Ɛ́FƐSƆ 4:16 - Kɛ́lɛ Niinaí

¹⁶ Jísu Kílisitii i nungáitii tongɔ́ mbéi maanɛ́ɛ́ngɔ tí ɣɛ́ na Ngala ngéngengi h̃u. Ti yilá ngíla p̃ɛ́ɛ́ taá ɣɛ́ taá ngengengítii mbo maanɛ́ɛ́ngɔ tí mbó kíya nɔ́ɔ nuu búsai i na sítii kínɛi ti nduwúi wa ti yéngemaitii ti léélaa léélaa. Ná ná vá ngáá ɣɛ́, ti kpɛ́lɛɛ taa ló ngáá ỹɔw̃ɔ́ ỹɔ́w̃ɔ ti h̃úú í bá.

Ɛ́FƐSƆ 4:16 Iomraidhean Croise

NJƆÚ 15:5

Nyá lɔ ngáá sii hii ŋáni wúlu ɣɛ kíli, wá va tɔ wú ngáá mbekeítii kɛ kíli. Ná wáá ló kpahái h̃u wú su mbá, nyá bɛ́lɛ ngáá ló kpahái h̃u ngi su wú wá, ngamba pánda aa hɔ́lɔ wú h̃u. Í síɣe féa mbá, wɔ́i faa fíli páa.

LÓÓMI 12:4

Kíya nɔ́ɔ a mu luwúi sí wáá wɔ́lingaitii ti bih̃íngɔ aáva ngilá ngílangi fíli ngi ndá yénge tokoí i léélaa,

KƆ́L̃E HESENDAA GƆLƆÍ 10:17

Maá ɣɛ́ ngáá nuu yílaa kíya bɛ́lɛ mu bih̃íngɔ áá ɣɛ́ la bɔw̃álale bíle yílaangi lɔ́ maá kɔlɛ wɔlɛ́ mú mɛ.

KƆ́L̃E HESENDAA GƆLƆÍ 13:13

Naa laa lówah̃u, faa sáángɔi sítii tɔ taa lo, ndangí ɛ́ɣɛ kitomái ɛ́ɣɛ ndóngi. Kɛ́ sí tɔvengɔ́i sítii kpɛ́lɛɛ mbá, aá wáá ngáá ndongí.

KƆ́L̃E HESENDAA GƆLƆÍ 8:1

Bɛlɛ́ náa ngí yɛ́pɛ kɔwɔ́ato mɛɛníí wa taá kula ngáá saáɣa kɔɔ kɔɔ́ ŋániaitii mbɛ taa ti yeɣé ngáá ngalángaa. Aá ɣéle tɔɔỹaá le ngáá mu kpɛ́lɛɛ mu faa gálangɔ kíya ndengɔ, maa háá galangɔi va, aa nuu h̃úu ɣɛ́ wɔɔlɔ. Kɛ́ ndóngi lɔ aa nuu h̃úúba.

GALÉSIYA 5:22

Kɛ́ sítii Hɛ́ɛ́ma Ỹínangi áá kɛ ngáá háwu taa ɣɛ́ nuu h̃u tiyá wáa ngáá, ndongí, kooh̃unɛ́i, ndiihéi ɛ́ɣɛ ndiilɔlɔ́i. Ná vólu, faa bɔ́wɔ ɣɛndái ɛ́ɣɛ tuva velé vándai, ɛ́ɣɛ tɔ́wɔbaɣai.

GALÉSIYA 5:6

Ná nuu báhangɔ áá ɣɛ́ la Jísu Kílisitii wa, bele bɛ́lɛ í lɔ́vengɔ aa ɣɛ lá pɛ́lɛ vólu ɔɔ í lɔ́vengɔ ɛi ɣɛ lá pɛ́lɛ vólu, ná aa ngáá faa fíli kpósouŋ. Kɛ́ sí í ngáá faa bíkpingi laá wáa ngáá ndangí nuu áá ɣɛ́ sú ngáá Jísu Kílisitii. Ná vá tɔ áá kɛ ndongí áá ɣɛ nuu h̃u nuu vekáitii fááw̃a.

Ɛ́FƐSƆ 1:4

P̃ɛ́ɛ́ ngelewu ɔ́ɔ́ bátɛ, Ngala ngí ɣɛi náa lokoloí mu wá ngáá ngi vóngaa, kpahaí wa mú sú Jísu Kílisitii wa ngáá faa ỹɔ́u ɛ́i ɣɛ́ mu h̃u ngaah̃u mu h̃úúlaahengɔ í ɣɛ́ la ngáá ndongí.

Ɛ́FƐSƆ 3:17

Ngáá Ngala fɛ́li ngáá Kílisitii í vá wú líí h̃u ngáá ndangí wáá ɣɛ́ su lá ɛ́ɣɛ ngí lóngi í wú líí h̃u láa hé

Ɛ́FƐSƆ 3:7

Ngalá ngí kɛ́a ngáá háwu ngi háá bɔwɔí w̃áá véle w̃á ngáá ngí kééla wóo vándai lé. Ngi yákpangi h̃uu lɔ́ ngáá ngengengí sí wó na.

Ɛ́FƐSƆ 4:12

I sí ɣɛ́ni kɛinɔɔ́ í sítii kɛ kíli batɛ́ tí ngáá Ngalángi vóngaitii ngi yéngengi hááw̃a ngáá Ngala fɛ́li mbélaitii tí h̃úú í bá Ngala fái h̃u,

Ɛ́FƐSƆ 4:15

Kɛ́ laá ɣéle, a mu tɔɔỹaá wói lé ndo sú. Ná aa kɛ a mu h̃úú í ba mu báha Kílisitii wa kpáŋ kpáŋ, a mu ɣɛ ngáá kɛ kíli lɛ́i í ngáá ngutuwɔ́ɔ w̃ɔ́i.

FÉLEPA 1:9

Sí va tɔ í ngáá ní Yála fɛli ngói wú hááw̃a ngáá wú lóngi h̃uu í ɣɛ́ wɔ́ɔ́lɔ ngwala nungáá vékaa haaw̃a kɛinɔɔ́ wú ɣɛ́ tɔɔỹái wɔlɔ́, ná vólu, wú ɣɛ́ fáitii ngéɣe kíli wɔlɔ́.

KƆLƆ́SE 2:19

Aáva tókolangɔ láá le múl̃ɔ Kílisitii w̃a, lɛ́i í ngáá Ngalá fɛ́li mbélai ti wungí. Ngalá fɛ́li mbélaitii pa ti bɔngɔ́ɔ́ lé su, ti báhangɔ Kílisitii wa lɛ́i áá jíji vu ti h̃u kíya nɔ́ɔ nuu lúwui waa wɔ́lingaitii taa ɣɛ na ti báha kpahangɔ áá ɣɛ la wa táá lóóla kíya Ngalá ngáá ɣɛ loi ti lóóla.

KƆLƆ́SE 2:2

Nyá lɔ́ɔ́ yénge h̃íí na kɛinɔɔ́ wú kpɛ́lɛɛ ndiiwúúlɛngɔ í ɣɛ́ la ngwala ɛ́ɣɛ wú bɔ́su wú ló ngáa ỹɔw̃ɔ́ ỹɔ́w̃ɔ, ɛ́ɣɛ mɔ́ɔ́ wú nɛ́ɛ́mai sí w̃aahɔ́lɔ áá gúla faa yatɔ́mbandaa walái h̃u wú yɛ́. Ná ná áá ɣɛ́, wáá ɣɛ́ náá kɔlɔ́ sí kái kái í ngáá Ngalángi lɔ́ɔ́wu h̃u hái, ná wáá ngáá, Kílisitii laá búte.

TƐSALÓNIKA HESENDAA GƆLƆÍ 1:3

Ngalá lɛ́i í ngáá a mu Kɛ́ɛ́ɣɛ nápa ná naa ɣɛ́ naá fɛ́li, nɛ́i lééw̃a wú w̃a. Sífaa ní gí tɔ nɔɔ́ fɔ́ wú yéngengi h̃u áá gúla ndangí h̃u ɛ́ɣɛ ndongí wú su ngáá Ndemɔí Jísu Kílisitii, ná vólu, kíya wú gítongɔ mba kpáŋ kpáŋ.

TƐSALÓNIKA HESENDAA GƆLƆÍ 2:13

Ná vólu, niỹá lɔ́ nɔ́ɔ fɔ́ naá sɛ́ɣɛɛ gula Ngalá ma wú yɛ́ sífaa, ná wú Ngálangi gééla woí ỹɛ́nini ní ndéni wú w̃a, wáá ngéɣei ngáá nuu búsa bátɛ ngeyá háa, kɛ́ wú lókoheini mbu sífaa, aá lɔ́ ngáá Ngalá ndaa wóo, aáva aá lɔ́ ngáá tɔɔỹáá. Wɛ́i wú lángɔ la, aá lɔ náá wú líítii su, áá yénge ná.

TƐSALÓNIKA HESENDAA GƆLƆÍ 3:12

Bɛlɛ́ mu Lemɔ́i Jísu í kɛ kái ngáá háwu wú lóngi ỹɔw̃ɔ́ ỹɔ́w̃ɔ hááw̃a ɛ́ɣɛ nuu kpɛ́lɛɛ nga ngí ɣɛ nɔ́ɔ áá ɣɛ́ wɔ́ɔ́lɔ kélei. Aáva nga ngí ɣɛ́ wɔ́ɔ́lɔ kái í híti ni ndá lóngi h̃u ní su ngáá wú yé.

TƐSALÓNIKA GƆ́LƆI HELE KÉLEI 1:3

Mu mbála Yalá fɛ́li mbélai, kule lɔ nɔ́ɔ ni w̃a ni ɣɛ́ fɔ́ naa sɛ́ɣɛɛ gula Ngalá má wú hááw̃a. Aá lɔ́ pele w̃a ngáá ni ná ɣɛ́ bɔw̃álale, ndangí í wú h̃u Ngalá fááw̃a suu lɔɔ ɣɛ́ nɔ́ɔ wɔ́ɔ́lɔ. Ndongí vá í wú yíla ngílangi fíli su nungáá vékaitii faaw̃a nga tɔ́ɔ ɣɛ́ nɔ́ɔ wɔ́ɔ́lɔ kélei.

TÍMOTI HESENDAA GƆLƆÍ 1:5

Ngí ndéngɔ ngáá wú ɣɛ́ waa sí ɣɛ kɛinɔɔ́ í kɛ́ ngáá háwu mu ló ngáá ỹɔw̃ɔ́ ỹɔ́w̃ɔ. Ndongí áá gúla nuu lií h̃u faa ỹɔ́u fíli ɛi ɣɛ su ɛ́ɣɛ nuu gi mai aa ɣɛ́ kpál̃au ngáá fáitii áá kɛ tiyá lɔ pele w̃a ɛ́ɣɛ ndangí nuu áá ɣɛ́ su ngáá Jísu Kílisitii ngáá tɔɔỹaá.

PÍTƐ HESENDAA GƆLƆÍ 1:22

Ná naá wú gólongɔ Ngalá mbɛ wúwaa híya ngáá tɔɔỹaá gééla wói, ná lɔ náa i kɛ́a wú w̃ááw̃uỹangɔ fó faa ỹɔ́i yaá, ná vólu, i mɔɔ kɛ́a wú lóngɔ ngáá wú mbála Yalá fɛ́li mbélaitii ngáá tɔɔỹaá. Faale, ná naá maa hái í h̃íí na, a ló ngáá ỹɔw̃ɔ́ ỹɔ́w̃ɔ ngáá lií kpɛ́lɛɛ álaa ɣɛ́ nɔ́ɔ ngáá wɔ́ɔ́ ndá yaah̃ú.

NJƆÚ HESENDAA GƆLƆÍ 4:16

Niỹa gíte vá ní ndóngi sí wɔ́lɔ í Ngála ngéya mu haáw̃a aáva ni langɔ́ɔ́ lé la. Ngalá tɔ ngáá ndo mɔ́ɔ́. Nuí fíli pá ndo ngáá ɣɛ́ ndií h̃u kɛ maa w̃ɔ́i báhangɔɔ lé Ngalá mba Ngalá bɛ́lɛ nɔ kpahangɔ́ maa w̃ɔ́i wa.