Ɛ́FƐSƆ 5:11 - Kɛ́lɛ Niinaí

¹¹ Wálaa báha sítii mba taá ngángimba lála háitii kɛ, fái sítii ti ngáá kpíndi h̃ú háitii. Kɛ́ laá ɣéle, wú maa háitii kula kala kala ma.

Ɛ́FƐSƆ 5:11 Iomraidhean Croise

MÁFIYU 18:15

Kɛ Jísu i ɣɛa ta, “Ná í mbálai áá faa ỹɔ́u ɣɛ ngáá í yé, lí ngelé, yí ngi háá ỹɔí ɣɛ́ lá wú félengɔ kpé wú lówah̃u. Ná áá wólilo í w̃á, kɛ wú mɔ́ɔ ɣɛa ngáá mbálalopoa vólu.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 3:19

Kɛ́ Njɔú í ndéni Masangí Hɛ́lɔdi w̃a ngáá kɛ i faa ỹɔ́u ɣɛ́a bɔw̃álale lɛ́i í ngáá Hɛ́lɔdi i bɔwɔ́ ndéɣei ỹáh̃ai Hɛlɔ́diya yeɣéni ngáá ngi ỹáh̃a. Ná vólu mɔ́ɔ, Njɔú í Hɛ́lɔdi haa ỹɔu veka bih̃i bih̃ingáitii ndéni ma í ɣɛ́i kɛní.

TI GƐ́Ɛ́ HAÍTII 26:18

yí kɛ ngáá háwu ti yaah̃ú w̃áá í wó, ti vólu yáfe sítii mba ti gúlangɔ ngáá kpindí h̃ú háa, ti vóte sítii mba ti ngáá faí sítii ti w̃áá áá ɣɛ́ kpál̃au. Ná vólu, tí gúla Setána yákpangi wu, ti ɣɛ́ Ngalángi yákpangi wu, ná vólu, ti lángi w̃aa véle w̃a tí su ngáá ngé, ti ɣɛ́ sítii ndiiwáá Ngalá ngi ti ɣɛ kíli batɛngá bɔwɔ́ hááw̃a ɛ́ɣɛ ti háá ỹɔítii suuhaa í ló.’ ”

LÓÓMI 13:12

Maa hái gúlangɔɔ lé ngáá kpindíí h̃uu híyangɔɔ lé náá kíli, suu áá mɔ́ɔ́ ngelewondái wa. A mu bé fáitii kɛ́ma ngáá kíya kpéi kpíndi h̃úú yélaa taa ɣɛ́ na, kɛ́ aá ɣéle a mu ɣɛ kíli í ɣɛ́ ngáá nungáá ti w̃ááhei wóngɔ í ɣɛ́ la kɔɔ́ wɔ́ fááw̃a ngelewo sú.

LÓÓMI 16:17

Mu mbála Yala fɛ́li mbélai, wu w̃áánɛɛnɛngɔ gítee le, a waayaa naa w̃ááh̃u béle gíte ngáá nuí fíli áá ɣɛ́ wú lííwaa ngáá í vá ngáá ndowah̃u kɔlɛ́ háa, ɔ́ɔ́ í kɛ́ ngáá háwu faa í víli Ngala fɛ́lindai h̃u, ná wáá ngáá, sítiini taa léle ngáá ti híya ngáá kalambongítiini wú maahɔ́lɔngɔ, a waa báha kpahá sú wáá ná w̃aa núngai,

LÓÓMI 6:21

Kɛ́ aáva sí kínɛi náá wú suuhíyanga faa ỹɔ́u ɣɛ́ndai ná h̃u, wúwaa wúfe la sí h̃úi ndeé lɔ́ gítei í ngáá kulasuunúmai wú mááhɔlɔnga ti volú véle h̃u? Maa gulasuunumaí waa nɔ́ɔ ngáá sái nuu áá maahɔ́lɔ.

GALÉSIYA 6:8

Nuí fíli áá ɣɛ́ áá híya ngáá liivó fáa ỹɔ́itii, kúnafɔ sái lɔ áá mááhɔlɔ ngáá polú hái. Kɛ́ nuí sí áá ɣɛ́ áá híya ngáá Hɛ́ɛ́ma Ỹínangi liivó fáitii, aa kúnafɔ lɛ́ɛ́h̃ui w̃ááhɔlɔ ngáá polú hái Hɛ́ɛ́ma Ỹínangi w̃áá véle w̃a.

Ɛ́FƐSƆ 4:22

A bé wú gɛ́ɛ́ háá vɔ́lɔaitii mba sí í ɣɛ́ngɔ wú h̃u ngáá faa ỹɔ́itii hése ngáá sí í ɣɛ́ngɔ wú lói kaka péle w̃a, áá wú ɣɛ́ kíli ỹaaní, wáá tɔ ngáá ndiivo kɛɛ́ le.

Ɛ́FƐSƆ 5:12

Aa ɣɛ́ ngáá ngufe fáá wala ngáá nuu áá laa lúba bɛ́lɛ sí wa taá kɛ́ ndɔɔwu h̃u.

Ɛ́FƐSƆ 5:7

Náá hááw̃a, wálaa bɔ́ faa fíli má wáá ná w̃áa yélaa laaláitii.

TƐSALÓNIKA HESENDAA GƆLƆÍ 5:7

Sítii taa nyíi, táa nyíi ngáá kpindíi, aáva sítii táa ɣɛ́ ndɔɔ hoú h̃u, taa ɣɛ́ ndɔɔ hoú h̃u ngáá kpindii.

TƐSALÓNIKA GƆ́LƆI HELE KÉLEI 3:14

Ná nuu fíli áá ɣɛ́ na ɛ́i híya ngáá fái sítiini ní pɔ́nɛngɔ kɔ́lɔi sí h̃u, a gindó maa w̃ɔ́i h̃u, wálaa báha kpahá mba kɛinɔɔ́ í wúfe.

TƐSALÓNIKA GƆ́LƆI HELE KÉLEI 3:6

Mu mbála Yalá fɛ́li mbélai, niỹá lɔ́ɔ fái sí lé náa wú w̃a ngáá ndaahí ngóó bikpi Ndemɔí Jísu Kílisitii laahéingi h̃u ngáá sítii taa ɣɛ́ héi gbááma wú lííwaa tɛi ɣɛ́ lói tɔ́ɔ faa vaá fíli mbó ɛ́ɣɛ sítiini tɛí ɣɛ́ taa híya ngáá fái sítiini ní tí lengɔ́ wú w̃a, waa bɔ́ faa fíli má wáá tiyéni.

TÍMOTI HESENDAA GƆLƆÍ 5:20

Kɛ́ sítii kínɛi taá ɣɛ táá ndí ngu ma ngáá faa ỹɔ́u ɣɛ́ndaa, tevé kpé yí ndé tí w̃a lííwaa kɛinɔɔ́ ndúwa í vú pekaítii su tɔ́ɔ vá tá ɣɛ.

TÍMOTI HESENDAA GƆLƆÍ 5:22

Yálaa bɛ́li ngáá yí lóko vɛ́lɛ nuu fíli ma ngáá yí Ngala fɛ́li mbɛ ngáá í ɣɛ ngáá ngenge mɔ́ɔ́ Ndemɔí Ngalá mbɛ. Yálaa víli faa ỹɔ́i sítii su nungáá vékaitii taa ɣɛ́ táá kɛ. Tɔmbema w̃áa fíli álaa ɣɛ́ í wa.

TÍMOTI HESENDAA GƆLƆÍ 6:5

Ɛ́ɣɛ múl̃ɔ, aa kɛ ngáá háwu nungáá tí ɣɛ́ nɔ́ɔ fɔ́ maaɣaalí gúlandaa ya tiyɛ́i tí gi máitii ngá sáángɔi aáva taá mɔɔ tɔɔỹái wɔ́lɔ. Aá lɔ́ ti gi má ngáá Ngala fɛ́lindai lɔ ngáá pele ta nuu áá kpátɛ w̃ááhɔlɔ su.

TÍMOTI GƆ́LƆI HELE KÉLEI 3:5

Taá ɣɛ́ taá kúla ngáá tiyá lɔ́ ngáá Ngala fɛ́li mbélaa, kɛ́ ti híya veléi aa ngakɛ́ ngáá kɛ aa ngáá tɔɔỹaá. W̃aa ɣɛ́ gooh̃á nuu láálii nátii mba.

TÍMOTI GƆ́LƆI HELE KÉLEI 4:2

Yaayaa Ngala kééla woí lé nungáitii ma laáva yí bákpa ndendái h̃u. I ɣɛi ngáá nde sɔ́wɔ ɔɔ aa ɣɛi ngáá nde sɔ́wɔ, nde nɔ́ɔ. Nungáitii sítɛ pele gíte w̃a ngáá ti háá ỹɔítii ngakɛ́ndai ngáá ti ye, yí mɔ́ɔ ti liiwúúlɛ. Kalambongí wo ngáá ndiilɔlɔ́ gite kɛinɔɔ́ nungáitii tí ngátɔ mba.

TÁITƆ 2:15

I lóów̃ai í í yáá, maa yákpangi yangénge yí nungáitii kalámbo ngáá fái sítii ɛ́ɣɛ yí tí liiwúúlɛ. Sítii tɛ́i ɣɛ́ pele gíte w̃a, yí tí hítɛ pele vandá w̃a. Yálaa kɛ́ nuu fíli ɔ́ɔ́ tókohiya ngu maah̃ú háá ɣɛ ngáá í ye.

FAA YÁKƐ KƆ́LƆI 18:4

Kɛ ngí mɔ́ɔ ngoo véka ỹɛ́nia áá gúla ngelegóóh̃u, ngoí ná i ɣɛ́i ngáá sí, “Ní vóngaitii, a gula taí ná h̃úú wá! A gúla náá wa kɛinɔɔ́ wɔ́ɔ́ loko víli náá háá ỹɔítii su kɛlaa wɔ́ɔ́ náá háá bamaí tá w̃ááhɔlɔ.