Ɛ́FƐSƆ 5:19 - Kɛ́lɛ Niinaí

¹⁹ A waayaa yɛpɛ ỹɔw̃ɔ́ ỹɔ́w̃ɔ yéle Ngala ngúle gɛvɛlɛ kɛvɛlɛ su, wú Ndemɔí Jísu lɛ Ngala ngúle gɛvɛlɛ kɛvɛlɛ su ngáá líí kpɛ́lɛɛ.

Ɛ́FƐSƆ 5:19 Iomraidhean Croise

MÁFIYU 15:8

‘Nungái sítii taá wúfe má ngáá laa wóo, kɛ́ ti liítii maa gooh̃ángɔɔ lé mbá.

MÁFIYU 26:30

Ná tí Ngala ngúlei hɔ́ɔ́lɛni, tí liiní náa ngihéi sí wa taá tolí ngáá Ɔ́levi Wulúi Yíhei.

TI GƐ́Ɛ́ HAÍTII 16:25

Kuyá liiwái i ɣɛi nɔ́ɔ áá foló ma, kɛ Pɔ́ɔni ngaa Sáilɔ tiyá tɔ taá Ngala fɛ́li táa Ngalá ngúleitii sɔɔlɛ́. Aáva pelésina vekaítii ti ɣɛ́i taá wolílo ti w̃a.

KƆ́L̃E HESENDAA GƆLƆÍ 14:15

Sí kule í má ngí kɛ aá wáa ngáá sí, ngáá Ngala fɛ́li súúyafuw̃angi w̃aa véle w̃a kɛ́ ngáá mɔ́ɔ́ Ngala fɛ́li ngoí sítii su ngáá ngatɔ́ mba ngáá gí mai. Ngáá ngule hɔ́ɔ́lɛ súúyafuw̃angi w̃aa véle w̃a kɛ́ ngáá mɔ́ɔ́ ngule hɔ́ɔ́lɛ ngoí sítii su ngáá ngátɔ mba ngáá gí mái.

KƆ́L̃E HESENDAA GƆLƆÍ 14:26

Mu mbála Yalá fɛli mbélai, sí gíte ngí ma aá wáá ngáá sí, ná wáá yatɛ́ mba ỹanda yílaa Ngala fɛ́limai, nuu tá áa ɣɛ́ na ngule í ngéya, pekaí va kalambo ngóó i ngeyá, pekaí vá Ngalángi faa yákɛ lá, pɛkaí vá áá ɣɛ́ í híí woo vekaní ndé, pekaí va sí taa ɣɛ́ ndéi híí woo vekaítii su, í suugúla. A sítii kpɛ́lɛɛ kɛ́ ngáá peleí sí áá kɛ Ngala fɛ́li mbélai taa kulasuunúma w̃aahɔ́lɔ su.

KƆLƆ́SE 3:16

A bɛ́lɛ kalambongí sí kɔwɔ́ato Kílisitii wa í wú líi h̃uu laahé. Wááyaa ỹɔw̃ɔ́ ỹɔ́w̃ɔ galambo, wáá pele ɣɛ ngáá ỹɔw̃ɔ́ ỹɔ́w̃ɔ ngáá kele ɣelé péle kpɛ́lɛɛ. Waayaa Ngala ngúle gɛvɛlɛ kɛvɛlɛ sɔɔlɛ́, wáa sɛ́ɣɛɛ gula Ngalá ma liítii su.

JIMISÍ 5:13

Ná nuu fíli áá ɣɛ́ wú lííwaa faa áá bɔ́lunda, maa w̃ɔ́i í Ngala fɛ́li. Ná vólu, ná nuu áá ɣɛ́ wú lííwaa kooh̃unɛ́ɛ́ngɔ, maa w̃ɔ́i í sɛ́ɣɛɛ gulama wúleni sɔɔlɛ́ Ngála mbɛ.

FAA YÁKƐ KƆ́LƆI 5:9

Tí ngúle niiná hɔ́ɔ́lɛni, tí ɣɛ́ ta, “Yá lɔ́ í gúlaɣɛngɔ ngáá nuu yáá hómbo yí kɔ́lɔ w̃ááɣalangɔi yeɣé, yí tókovongitii teve, sífaa yí bɔ́wɔ gúlani kɛ́lɛma ti í váá. Saáɣa haí ná vá yí mbóni, í nungáá wúmaawonga Ngála mbɛ́ táá gúla híítii sú bɛ́kpɛ, tiyɛ́i taá híí woítii ndé bɛ́kpɛ ti gúlangɔ paatiitíí su tí ndɔ́wɔlɔi kpɛ́lɛɛ su.