Ɛ́FƐSƆ 5:16 - Kɛ́lɛ Niinaí

¹⁶ Faa ỹɔ́u hólo lɔ a mú su. Náá hááw̃a, sí í ngáá faa vánda ngáá wáá hómbo wú kɛ a kɛ.

Ɛ́FƐSƆ 5:16 Iomraidhean Croise

MÁFIYU 25:17

Ngimɔ́ɔ́ nɔ́ɔ jɔ́ ngenge mɔ́i sí í bɛ́ki félengɔi w̃aahɔ́lɔni, laá bɛ́lɛ í kɛ́ni bɛ́ki félengɔi í láma ngeyá.

NJƆÚ 12:35

Kɛ Jísu i ti woo yápotenga, i ɣɛ ti w̃a, “Naa lɔ ɣɛ́ nɛ́nɛ kpɛ́ɛ́ ngelewongí í wú lóów̃a. A ndi ngu ma ngáá wú híyangi ná nɛ́nɛ ngelewongí í wú lóów̃a, kpindí ɔ́ɔ́ va vɛ́lɛ wú wá, bɔw̃álale nuí fíli áá híya kpindí h̃u ɛi ɣɛ áá ỹandái lɔ́ ááyaa híya na.

LÓÓMI 13:11

Á sí ɣɛ sífaa mú yéteyangi sí mú su wú kɛ́ kíli wɔlɔ́. Sɛmbɛheí hɔ́wɔ lɔ ngáá sí. Táingi ná a mu wumáá áá vá wóma kpɛɛngɔ́ɔ́ lé náá mba í lɔ́ve ná h̃úú wá hése a mu láni ngáá Jísu.

KƆ́L̃E HESENDAA GƆLƆÍ 7:26

Kɛ kíya hááwɔ yéteyangi sí bángɔ, aá lɔ́ kí ma ngáá maanɛ́ɛ́ngɔ lé nuu ɣɛ́ kíli í ló kíya áá ɣɛ́ na.

GALÉSIYA 1:4

Jísu Kílisitii i lɛɛh̃úi gúlangɔ kɛ́lɛma mu háá ỹɔítii fááw̃a kɛinɔɔ́ í mú gúla nyaama yéteyangi sí yákpangi wu. Laáva sí vá tɔ a mu Yálangi lɛ́i múl̃ɔ í ngáá mu Kɛ́ɛ́ɣɛ í ɣɛ́i loí Jísu í kɛ.

GALÉSIYA 6:10

Faalɔ, ná nɛ́nɛ toko í mu yɛ, a maa yáá faa vánda ɣɛ́ nuu fíli mbɛ́ ngungí í ndá mɛ́ɛ sítii ma a maá tiyéni mu ngáá nde ngiláá ndangí w̃áá véle w̃a a mu su ngáá Jísu Kílisitii.

Ɛ́FƐSƆ 6:13

Ná hááw̃a, sí Ngalángi í kulangɔ́ kɛ́lɛma wú yɛ́ ngáá kɔɔ wɔ nyáákaitii a ngeɣé kɛinɔɔ́ mbéi hɔ́wɔi fíli wú wááhilima w̃ɔ́ɔ́ áá láá lɛ́ wú wú ngáá ndapi wú hómbo wú ló ngáá pangɔ́ wú lápi la, wálaa kúla mbu mbɛ, kɛ́ laá ɣéle, wú ló loow̃aá.

Ɛ́FƐSƆ 6:15

A ɣɛ́ kíli batɛ ngáá wú ndiihéi gééla woo vandaí lé ná aa ɣɛ́ ngáá kɔɔva ɣɛ́ kíli wú gɔ́wɔ yá.

KƆLƆ́SE 4:5

Wú gɛ́ɛ́ háitii wú lówah̃u wáá sítii taa lái ngáá Jísu Kílisitii í ɣɛ́ ngáá kele ɣéle péle. Mbéi hɔ́wɔi fíli wáá lóko w̃ááhɔlɔ sí í ngáá faa vánda wáá hómbo wú kɛ ti yɛ, a kɛ ti yɛ.