Ɛ́FƐSƆ 4:4 - Kɛ́lɛ Niinaí

⁴ Mu kpɛ́lɛɛ muỹá lɔ ngáá nuu yílaa aáva Hɛ́ɛ́ma Ỹína ngílaa kpéngi lɔ í mu volú kíya nɔ́ɔ Ngalángi í mú kpɛ́lɛɛ tólingɔ mu gítomai í yíla.

Ɛ́FƐSƆ 4:4 Iomraidhean Croise

MÁFIYU 28:19

Faalɔ, a lí náa nungáá kpɛ́lɛɛ ngéle, ngeleí sí kpɛ́lɛɛ mbú wú kɛ ngáá háwu ti ɣɛ́ ngáá pólu yélaa. Waayaa ngúyai wó ngáá ti ye, Kɛɛɣɛí Ngalángi laahéingi h̃u, ɛ́ɣɛ ngi H̃íỹɛndou Loí laahéingi h̃u ɛ́ɣɛ Hɛ́ɛ́ma Ỹínangi laahéingi h̃u.

TI GƐ́Ɛ́ HAÍTII 15:11

Aa pele w̃a! Ni langɔ́ɔ́ lé lá ngáá kɛ Ndemɔí Jísu ngi háa bɔwɔ́i lɔ í kɛngɔ́ ngáá háwu mú ngumaawóngi sí w̃ááhɔlɔngɔ aáva ngimɔ́ɔ́ nɔ́ɔ tí maahɔ́lɔngɔ.”

LÓÓMI 11:29

sífaa Ngalá ngɛ́i nɛ́ɛ́ma yéi nuu w̃a ɔ́ɔ́ mɔ́ɔ́ ngeɣé vólu, ná vólu, ɛi leew̃a sítii ma í lókolonga tí wa ngáá ngi vóngaa.

KƆ́L̃E HESENDAA GƆLƆÍ 10:17

Maá ɣɛ́ ngáá nuu yílaa kíya bɛ́lɛ mu bih̃íngɔ áá ɣɛ́ la bɔw̃álale bíle yílaangi lɔ́ maá kɔlɛ wɔlɛ́ mú mɛ.

KƆ́L̃E HESENDAA GƆLƆÍ 12:20

Kɛ kíya í na, nuu wááwɔlingaitii tí bih̃í, kɛ́ kpusaí i yíla kpé.

KƆ́L̃E GƆ́LƆI HELE KÉLEI 11:4

Nyáá ngáá sí lé sífaa wáá lokohéi nuu fíli mbú ngáá kooh̃unɛɛ áá vá í kééla woó le kɔwɔ́ato Jísu veka wa í síɣe Jísui sí wa ní kééla wóo léa kɔwɔ́ato mba, ɔɔ wú lókohei ỹína peka wu í síɣe Hɛ́ɛ́ma Ỹínangi wa, ɔɔ wú lókohei keela woó véka wu í síɣe sí wa ní ndéa wú w̃a.

Ɛ́FƐSƆ 1:18

Nyá lɔ́ɔ Ngalá fɛ́li ngáá wú gí mai ya ngí ɣɛ́ kpál̃au ngáá wú hómbo wú ɣɛ́ tɔɔỹái wɔlɔ́ áá gúla ngeyá kɛinɔɔ́ wú ɣɛ́ kitomái wɔlɔ́ áá kúla kɛlɛ́ma wú yɛ́ ɛ́ɣɛ ngi háá bɔwɔ walaí í wú gúúlongɔ lá

Ɛ́FƐSƆ 2:16

Sái Jísu Kílisitii í mbóni kulɔ́sii w̃á i silímai gúlanga híí félengɔi sítii ndowah̃u, í tí ɣɛ́ ngáá nuu yílaa, í mɔ́ɔ kɛ ngáá háwu tí lówah̃u í bátɛ taá Ngála.

Ɛ́FƐSƆ 2:18

Jísu Kílisitii w̃áá véle w̃á lɔ a mu kpɛ́lɛɛ kpɛ́lɛɛ, sítii tí ngáá Júsua ɛ́ɣɛ sítii taa ngáá Júsua, í kɛngá naa gúlangɔ kɛlɛ́ma mu yɛ ngáá a maá fólo Kɛɛɣɛí Ngalá ma mu Yála fɛ́li ngói w̃aa véle w̃a, Hɛ́ɛ́ma Ỹína ngiláá kpéngi sí w̃áá véle w̃a.

Ɛ́FƐSƆ 2:22

Kpahaí wú su Jísu Kílisitii wa, wá bɛ́lɛ wú báhaa Ngalángi vóngaa vekaítii kpɛ́lɛɛ mbá ngáá pɛlɛ́ mbéi Ngalángi Hɛ́ɛ́ma Ỹínangi áá ɣɛ́ na.

Ɛ́FƐSƆ 4:1

Náá hááw̃a, nyɛ́i ngí ngáá pelésina bɔw̃álale nyáá lɔ́ɔ yénge Ndemɔí Jísu yɛ, nyáá lɔ́ɔ wú w̃áánɛɛnɛ ngáá wú gɛ́ɛ́ háitii ɛ́ɣɛ wú híya veléitii tí ɣɛ́ ngáá kíya Ngalá ndongɔ́ ti ɣɛ́ na ná h̃u í wú lólini.

Ɛ́FƐSƆ 5:30

bɔw̃álale a mu báhangɔɔ lé mba.

KƆLƆ́SE 1:5

Táingi ná h̃u ti tɔɔỹaá gééla woí léni wú w̃a hése, ná wáá ngáá, keela woó vándai, wú faa ỹɛ́nini kɔwɔ́ato kitomái wa nuu áá mááhɔlɔ su. Ndangí ɛ́ɣɛ ndóngi wú su aá lɔ́ɔ́ gúla kitómai h̃u í wú wa, ná wáá ngáá, sí ngandɔ́ɔ́lɔngɔ wú hááw̃a ngáá pangɔ́ ngelegóóh̃u.

KƆLƆ́SE 3:15

A bɛ́lɛ ndiiheí sí Kílisitii áá fé í wú wúto faa fíli su wáá ɣɛ́ wú kɛ, sífaa, Ngalá tɔ í wú lólingɔ ỹanda yílaa ngáá wú báha su wú ɣɛ ndííhei h̃ú. A waayaa sɛ́ɣɛɛ gula ma hɔ́wɔ fíli.

TƐSALÓNIKA GƆ́LƆI HELE KÉLEI 2:16

Bɛlɛ́ mu Lemɔ́i Jísu Kílisitii laá gíte ɛ́ɣɛ mu Kɛ́ɛ́ɣɛ Ngala ti wú lííwuulɛ ɛ́ɣɛ ti wú h̃úúba faa vánda kpɛ́lɛɛ nde fááw̃a ɛ́ɣɛ kɛ fááw̃a. Ngala ndóngɔɔ lé ngáá mu ye aáva ngi háá bɔwɔí w̃áá véle w̃a, í kitomáá vánda hengá mú yɛ, í kɛ ngáá háwu mu lííwuulɛngi áa ndi ngu ma kúnafɔ.

TÍMOTI HESENDAA GƆLƆÍ 1:1

Nyɛ́i ngí ngáá Pɔ́ɔ, nyá lɔ ngáá kɔlɔí sí vɔ́nɛ. Nyá lɔ ngáá Jísu Kílisitii gééla kíya Ngalá lɛ́i í ngáá mu Wumáawo Mɔ́i ɛ́ɣɛ Jísu Kílisitii lɛ́i í ngáá mu gítomai ti ndéngɔ ngáá í ɣɛ́.

TÁITƆ 1:2

Ná ná áá ɣɛ́, kitomái áá ɣɛ́ tí wa kúnafɔ lɛ́ɛ́h̃ui hááw̃a Ngala lɛ́i ɛ́i ndɛɛ gɔ́ɔ́la í máá gúúlombongɔ p̃ɛ́ɛ́ ngetéyangi ɔ́ɔ́ ɣɛ́a batɛ́.

TÁITƆ 2:13

A maá ɣɛ́ maa sítii kɛ ná nɛ́nɛ múwaa kooh̃unɛ́ɛ́ hóloi sí w̃áálɛlɛ í ngáá mu gítomai. Ná wáá ngáá, fóloi sí mu Yála ngwalaí Jísu Kílisitii lɛ́i í ngáá mu Wumááwo Mɔ́i áá vá ngi yákpa maanɛɛnɛɛngí h̃u.

TÁITƆ 3:7

I sí ɣɛ́ngɔ kɛinɔɔ́ mu kúnafɔ lɛ́ɛ́h̃ui w̃aahɔ́lɔ í ngáá mu gitómai sífaa ngi haa bɔwɔí w̃áá véle w̃a, í mu ɣɛ́a ngáá telembo mbélaa.

PÍTƐ HESENDAA GƆLƆÍ 1:21

Kílisitii vá tɔ í kɛ́ngɔ ngáá háwu wú lángɔ ngáá Ngalá. Ngalá tɔ í Kílisitii wuyoɣéngɔ sái h̃u í kɛ ngáá háwu ngufema wála i mbɛ. Faale, wu lángɔɔ lé ngáá Ngalá wú gítongɔ mba.

NJƆÚ HESENDAA GƆLƆÍ 3:3

Nuí fíli kitomái sí áá ɣɛ́ mbɛ Jísu Kílisitii h̃u, maa w̃ɔ́i aa bɔwɔ́ h̃uuhóu w̃a, nguyangɔ́ í ɣɛ lá fó faa ỹɔí yaá kíya nɔ́ɔ Jísu Kílisitii í na faa ỹɔ́u fíli áá su.