Ɛ́FƐSƆ 4:11 - Kɛ́lɛ Niinaí

¹¹ Aá gítei vá tɔ́ nɔ́ɔ í fémbɛ wɔ́lingaitii fengɔ́ nungáitii ngeyá ná wáa ngáá, ngenge tókoitii. I ti lɛ́ingaa ɣɛ́ngɔ ngáá Ngalángi géélaitii, í tí lɛ́ingaa ɣɛ́ ngáá Ngalá ndaa háá lé mbélaitii, í tí lɛ́ingaa ɣɛ́ ngáá Ngala ngóó le mbélaitii, í tí lɛ́ingaa ɣɛ́ ngáá Ngala fɛ́li mbélaitii tí w̃ááh̃u béle mbélaa, í mɔ́ɔ tí lɛ́ingaa ɣɛ́ ngáá Ngala Kɔ́lɔ ɣɛ mbélaitii.

Ɛ́FƐSƆ 4:11 Iomraidhean Croise

MÁFIYU 28:20

Wú ti galámbo ti híya ngáá faí sítii kpɛ́lɛɛ ngí ndengá wú w̃a ngáá wááyaa ti ɣɛ. Aáva tɔɔỹaá hááw̃a, nyá lɔɔ ɣɛ́ wú vólu hɔ́wɔ fíli í ló sú í foló ngetéyangi sí yakɛ́ɛ́lɛmai w̃a.”

TI GƐ́Ɛ́ HAÍTII 13:1

Átiyɔ taí h̃uu Yála fɛli mbélaitii su Ngalá ndaa háá lé mbélaitii ti ɣɛ́i na kpahangɔ́ kaamɔítii mba. Aáva ti ɣɛ́i ngáá Bánaba, ɛ́ɣɛ Símiyɔ lɛ́i tɔ́ɔ́ tolí ngáá Nuu W̃áá Lɛingí, ɛ́ɣɛ Lúsɔ lɛ́i í gúlani taí sí h̃u taá naa lolí ngáá Saílini, ɛ́ɣɛ Manééyɔ lɛ́i taá Masangí Hɛ́lɔdi Átipa ti ɣɛ́i ngáá mbala lopo, ɛ́ɣɛ Sɔ́ɔ.

TI GƐ́Ɛ́ HAÍTII 20:28

A bɔwɔ́ w̃aah̃ú belé, ná vólu, wú sítii kínɛi mááh̃u béle Hɛ́ɛ́ma Ỹínangi í wú ɣɛ́nga ngáá ti wutúwɔɔ yélaa. A ɣɛ́ ngáá wú mbála Yalá fɛ́li mbélai ti w̃ááh̃u béle mbélaa wɛ́i wáá tiyéi Ngalángi í wú h̃ɔ́w̃ɔ hengá ngáá kpɔwɔ́ bɔ́wɔ H̃íỹɛndou Loí ná wáá ngáá, saáɣa haí sí í mbóngɔ.

TI GƐ́Ɛ́ HAÍTII 21:8

Ná ngele í wóni, ni gúlani tái ná h̃uu wá aáva ní fóloni Sɛsɛ́liya taa h̃u, ní li Félepi vɛ́lɛi la lɛ́i í ɣɛ́i ngáá Ngala ngóó le mɔ́i. Félepii sí va tɔ í ɣɛ́i ngáá nuu ngɔ́felangɔi ti tá yílaa Ngala fɛ́li mbélai ti ɣɛ́i Jɛlúsɛl̃ɛ tí lókoloni tí wa ngáá kpɔmba yélaa.

LÓÓMI 12:7

Nuí ngí ndái áá ɣɛ́ ngáá kpɔmba héndaa nungáá yɛ́, ááyaa ná ɣɛ. Nuí ngí ndái áá ɣɛ́ ngáá nungáá gálambondaa, ááyaa ná ɣɛ.

KƆ́L̃E HESENDAA GƆLƆÍ 12:4

Ngenge tókoitii Hɛ́ɛ́ma Ỹínangi áá ngákɔlɛ wɔlɛ́ ti léélaa léélaa. Kɛ́ Hɛ́ɛ́ma Ỹína ngílaa kpéngi lɔ nɔ́ɔ́ áá tí yakɔ́lɛ wɔ́lɛ.

Ɛ́FƐSƆ 2:20

Mu kpɛ́lɛɛ nɔ́ɔ mu gúlangɔɔ lé ngáá pɛlɛ́ aáva Ngalángi géélaitii ɛ́ɣɛ Ngalá ndaa háá lé mbélaitii tí gúlangɔɔ lé ngáá maa vɛ́lɛi gɔ́wɔi. Jísu Kílisitii lɔ áá pɛ́lɛ gɔ́wɔi ná h̃úúba.

Ɛ́FƐSƆ 3:5

Hése wɔ́lɔ nungáá taá ɣɛ́i ndɔɔwu h̃ú hái sí wɔ́lɔ, kɛ́ Ngalá ngí kɛngá ngáá háwu Hɛ́ɛ́ma Ỹínangi í ndɔ́ɔ́wu h̃ú hái sí ɣɛ́nga ngáá Ngalángi hɛ́ɛ́ma géélaitii ɛ́ɣɛ ndaa háá lé mbélaitii.

Ɛ́FƐSƆ 4:8

Kíya nɔ́ɔ pɔnɛngɔ́ Ngala Kɔ́lɔi h̃u ngáá sí, “Ná í lɛ́i ỹandá yá kóóh̃ama wálai, í líí ngáá sítii bih̃íw̃aa í tí hóuni ngáá pelésina, í fémbɛ wɔ́lingaa he nungáitii ngeyá.”

TÍMOTI GƆ́LƆI HELE KÉLEI 4:5

Kɛ́ yá Tímoti, yí bɔwɔ́ h̃úúhou w̃a faa kpɛ́lɛɛ su. Yálaa lúwa maanɔ́w̃ɔi wa yáá vá ngéɣema keela woó vándai sí lé fái w̃a, ndi ngu ma ngáá ndendáá. Sítii ti ngáá í yénge, yí tí wo ngáá pangɔ́ kíya nɔ́ɔ Ngala ngénge mɔɔ áá kɛ.

HÍBULU 5:12

Seímil̃a p̃ɛ́ɛ́, nuu ɣɛ́ gíte nuú ndé sí h̃úi kule lɔ náá ma wú ɣɛ́ wáá kalambo mbó kɔwɔ́ato Ngala fái sítii mba. Kɛ́ wú ɣɛ́ kíli sí w̃á nɛ́nɛ kpɛ́, kule lɔ́ ma wú ɣɛ́ wáá kalambo mááhɔlɔ kɔwɔ́ato hésendaa galambongitii mba tí Ngalá kééla woí h̃u. Maa hái gúlangɔɔ lé ngáá kule í ɣɛ́ngɔ náá ma wú ɣɛ́ ngáá kpakolongáá náa, wú ɣɛ́ wáá mɛ́ɛ́ni bákpa mɛ. Kɛ́ wú ɣɛ́ kíli gulangɔ́ɔ́ lé nɔ́ɔ nɛ́nɛ kpɛ́ ngáá ndoú lálani waa ɣɛ́ wáa nyiní bɔ́le nɛ́nɛ.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:17

Kɛ́ wɛ́i wú ngáá mu mbála vandáitii, a gísei sí w̃a mu Lemɔ́i Jísu Kílisitii géélaitii tí ndéni wú w̃a wɔ́lɔ ngáá áá lɔ́ɔ́ va ɣɛ́ma.

FAA YÁKƐ KƆ́LƆI 18:20

A gooh̃unɛ́ɛ́ wɛ́i kínɛi wú ngelegóóh̃u, bɔw̃álale Babél̃ɔ i wolóa. A gooh̃unɛ́ɛ́ wɛ́i wú ngáá Ngalángi vóngaitii, ɛ́ɣɛ Ngalángi géélaitii í báha Ngalá ndáá háá lé mbélaitii mba. Faa ỹɔ́i í kɛ́ngɔ ngáá wú ye, Ngala ngí pelé lálanga aáva maa háá bamaí lɔ́ Ngalá ngáá nda ma.

FAA YÁKƐ KƆ́LƆI 21:14

Sasái sí í ɣɛ́i taa walái sí w̃a, i ɣɛi lóóni pɛ́lɛ ló kɔ́tu wala wala púúngɔ maah̃úú félengɔ w̃a. Kɔtuí nátii maa vá tɔ Ngalángi gééla púúngɔ maah̃úú félengɔitii tí Mbáálai hááw̃a ti laahéingaitii pɔnɛngɔ́ í ɣɛ́i lá ti w̃a.