Ɛ́FƐSƆ 5:18 - Kɛ́lɛ Niinaí

¹⁸ Ndɔɔ bɔ́lendai áá wú hóu, a bé ná wá bɔw̃álale aa wú ɣɛ́ kíli ỹaaní. Kɛ́ laá ɣéle, bɛlɛ́ Hɛ́ɛ́ma Ỹínangi í ɣɛ́ wú vólu hɔ́wɔ fíli.

Ɛ́FƐSƆ 5:18 Iomraidhean Croise

MÁFIYU 23:25

Jísu í mɔ́ɔ́ ɣɛ ta, “Suu vá tɔɔ vá ɣɛ́ma ỹɔú wú w̃a wɛ́i wú ngáá kaamɔítiini Ngala sávai hááw̃a ɛ́ɣɛ Falósiaitiini, wɛ́i wáá Ngala fái la yaah̃ú kɛ́ aa wú líí h̃u! Wáá wú gɔ́pungi ɛ́ɣɛ wú ỹáákaitii maabalé fó, kɛ́ su laahéngɔ ngáá sí wú sɔlɔngɔ́ ngáá bangálima véle sífaa wá lɔ́ ngáá mɔní mɔ́ni mbélaa.

MÁFIYU 24:49

aáva í pɛlɛ náa ngí mbála yengé mbelaí ndevéma, ná vólu, íwaa laaỹɛ́, í ndɔɔ bɔ́le taá ndɔɔ bɔ́le mbélaa,

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:15

Sífaa aa ɣɛ ngáá ngakpa mɔ́ɔ wala Ndemɔí Ngalá ngaah̃ú. Álaa ndɔɔ bɔ́le kúnafɔ ɔɔ ŋani fíli nɔ́ɔ áá núu wú su yelé mbéle. Hɛ́ɛ́ma Ỹínangi va aá lɔ́ɔ ɣɛ polú p̃ɛ́ɛ́ tɔɔ ɣɛ́a nde.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:13

Kɛ kíya bɛ́lɛ wú ngáá nuu ỹɔ́u ỹɔ́ungaa, kɛ́ wú naa wɔlɔ́ ŋani vandá héma wú léngaitii ngeyá, kɛlaa ɣéle p̃ɛ́ɛ́ wú Kɛ́ɛ́ɣɛ Ngalá í ngelegóóh̃u aa Hɛ́ɛ́ma Ỹínangi he sítiini ngeyá taá mɔɔní faaw̃a!”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:45

Kɛ́ ná wɔ́lii náa ngenge mɔ́i ná áá nde náa gi ma, i ɣɛ ta, ‘Ni núú walaí áa h̃umbuwa vaamá táiŋ suugooh̃ángɔ hááw̃a,’ aáva i pɛ́lɛ ngi mbála yengé mbélaitii ndevemá nyah̃á bɔ́ngɔ siỹɛ́ngaa wa, ná vólu, áa laaỹɛ́ ɛ́ɣɛ múl̃ɔ íwaa ndɔɔ bɔ́le, i ndɔɔ hoú h̃u,

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:34

Jísu í mɔ́ɔ ɣɛ volú yélaitii ma, “A w̃aah̃ú belé kɛ́ ná láá le, wú gí máa háitii taá ɣɛ́ ngáá ndiivo kɛɛ́ ɛ́ɣɛ ngeleí sí wu w̃ɔ́ni mɔni fáitii. Aáva folói ná aa gɔɔla wú wá

NJƆÚ 2:10

í yɛ́pɛ ngelé i ɣɛ ma, “Nuu áá va ngáá ndɔí sí hése pangɔ ná naá nungái taa ɣɛ́ ndɔí bɔ́lei ká ká, nuu áá vá náá ngáá ndɔí sí ngakpangɔ́ ɛ́i ɣɛ́ la. Kɛ́ yí ndɔɔ vandái lónga vólo h̃u í ló su sí h̃uí í fólo!”

TI GƐ́Ɛ́ HAÍTII 11:24

Bánaba i ɣɛi ngáá nuu vánda Hɛ́ɛ́ma Ỹínangi i polú, nda ngí su ngwala. Aáva nuu yambɔ́ɔ́lɔngɔ wala ti vóteni Ndemɔí Jísu wa.

LÓÓMI 13:13

Faalɔ, wú híya veléitii ti ɣɛ́ péle w̃a kíya nɔ́ɔ nungáá taa ɣɛ́ na taa ɣɛ́ ngelewóngi h̃u. Wálaa ɣɛ́ wáá lí kooh̃unɛ́ɛ́ lááỹɛ mbo máá wala walaítii kɔlɔsiyá faa áá ɣɛ́ ná kɛlaa wɔ́ɔ́ ɣɛ́ ndɔɔ hóu h̃u. Wálaa ɣɛ́ kɔ́lɔsiya su ɔɔ njɔlɔ haáni. Wálaa ɣɛ́ kpɔɔlɔ́ laa wú kɛlaa tolóma h̃u.

KƆ́L̃E HESENDAA GƆLƆÍ 11:21

sífaa, ná wáá ɣɛ́ wáá mɛ, nuí fíli aa ngí ndái ỹɛ nɔ́ɔ. Wɔ́i ỹɔw̃ɔ́ ỹɔw̃ɔ́ w̃aalɛ́lɛ, faale, wú lɛ́ingaa waá lí ngáá ndɔlɛí wú vɛ́lɛitii nda, wú lɛ́ingaa vá wú lí ndɔɔ hóu h̃u ngáá koohe.

KƆ́L̃E HESENDAA GƆLƆÍ 5:11

Kɛ́ sí gíte ngí ma aá wáá ngáá, wálaa báha kpahá nuí sí wá áá bɔ́wɔ yéɣe ngáá Ngala fɛ́li mɔ́ɔ kɛ́ i ngáá kɔlɔsiyá mɔ́ɔ́, ɔɔ i ngáá mɔní mɔ́ni mɔ́ɔ, ɔɔ í ngáá kɔɔ kɔɔ́ ŋániaitii hɛ́li mɔ́ɔ táá ti yéɣe ngáá ngalángaa, ɔɔ í ngáá ngi mbálangaa w̃ááboo mɔ́ɔ, ɔɔ í ngáá nuí sí í ngáá ndɔɔ bɔ́le mɔ́ɔ í ndɔɔ hóu h̃u nɔ́ɔ fɔ́, ɔɔ i ngáá ŋuỹá w̃ɔ́ɔ́. Wálaa héi kpú ỹanda ỹílaa wáá ná ỹɔ́kɔ mɔ́i wɔ́ɔ́ laaỹɛ́.

KƆ́L̃E HESENDAA GƆLƆÍ 6:10

ɔɔ nungáá wɔ́li ngeɣe mbélaa ngáá ngakpá, ɔɔ mɔní mɔ́ni mbélaa, ɔɔ ndɔɔ bɔ́le mbélaa tí ndɔɔ hóu h̃ú nɔ́ɔ fɔ́, ɔɔ sítii ti ngáá ti mbálangaa w̃ááboo mbélaa, ɔɔ ŋúỹa yélaa, ti tá fíli tɛ́i ɣɛ́ Ngalá mbú ngi w̃ásandai h̃u.

TƐSALÓNIKA HESENDAA GƆLƆÍ 5:7

Sítii taa nyíi, táa nyíi ngáá kpindíi, aáva sítii táa ɣɛ́ ndɔɔ hoú h̃u, taa ɣɛ́ ndɔɔ hoú h̃u ngáá kpindii.

TÁITƆ 1:6

Ná wáá ngáá, maa géle ɣelé mɔ́i fíli kɛ í ɣɛ́ ngáá nuí tɔmbema w̃áá fíli ɛi ɣɛ mbá aáva nyah̃ái í ɣɛ ngeyá yíla kpé. Kɛ maa w̃ɔ́i léngaitii ti ɣɛ́ laí ngáá Jísu ɛ́ɣɛ tɔwɔ́ vánda í ɣɛ́ ti wa ngáá kɛ taa ngáá kolo lála léngaa.