Ɛ́FƐSƆ 4:32 - Kɛ́lɛ Niinaí

³² Kɛ́ laa ɣéle, a bɔ́ ỹɔw̃ɔ́ ỹɔ́w̃ɔ wá, wááyaa ỹɔw̃ɔ́ ỹɔ́w̃ɔ yaah̃ú w̃ááw̃aanu hóu wú wú háá ỹɔítii suuhaaló ỹɔw̃ɔ́ ỹɔ́w̃ɔ yɛ kíya nɔ́ɔ Ngalángi í mu háá ỹɔítii suuhaalóngɔ Kílisitii w̃áá véle w̃a.

Ɛ́FƐSƆ 4:32 Iomraidhean Croise

MÁFIYU 6:12

Yí ni háá ỹɔítii suuhaaló kɛ kíya nɔ́ɔ naá sítii suuhaaló taá fáa ỹɔ́u ɣɛ́ ngáá ni ye.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 11:25

Ná vólu, ná yáá ɣɛ́ yáa Ngala fɛ́li nuu háá baalɛ mba i í gí ma, maa w̃ɔ́i w̃ááhaalo kɛinɔɔ́ í Kɛ́ɛ́ɣɛ Ngála í ngelegóóh̃u ɔ́ɔ́ í háá ỹɔítii suuhaaló. [

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:78

bɔw̃álale Ngalá ndií h̃ú laahéngɔɔ lé ngáá ngi ló ngááh̃u w̃aaw̃aanúi. Faalɔ, ngumaawóngi aa va mu w̃ááh̃u aa gula ngelegóóh̃u kíya nɔ́ɔ foló hólongi í na.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:4

Ni háá ỹɔítii suuhaaló sífaa niỹá bɛ́lɛ naa sítii suuhaaló taá faa ỹɔ́u ɣɛ ngáá ni ye. Yálaa kɛ ngáá háwu suugɔvɔ́ kpángɔ ɔ́ɔ́ vá ni yelé ɔ́ɔ́ kɛ́ nɔɔ́ faa ỹɔ́u ɣɛ.’ ”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 17:4

Ná áá faa ỹɔ́u ɣɛ ngáá í ye folo yílangi laa lówah̃u naa héiw̃aa í bɔ́ɔ́ ɣɛ bih̃i ká ka, kɛ́ ná áá vá áá ɣɛ́ í w̃a, ‘Ngí faa ỹɔ́u ɣɛa ngáá í ye,’ súúhaalo.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:35

Kɛ́ a ló ngáá wú wááhilima yélaitii, wú faa bɔ́wɔ ɣɛ́ ti yɛ, wú kule vɛ́lɛ ti w̃a, aáva wú gí ngálaa ɣɛ́ na ngáá kɛ wáá ŋani fíli sɔ́lɔ ti yaá múl̃ɔ volu. Ná ná áá ɣɛ́, wú gúlasuunumai ya ngáá ɣɛ wɔɔlɔ ngwala aáva wáá ɣɛ náa ngáá Ngalá ndéngaitii lɛ́i í ngáá Ngutuwɔ́ Yála Ngwalaí, bɔw̃álale aa sítii ngaah̃ú w̃ááw̃aanu hóu taá faa bɔ́wɔ wuu wɔlɔ́ aáva ti ỹáámangɔ.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:37

Jísu í mɔ́ɔ ɣɛ ti w̃a, “A waá nungáá vékaa waaléve ngáá kɛ taá vélei, ná lɔ́ áá kɛ́ Ngalá ngɛ́i wú wááleve ngáá wáá vélei. Waa faa vɛ́lɛ nungáá vékaa wa, ná lɔ́ áá kɛ Ngalá ngɛ́i fáá vɛ́lɛ wú wá. A waayaa nungáá vékaa h̃uuhaaló. Ná lɔ áá kɛ Ngalá ngáá yáa wú h̃úúhaalo.

TI GƐ́Ɛ́ HAÍTII 28:2

Nungái nátii ti ɣɛ́i na, tí kɛ́ɛ́hɔ pandá wála gulaní ngáá ni ye ngáá ni gí kéle tɔ aa ɣɛi mba. Tí lókoheini ní wu, tí ngɔmbu la, tí ni lolí ma ni kpɛ́lɛɛ, bɔw̃álale njɛí i ɣɛi áá wá, kɔɔlɛ́i áá va.

LÓÓMI 12:10

A ló ngáá ỹɔw̃ɔ́ ỹɔ́w̃ɔ kíya nɔ́ɔ wú lóngɔ ngáá wú létɔaitii. Nuí fíli í ɣɛ́ áá wúfe ngi mbálangai ma í lɔ́ve laá gíte wa.

KƆ́L̃E HESENDAA GƆLƆÍ 13:4

Nuu fíli í ngáá ndo mɔ́ɔ́ ndiilɔlɔngɔ́ɔ́ lé, faa bɔ́wɔ i su, kɛ́ tolóma ɛi ɣɛ́ su, yongangɔ́ ɛ́i ɣɛ́ la, kɛlaa í bɔwɔ́ h̃uu ɣɛ́ wɔ́ɔ́lɔ.

KƆ́L̃E GƆ́LƆI HELE KÉLEI 2:10

Ná wáá nuu fíli suuhaaló ngi háá ỹɔí hááw̃a í kɛ́a, nyá bɛ́lɛ ngáá suuhaaló. Laáva ná faa fíli áá ɣɛ́ na ngáá ngí suuhaaló ngí suuhaalónga wú hááw̃a aáva Kílisitii lɔ í ngáá maa heelé

KƆ́L̃E GƆ́LƆI HELE KÉLEI 2:7

Kɛ́ ná fíli sú, a suuhaaló ɛ́ɣɛ wú ndiiyapɔ́pɔ kɛinɔɔ́ ndii ɔ́ɔ́ ỹááni ngwala í bɔwɔ́ gúla yaa fó fóndei.

KƆ́L̃E GƆ́LƆI HELE KÉLEI 6:6

Ní ngákɛa ngáá niỹá lɔ ngáá Ngalángi yénge mbélaa kɔwɔ́ato ni ɣɛ kíli wa séngei faa ỹɔ́i yaá, ɛ́ɣɛ sí ní kɔ́lɔ kɔwɔ́ato Ngalángi lɔ́ɔ́ỹai wa ɛ́ɣɛ ndiilɔlɔ́i ní su ɛ́ɣɛ ni háá nɛɛ ɣɛndái. Ná vólu, Hɛ́ɛ́ma Ỹínangi í ni vólu ɛ́ɣɛ tɔɔỹaá lóngi ní su

Ɛ́FƐSƆ 5:1

Ná wú ngáá Ngalá ndiivo ndéngaa, kule lɔ wú w̃á wú lúva veléitii ti ɣɛ́ ngáá Ngalángi ndá lúva veléi ɣɛ́ kíli.

JIMISÍ 5:11

Aa lɔ ngáá faa vánda sítii fááw̃a taá líiba faa bámai h̃u. Wú faa ỹɛ́ninga kɔwɔ́ato Ngala fɛ́li mɔ́i wa tɔ́ɔ́ ɣɛ́ ma Jóo ngi líílɔlɔi wa. Aáva wú kɔ́lɔ kíya Ndemɔí Ngála ngí bɔ́i mba ngapúmai sífaa, Ndemɔí Ngala tɔ ngáá maanuma w̃ɔ́ɔ́ ɛ́ɣɛ tuva velé vándaa w̃ɔɔ.

PÍTƐ GƆ́LƆI HELE KÉLEI 1:7

Ná vólu, wú ló ngáá ỹɔw̃ɔ́ ỹɔ́w̃ɔ kíya njee lengaa taa ɣɛ́ na, ná vólu, ndo ngí ɣɛ́ wú h̃u.

NJƆÚ HESENDAA GƆLƆÍ 1:9

Kɛ́ ná a maa gáhe ngáá mu háá ỹɔítiini Ngalá ma, a mu háá ỹɔítii súúhaalo, í mu wúya fó faa kpɛ́lɛɛ ngéya taa ɣɛ́ ngáá faa ỹɔítii bɔw̃álale aá lɔ́ ngáá tɔwɔbáɣa w̃ɔ́ɔ́ ɛ́ɣɛ telembo mɔ́ɔ́.

NJƆÚ HESENDAA GƆLƆÍ 2:12

Nyá lɔ́ɔ kɔlɔí sí vɔ́nɛ wú yéle wɛ́i wu ngáá ndengáitii ndóngɔ ngáá wú ye, bɔw̃álale, wú háá ỹɔítii suuhaa í lónga Jísu Kílisitii haalái h̃u.