Ɛ́FƐSƆ 4:6 - Kɛ́lɛ Niinaí

⁶ Ngalángi í yíla kpé aáva tɔ í ngáá Kɛɛɣɛí ɛ́ɣɛ Masa Ngwálai nuu kpɛ́lɛɛ fááw̃a. Aa kɛ ngáá háwu nungáá tí ngí yéngengi wo aáva aa ɣɛ nuu kpɛ́lɛɛ pólu.

Ɛ́FƐSƆ 4:6 Iomraidhean Croise

MÁFIYU 6:13

Yálaa kɛ ngáá háwu suugɔ́vɔ kpángɔ ɔ́ɔ́ vá ni yelé ɔ́ɔ́ kɛ nɔɔ́ faa ỹɔ́u ɣɛ, kɛ́ yí ní w̃ááh̃u béle Ngutuwɔ́ Ỹína Nyɔí yáá.’

MÁFIYU 6:9

Faalɔ, ngimɔ́ɔ́ kule í wú w̃á wú Ngalá fɛ́li, wáá ɣɛ́ ta, ‘Ni Kɛ́ɛ́ɣɛ Ngalá yɛ́i yí ngelegóóh̃u, kɛ kái ngáá háwu nungáá ti wúfe í w̃a.

NJƆÚ 14:23

Jísu í ngoo yápoteni, i ɣɛ ma, “Nuí fíli áá ɣɛ́ loí ngáá ngé, maa w̃ɔ́i aa híya ngáá ní gálambongi. Ní Kɛ́ɛ́ɣɛ vá aa lo ngáá maa w̃ɔ́i. Ná vólu, naá va naa ní Kɛ́ɛ́ɣɛ maa w̃ɔ́i yelé, ní ló ndoow̃á.

NJƆÚ 17:26

Ngí í hái yákɛa kpál̃au ngáá ti ye aáva nyá lɔɔ́ ndi ngu ma ngáá ngakɛ́ndaa ngáá ti ye kɛinɔɔ́ ti ló ngáá nungáá vékaa kíya nɔ́ɔ́ i lóngɔ ngáá ngé. Ná vólu, naá tiyéni ni ɣɛ kíli í ɣɛ́ yíla kpé pele kpɛ́lɛɛ su.”

NJƆÚ 20:17

Jísu i ɣɛi ma, “Yaa hóu mbá yɔ́ɔ́ kpá mbéinda sífaa, ngáá nɛ́ɛ́ yangáimai ní Kɛ́ɛ́ɣɛ yelé. Kɛ́ aá ɣéle, lí ni mbálangaitii ngelé, yí nde ti w̃a ngáá kɛ nyá lɔ́ɔ yangáima ní Kɛ́ɛ́ɣɛ yelé, lɛ́i í ngáá wú Kɛ́ɛ́ɣɛi, ní Yálangi, lɛ́i í ngáá wú Yálangi.”

LÓÓMI 11:36

Faa kpɛ́lɛɛ i gulangɔ́ Ngála ngeyá, laá lɔ́ í ŋáni kpɛ́lɛɛ kpátɛngɔ, laá vá tɔ kpɛ́lɛɛ áá ngápu tóko h̃u. Bɛlɛ́ ndaaw̃áá í lɛ́ kúnafɔ taá ngí ndá gúnafɔ! Amíína.

KƆ́L̃E HESENDAA GƆLƆÍ 12:6

Nuu hómbondaa háitii tiyá lɔ na léélaa léélaa. Kɛ́ Ngalá ngílaa kpéngi lɔ nɔ́ɔ áá naa gúla kɛ́lɛma nungái mbɛ ngi yéngengitii mbo fááw̃a.

KƆ́L̃E HESENDAA GƆLƆÍ 8:6

kɛ́ muỹa mu haáw̃a, Ngalángi i yíla kpé nɔ́ɔ. Laá vá tɔ í ngáá mu Kɛ́ɛ́ɣɛ ɛ́ɣɛ ŋani kpɛ́lɛɛ kpátɛ mɔ́i, ngi háwui h̃úú lɔ́ í kɛngá mú ndɛɛh̃úi h̃u. Aáva múl̃ɔ Ndemɔí í yíla kpé, aáva laá wáá ngáá Jísu Kílisitii, lɛ́i Ngalá ngí ŋani kpɛ́lɛɛ kpátɛngɔ maa véle w̃a, aáva laa vá tɔ nɔ́ɔ mɔ́ɔ́ mú ndɛɛh̃úi h̃u maa véle w̃a.

KƆ́L̃E GƆ́LƆI HELE KÉLEI 6:16

Aa ɣéle kɛ náa Ngalángi vɛ́lɛini ngaa kɔɔ kɔ́ɔ́ ŋániaitii taa ti yeɣé ngáá ngalángaa ti bɔ́ faaw̃á? A muỹá lɔ mu ngáá pɛlɛ́ Ngalá ngí sí hááw̃a í ndɛɛh̃úi h̃u kɛ kíya Ngalá ngí í ndéngɔ, í ɣɛ́i ta, “Nyá lɔɔ ɣɛ́ ti loow̃áá ɛ́ɣɛ ngí híya hiyá ti liiwáá, aáva ngáá ɣɛ́ ngáá ti Yálangi, tiyá va tí ɣɛ ngáá ní vóngaa.”

Ɛ́FƐSƆ 1:21

Kílisitii w̃ásandai í ngelegóóh̃u áá lɔ́ masandái kpɛ́lɛɛ kpɛ́lɛɛ maah̃u ngelegóóh̃u. Masa tóów̃aa mbá lááheingi sí í mba, tɔvengɔ́ɔ́ lé masa tóów̃aa mbá lááheingi kpɛ́lɛɛ mbá í ngelewu ɛ́ɣɛ sí áá ɣɛ́ na kúna.

Ɛ́FƐSƆ 2:22

Kpahaí wú su Jísu Kílisitii wa, wá bɛ́lɛ wú báhaa Ngalángi vóngaa vekaítii kpɛ́lɛɛ mbá ngáá pɛlɛ́ mbéi Ngalángi Hɛ́ɛ́ma Ỹínangi áá ɣɛ́ na.

Ɛ́FƐSƆ 3:17

Ngáá Ngala fɛ́li ngáá Kílisitii í vá wú líí h̃u ngáá ndangí wáá ɣɛ́ su lá ɛ́ɣɛ ngí lóngi í wú líí h̃u láa hé

Ɛ́FƐSƆ 6:23

Bɛlɛ́ a mu Kɛ́ɛ́ɣɛ Ngalá taá Ndemɔí Jísu Kílisitii tí mu kpɛ́lɛɛ kɔ́ ngáá ndiihéi, ndongí taá ndángi muỹɛ́i mu ngáá Ngala fɛ́li mbélaitii.

NJƆÚ HESENDAA GƆLƆÍ 3:24

Ná mu gólongɔ áá ɣɛ́ la Ngalángi hávaitiini mbu kɛ mu báhangɔɔ lé Ngalá mba Ngalá bɛ́lɛ nɔ kpahangɔ́ mú wa. Sí vá a maa ɣɛ́ kɔ́lɔ mba ngáá kɛ mu báhangɔɔ lé Ngála mba aá wáa ngáá Hɛ́ɛ́ma Ỹínangi í kɛ́ngɔ ngáá háwu í mú volú.