Ɛ́FƐSƆ 4:19 - Kɛ́lɛ Niinaí19 Faa fíli ɛi mɔɔ ti wúfe, tɛ́i hómbo tɔɔ́ bɔwɔ́ h̃uuhóu w̃a faa ỹɔ́u gɛ́vɛlɛ kɛvɛlɛ kɛndáitii su. Faic an caibideil |
Sítii kínɛi tí wú h̃u ngáá faa ỹɔ́itii ngeleí sí wu, a vólu yafé ti kpɛ́lɛɛ mbá. Ná wáá ngáá, kɔlɔsiyá fáitii ɔɔ njeé sína w̃áa lúva wóndaitii ɔɔ nyah̃á w̃ɔ́nini ngaa siỹɛ mɔ́ni táá víli nuu líí vólu ɔɔ nyaama gúla mɔní ɔɔ mɔ́ni mɔ́ningi. Kɛ ngimɔ́ɔ́ nɔ́ɔ nuí fíli áá nungáá yáá wɔ́li kɛ ngáá liivó ngwála kɛ náá w̃ɔ́i ndá yála mil̃a.
Wú lɛ́mbinga naá wɔ́lɔ fái sítii kɛ́ma sítii taa ngáá Ngalá fɛ́li mbélaa ti lóngɔ ngáá ti ɣɛndáá. Ngufe tála haítii tɔ wú ɣɛ́ngɔ ti h̃u, kɔlɔsiyángitiini, ndɔɔ bɔ́lendaa walaní, ndɔɔ hoúni su ɛ́ɣɛ kooh̃unɛɛ lááỹɛ mbo máá wala waláitii kɔlɔsiyá fáá áá ɣɛ́ na. Ná vólu, ngufemá héndai kɔɔ kɔɔ ŋáni vekáitii kɔndáá h̃u taa ti yeɣé ngáá ngalángaa kíya nuu áá ngufema hé Ngalá mbɛ sí í ngáá ngangufé fáá wala.
Suu lɔ vá ɣɛ́ma ỹɔ́u ti w̃a ngwala. Sífaa, siỹɛndópoi sí tɔ́ɔ́ ɣɛ́ ma Kíŋ, ti tuva veléi yangéɣenga. Kápa mɔnii i kɛ́a ti hítɛnga nɔ́ɔ jɔ́ kaka pélei sí wa siỹɛndópoi sí tɔ́ɔ́ ɣɛ́ ma Béél̃ɔ í ɣɛ́i mba. Tí lóa Ngála ndaa wú kíya nɔ́ɔ siỹɛndópoi sí tɔ́ɔ́ ɣɛ́ ma Kɔlɔ í kɛ́ni aáva ti haa h̃uu lɔɔ vú kíya nɔ́ɔ í ɣɛ́i ngáá kɔlɔ bútei.