Ɛ́FƐSƆ 4:26 - Kɛ́lɛ Niinaí

²⁶ Ná wáá lúu, waa kɛ wú líí ỹɔi ɔ́ɔ́ kɛ wɔ́ɔ́ faa ỹɔ́u ɣɛ. Wálaa lúva túi ná h̃u.

Ɛ́FƐSƆ 4:26 Iomraidhean Croise

MÁFIYU 5:22

Kɛ́ nyá lɔɔ́ nde náa wú w̃á ngáá, nuí fíli tuungɔ́ áá ɣɛ́ la ngi mbálai yaá, taá vá ngáá maa w̃ɔ́i kóótii h̃u. Nuí fíli pá áá ngí mbála yɛɛlí, taá vá ngáá maa w̃ɔ́i kóóti walaí h̃u. Ná vólu, nuí fíli áá ɣɛ́ ngi mbála w̃a, ‘Ngambalámba w̃ɔ́ɔ́ waa ngáá í ye!’ Ná áá kɛ ngáá háwu Ngalá ngí maa w̃ɔ́i lɔ́ve njahááma wɔ́mbui h̃u.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 10:14

Ná Jísu í sí ŋál̃a lɔní polú yélai ti ɣɛ́i taá kɛ, ndiiyáw̃al̃angɔ i ɣɛi lá. Kɛ i ɣɛa volú yélaitii ma, “A bé ndópoaitii mba ti vá ngéle, a waá ti h̃úúhou, sífaa Ngalángi w̃ásandai lɔ nungáá w̃ááh̃u ti ɣɛ kíli í ngáá ndopoá ɣɛ kíli.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 3:5

Jísu i ti beléni ngáá ndiiyaw̃ál̃a, kɛ́ maaw̃áánungɔ i ɣɛi lá ti haáw̃a ngáá ngu suu bá ndíi í ɣɛ́i ti góó ya. Kɛ i ɣɛa siỹɛndópoi w̃a tokoí háángɔ í ɣɛ́i lá mba, “Loko h̃úúhulo mbo.” Ná í lokoí h̃úúhulo mbóni aáva tokoí i walóni náa fó.

JIMISÍ 1:19

Mu mbála Yalá fɛ́li mbélaitii wú ngáá ndíívo mbélaa, a ɣɛ́ fái sí wɔ́lɔ. A ɣɛ́ ngáá faa ỹɛ́ni mbélaa hɔ́wɔ fíli. Wálaa ɣɛ́ wáá bɛ́li ngáá yɛpɛndáá kalambo sú kɛlaa maa wú líí ɔ́ɔ́ ɣɛ́ kolo ngá,

JIMISÍ 1:20

sífaa ndiiyaw̃ál̃ai ɛi kɛ ngáá háwu nuu ɔ́ɔ́ híya ngáá Ngalá ndiivó pélei.