Ɛ́FƐSƆ 4:2 - Kɛ́lɛ Niinaí

² Kúnafɔ wálaa ɣɛ́ ngáá suuwɔɔlɔ́ yélaa, kɛ́ wú ɣɛ́ lúúỹaa, wú líílɔlɔngɔ í ɣɛ́ la faa fíli su. Wú wú lóngi yákɛ ngáá ỹɔw̃ɔ́ ỹɔ́w̃ɔ ngáá wú bɔ́wɔ háitii wáá kúmbo h̃u.

Ɛ́FƐSƆ 4:2 Iomraidhean Croise

MÁFIYU 11:29

A lokohéi ní gálambongi wú, wú kalambo mááhɔlɔ ngéya bɔw̃álale ngɛ́i bandí bándi héi nuu w̃á aáva súú áá wɔ́ɔ́lɔ. Ná vólu, wáá ndɛɛlɛmbó mááhɔlɔ bɔw̃álale kalambongí ngáá mbó ngáá wú ye aa baní aáva kasɔ́i ngáá fé wú yáa ɛi ɣɛ ỹííni.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 9:19

Kɛ Jísu i ɣɛ́a ti w̃a, “Wá, nda tálai lɔ í wú h̃ú sí h̃úú yéteyangi h̃úú yélaitii! Táingi bɛ́ɛ lɔ náa ngáá kɛ wú lííwaa wɔ́ɔ́ ɣɛ́a faí sítii ngátɔ mba? A vá ngáá siỹɛndóu loí ngéle.”

TI GƐ́Ɛ́ HAÍTII 20:19

Ngí yéngengɔ Ndemɔí Ngalá mbɛ́ ngáá lii ɣɛ́ni wɔɔlɔ ɛ́ɣɛ ndiiỹaaníi ɔ́ɔ́ ɣɛ́ nɔ́ɔ má. Ngí ɣɛ́i ngáá mbo kɛ kíya bɛ́lɛ suugɔvɔ́ bá kpangáitii tɔ́ɔ́ vá mááh̃u ngáá faa ỹɔ́i Júsuaitii tɔ́ɔ́ suubátɛ fááw̃a ndɔɔwu h̃ú.

LÓÓMI 15:1

Muỹɛ́i mu h̃úúbangɔ áá ɣɛ́ la Ngala fái h̃u, a mú liilɔ́lɔ Ndemɔí Jísu volu yelaa vekái sítii ngeyá ti h̃úúbangɔ ɛ́i ɣɛ́ la Ngala fái h̃u. A málaa ɣɛ́ nɔ́ɔ maa yákpa ngáá a mú bɔ́wɔ liila.

KƆ́L̃E HESENDAA GƆLƆÍ 13:7

Ndongí aa nuu líílɔlɔ faa kpɛ́lɛɛ sú, í kɛ nda ngí ɣɛ́ maa w̃ɔ́ɔ́ h̃u, í kɛ kitómai kpɛ́lɛɛ í ɣɛ́ ngáá Ngala ɛ́ɣɛ maa w̃ɔ́i liibángɔ aa ɣɛ la ɛ́ɣɛ mɔ́ɔ maa w̃ɔ́i aa ndi nɔ́ɔ ngu ma fɔ́ ngáá maa hái.

GALÉSIYA 6:2

A waayaa bɔ́ ỹɔw̃ɔ́ ỹɔ́w̃ɔ wá wú háa bɔlundáitii su. Ná wáá ɣɛ́ wáá sí ɣɛ, kɛ wá lɔɔ gólo Kílisitii hávaitii mbu.

Ɛ́FƐSƆ 1:4

P̃ɛ́ɛ́ ngelewu ɔ́ɔ́ bátɛ, Ngala ngí ɣɛi náa lokoloí mu wá ngáá ngi vóngaa, kpahaí wa mú sú Jísu Kílisitii wa ngáá faa ỹɔ́u ɛ́i ɣɛ́ mu h̃u ngaah̃u mu h̃úúlaahengɔ í ɣɛ́ la ngáá ndongí.

KƆLƆ́SE 1:11

Bɛlɛ́ Ngalá ngí wú h̃úúba gite kpáŋ, ná wáá ngáá, suubángi áá gúla Ngalángi yákpa maanɛɛnɛ́ɛ́ngɔi h̃u, kɛinɔɔ́ wú hómbo wu híya faa báma fíli su ngáá ndiibakpá ɛ́ɣɛ ndiilɔlɔ́. Aáva niỹá lɔ́ɔ Ngala fɛ́li ngáá wú ɣɛ́ wáá sɛ́ɣɛɛ gúla Kɛɛɣɛ́i Ngála má ngáá kooh̃unɛɛ, lɛ́i í kɛ́nga ngáá háwu wú hómbonga wú wú ndá yélendai w̃ááhɔlɔ. Ná wáá ngáá, sí í ngandɔ́ɔ́lɔnga ngi vóngaitii fááw̃a ngí w̃ásandai h̃u áá kpíndi h̃u.

TÍMOTI HESENDAA GƆLƆÍ 6:11

Tímoti, yɛ́i yí Ngála fááw̃a, léve fái sítii polú, yí yákpa yááyaa híya ngáá Ngalángi lélembo peleí. Ɣɛ́ ngáá Ngala fɛ́li mɔ́ɔ vanda, nda ngí ɣɛ í h̃u Jísu Kílisitii hááw̃a ɛ́ɣɛ ndo ngí ɣɛ́ i h̃u í mbála Yalá fɛ́li mbélaitii fááw̃a, ná vólu, yí liilɔ́lɔ faa bámai yáá ɛ́ɣɛ i ɣɛ́ngɔ í ɣɛ́ la lúúỹaa.

TÍMOTI GƆ́LƆI HELE KÉLEI 2:25

Í mɔ́ɔ́ sítii kalambo ngáá ndiilɛi taa w̃aaɣaali ngáá ngí gálambo mbóndai. Tɛingaa Ngala ngáá kɛ ngáá háwu ti lii í vóte ti ɣɛ́ tɔɔỹái wɔlɔ.

JIMISÍ 1:21

A bé tuva velé ỹɔ́i kpɛ́lɛɛ mbá ɛ́ɣɛ nyaamá háá ɣɛndái. Ngalá ndaa wói sí í léngɔ wú w̃á, a lokohéi mbu lɛ́i lɛ́i, wú bɔ́wɔ gula kɛlɛ́ma mbɛ, aa hómbo í wú wúmaawo.

PÍTƐ HESENDAA GƆLƆÍ 3:15

Kílisitii lúwamba í ɣɛ́ wú líí h̃u, wú ngufema hé mbɛ ná í ngáá Ndemɔí wú hááw̃a. Wú w̃ááhei wongɔ í ɣɛ́ la hɔ́wɔ fíli ngáá wú suugúla nuu fíli má áá wú w̃ɔ́ɔ́ni ngáá sí í kɛ́a wú gitóngɔ Kílisitii wa.

PÍTƐ HESENDAA GƆLƆÍ 3:8

Sí náa ngíwaa woo yakɛ́ɛ́lɛ mba aá wáa ngáá sí, ngáá wú kpɛ́lɛɛ wú ɣɛ́ ngáá nuu yílaa kpé. Wú ɣɛ́ wáá ỹɔw̃ɔ́ ỹɔ́w̃ɔ liilá faa kpɛ́lɛɛ su, wú ló ngáá wú mbála Yála fɛ́li mbélaitii, wú ɣɛ́ wáá ỹɔw̃ɔ́ ỹɔ́w̃ɔ yaah̃ú w̃ááw̃aanu hóu, wú wúnga njéi ỹɔw̃ɔ́ ỹɔ́w̃ɔ yɛ́.