Ɛ́FƐSƆ 4:21 - Kɛ́lɛ Niinaí

²¹ Ngí kɔ́lɔ ngáá wú faá ỹɛ́ninga kɔwɔ́ato Jísu wa wɛ́i wú ngáá polú yélaitii. Ti wú gálangɔ ngáá tɔɔỹaá gééla woo vandaí kɔwɔ́ato mba.

Ɛ́FƐSƆ 4:21 Iomraidhean Croise

MÁFIYU 17:5

Pítɛ i lói nɔ́ɔ njɛpɛí vúma, ngamá nɔ́ɔ kɛ njɛ bilíi i ɣɛ́i áá hólo ngwala i vaangá, í ti w̃áábɔlu. Kɛ ngoí ta aá tɔ áá gúla njɛ bilíi ná h̃u. Ngoí ná i ɣɛi ngáá sí, “Sí lɔ í ngáá ní H̃íỹɛndou Loí, ndóngɔ lá, aá lɔ ndíílɛingɔ fááw̃a ngwala. A wolílo ndaa wóó w̃a!”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 10:16

Jísu í mɔ́ɔ ɣɛi volú yélaitii ma, “Nuí fíli áá wolílo wú láá woo w̃a, kɛ i wolílonga ndáá woo w̃a. Nuí va áá léle wú wa, kɛ i lelengá mbá. Nuí fíli pá áá léle mbá, kɛ i lelengá nuí síí w̃ɔ́i wa í tɔ́vengɔ.”

NJƆÚ 1:17

Ngalá ngí savaítii fení Muusé yáá ngáá ná í fé nungáitii ngeyá. Kɛ́ faa bɔ́wɔi ɛ́ɣɛ tɔɔỹái kɔwɔ́ato Ngala mba a mu nátii maahɔ́lɔngɔ Jísu Kílisitii w̃áá véle w̃a.

NJƆÚ 10:27

Ní wáálaitii taá wolílo ngói w̃a, ngí ti wɔlɔ́ aáva taá hítɛ pólu.

NJƆÚ 14:17

Maa bɔ́mba w̃ɔ́i waa ngáá Hɛ́ɛ́ma Ỹínangi lɛ́i áá tɔɔỹái yakɛ kɔwɔ́ato Ngala mbá. Ngeleí sí wuu yélai tɛí lókohei kpɔmba w̃ɔ́i sí wú bɔw̃álale tɛí tɔ kɛlaa tɔɔ́ ɣɛ́ kɔlɔ́. Kɛ́ wá laa wú kɔlɔ́ bɔw̃álale aá lɔ́ ɣɛ́ wú vólu kúnafɔ aáva wú báhangɔɔ aa ɣɛ la su.

NJƆÚ 14:6

Kɛ Jísu i ngoo yápotenga, i ɣɛ ma, “Nyá lɔ́ ngí ngáá peleí. Nyá lɔ́ ngáá tɔɔỹái ɣɛ ngáá nuu kɔwɔ́ato Ngalá mba. Nyá lɔ́ ngáá ndɛ́ɛ́h̃u gítei hé. Nuu fíli ɛi li Kɛɛɣɛí Ngalá ngelé kɛ léi máávele w̃á.”

LÓÓMI 10:14

Kɛ́ nungáá táa ɣéle Ndemɔí Ngalá mááloli náa kpɔmba hááw̃a ná tɛ́i ɣɛ́ lái ngáá Ndemɔí gíte? Aáva taá ɣéle la náa lá ná tɛ́i ɣɛ́ faa ỹɛ́ni kɔwɔ́ato mba? Aáva taa ɣele faa ỹɛ́ni kɔwɔ́ato mba ná nuu ɛ́i ɣɛ́ ndéni ti w̃a?

KƆ́L̃E GƆ́LƆI HELE KÉLEI 1:20

sífaa laa lɔ́ Ngalángi gúúlongi kpɛ́lɛɛ í hítɛngɔ ngá laa maa véle w̃a. Ná lɔ́ í kɛ́a faa fíli a maá lúw̃a ma ngáá í ɣɛ́ maa ndé Kílisitii laahéingi h̃u ngáá Ngalá ngí tɛ mááhɔlɔ su.

KƆ́L̃E GƆ́LƆI HELE KÉLEI 11:10

Ná nɔ́ɔ fɔ́ Kílisitii lɔ́ɔ́ỹai lɔ́ sú, nuu fíli aa na Akáya lataí kpɛ́lɛɛ su áá hómbo í kpé yóngangi sí lévendai wa.

Ɛ́FƐSƆ 1:13

Wá bɛ́lɛ nɔ́ Ngala ngí wú ɣɛ́i ngáá ngi vóngaa ná wú tɔɔỹaá gééla woo vandaí ỹɛ́nini, wú lá lá. I wú wumááwoni, wú lá ngáá Kílisitii aáva Ngalá ngi ngakɛ́a ngáá muỹa lɔ ngáá ngi vóngaa ngáá Hɛ́ɛ́ma Ỹínangi í maa gúúlo mbóni, í kɛ́a ngáá háwu í mu vólu.

Ɛ́FƐSƆ 2:17

Faalɔ, Jísu Kílisitii i váani í ndiihéi gééla woo vandaí lé wú kpɛ́lɛɛ má wɛ́i wáá ngáá Júsua wú w̃áá gooh̃ángɔ í ɣɛ́ngɔ la Ngalá mbá ɛ́ɣɛ Júsuaitii tiyɛ́i tí ɣɛ́ngɔ Ngalá kpéla.

KƆLƆ́SE 1:5

Táingi ná h̃u ti tɔɔỹaá gééla woí léni wú w̃a hése, ná wáá ngáá, keela woó vándai, wú faa ỹɛ́nini kɔwɔ́ato kitomái wa nuu áá mááhɔlɔ su. Ndangí ɛ́ɣɛ ndóngi wú su aá lɔ́ɔ́ gúla kitómai h̃u í wú wa, ná wáá ngáá, sí ngandɔ́ɔ́lɔngɔ wú hááw̃a ngáá pangɔ́ ngelegóóh̃u.

KƆLƆ́SE 1:6

Keela wóo vándai áá kɛ́ ngáá háwu nungáá táá nɛ́ɛ́ma w̃ááhɔlɔ ngeleí sí wú kpɛ́lɛɛ, maa woo lɔ́ɔ́ híya hááli haali. Aá lɔɔ ɣɛ́ kíya nɔ́ɔ wɔ́lɔ í ɣɛ́i ná wú lííwaa ná h̃u hése wú Ngalángi háá bɔwɔí w̃áá woo ỹɛ́nini wú ɣɛ́ kɔlɔ́ kíya gíte í na.

KƆLƆ́SE 2:7

A ndi ngu ma wú lo kpáŋ kpáŋ kpahaí wa wú su Jísu Kílisitii wa, wú lókolangɔ í ɣɛ́ la ma wú lɛ́ɛ́h̃ui h̃uuhíya kílii h̃u. Ná vólu, ndangí wú su la nga ngí ɣɛ́ nɔ́ɔ áá ɣɛ́ wɔ́ɔ́lɔ kélei kíya tí wu gálangɔ la. Wú ɣɛ́ múl̃ɔ ngáá sɛ́ɣɛɛ gulama yélaa ngwala.

NJƆÚ HESENDAA GƆLƆÍ 5:20

A mú súúwɔlɔ ngáá Ngalángi H̃íỹɛndou Loí i vaangá ngeleí sí wu aáva i kɛ́a ngáá háwu mú ɣɛ́ ngáá faa yatɔ́ mba mbélaa kɛinɔɔ́ mu ɣɛ́ Ngalá kíte wɔlɔ́ ngáá ele gíte waa ngáá laá. Aáva a mu háá aa ɣɛ su yíla maá Ngalá kíte, sífaa maá ngí H̃íỹɛndou Loí Jísu Kílisitii mu háá lɔ su yíla. Jísu vá tɔ í ngáá Ngalá kítei ɛ́ɣɛ kúnafɔ lɛ́ɛ́h̃ui hé mɔ́i.