Ɛ́FƐSƆ 4:15 - Kɛ́lɛ Niinaí

¹⁵ Kɛ́ laá ɣéle, a mu tɔɔỹaá wói lé ndo sú. Ná aa kɛ a mu h̃úú í ba mu báha Kílisitii wa kpáŋ kpáŋ, a mu ɣɛ ngáá kɛ kíli lɛ́i í ngáá ngutuwɔ́ɔ w̃ɔ́i.

Ɛ́FƐSƆ 4:15 Iomraidhean Croise

NJƆÚ 1:47

Ná Jísu í Natáániyɔ lɔní áá vá, kɛ Jísu i yɛ́pɛnga kɔwɔ́ato mba, i ɣɛ ta, “Ísulɔ w̃ɔ́i kái káingi lɔ, laá lɔ́ kahá haa fíli áá su.”

LÓÓMI 12:9

Wálaa ɣɛ́ nɔ́ɔ wáá kpátɛ ngáá wú lóngɔɔ lé ngáá ỹɔw̃ɔ́ ỹɔ́w̃ɔ kɛ́ ɛi ɣɛ wú líí h̃u. A híli ngáá faa ỹɔ́u ɣɛ́ndai, wú ló ngáá faa vándaitii kɛ́ndaa.

KƆ́L̃E HESENDAA GƆLƆÍ 11:3

Ndóngɔɔ lé wú ngátɔ mba ngáá kɛ siỹɛ́ngi fíli maah̃u w̃ɔ́i waa ngáá Kílisitii. Aáva nyah̃ái fíli maah̃u w̃ɔ́i waa ngáá ngi h̃íỹɛngi. Kílisitii vá maah̃u w̃ɔ́i waa ngáá Ngalá.

KƆ́L̃E GƆ́LƆI HELE KÉLEI 4:2

Ní lókogulanga ndɔɔwu h̃ú háitii kpɛ́lɛɛ sú taá ngufe tála háitii. Nɛí núu yákpolowa kɛlaa maa nɔ́ɔ Ngalángi gééla woí w̃áálovi. Ngalá tɔ ngáá maa heelé ngáá niỹá lɔ́ɔ ngi gééla woí le kpál̃au sí í ngáá tɔɔỹaá. Naa sí ɣɛ́ sífaa, niỹá lɔ́ɔ yákpa ngáá nungáá kpɛ́lɛɛ ti gi má í ɣɛ́ kpál̃au kɔwɔ́ato ni wa.

KƆ́L̃E GƆ́LƆI HELE KÉLEI 8:8

Nyáá ngáá yakpá gíte ngí nga kpɛ́ kpɛ́ ngí tɔ́ kíya wú lóngi í na ngáá suuw̃ándai sí wa nungáá vékaa tí kɛ́nga.

Ɛ́FƐSƆ 1:22

Ngala ngí ngakpá féngɔ Kílisitii yáa ŋani kpɛ́lɛɛ mááh̃u í mɔ́ɔ́ kɛ ngáá ngutuwɔɔ́ w̃ɔ́ɔ́ walaí Ngala fɛ́li mbélaitii faaw̃a.

Ɛ́FƐSƆ 1:4

P̃ɛ́ɛ́ ngelewu ɔ́ɔ́ bátɛ, Ngala ngí ɣɛi náa lokoloí mu wá ngáá ngi vóngaa, kpahaí wa mú sú Jísu Kílisitii wa ngáá faa ỹɔ́u ɛ́i ɣɛ́ mu h̃u ngaah̃u mu h̃úúlaahengɔ í ɣɛ́ la ngáá ndongí.

Ɛ́FƐSƆ 2:21

Aá lɔ́ áá kɛ ngáá háwu pɛlɛ́i sí ɛ́i wólo. Í mɔ́ɔ kɛ ngáá háwu ngu ngangí í yóóɣe ngáá hɛ́ɛ́ma vɛ́lɛ Ndemɔí hááw̃a.

Ɛ́FƐSƆ 4:25

Náá hááw̃a, ndɛɛ gɔ́ɔ́landaa aa mɔɔ su. A mu yilá ngíla p̃ɛ́ɛ́ a mu ɣɛ́ ngáá tɔɔỹaá wóó le mbélaa ỹɔw̃ɔ́ ỹɔ́w̃ɔ w̃a bɔw̃álale a mu kpɛ́lɛɛ mu báhangɔɔ lé su Jísu Kílisitii wa.

Ɛ́FƐSƆ 5:23

bɔw̃álale siỹɛ́ngi lɔ í ngáá ngi nyáh̃ai wútuwɔɔ w̃ɔ́i aá va tɔ ngoo í nda ngí ỹáh̃ai w̃ááh̃u kíya nɔ́ɔ Kílisitii í ngáá Ngala fɛ́li mbélaitii ti wutúwɔɔ w̃ɔ́i, aá va tɔ ti w̃áá woo í nda. Laá bútei va tɔ í ngáá Ngala fɛ́li mbélaitii ti Wúmaawo Mɔ́i.

PÍTƐ HESENDAA GƆLƆÍ 1:22

Ná naá wú gólongɔ Ngalá mbɛ wúwaa híya ngáá tɔɔỹaá gééla wói, ná lɔ náa i kɛ́a wú w̃ááw̃uỹangɔ fó faa ỹɔ́i yaá, ná vólu, i mɔɔ kɛ́a wú lóngɔ ngáá wú mbála Yalá fɛ́li mbélaitii ngáá tɔɔỹaá. Faale, ná naá maa hái í h̃íí na, a ló ngáá ỹɔw̃ɔ́ ỹɔ́w̃ɔ ngáá lií kpɛ́lɛɛ álaa ɣɛ́ nɔ́ɔ ngáá wɔ́ɔ́ ndá yaah̃ú.

PÍTƐ HESENDAA GƆLƆÍ 2:2

Kɛ kíya nɔ́ɔ nyíni bɔ́lendai vílingɔ áá ɣɛ la ndoulála nɛ́ŋɛ nɛŋɛngí lii vólu, ngimɔ́ɔ́ nɔ́ɔ kule í wu w̃a wú líí vílingɔ í ɣɛ́ la Ngalá kééla woí ỹɛ́nindai volú, ná lɔ áá kɛ wú h̃úú áá ba Ngala fái h̃u, wú ngumaawóngi w̃ááhɔlɔ.

PÍTƐ GƆ́LƆI HELE KÉLEI 3:18

Kɛ́ aá ɣéle, a ndi ngu ma ngáá lɛɛh̃úi h̃uuhíyandaa Ndemɔí Jísu háá bɔwɔí w̃áá véle w̃a lɛ́i í ngáá mu Wúmaawo Mɔ́i, wu ɣɛ́ nɔ́ɔ wáá ɣɛ́ kɔlɔ kélei. A maayáá mu Lemɔ́i Jísu Kílisitii lɛ́ máá ngufema hé mbɛ í séi háá w̃a í lí ngáá naa lúwɔ kúnafɔ! Amíína.

NJƆÚ HESENDAA GƆLƆÍ 3:18

Wɛ́i wú ngáá ní léngaa Ngala fái h̃u, nyá lɔ́ɔ nde wú w̃á ngáá a mú lóngi ỹɔw̃ɔ́ ỹɔ́w̃ɔ hááw̃a álaa ɣɛ́ nɔ́ɔ a mu laa wóó h̃u. Kule lɔ́ mú w̃a mú ndó kítei sí yákɛ kpál̃au áá gúla a mu lúva velé h̃u.