Biblia Todo Logo
Bìoball air-loidhne

- Sanasan -




Ɛ́FƐSƆ 4:19 - Kɛ́lɛ Niinaí

19 Faa fíli ɛi mɔɔ ti wúfe, tɛ́i hómbo tɔɔ́ bɔwɔ́ h̃uuhóu w̃a faa ỹɔ́u gɛ́vɛlɛ kɛvɛlɛ kɛndáitii su.

Faic an caibideil Dèan lethbhreac




Ɛ́FƐSƆ 4:19
13 Iomraidhean Croise  

í núngaa yáa wɔ́li mɔní ɣɛ́, í túva velé ỹɔ́u wo, í nungáá vɛ́lɛ, í tóloma gúla, í maaboo ngoo le kɔwɔ́ato nungáá véka wa, í suuwɔɔlɔ́ gúla, ɛ́ɣɛ í kútɔ túva wo.


Ndemɔí yákpangi h̃u, nyáá ngáá ndaahi kpá kpángi sí wó ngáá wú ye. Wú híya gílii ɛ́ɣɛ wú gɛ́ɛ́ haítii tálaa mɔ́ɔ ɣɛ ngáá kíya sítii taá Ngalá kɔ́lɔ ti gɛ́ɛ́ haítii tí na, tiyɛ́i pele áá tí gísiyaitii su


Sítii kínɛi tí wú h̃u ngáá faa ỹɔ́itii ngeleí sí wu, a vólu yafé ti kpɛ́lɛɛ mbá. Ná wáá ngáá, kɔlɔsiyá fáitii ɔɔ njeé sína w̃áa lúva wóndaitii ɔɔ nyah̃á w̃ɔ́nini ngaa siỹɛ mɔ́ni táá víli nuu líí vólu ɔɔ nyaama gúla mɔní ɔɔ mɔ́ni mɔ́ningi. Kɛ ngimɔ́ɔ́ nɔ́ɔ nuí fíli áá nungáá yáá wɔ́li kɛ ngáá liivó ngwála kɛ náá w̃ɔ́i ndá yála mil̃a.


Ngakpolówa kálambo táálii sítii pa taá gúla sítii ngéya taa Ngála fái la yaah̃ú, kɛ́ ɛ́i ɣɛ ti lií h̃u. Maa lɛ́ɛ́ galambo mbélai sítii pa faa ỹɔ́u ɣɛ́ndaa áá mɔ́ɔ ti yaah̃ú ngáá faa fíli.


Wú lɛ́mbinga naá wɔ́lɔ fái sítii kɛ́ma sítii taa ngáá Ngalá fɛ́li mbélaa ti lóngɔ ngáá ti ɣɛndáá. Ngufe tála haítii tɔ wú ɣɛ́ngɔ ti h̃u, kɔlɔsiyángitiini, ndɔɔ bɔ́lendaa walaní, ndɔɔ hoúni su ɛ́ɣɛ kooh̃unɛɛ lááỹɛ mbo máá wala waláitii kɔlɔsiyá fáá áá ɣɛ́ na. Ná vólu, ngufemá héndai kɔɔ kɔɔ ŋáni vekáitii kɔndáá h̃u taa ti yeɣé ngáá ngalángaa kíya nuu áá ngufema hé Ngalá mbɛ sí í ngáá ngangufé fáá wala.


Tiyá lɔ́ faanɛ́ɛ́ngai sítii ti hítɛngɔ ngá ti w̃áá véle w̃a, ná wáa ngáá, sítii ti lengɔ́i tiyá vá mbaa ngáá sítii, “Kéke áá yángaima í ngi wú pílii w̃ɔí múl̃ɔ.” Ɛ́ɣɛ mɔ́ɔ, “Búbui maaw̃úỹangɔ áá ɣɛ́ la fó aa mɔ́ɔ́ li í víli palái h̃u, í nɔ́ti nɔ́ti su.”


Suu lɔ vá ɣɛ́ma ỹɔ́u ti w̃a ngwala. Sífaa, siỹɛndópoi sí tɔ́ɔ́ ɣɛ́ ma Kíŋ, ti tuva veléi yangéɣenga. Kápa mɔnii i kɛ́a ti hítɛnga nɔ́ɔ jɔ́ kaka pélei sí wa siỹɛndópoi sí tɔ́ɔ́ ɣɛ́ ma Béél̃ɔ í ɣɛ́i mba. Tí lóa Ngála ndaa wú kíya nɔ́ɔ siỹɛndópoi sí tɔ́ɔ́ ɣɛ́ ma Kɔlɔ í kɛ́ni aáva ti haa h̃uu lɔɔ vú kíya nɔ́ɔ í ɣɛ́i ngáá kɔlɔ bútei.


Taa walaí sí h̃úú háá ỹɔítii ɛ́ɣɛ naa kɔ́lɔsiyangi i hiyangá ndɔwɔlɔ́ vékaitii kpɛ́lɛɛ su kíya nɔ́ɔ ndɔɔ bɔ́lendaa. Ndɔwɔlɔ́ w̃ása ngwala waláitii tí kɛ́a ngáá ti gɔ́lɔsiya mɔ́ɔ. Yawo w̃ááhiya mbélaitii pa ti ndɔwɔlɔ́i h̃u kpɛ́lɛɛ, ti bátɛa ngi lóngi h̃u í sú ngáá ngeleí sí wuu ỹáákaitii.”


Lean sinn:

Sanasan


Sanasan