Ɛ́FƐSƆ 5:25 Iomraidhean Croise

MÁFIYU 20:28

Kíya nɔ́ɔ nuí síí w̃ɔ́i taa ɣɛ́ ma Nuu Búsa Goo H̃ú Loí ɣéle tɔ aa vaangɔ́ ngáá nungáá ti w̃ɔ́l̃ɛ mbɛ. Kɛ́ laá ɣéle, i vaangɔ́ ngáá í ɣɛ́ ngáá mɔl̃ɛ́ w̃ɔ́ɔ́ nungáá yɛ, ná vólu, í lɛɛh̃úi gúla kɛ́lɛma nuu bíh̃iw̃aa ti wumááwo fááw̃a.”

NJƆÚ 6:51

Nyá lɔ́ ngí ngáá ndɛɛh̃ú w̃ááhɔlɔ bílei, ngí híɣengɔ ngelegóóh̃u, nuí fíli pá áá ndɛɛh̃u bílei sí ta ỹɛ, maa w̃ɔ́i lɛɛh̃uí aa lo ná kúnafɔ. Maa bílei sí va mbáá ngáá ndúwui, laá lɔ́ ngí féngɔ nuu búsa lɛɛh̃úi hááw̃a ngelewu.”

TI GƐ́Ɛ́ HAÍTII 20:28

A bɔwɔ́ w̃aah̃ú belé, ná vólu, wú sítii kínɛi mááh̃u béle Hɛ́ɛ́ma Ỹínangi í wú ɣɛ́nga ngáá ti wutúwɔɔ yélaa. A ɣɛ́ ngáá wú mbála Yalá fɛ́li mbélai ti w̃ááh̃u béle mbélaa wɛ́i wáá tiyéi Ngalángi í wú h̃ɔ́w̃ɔ hengá ngáá kpɔwɔ́ bɔ́wɔ H̃íỹɛndou Loí ná wáá ngáá, saáɣa haí sí í mbóngɔ.

GALÉSIYA 1:4

Jísu Kílisitii i lɛɛh̃úi gúlangɔ kɛ́lɛma mu háá ỹɔítii fááw̃a kɛinɔɔ́ í mú gúla nyaama yéteyangi sí yákpangi wu. Laáva sí vá tɔ a mu Yálangi lɛ́i múl̃ɔ í ngáá mu Kɛ́ɛ́ɣɛ í ɣɛ́i loí Jísu í kɛ.

GALÉSIYA 2:20

aáva ngáá mɔ́ɔ ndɛɛh̃ú h̃u bɔwɔ́ hááw̃a kɛ́ Kílisitii lɔ́ náa ngí su faaw̃a. Ndɛɛh̃úi sí ngí su náa sí h̃úi, nyá lɔ su ndangí w̃aa véle w̃a ngí su ngáá Ngalángi H̃íỹɛndou Lói lɛ́i í longɔ́ ngáá ngé í lɛ́ɛ́h̃ui gúla kɛlɛ́ma fááw̃a.

Ɛ́FƐSƆ 5:2

Wú gɛ́ɛ́ háitii taa wú híya veléitii ndo ngí ɣɛ́ ti h̃u kíya nɔ́ɔ Kílisitii í lóngɔ ngáá mu ye, í lɛɛh̃úi gúlangɔ kɛ́lɛma mu haáw̃a ngáá saáɣa vanda Ngalángi ndaahóungɔ.

Ɛ́FƐSƆ 5:24

Náá hááw̃a, nyah̃áitii kule lɔ wú w̃á wú bɔ́wɔ gúla kɛlɛ́ma wú h̃íỹɛngaitii mbɛ faa kpɛ́lɛɛ su kíya nɔ́ɔ Ngala fɛ́li mbélaitii taá bɔ́wɔ gúla kɛlɛ́ma Kílisitii yɛ.

Ɛ́FƐSƆ 5:28

Kule lɔ́ síỹɛngi w̃á í ló ngáá ngi ỹáh̃ai kíya nɔ́ɔ ndongɔ́ ngáá bɔwɔ́ lúwui. Siỹɛ́ngi ndongɔ́ ngáá ngi ỹáh̃ai ndongɔ́ɔ́ lé ngáá bɔwɔ́.

Ɛ́FƐSƆ 5:33

Kɛ́ wá bɛ́lɛ aá lɔ wú hááw̃a jɔ́. Kule lɔ siỹɛ́ fíli má í ló ngáá ngi ỹáh̃ai kíya nɔ́ɔ ndongɔ́ ngáá bɔwɔ́ aáva kule lɔ nyah̃á fíli má i wúfe ngi h̃iỹɛ́ngi w̃a.

KƆLƆ́SE 3:19

Wɛ́i wú ngáá siỹɛngáitii, a ló ngáá wú ỹáh̃aitii. Waa ɣɛ́ wáá bandí bándi héi ti w̃a.

TÍMOTI HESENDAA GƆLƆÍ 2:6

Jísu va i lɛɛh̃úi gúlai kɛ́lɛma kɛinɔɔ́ nuu kpɛ́lɛɛ ngúmaa í wo faa ỹɔ́i yaá. Kpɔwɔ́ lɛ́ɛ́h̃ui sí i kulaí kɛ́lɛma ngáá saáɣa kuí kái kái má, laá lɔ́ í ngákɛi kpál̃au ngáá kɛ Ngalá ndóngɔɔ lé nuu kpɛ́lɛɛ ngúmaa í wo.

PÍTƐ HESENDAA GƆLƆÍ 3:7

Wɛ́i vá wú ngáá siỹɛngáitii, ná wáá ɣɛ́ séi h̃u wáá nyah̃ái, giséi w̃a ngáá suu áá bái ɔ́ɔ́ híti í h̃u. Waayaa ngufema hé ti yɛ bɔw̃álale tiyá bɛ́lɛ wáá tiyéni tɔ wúwaa vá Ngalángi háá bɔwɔí w̃aahɔ́lɔma, ná wáá ngáá, kúnafɔ lɛ́ɛ́h̃ui. Waayaa ná ɣɛ kɛinɔɔ́ faa fíli álaa víli wú Yála fɛli ngói h̃u.

FAA YÁKƐ KƆ́LƆI 1:5

Ɛ́ɣɛ mɔ́ɔ, ti gúla Jísu Kílisitii yáa lɛ́i í ngáá tɔ́wɔbaɣa héélei í ngáá hésendaa w̃ɔ́i Ngala ngí mbuyoɣéni sái h̃u, ɛ́ɣɛ lɛ́i í ngáá ngakpa mása ngwálai ndɔwɔlɔ́ w̃ásangaitii mááh̃u ngeleí sí wu. Jísu Kílisitii i loi ngáá mu ye, aáva í lɛɛhúi gúlani kɛlɛ́ma ngáá saáɣa haí í mbóni, í mú gúla faa ỹɔ́u ɣɛ́ndaa yakpangí wu.

FAA YÁKƐ KƆ́LƆI 5:9

Tí ngúle niiná hɔ́ɔ́lɛni, tí ɣɛ́ ta, “Yá lɔ́ í gúlaɣɛngɔ ngáá nuu yáá hómbo yí kɔ́lɔ w̃ááɣalangɔi yeɣé, yí tókovongitii teve, sífaa yí bɔ́wɔ gúlani kɛ́lɛma ti í váá. Saáɣa haí ná vá yí mbóni, í nungáá wúmaawonga Ngála mbɛ́ táá gúla híítii sú bɛ́kpɛ, tiyɛ́i taá híí woítii ndé bɛ́kpɛ ti gúlangɔ paatiitíí su tí ndɔ́wɔlɔi kpɛ́lɛɛ su.