Ɛ́FƐSƆ 5:2 - Kɛ́lɛ Niinaí

² Wú gɛ́ɛ́ háitii taa wú híya veléitii ndo ngí ɣɛ́ ti h̃u kíya nɔ́ɔ Kílisitii í lóngɔ ngáá mu ye, í lɛɛh̃úi gúlangɔ kɛ́lɛma mu haáw̃a ngáá saáɣa vanda Ngalángi ndaahóungɔ.

Ɛ́FƐSƆ 5:2 Iomraidhean Croise

MÁFIYU 20:28

Kíya nɔ́ɔ nuí síí w̃ɔ́i taa ɣɛ́ ma Nuu Búsa Goo H̃ú Loí ɣéle tɔ aa vaangɔ́ ngáá nungáá ti w̃ɔ́l̃ɛ mbɛ. Kɛ́ laá ɣéle, i vaangɔ́ ngáá í ɣɛ́ ngáá mɔl̃ɛ́ w̃ɔ́ɔ́ nungáá yɛ, ná vólu, í lɛɛh̃úi gúla kɛ́lɛma nuu bíh̃iw̃aa ti wumááwo fááw̃a.”

NJƆÚ 13:34

Sava níína lɔ náá múl̃ɔ ngíwaa nda wú yáá. Ná wáá ngáá, a ló ngáá ỹɔw̃ɔ́ ỹɔ́w̃ɔ. Kɛ kíya ngí loá ngáá wú ye, ngimɔ́ɔ́ kule í wú w̃a wú ló ngáá ỹɔw̃ɔ́ ỹɔ́w̃ɔ.

NJƆÚ 6:51

Nyá lɔ́ ngí ngáá ndɛɛh̃ú w̃ááhɔlɔ bílei, ngí híɣengɔ ngelegóóh̃u, nuí fíli pá áá ndɛɛh̃u bílei sí ta ỹɛ, maa w̃ɔ́i lɛɛh̃uí aa lo ná kúnafɔ. Maa bílei sí va mbáá ngáá ndúwui, laá lɔ́ ngí féngɔ nuu búsa lɛɛh̃úi hááw̃a ngelewu.”

LÓÓMI 15:16

ngáá ngí ɣɛ́ ngáá ngenge mɔ́ɔ́ Jísu Kílisitii yɛ sítii fááw̃a taa ngáá Júsua, ngí ɣɛ́ ngáá Ngala sááɣa gula mɔ́ɔ́ ɣɛ kíli ngi gééla woo vándai lé fái h̃u. Ngalá ngí sí ɣɛ́ngɔ ngáá kɛinɔɔ́ Hɛ́ɛ́ma Ỹínangi í kɛ́ ngáá háwu sítii taa ngáá Júsua ti ɣɛ́ ngáá Ngalángi vóngaa, ti ɣɛ́ ngáá kíya nɔ́ɔ saáɣa vanda faa vó fíli ɛ́i ɣɛ́ mba Ngala faaw̃a aáva áá ɣɛ́ ngáá Ngalá ndíila kéle.

LÓÓMI 4:25

Ngála ngí Jísu gúlani kɛ́lɛma ngáá kɛinɔɔ́ í há a mu háá ỹɔítii fááw̃a. Aáva i mbuyoɣéni sái h̃u ngáá kɛinɔɔ́ a mu ɣɛ́ ngáá telembo mbélaa laa Ngala ngaah̃ú.

LÓÓMI 8:3

Savaí Ngalá ngí féi Muusé yáá ɛi hómbo ɔ́ɔ́ sí ɣɛ́ bɔw̃álale mu lɛ́ɛ́h̃ui sí h̃uu líívo kɛí aa kɛ ngáá háwu ngakpá ngɛ́i ɣɛ savaí yáá ɔ́ɔ́ ná ɣɛ́. Kɛ́ Ngalá ngí mú wúmaawoni ná h̃u í bɔwɔ́ bɔ́wɔ H̃íỹɛndou Loí Jísu Kílisitii lɔ́veni ngáá nuu búsa kíya nɔ́ɔ nuu búsaitii mú na ngáá í ɣɛ́ ngáá saáɣa a mu háá ỹɔítii fááw̃a. Aáva i Jísu Kílisitii gúlani ngáá saáɣa ngáá faa ỹɔí ndái álaa ndó ma.

LÓÓMI 8:37

Kɛ́ faa kpɛ́lɛɛ sú, a mu hombóndaa lɔ́ faa kpɛ́lɛɛ mááh̃u. Aáva sí aa ɣɛ́ h̃íi Jísu Kílisitii w̃aa véle w̃a lɛ́i ndóngɔ ngáá mu ye.

KƆ́L̃E HESENDAA GƆLƆÍ 16:14

A wú lóngi yákɛ faa kpɛ́lɛɛ sú.

KƆ́L̃E HESENDAA GƆLƆÍ 5:7

Faalɔ, a volú yáfe faa ỹɔ́i wa, wú w̃ááw̃uỹangɔ í ɣɛ́ la fó kíya nɔ́ɔ́ nuu áá yíísi vɔ́lɔi wúya fó nyaakái h̃u. Ná ná áá ɣɛ́, wáá ɣɛ́ náá ngáá bilé bátɛ fúlawai ɣɛ kíli yíísi ɛ́i ɣɛ́ su. Aáva ngí kɔ́lɔ ngáá ngimɔ́ɔ́ wú na, sífaa Ngumaawó Kúi w̃ááhei wongɔ́ɔ́ lé náa kíli, ná naá Kílisitii gúlangɔ ngáá saáɣa a mu haáw̃a lɛ́i í ngáá Ngumaawó Kúi w̃aa wáálai ɣɛ́ kíli.

KƆ́L̃E GƆ́LƆI HELE KÉLEI 2:14

Kɛ́ sɛ́ɣɛɛ gulama í ɣɛ́ Ngalá mbɛ́ lɛ́i áá ni wúto í kɛ ngáá háwu ni ndái í ndó ma hɔ́wɔ fíli kɔwɔ́ato kpahaí wa ní su Kílisitii wa. Ngalá ngí naa gúlanga kɛ́lɛma ni yɛ ngáá ni Kílisitii w̃áá woo híya kíya nɔ́ɔ sɛ́ndi w̃aaku nɛ́ɛ́ nɛɛ ngáá híya ỹandá kpɛ́lɛɛ.

KƆ́L̃E GƆ́LƆI HELE KÉLEI 2:15

Sífaa ni gúlangɔɔ lé ngáá ngɛ́i w̃ááku nɛɛ nɛɛngí sí taá tolí ngáá ísɛngi Kílisitii áá fé Ngalá mbɛ́, sí maakungí áá híya híya nungái sítii ndowah̃u táá ngumááwongi w̃aahɔ́lɔ ɛ́ɣɛ sítii ti wu ngáá ló su.

KƆ́L̃E GƆ́LƆI HELE KÉLEI 8:9

Wú faa wɔ́lɔ kɔwɔ́ato mu Lemɔ́i Jísu Kílisitii háá bɔwɔí wa a mu yɛ. Ná wáá ngáá, kíya bɛ́lɛ kpatɛngɔ í ɣɛ́i la i bɔwɔ́ ɣɛ́i ngáá nyaani w̃ɔ́ɔ́ wú hááw̃a ngáá kɛinɔɔ́ wú bátɛ láa ngi ỹáánii w̃áá vélei w̃a.

GALÉSIYA 1:4

Jísu Kílisitii i lɛɛh̃úi gúlangɔ kɛ́lɛma mu háá ỹɔítii fááw̃a kɛinɔɔ́ í mú gúla nyaama yéteyangi sí yákpangi wu. Laáva sí vá tɔ a mu Yálangi lɛ́i múl̃ɔ í ngáá mu Kɛ́ɛ́ɣɛ í ɣɛ́i loí Jísu í kɛ.

GALÉSIYA 2:20

aáva ngáá mɔ́ɔ ndɛɛh̃ú h̃u bɔwɔ́ hááw̃a kɛ́ Kílisitii lɔ́ náa ngí su faaw̃a. Ndɛɛh̃úi sí ngí su náa sí h̃úi, nyá lɔ su ndangí w̃aa véle w̃a ngí su ngáá Ngalángi H̃íỹɛndou Lói lɛ́i í longɔ́ ngáá ngé í lɛ́ɛ́h̃ui gúla kɛlɛ́ma fááw̃a.

Ɛ́FƐSƆ 1:4

P̃ɛ́ɛ́ ngelewu ɔ́ɔ́ bátɛ, Ngala ngí ɣɛi náa lokoloí mu wá ngáá ngi vóngaa, kpahaí wa mú sú Jísu Kílisitii wa ngáá faa ỹɔ́u ɛ́i ɣɛ́ mu h̃u ngaah̃u mu h̃úúlaahengɔ í ɣɛ́ la ngáá ndongí.

Ɛ́FƐSƆ 3:17

Ngáá Ngala fɛ́li ngáá Kílisitii í vá wú líí h̃u ngáá ndangí wáá ɣɛ́ su lá ɛ́ɣɛ ngí lóngi í wú líí h̃u láa hé

Ɛ́FƐSƆ 3:19

Ngáá Ngala fɛ́li ngáá wú hómbo wú ɣɛ́ Kílisitii lóngi wɔ́lɔ, í ɣɛ́ wú yɛ, wú ɣɛ́ ngáá Ngalá kɛ kíli kíya bɛ́lɛ ngi lóngi h̃uuwɔ́ɔ́lɔngɔ nuu áá kɛɛlɛmáá wɔlɔ́.

Ɛ́FƐSƆ 4:15

Kɛ́ laá ɣéle, a mu tɔɔỹaá wói lé ndo sú. Ná aa kɛ a mu h̃úú í ba mu báha Kílisitii wa kpáŋ kpáŋ, a mu ɣɛ ngáá kɛ kíli lɛ́i í ngáá ngutuwɔ́ɔ w̃ɔ́i.

Ɛ́FƐSƆ 4:2

Kúnafɔ wálaa ɣɛ́ ngáá suuwɔɔlɔ́ yélaa, kɛ́ wú ɣɛ́ lúúỹaa, wú líílɔlɔngɔ í ɣɛ́ la faa fíli su. Wú wú lóngi yákɛ ngáá ỹɔw̃ɔ́ ỹɔ́w̃ɔ ngáá wú bɔ́wɔ háitii wáá kúmbo h̃u.

Ɛ́FƐSƆ 5:15

Faalɔ, a w̃aah̃ú béle ngáá sí wáá nde ɛ́ɣɛ sí wáá kɛ, tí ɣɛ́ ngáá kele ɣéle faa. Wú lúva veléitii tálaa ɣɛ́ ngáá kíya sítii taa faa wɔ́lɔ.

Ɛ́FƐSƆ 5:25

Siỹɛngáitii pa wú ló ngáá wú ỹáh̃aitii kíya nɔ́ɔ Kílisitii í lóni ngáá Ngala fɛ́li mbélaitii í lɛ́ɛ́h̃ui gúlai kɛlɛ́ma tí hááw̃a.

FÉLEPA 4:18

Sí kínɛi í ɣɛ́ngɔ ngáá kpéɣema wɔ́lingai ngí maahɔ́lɔnga wú yáá í lɔ́ve ma bɛ́lɛ. Sí kpɛ́lɛɛ kpéɣengɔ í ɣɛ́ngɔ lá ma, aá lɔ náa ngéya ná Ɛpafulɔdáitɔ í váa náa ngáá wú loko bɔmba wɔlingáitii ngéle. Ti gúlangɔɔ lé ngáá toko bɔ́mba wɔ́li pánda nuu áá fé Ngalá mbɛ, kíya nɔ́ɔ tokoheí mbu hááɣa áá ɣɛ́ na Ngalá ngelé áá ndiivó.

KƆLƆ́SE 3:14

A sítii kpɛ́lɛɛ kɛ́ ngí yépɛnga ti wa, kɛ́ ngi bíkpingi waa ngáá a ló ngáá ỹɔw̃ɔ́ ỹɔ́w̃ɔ. Ndongí wáá ɣɛ́ su ngáá ỹɔw̃ɔ́ ỹɔ́w̃ɔ, aa kɛ ngáá háwu wú kpɛ́lɛɛ wú ɣɛ́ ngáá nuu yílaa kpé.

TƐSALÓNIKA HESENDAA GƆLƆÍ 4:9

Ná áá lí náa í tó ndongí wá kule í ma í ɣɛ́ a mu lówah̃u a maá mu mbála Yalá fɛ́li mbélaitiini, nɛ́i mɔ́ɔ lo kɔlɔ vɔ́nɛma wú yéle kɔwɔ́ato ná wa sífaa, Ngalá kpúte lɔ í wú galámbongɔ ngáá wú ló ngáá ỹɔw̃ɔ́ ỹɔ́w̃ɔ.

TÍMOTI HESENDAA GƆLƆÍ 2:6

Jísu va i lɛɛh̃úi gúlai kɛ́lɛma kɛinɔɔ́ nuu kpɛ́lɛɛ ngúmaa í wo faa ỹɔ́i yaá. Kpɔwɔ́ lɛ́ɛ́h̃ui sí i kulaí kɛ́lɛma ngáá saáɣa kuí kái kái má, laá lɔ́ í ngákɛi kpál̃au ngáá kɛ Ngalá ndóngɔɔ lé nuu kpɛ́lɛɛ ngúmaa í wo.

TÍMOTI HESENDAA GƆLƆÍ 4:12

Yaá kɛ nuu fíli ɔ́ɔ́ yááh̃u víli í w̃ááh̃u ngáá sífaa nɔ́ɔ yí ngáá siỹɛndói lou, kɛ́ laá ɣéle, yí ɣɛ́ ngáá tɔmaséi ti haáw̃a í yɛ́pɛ gilí h̃u, í lúva velé h̃u, ndo su, ɛ́ɣɛ ndángi yí su ngáá Jísu Kílisitii ɛ́ɣɛ í w̃ááw̃uỹa kílii h̃u fó faa ỹɔ́i yaá.

TÁITƆ 2:14

I lɛɛh̃úi gúlangɔ kɛ́lɛma mu haáw̃a ngáá í mu w̃ááɣawo faa ỹɔ́itii kpɛ́lɛɛ ngéya ɛ́ɣɛ í mú háá ỹɔítii ngúya mu w̃a fó, mu ɣɛ́ ngáá nungáá taá ɣɛ́ faaw̃a nɔ́ɔ ɛ́ɣɛ mu ɣɛ́ kíli batɛ́ngɔ í ɣɛ́ lá faa vánda ɣɛ́ fááw̃a.

HÍBULU 8:3

Ngalá sááɣa gula mɔ́ɔ wala fíli kɛ ɔ́ɔ́ fembɛ wɔ́lingi hé Ngalá mbɛ í mɔ́ɔ Ngala sááɣa gula. Náá hááw̃a, a mu Yála sááɣa gula mɔ́ɔ walaí bɛ́lɛ kɛ ŋani í ɣɛ́ ngeyá ngáá áá kula ngáá sááɣa mu haáw̃a.

HÍBULU 9:14

Ná ɣɛ́ndai ɣéle na ɔ́ɔ́ kpalo wúya nuu w̃a kɛlaa Kílisitii ỹááw̃ɔi, laá ɣéle p̃ɛ́ɛ́, aa hombó í faa wála ɣɛ́ í lɔ́ve ná wa. Hɛ́ɛ́ma Ỹínangi w̃áá véle w̃a í na kúnafɔ, Kílisitii í bɔwɔ́ gúlani ngáá Ngala sááɣa faa ỹɔ́u vó fíli áá mba. Ngi ỹááw̃ɔi w̃áá véle w̃a, a mu gi máitii kɛ kíli aa batɛ́ ngáá a mu lóko ɛ́i mɔ́ɔ́ ɣɛ ngangímba lála háitii mba nuu áá kɛ kɛinɔɔ́ a maayáá yengé Ngalá mbɛ lɛ́i í ndɛɛh̃ú h̃u.

HÍBULU 9:23

Fái sítii ti bátɛ gilíí gúlangɔɔ lé ngáá sítiini tí ngelegóóh̃u ti w̃áábale, aáva kɛ tɔ́ɔ́ ti wúya h̃íí na. Kɛ́ sítii ti ngáá ngelegóóh̃u géleaitii, kɛ saáɣa ya ngúyangɔ í lɔ́ve ngelewu hááɣai sítiini mba áá kɛ́ ngáá háwu ti w̃áá í w̃úỹa.

HÍBULU 9:26

Kɛ bele ngí múl̃ɔ kule í ɣɛ́i ma í ɣɛ́ na, kɛ ná ná ɔ́ɔ́ ɣɛ, kɛ Kílisitii w̃áánɔw̃ɔndai hei h̃úú ɔ́ɔ́ ɣɛ́ bíh̃i ká ka í séi ngeléwu bátɛ sɔ́wɔi w̃a. Kɛ́ áá ɣéle, fáitii ngákɛɛlɛmaa bɛɛngɔ́i sí náá mba i bɔ́wɔ gúlanga kɛ́lɛma nuu kpɛ́lɛɛ fááw̃a ngáá kɛinɔɔ́ í faa ỹɔ́i wúya nuu kpɛ́lɛɛ má ngáá bɔwɔ́ gúlandai ngáá saáɣa naa héiw̃aa í ɣɛ́i yíla kpé.

PÍTƐ HESENDAA GƆLƆÍ 4:8

Ná vólu, faí kpɛ́lɛɛ maah̃u hái lɔ náá ngáá sí ngáá wú ló ngáá ỹɔw̃ɔ́ ỹɔ́w̃ɔ ngáá lií kpɛ́lɛɛ sífaa ndongí aa kɛ ngáá háwu faa ỹɔ́u bih̃íw̃aa h̃úúhaa í lo.

NJƆÚ HESENDAA GƆLƆÍ 3:16

Ndongí va kɔlɔ́ kíli lɔ ngáá sí mu yɛ, ngáá kíya Jísu Kílisitii i lɛ́ɛ́h̃ui gúlani kɛ́lɛma a mu hááw̃a. Ngimɔ́ɔ́ nɔ́ɔ a muỹá bɛ́lɛ kule í mú w̃a a mú lɛ́ɛ́h̃ui gúla kɛ́lɛma a mu mbála Yalá fɛ́li mbélaitii faaw̃a.

NJƆÚ HESENDAA GƆLƆÍ 3:23

Sí vá í ndéngɔ mu w̃a ngáá a mu kɛ́, aá wáa ngáá, mu lá ngáá ngí H̃íỹɛndou Loí Jísu Kílisitii, ná vólu, a mu ló ngáá ỹɔw̃ɔ́ ỹɔ́w̃ɔ kíya nɔ́ɔ Jísu Kílisitii í ndéngɔ mu w̃a ngáá mú kɛ.

FAA YÁKƐ KƆ́LƆI 1:5

Ɛ́ɣɛ mɔ́ɔ, ti gúla Jísu Kílisitii yáa lɛ́i í ngáá tɔ́wɔbaɣa héélei í ngáá hésendaa w̃ɔ́i Ngala ngí mbuyoɣéni sái h̃u, ɛ́ɣɛ lɛ́i í ngáá ngakpa mása ngwálai ndɔwɔlɔ́ w̃ásangaitii mááh̃u ngeleí sí wu. Jísu Kílisitii i loi ngáá mu ye, aáva í lɛɛhúi gúlani kɛlɛ́ma ngáá saáɣa haí í mbóni, í mú gúla faa ỹɔ́u ɣɛ́ndaa yakpangí wu.

FAA YÁKƐ KƆ́LƆI 5:9

Tí ngúle niiná hɔ́ɔ́lɛni, tí ɣɛ́ ta, “Yá lɔ́ í gúlaɣɛngɔ ngáá nuu yáá hómbo yí kɔ́lɔ w̃ááɣalangɔi yeɣé, yí tókovongitii teve, sífaa yí bɔ́wɔ gúlani kɛ́lɛma ti í váá. Saáɣa haí ná vá yí mbóni, í nungáá wúmaawonga Ngála mbɛ́ táá gúla híítii sú bɛ́kpɛ, tiyɛ́i taá híí woítii ndé bɛ́kpɛ ti gúlangɔ paatiitíí su tí ndɔ́wɔlɔi kpɛ́lɛɛ su.