Ɛ́FƐSƆ 4:14 - Kɛ́lɛ Niinaí

¹⁴ A mɔ́i mɔ́ɔ ɣɛ ngáá ndopóa sítii ngeyá taá núngaa yakpólowa ngáá ndɛɛ gálambo mbondáitii táa núngaa wúnga póte voté la.

Ɛ́FƐSƆ 4:14 Iomraidhean Croise

MÁFIYU 11:7

Ná Njɔú vólu yélai nátii tí ɣɛ́i náa taa yangáima, kɛ Jísu i pɛ́lɛnga fáŋai w̃ɔ́ɔ́nima kɔwɔ́ato Njɔú wa áá ɣɛ́ ti w̃a, “Ndeé lɔ wú lííni tɔmá ngaalaí h̃u? Tufaí fɛfɛngí áá máála maalá aá lɔ wú lííni tɔma?

MÁFIYU 24:11

Ná vólu, nungáá bih̃íw̃aa lɔɔ vá vááma, táá nde ngáá tiyá lɔ́ ngáá Ngalá ndaa háá lé mbélaa, kɛ́ ɛi ɣɛ ngáá tɔɔỹaá, aáva taá nuu bih̃íw̃aa yákpolowa.

MÁFIYU 24:24

Sífaa nungáá tiyá lɔɔ vá vááma, táá nde ngáá tiyá lɔ ti ngáá Ngalángi Lókolo Mbá W̃ɔ́i. Ti lɛ́ingaa táá nde ngáá tiyá lɔ ti ngáá Ngalá ndaa háá lé mbélaa. Kɛ́ ta fíli ɛi ɣɛ ngáá tɔɔỹaá. Aáva taá ɣɛ́ taa káámaa haa ɣɛ ɛ́ɣɛ kíndaa vilí fáa kɛinɔɔ́ ná wɔ́lii ɔ́ɔ́ ɣɛ ngáá solowo fáá ti yaá, ti sítii ngakpólowa Ngalá ngí lokolongá ti wa ngáá ngi vóngaa.

TI GƐ́Ɛ́ HAÍTII 23:21

Faalɔ, yaá lúw̃a ma ti yɛ, bɔw̃álale ti lɔ́vengɔɔ lé nuu vúú nááningɔ wa ti héini Pɔ́ɔ luwɔ ngáá tí paa. Tí maa gɛ́lɛ ngeɣéngɔ ngáá tálaa mɛɛní fíli mɛ́ kɛlaa tɔɔ́ ŋani fíli kpɔ́le í ló su kpóloo ti Pɔ́ɔ vaa. Ti ɣɛ kíli batɛngɔ́ɔ́ lé náa aáva tiyá lɔ́ɔ naa w̃áálɛlɛ háa ngáá ti í gí maa haa lɔ́ kɔwɔ́ato maa hái wa.”

KƆ́L̃E HESENDAA GƆLƆÍ 12:2

Wú kɔlɔ́ ngáá na h̃u nɛ́nɛ wú ɣɛ́i ngáá Ngalá fɛ́li mbélaa kɔɔ kɔɔ́ ŋániaitii faaw̃a taa tí yeɣé ngáá ngalángaa tiyá lɔ́ wú ɣɛ́i ti wu tiyɛ́i ndɛɛh̃ú áá ti h̃u, táá wú hítɛ kaka péleitii mba.

KƆ́L̃E HESENDAA GƆLƆÍ 14:20

Mu mbála Yalá fɛ́li mbélai, wú gísiyai h̃uubɛ́ɛ́ngɔ álaa ɣɛ́ la ngáá ndopoá ti ndá ɣɛ kíli. Ná áá to faa ỹɔ́u ɣɛ́ndai wa, a ɣɛ́ ngáá ndopoá ɣɛ́ kíli. Kɛ́ wú ɣɛ́ wáá faa yátɔ mba wú gísiyaitii su kíya kpakolo ngáá gísiya.

KƆ́L̃E HESENDAA GƆLƆÍ 3:19

Sífaa ngeleí sí wu géle ɣelengí lɔ́ ngáá faa ỹááka Ngalá ngeyá. Sí pɔnɛngɔ́i Ngalá Kɔ́lɔi h̃u, aa vá mbaa ngáá sí, “Sítii ti géle ɣelengɔ́ ngeleí sí wu, Ngala ngáá ti hóu ti bɔwɔ́ bɔ́wɔ gí maa gulaí wa.”

KƆ́L̃E GƆ́LƆI HELE KÉLEI 2:17

Naá ngáá kɛ kíya nuu bíh̃iw̃aa vékani tí na taá Ngalángi gééla woí léndai yeɣé nɔ́ɔ ngáá yawo ɣɛndáa. Kɛ́ Ngala kítei í ni lɔ́vengɔ ná hááw̃a, aá lɔ́ɔ ni yasɔ́bɛ kíya níwaa ngi gééla woí lé ngáá tɔɔỹaá véle Kílisitii yákpangi w̃áá véle w̃a.

KƆ́L̃E GƆ́LƆI HELE KÉLEI 4:2

Ní lókogulanga ndɔɔwu h̃ú háitii kpɛ́lɛɛ sú taá ngufe tála háitii. Nɛí núu yákpolowa kɛlaa maa nɔ́ɔ Ngalángi gééla woí w̃áálovi. Ngalá tɔ ngáá maa heelé ngáá niỹá lɔ́ɔ ngi gééla woí le kpál̃au sí í ngáá tɔɔỹaá. Naa sí ɣɛ́ sífaa, niỹá lɔ́ɔ yákpa ngáá nungáá kpɛ́lɛɛ ti gi má í ɣɛ́ kpál̃au kɔwɔ́ato ni wa.

GALÉSIYA 3:1

Wɛ́i wú ngáá Ngala fɛ́li mbélaitii wu Galésiya, wáá kisíya vánda womá. Ele lɔ í wú yákpolowangɔ? Wú faa wɔ́lɔ kpál̃au kɔwɔ́ato kpakpángi wa tí mbóni ngáá Jísu Kílisitii kulɔ́sii w̃a í ló na í há.

Ɛ́FƐSƆ 6:11

Sí kpɛ́lɛɛ Ngalá ngíwaa fe wú yáa ngáá kɔɔ wɔ́ nyáákaitii, a w̃aahéi wo ngáá ti ye kɛinɔɔ́ wú hómbo wú ló ngáá pangɔ́ ngáá Ngutuwɔ́ Ỹína Nyɔí ɛi mɔɔ hombó wú w̃a ngáá ngi háá ỹɔi áá kpátɛ wú láá w̃á.

TÍMOTI HESENDAA GƆLƆÍ 3:6

Maa w̃ɔ́ɔ́ álaa ɣɛ́ ngáá nuu áá ɣɛ́ vílii Ngala fɛ́li fái h̃u nɔ́ɔ ngáá niina, sífaa, ná áá ɣɛ́ ngáá náá w̃ɔ́ɔ, aa bɔwɔ́ h̃uu ɣɛ́ wɔ́ɔ́lɔ ngwala aáva Ngalá ngáá fáá bá ndá ma kíya nɔ́ɔ í ndái Ngutuwɔ́ Ỹína Nyɔí w̃a.

TÍMOTI GƆ́LƆI HELE KÉLEI 1:15

Yí kɔ́lɔ ngáá mu mbála Yalá fɛ́li mbélaitii kpɛ́lɛɛ ti Ésiya lataí h̃u tí volú yáfenga mbá í báha naa Fegɛlɔ wa ɛ́ɣɛ Hɛmɔjeni.

TÍMOTI GƆ́LƆI HELE KÉLEI 3:13

Kɛ́ faa ỹɔ́u yélaitii ɛ́ɣɛ sítii ti ngáá ndɛɛ yélaitii tiyɛ́i taa bɔwɔ́ yéɣe ngáá nuu vándaa, ti háá ỹɔu ɣɛndáitii nga tɔ́ɔ́ ɣɛ́ nɔ́ɔ áá ɣɛ wɔ́ɔ́lɔ pól̃ou. Taá ɣɛ taá núngai ngakpólowa tiyá bɛ́lɛ tí yakpólowangɔ.

TÍMOTI GƆ́LƆI HELE KÉLEI 4:3

Táingi lɔɔ vá fóloma ma nungáitii tɛí wólilo tɔɔỹaá Yála kalambongí w̃a. Kɛ́ laá ɣéle, taá ɣɛ́ loí tí wólilo kalambo péka w̃á áá ti liivó. Faalɔ, taá kálambo mbélaa wɔlí ngáá sítii taayáa mɔní mɔ́ni kɛ, nátii taayáá nde ti w̃a.

HÍBULU 13:9

Wálaa kɛ nungáá tɔɔ wú yákpolowa ngáá kalambo tááli tááli. Maa áá ɣɛ́ nɛɛni Ngalángi háa bɔwɔí í mu h̃úuba Ngala fái h̃u, kɛ́ maa laa h̃úúba ngáá maaỹɛɛ́ mba hááni kɛ́ndaa kɔwɔ́ato mɛɛní ỹɛ́ndaani mba bɛ́kpɛ sí ɛ́i faa fíli kɛ sítiini kele tɔ mbɛ taa híya ngáá maa hái nátii.

JIMISÍ 1:6

Kɛ́ ná maa w̃ɔ́i áá Ngalá fɛ́li fááw̃a, kɛ nda ngí í ɣɛ́ su, ki mái í ɣɛ́ kpál̃au, bɔw̃álale, nuí sí ki mái ɛ́i ɣɛ́ kpál̃au kɛ kíli gulangɔ́ɔ́ lé ngáá yívoi lákpa lakpangí mbéi véle fíli fɛfɛngí áá tukpé lá naa véle lɔ áá líí la.

JIMISÍ 3:4

Ɔɔ ná láá lé, a gisíya lɛɛ ngáá kelé ngwálai, kíya mbɔɔlɔngɔ́ wala áá ɣɛ́ la, aáva fɛfɛ súúbangɔ wala áá ɣɛ́ áá máá lúkpe njɛi ya. Ngɛingí ná áá ɣɛ́ kéle síya mɔ́i yaá áá kélengi wú póte la, kulo kwɛ́ɛ́ngɔɔ lé. Kɛ́ laá lɔ kelé síya mɔ́i áá kélengi wú póte lá mbéi véle fíli áá ɣɛ́ lói kélengi í líí la.

PÍTƐ GƆ́LƆI HELE KÉLEI 2:18

Ti yónga tevéndai kele ɣelé kíte ɛi ɣɛ́ su. Ndiivo kɛɛ́ ỹɔ́u ỹɔungáitii taa ɣɛ su ngáá lúwui, laá lɔ́ taá nungáitii píli lá faa ỹɔ́u ɣɛ́ndai h̃u. Ná wáá ngáá, nungái sítiini taa ɣɛ́ nɔ́ɔ taá gɔ́wɔ gúla ngáá niina nungái sítiini ndiiwáá ti lɔ́ngɔ ti ɣɛ́ngɔ faa ỹɔ́i h̃u taá tiyéni.

NJƆÚ HESENDAA GƆLƆÍ 2:19

Nungái sítiini pa ti gúlai mu liiwáá kɛ́ taá ɣɛ́i gítei ngáá mu tá. Bele ti ɣɛ́i ngáá mu ta, tɔ́ɔ́ ɣɛ́ loí mu gúúwui h̃u, kɛ́ kpétevengi tí mbóngɔ mu wa, ná lɔ í ngakɛ́ngɔ kpál̃au ngáá kɛ taá ɣɛ́ngɔ ngáá mu gúúwui h̃uu yélaa.

NJƆÚ HESENDAA GƆLƆÍ 2:26

Nyá lɔɔ kɔlɔí sí vɔ́nɛ wú yéle kɔwɔ́ato sítii mba táá ɣɛ́ ti wú yákpolowa, ti wú gúla wú híya veléi wa.

NJƆÚ HESENDAA GƆLƆÍ 4:1

Mu mbála vandáitii, wálaa ɣɛ́ nɔ́ɔ wáá lá ngáá nuí kpɛ́lɛɛ nɔ́ɔ ngáá ná nɔ́ɔ léi taá kula ngáá kɛ Ngalángi Hɛ́ɛ́ma Ỹínangi lɔ́ íwaa tí wúto. Kɛ́ aá ɣéle, waayaa ti yilá ngílangi fíli ngásɔbɛ ngáá pangɔ́, wú ɣɛ́ kɔ́lɔ ná wɔ́lii Ngalángi Hɛ́ɛ́ma Ỹínangi lɔ áá ɣɛ́ áá tí wú to. Sífaa, nuu bíh̃iw̃aa lɔ́ náá ngelewu táá kulá ngáá tiyá lɔ́ ngáá Ngalá ndaa háá lé mbélaa kɛ́ ɛi ɣɛ́ ngáá tɔɔỹaá.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:12

Ná wáá ɣɛ́ wáá wú Yála fɛ́li ndááỹɛngi wo, nungái sítii kulangɔ́ɔ́ lé ngáá ỹandáá bɔíŋngɔ áá ɣɛ́ la wú lááỹɛ mbo máa. Tɛí gísiya ngáá nungáá vékaa kulo bɛ́lɛ, ti wúfe talángɔɔ lé. Ti beɣéngɔɔ lé nɔ́ɔ ngáá bɔwɔ. Ti gúlangɔɔ lé nɔ́ɔ ngáá njɛ bilíí fɛfɛngí áá ɣɛ́ áá maa lúkpe, kɛ́ ɛi wa. Ti gúlangɔɔ lé ngáá ngulúitii tɛ́i wá ti wa sɔ́wɔi ɔ́ɔ́ bɔ́ɔ́ folo ma. Ti gúlangɔɔ lé múl̃ɔ ngáá ngulúitii taa ti vulúkula í báha ti hápei kpɛ́lɛɛ mbá tí há pɔ́.

FAA YÁKƐ KƆ́LƆI 19:20

Ngakpa súwai sí ɛ́ɣɛ ndɛɛ yála ndaa háá lé mɔ́i sí i káámaa haa bih̃íw̃aa ɣɛ́ni ngakpa súwai yɛ, tí tí hóuni ngáá pelésina. Káámaa hái sítii ndɛɛ yála ndaa haá lé mɔ́i í kɛ́ni, aá lɔ́ í nungáitii ngakpólowani lá ngáá tí ngakpa súwai sí lókovongi vú w̃a. Aá lɔ́ nɔ́ɔ múl̃ɔ í kɛ́i tí pɛ́lɛ kɔɔ kɔɔ́ ŋáni hɛ́li má ti kpátɛi kulangɔ́ ngáá ngakpa súwai sí. Ngakpa súwai sí ɛ́ɣɛ ndɛɛ yála ndaa háá lé mɔ́i ndɛɛh̃ú í lói tí h̃u tí tí víli ngɔmbu hó ngwálai ya ngɛi w̃ááku nyɔ́u ỹɔ́ungi ná áá w̃ɔ́ ngwala kíya fukú í na í su.