Ɛ́FƐSƆ 4:18 - Kɛ́lɛ Niinaí

¹⁸ ɛ́ɣɛ tɛ́i faa yátɔ mba. Tí ndá aa ndɛɛh̃u níínai sí wá Ngalá ngáá fe bɔw̃álale tí wolí h̃u bɔ́lɔngɔɔ lé, taá faá fíli kɔ́lɔ aáva taá lói tɔɔ́ ɣɛ́ faa wɔ́lɔ.

Ɛ́FƐSƆ 4:18 Iomraidhean Croise

MÁFIYU 13:15

Bɔw̃álale, nungái sítii ti gi mái yasáángɔɔ lé, aáva tí woli h̃úitii bɔkpɔ́ngɔɔ lé, ná vólu, tí yaah̃uítii tivingá. Ngalá ngí ɣɛngɔ ta, Kɛbei taá ɣɛi ná ɣɛ́ni, tɔ́ɔ ɣɛ́ taá ỹandá lɔ ngáá yaah̃úi, taa faa ỹɛ́ni ngáá wolíi, táa faa yátɔ mba ngáá ti gí maitii. Ná ná vá ngɔ́ɔ́ ɣɛ́, tɔ́ɔ́ vóte mbá, laáva ngɔ́ɔ́ ti waló.’ ”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 3:5

Jísu i ti beléni ngáá ndiiyaw̃ál̃a, kɛ́ maaw̃áánungɔ i ɣɛi lá ti haáw̃a ngáá ngu suu bá ndíi í ɣɛ́i ti góó ya. Kɛ i ɣɛa siỹɛndópoi w̃a tokoí háángɔ í ɣɛ́i lá mba, “Loko h̃úúhulo mbo.” Ná í lokoí h̃úúhulo mbóni aáva tokoí i walóni náa fó.

NJƆÚ 12:40

“Ngalá ngi nungáitii kɛngá ngáá mbole yeláá í ti gi máitii ndaa vɛ́lɛ, kɛinɔɔ́ tɔɔ́ mɔɔ ỹandá lɔ́, kɛlaa tɔɔ́ faa yátɔ mbá ngáá gi mái. Ngalá ngí ndengɔ, i ɣɛ ta, ‘Ngí sí ɣɛ́ngɔ kɛinɔɔ́ tɔ́ɔ́ vá vóte mbá ngɔ́ɔ́ ti waló.’ ”

TI GƐ́Ɛ́ HAÍTII 17:30

Ngalá ngí volú yáfeni faa yatɔ tála haítii mba ti ɣɛ́i taá kɛ. Kɛ́ sí h̃úi, i ndengá nuí kpɛ́lɛɛ má tí ỹandáitii kpɛ́lɛɛ ngáá tí volú yafé faa ỹɔ́itii mba,

TI GƐ́Ɛ́ HAÍTII 3:17

Faalɔ mu mbálangaa, ngí kɔ́lɔ ngáá tuvaí wú mbóni ngáá Jísu, wáá wú wútuwɔaitii, wú mbóni kele ɣelé tála véle w̃a.

LÓÓMI 1:28

Ná núngai sítiini ti lélenga ngáá tí kisíyai sí ɣéle tɔ mbo ngáá Ngalá, ná lɔ́ í kɛ́a Ngalá ngí lókogulaa tí h̃u ngáá tí ɣɛ́ ti lámal̃a kisiyái nátiini su. Ná lɔ́ í kɛ́a taa ɣɛ́ táá njɔlɔ haá lááli taalingái kpɛ́lɛɛ kɛ.

LÓÓMI 11:25

Mu mbála Yalá fɛ́li mbélai, wɛ́i wáá ngáá Júsua bɛlɛ́ ngí ndɔ́ɔ́wu h̃ú hái sí yákɛ ngáá wú ye kpál̃au kɛinɔɔ́ suuwɔɔlɔ́ ɔ́ɔ́ víli wú w̃a sí hááw̃a wú kɔlɔ́. Maa hái wáá ngáá, Ngalá ngí kɛ́a ngáá háwu Ísulɔ yeláitii ti lɛ́ingaa ti ɣɛ́ ngáá ngoli h̃u bɔlɔ mbélaa aáva tiyá lɔɔ ló h̃íí kpóloo í ló su sítii taa ngáá Júsua, ti l̃ɔ́ingi kule í ma ti ɣɛ́ ngáá Ngala fɛ́li mbélaa í kúlaɣɛ su.

LÓÓMI 11:7

Kɛ maa hái gúlangɔɔ lé ngáá Ísulɔ yeláitii taa sí lɔ́ngɔ ti ɣɛ́ngɔ taá kɔ́li. Nuu bɔ́sɔwɔ kuloí sí Ngalá ngí lókolongɔ tí wa ngáá ngi vóngaa tiyá lɔ tí tɔ́ngɔ, Ngalá pa i kɛ ngáá háwu mataitii ti ɣɛ́ ngáá ngoli h̃u bɔlɔ mbélaa.

LÓÓMI 2:19

Wú lángɔɔ lé lá kpál̃au ngáá wá lɔ́ ngáá pele ɣɛ mbélaa ngáá sítii ti gúlangɔ ngáá mbole yeláá ɣɛ́ kíli Ngala fái h̃u, ná vólu, wú ɣɛ́ kíli gúlangɔɔ lé ngáá lámbo fo sítii fááw̃a ti ngáá kpindí h̃úú yélaa.

KƆ́L̃E HESENDAA GƆLƆÍ 1:21

Ngalángi géle ɣélengi h̃u, i kɛngɔ́ ngáá háwu ngáá ɛi ɣɛ́ ngáá solowo fáá nungáitii ngeyá ngáá tɔɔ́ hómbo tɔ́ɔ́ ɣɛ́ kɔ́lɔ ngáá ele gíte waa ngáá laá ti bɔwɔ́ bɔ́wɔ géle ɣélengi h̃u. Kɛ́ aá ɣéle, Ngala ngí ndangɔ́ gi má ngáá í sítii ngumááwo taa lá ngáá keela woí sí náá nde, lɛ́i sítii ti ngáá ngeleí sí wu yélai gíte taa ngéɣe ngáá faa ỹááka.

KƆ́L̃E HESENDAA GƆLƆÍ 2:8

Masangái sítii tí ngélewu ti tá fíli taá kele ɣélengi ná yátɔi mba. Kɛbei ti ɣɛ́i ngatɔ́i mba, tɛ́i belé ɣɛ́ Ndemɔí Jísu bakpái kulɔ́sii w̃a ɔ́ɔ́ há, lɛ́i í Ngalángi yákpangi yakɛ́ngɔ kpál̃au.

KƆ́L̃E GƆ́LƆI HELE KÉLEI 3:14

Kɛ́ tí gi máitii ngásaangɔɔ lé kɛ kíya bɛ́lɛ suu í na. Ti gi máitii kúlangɔɔ lé ngáá kíya nɔ́ɔ ŋani w̃áá vɛ́lɛngɔɔ áá ɣɛ́ la ngáá kulaí ná Muusé ɔ́ɔ́ pɛlɛ́ yááh̃u. Ná hááw̃a, tɛ́i kɛ́lɛ pɔlɔí yátɔ mba ná taa kála. Kulaí sí aa hiɣé nɔ́ɔ léi nuu gí mai la ná nuu báhangɔ áá ɣɛ́ la Kílisitii wa.

KƆ́L̃E GƆ́LƆI HELE KÉLEI 4:4

Taá laí ngáá Ngala kééla woí sífaa, Setána lɛ́i í ngáá ngalángi ngeleí sí wu, i ti gi máitii ndaavɛ́lɛnga. I kɛ́a ngáá háwu keela woó vándai lɛ́i kulangɔ́ ngáá lámbo kɛ kíli áá hólo ti w̃a, taá tɔmá. Keela wói sí lɔ na kɔwɔ́ato Kílisitii yákpa maanɛɛnɛɛ ngwalaí wa lɛ́i í ngáá kíya nɔ́ɔ jɔ́ Ngalá ngí na.

GALÉSIYA 4:8

Wɔ́lɔ wɔ́lɔmai h̃u, ná wáá ɣɛ́i Ngalá kɔ́lɔ ngáá ele wáá ngáá laa, wú ɣɛ́i ngáá nduwɔ lopóa ɣɛ́ kíli ŋani tɛ́ingaani ti yákpangi wú tiyɛ́i taa ti yeɣé ngáá ngalángaa.

Ɛ́FƐSƆ 2:1

Ná wú ɣɛ́ngɔ ngoo ỹɛni tálai ɛ́ɣɛ faa ỹɔ́i h̃u Ngalá ngeyá, wú ɣɛ́ngɔ ɣɛi ngáá kíya nɔ́ɔ nuu háángɔ áá ɣɛ́ na Ngala ngááh̃u.

Ɛ́FƐSƆ 2:12

Hése, wú báhangɔ aa ɣɛngɔ lá Kílisitii wa, wáá ɣɛ́i ngáá Ísulɔ yélai ti tá. Kɛ́lɛngi í Ngalá ndowah̃u taá ngi vóngaitii kɔwɔ́ato kuulóngi wa í mbóni ngáá ti ye, wáá ɣɛ́i naa wa. Wú ɣɛ́ngɔ nɔ́ɔ ndɛɛh̃ú h̃u kɛ́ wú gítomaa aa ɣɛngɔ na. Wáá ɣɛ́ngɔ tɔɔỹaá Yála kái káingi wɔ́lɔ.

KƆLƆ́SE 1:21

Wú w̃aa gooh̃ángɔ i ɣɛ́i lá Ngala mbá hɔ́wɔ tá ɛ́ɣɛ wú ɣɛi ngáá mbaahílima yélaa, sífaa, wú lúva véleitii ɛ́ɣɛ wú gísiyaitii ti ɣɛ́i ỹɔu.

TƐSALÓNIKA HESENDAA GƆLƆÍ 4:5

Njeé sína w̃áá luvá álaa víli wú líí vólu kíya sítii taa béɣei Ngala fááw̃a kpósouŋ tí na.

HÍBULU 5:2

Aa hómbo í sítii ngaah̃ú w̃ááw̃aanu hóu tɛ́i ɣɛ́ Ngala sávaitii kɔ́lɔ. Ná vólu, aa mɔɔ hómbo í sítii ngaah̃ú w̃ááw̃aanu hóu taa ɣɛ́ káka péle wa bɔw̃álale, laá bútei suubangɔ́ láá lé ngáá ɔ́ɔ́ hómbo ɔ́ɔ́ fái kpɛ́lɛɛ kɛ́ péle w̃a nɔ́ɔ kíya savaí áá nde.

HÍBULU 9:7

Kɛ nɔ́ɔ léi Ngala sááɣa gula mbélai ti wutúwɔɔ w̃ɔ́ɔ́ walaí ɔ́ɔ́ lɛ́ ngapúmaa geleí ná ŋál̃a mbéinda í ɣɛ́i ngáá Hɛ́ɛ́ma Wála Ỹándai, aáva ɔ́ɔ́ lɛ́ nɔ́ɔ na yíla kpé fowói h̃u. Ɛ́i béle lɛ́ nɔ́ɔ na bɔɔw̃á, kɛ léi ɔ́ɔ́ lɛ́ ngáá toŋani ỹááw̃ɔi ɔ́ɔ́ kula ngáá saaɣái bɔwɔ́ hááw̃a ɛ́ɣɛ nungái ti háá ỹɔítii fááw̃a tɛ́i béle ɣɛ́ faa wɔ́lɔ ti wa ngáá kɛ faa ỹɔ́u le.

JIMISÍ 4:4

Wú lɔ́wɔbaɣangɔ láá le Ngala ngéya! Wáá súúwɔlɔ ngáá na nuu áá ló ngáá ngetéyangi sí h̃u wɔ́lingaitii kɛ aa lɔ ngáá Ngalá mbaahílima w̃ɔ́ɔ? Nuí fíli áá ɣɛ́ lói ngáá ngetéyangi sí h̃uu wɔ́lingaitii kɛ maa w̃ɔ́i lɔɔ́ bɔwɔ́ ɣɛ ngáá Ngalá mbaahílima w̃ɔ́ɔ́.

PÍTƐ HESENDAA GƆLƆÍ 1:14

A ɣɛ́ ngáá koló mbélaa Ngalá mbɛ́, ná vólu, wálaa mɔ́ɔ́ sí ɣɛ wáá ɣɛ́ loí wú kɛ ɔ́ɔ́ kɛ́ wú ɣɛ kíya wú ɣɛ́i na, ná h̃u nɛ́nɛ wáá ɣɛ́i Jísu Kílisitii wɔ́lɔ.

NJƆÚ HESENDAA GƆLƆÍ 2:11

Kɛ́ ná maa híli ngáá mu mbála Yalá fɛ́li mbélaitii, kɛ muỹa lɔ kpindí h̃u, múwaa híya su, aáva mɔí ɣɛ́ kɔ́lɔ ngáá peleí sí múwaa líí la bɔw̃álale kpindíí i kɛngá mɔí ỹánda lɔ.