Ɛ́FƐSƆ 4:23 - Kɛ́lɛ Niinaí

²³ A kɛ ngáá háwu wú líí h̃u ɛ́ɣɛ wú gí maa háitii ti ɣɛ́ ngáá niina.

Ɛ́FƐSƆ 4:23 Iomraidhean Croise

LÓÓMI 12:2

Wálaa ɣɛ́ ngáá sítii kɛ kíli táa Ngalá faaw̃a ngeleí sí wú, kɛ́ áá ɣéle, a lokohéi mbu ngáá Ngalá ngí wú gísiyaitii kpɛ́lɛɛ máálovi. Ná ná áá ɣɛ́, wáá ɣɛ́ náá kɔlɔ́ sí Ngala ndóngɔ la ná wáá ngáá, kíya wáá fáitii kɛ ngáá pangɔ́ tɔmbéma w̃áá fíli ɛ́i ɣɛ ti wa ngáá taá Ngála ndiilá.

LÓÓMI 6:4

Faalɔ, ngúyai a mú mááhɔlɔni kɛ kpɔ́lui wúl̃a tí mbóni ngáá mu ye a maá láa. Ná ná ɣɛ́ngɔ, kɛ i ɣɛ́ngɔ nɔ́ɔ ngáá a mú hááni a maá láa ngáá kɛinɔɔ́ kíya nɔ́ɔ Kɛɛɣɛ́i Ngálangi gááma yakpangí í kɛ́ni ngáá háwu Kílisitii í yóóɣeni sái h̃u a muỹá bɛ́lɛ nɔ a mú lɛɛh̃úi h̃uuhíya péle niiná h̃u.

LÓÓMI 8:6

Ná wɔ́li nuu gitóngɔ áá ɣɛ́ nɔ́ɔ la sítii mbá taa ɣɛ́ ngáá nuu liivó fáitii, kisíya láálii ná aa kɛ nuu í sáa w̃ááhɔlɔ. Kɛ́ ná nuu gisíya áá to nɔ́ɔ sí wa Hɛ́ɛ́ma Ỹínangi áá nuu ló ma, kisíya láálii ná aa kɛ nuu í ndɛ́ɛ́h̃u gítei w̃ááhɔlɔ ɛ́ɣɛ Ngalángi lííhei.

Ɛ́FƐSƆ 2:10

Ngalá tɔ́ í mú bátɛngɔ kíya a mú na. I mu bátɛngɔ ngáá niina kpahaí wá mú su Jísu Kílisitii wa ngáá a mú ngenge pándai sítii mbo sí í suubátɛnga náa kílii ngáá a mú tí wo.

KƆLƆ́SE 3:10

Wálaa nátii kɛ sífaa, wá lɔ́ náá ngáá nuu níína. Wú bátɛ mɔ́i Ngalá tɔɔ kɛ ngáá háwu wú ɣɛ́ kílii í ɣɛ́ nɔ́ɔ kélei ngáá kíya laá Ngalá kpútei í na. Aá lɔɔ ná ɣɛ́ h̃íí ná kɛinɔɔ́ í kɛ́ ngáá háwu wú ɣɛ́ kɔ́lɔ ngáá ele gíte waa ngáá laá.

TÁITƆ 3:5

i mu wumááwoni. Aa ɣɛi ngáá mu bɔwɔ́ háá vanda w̃aa véle w̃a lɔ́ mú ngúmaawongi w̃aahɔ́lɔni faaw̃a, kɛ́ Ngalá ngi mu wumááwoni bɔw̃álale aá lɔ ngáá ngaah̃u w̃ááw̃aanu w̃ɔ́ɔ. I mu wumááwongɔ ngáá nguyaí sí áá kɛ nuu léngɔ áá ɣɛ́ lá volú ɛ́ɣɛ ndɛɛh̃u níínai sí áá gúla Hɛ́ɛ́ma Ỹínangi h̃u.

PÍTƐ HESENDAA GƆLƆÍ 1:13

Náá hááw̃a, a héi gilí bátɛ ngáá wú gí maitii ti ɣɛ́ Ngala fáitii kɛ fááw̃a, wálaa lééw̃a, ná vólu, wú gítomai kpɛ́lɛɛ í ɣɛ́ nɔɔ́ náa Ngalángi háá bɔwɔí sí wa í ngeyá wú hááw̃a. Wá lɔɔ vá maahɔ́lɔma ngeyá ná h̃u Jísu Kílisitii íwaa vá yangáimama ngeleí sí wu.