Ɛ́FƐSƆ 3:9 - Kɛ́lɛ Niinaí

⁹ Kule lɔ́ má múl̃ɔ ngí kɛ nuu kpɛ́lɛɛ tí ngátɔ mba kíya Ngalá ngáá vá ngi lɔ́ɔ́wu h̃u hái h̃uu híyama. Ngala, lɛ́i í ngáá ngelegóóh̃u ɛ́ɣɛ ngélewu bátɛ mɔ́i, i ngi lɔ́ɔ́wu h̃ú hái sí lɔ́ɔ́wungɔ nuu kpɛ́lɛɛ mbá wɔ́lɔ

Ɛ́FƐSƆ 3:9 Iomraidhean Croise

MÁFIYU 10:27

Sí ngáá nde wú w̃á a nde nuu kpɛ́lɛɛ ndiiwáá. Londo kúlo h̃u hái fíli, a nde ngáá seehé.

MÁFIYU 13:35

I sí ɣɛ́i kɛinɔɔ́ fái sí í hítɛ nga, sí Ngalá ndaa háá lé mɔ́i í ndéni, i ɣɛ ta, “Nyá lɔɔ vá yɛ́pɛma ti yelé faanɛ́ɛ́ngaa h̃u ngáá fái sítiini nde, ti ɣɛ́ngɔ ngáá ndɔɔwu h̃ú háá í séi ngetéyangi lɔ́kula héimai w̃a í fólo sí h̃uu w̃á.”

MÁFIYU 25:34

Masangí aa ɣɛ náa sítii ma taa ɣɛ́ ngisa h̃u vélei, ‘A vá, wɛ́i ní Kɛ́ɛ́ɣɛ Ngalá ngí hɛ́ɛ́ngɔ wú yɛ, a va wú ɣɛ́ ngi w̃ásandai h̃u kɛ kíli batɛngɔ́i wú háaw̃a wɔ́lɔ kpɔ́lɔɔ ngetéyangi lɔ́kula héimai,

MÁFIYU 28:19

Faalɔ, a lí náa nungáá kpɛ́lɛɛ ngéle, ngeleí sí kpɛ́lɛɛ mbú wú kɛ ngáá háwu ti ɣɛ́ ngáá pólu yélaa. Waayaa ngúyai wó ngáá ti ye, Kɛɛɣɛí Ngalángi laahéingi h̃u, ɛ́ɣɛ ngi H̃íỹɛndou Loí laahéingi h̃u ɛ́ɣɛ Hɛ́ɛ́ma Ỹínangi laahéingi h̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 24:47

Aáva keela woí kɔwɔ́ato polú yafé fái wa faa ỹɔ́i wa, ɛ́ɣɛ faa ỹɔ́u h̃úúhaalondai ndaahéingi h̃uu lɔ taá nde na. Kɛ́ kɛ tɔkúla aa hei Jɛlúsɛl̃ɛ í ló su í foló ngelewu kpɛ́lɛɛ.

NJƆÚ 10:30

Naa ní Kɛ́ɛ́ɣɛ ni ɣɛ kíli i yíla kpé.”

NJƆÚ 5:17

Ná Jísu í ɣɛ́i áá yɛ́pɛ kɔwɔ́ato faítii mba ti ɣɛ́i taá kpɔlú nda, i ndení, i ɣɛ ta, “Ní Kɛ́ɛ́ɣɛ Ngalá tóko lɔ nɔ́ɔ hɔ́wɔ fíli ngi yéngengi wa, hááwɔ holoí sí ɣéle tɔ bɛ́lɛ, faalɔ, nyá bɛ́lɛ kɛ ngí ɣɛ́ nɔ́ɔ ngáá yénge.”

NJƆÚ 5:19

Kɛ Jísu i ɣɛa Júsuaitii ti wútuwɔaitii ma, “Ngí tɔɔỹái le wú w̃a, Ngalángi H̃íỹɛndou Loí ɛi faa fíli kɛ́ ngáá wumaá kɛ léi sí áá tɔ́ ngi Kɛ́ɛ́ɣɛ áá kɛ bɔw̃álale sí fíli Kɛɛɣɛí áá kɛ, laá lɔ nɔ́ɔ ngi H̃íỹɛndou Loí bɛ́lɛ áá kɛ.

TI GƐ́Ɛ́ HAÍTII 15:18

nungáitii ti ɣɛ́i faa wɔ́lɔ faí sítii mba wɔ́lɔ kpɔ́lɔɔ.’ ”

LÓÓMI 11:25

Mu mbála Yalá fɛ́li mbélai, wɛ́i wáá ngáá Júsua bɛlɛ́ ngí ndɔ́ɔ́wu h̃ú hái sí yákɛ ngáá wú ye kpál̃au kɛinɔɔ́ suuwɔɔlɔ́ ɔ́ɔ́ víli wú w̃a sí hááw̃a wú kɔlɔ́. Maa hái wáá ngáá, Ngalá ngí kɛ́a ngáá háwu Ísulɔ yeláitii ti lɛ́ingaa ti ɣɛ́ ngáá ngoli h̃u bɔlɔ mbélaa aáva tiyá lɔɔ ló h̃íí kpóloo í ló su sítii taa ngáá Júsua, ti l̃ɔ́ingi kule í ma ti ɣɛ́ ngáá Ngala fɛ́li mbélaa í kúlaɣɛ su.

KƆ́L̃E HESENDAA GƆLƆÍ 2:7

Kele ɣelé ngói ngíwaa nde aá wáá ngáá Ngalángi géle ɣélengi maa lɔ́ɔ́wungɔ nuu búsa wa, Ngalá ngɔ́ɔ́ ɣɛ́ p̃ɛ́ɛ́ í ngeleí sí wu bátɛ, kele ɣelengi ná lɔ́ í lókoloi mba ngáá a mú kulasuunúma w̃ááhɔlɔ maa véle w̃a.

Ɛ́FƐSƆ 1:4

P̃ɛ́ɛ́ ngelewu ɔ́ɔ́ bátɛ, Ngala ngí ɣɛi náa lokoloí mu wá ngáá ngi vóngaa, kpahaí wa mú sú Jísu Kílisitii wa ngáá faa ỹɔ́u ɛ́i ɣɛ́ mu h̃u ngaah̃u mu h̃úúlaahengɔ í ɣɛ́ la ngáá ndongí.

Ɛ́FƐSƆ 3:2

Kɛ́ nɛ́nɛ p̃ɛ́ɛ́, ndángɔɔ lé lá ngáá wáá ɣɛ́ faa yɛ́ninga kɔwɔ́ato ngengengí sí wa Ngalá ngí féngɔ ngéya ngi háá bɔwɔí w̃áá véle w̃a ngáá ngí mbo áá wú gúlah̃uunuma.

Ɛ́FƐSƆ 6:19

Waayaa Ngala fɛ́li mbɛ́ nyá bɛ́lɛ ngáá ná ngáá yóóɣe yɛpɛmá Ngalá ngí kééla woo hé ngéya ngáá ngí ndé. Nduwa álaa ɣɛ́ sú sí í ngáá ndɔɔwu h̃ú hái kɔwɔ́ato keela woó vándai wá ngí nde nungáitii má.

KƆLƆ́SE 1:23

Kɛ́ a ndi ngu ma ngáá wu lángi wú su ngáá Kílisitii wú ló gite su kpáŋ kpáŋ. A waa híɣe nda pélei sí wa wɔ́ɔ́ gíkula wú gítomai h̃u wú maahɔ́lɔngɔ ná wú keela wóó vándai ỹɛ́nini. Nyɛ́i vá ngí ngáá Pɔ́ɔ, ngí ɣɛ́a ngáá ngenge mɔ́ɔ́ keela wóó vándai sí lé fááw̃a í lénga nungáitii kpɛ́lɛɛ má ngeleí sí wu.

KƆLƆ́SE 1:26

Maa geéla woí sí w̃áálɔɔwungɔ i ɣɛngɔ la mbɛ wɔ́lɔ kpɔ́lɔɔ nuu kpɛ́lɛɛ mbá, kɛ́ í kɛ́nga ngáá háwu ngi vóngaitii ti ɣɛ́a náá faa wɔ́lɔ kɔwɔ́ato mba.

KƆLƆ́SE 3:3

Kulangɔ́ɔ́ lé nɔ́ɔ ngáá kɛ wú háángɔɔ lé, kɛ́ Kílisitii i wú lɛ́ɛ́h̃ui yandɔ́ɔ́lɔngɔ Ngala ngéle.

KƆLƆ́SE 4:3

A waayaa Ngala fɛ́li ni haáw̃a niỹá bɛ́lɛ kɛinɔɔ́ Ngalá ngí naa gúla kɛlɛ́ma ni yɛ naa ɣɛ́a ngi gééla woí lé kɔwɔ́ato Kílisitii wa. Ná wáá ngáá, keela wói sí í ɣɛ́ngɔ ndɔɔwu h̃u. Aáva nyá lɔ́ kpindí vɛ́lɛ wu keela wói sí lé fái w̃a.

TƐSALÓNIKA GƆ́LƆI HELE KÉLEI 2:13

Mu mbála Yalá fɛ́li mbélai, wɛ́i Ndemɔí lóngɔ ngáá wu ye, tɔkúla héimai kpɔ́lɔɔ Ngalá ngi lokolongɔ́ wú wá ngáá wú wúmaa í wó. I sí ɣɛ́ngɔ Hɛ́ɛ́ma Ỹínangi w̃aa véle w̃a lɛ́i í kɛ́nga ngáá háwu wú ɣɛ́ ngáá Ngalángi vóngaa Ngala ngéngengi hááw̃a aáva wú lá ngáá tɔɔỹáa gééla woí. Faalɔ, hɔ́wɔ fíli kule lɔ ni w̃a ní sɛ́ɣɛɛ gula Ngalá ma wú hááw̃a.

TÍMOTI HESENDAA GƆLƆÍ 3:16

Kindaa vilí tɔ́ɔ́ỹai Ngala ngí ngákɛngɔ kɔwɔ́ato sí wa mú lángɔ lá, nuu fíli ɛ́i w̃aaɣaali lá. Jísu Kílisitii i vaí ngeleí sí wu i ngáá nuu búsa. Hɛ́ɛ́ma Ỹínangi í ngákɛi kpál̃au ngáá faa ỹɔ́u fíli aa ɣɛi Jísu h̃u. Malékaitii ti tɔ́i. Aáva nungáá ti kééla wóo vándai léni kɔwɔ́ato laá mba híí kpɛ́lɛɛ má. Nungáá tí lá la ỹandá kpɛ́lɛɛ. Aáva í lɛní ngelegóóh̃u, i ɣɛ na ngáá masa Ngalá mba.

TÍMOTI GƆ́LƆI HELE KÉLEI 1:9

Ngalá ngí mu wúmaawongɔ, í mú lolí ngáá mu ɣɛ́ ngáá ngi vóngaa. Aa ná ɣɛ́ngɔ mu lúva velé vánda haaw̃a. Kɛ́ Ngalá ngí kpatɛí ngáá í sí ɣɛ́ kpɔwɔ́ bɔ́wɔ háá h̃uubatɛ su ɛ́ɣɛ sífaa, faa bɔwɔ́ngɔ aáva i faa bɔ́wɔi sí ɣɛ́ngɔ mu yɛ Jísu Kílisitii w̃áá véle w̃a p̃ɛ́ɛ́ ngetéyangi ɔ́ɔ́ bátɛ.

TÍMOTI GƆ́LƆI HELE KÉLEI 4:17

Kɛ́ Ndemɔí Jísu i ɣɛi pólu aáva i kɔ́i ngáá ngakpá ngáá ngí hómbo ngí keela woó vándai le ngí ngúkula fó sítii ma taa ngáá Júsua. Aáva Ngalá ngí mááɣawoni naa saí yáa.

TÁITƆ 1:2

Ná ná áá ɣɛ́, kitomái áá ɣɛ́ tí wa kúnafɔ lɛ́ɛ́h̃ui hááw̃a Ngala lɛ́i ɛ́i ndɛɛ gɔ́ɔ́la í máá gúúlombongɔ p̃ɛ́ɛ́ ngetéyangi ɔ́ɔ́ ɣɛ́a batɛ́.

PÍTƐ HESENDAA GƆLƆÍ 1:20

Ngalá ngɔ́ɔ́ ɣɛ́ p̃ɛ́ɛ́ í ngeleí sí wu bátɛ, i ɣɛi náa lokoloní Kílisitii wa ngáá ɔ́ɔ́ vá í wú wúmaawo. Kɛ́ ngapúmaa yeteyangi sí h̃u, i kulaá kɛlɛ́ma ngeleí sí wu wú hááw̃a.

FAA YÁKƐ KƆ́LƆI 13:8

Nungáitii kpɛ́lɛɛ tí ngélei sí wú tiyá lɔ́ɔ vá súwai sí hɛ́lima kɛ léi sítii ti laahéingi vɔ́nɛngɔ kúnafɔ lɛ́ɛ́h̃u gɔlɔí h̃u p̃ɛ́ɛ́ Ngalá ngɔ́ɔ́ ɣɛ́a ngelewuí sí bátɛ. Ná wáá ngáá, kɔlɔí sí í Mbáálai sí hááw̃a tí pááni wɔ́lɔ.

FAA YÁKƐ KƆ́LƆI 14:6

Kɛ ngí maléka véka lɔngá áa góvo ngeleí yá kélei. I ɣɛi áá kúnafɔ gééla woo vandaí lé nungáitii ma tí ngélei sí wú taá gúla híítii su bɛ́kpɛ tiyɛ́i taá híí woítii ndé bɛ́kpɛ ti gúlangɔ paatiitíí sú tí ndɔwɔlɔ́i kpɛ́lɛɛ sú.

FAA YÁKƐ KƆ́LƆI 17:8

Ngakpa súwai sí yí tɔngɔ́ ndɛɛh̃ú í ɣɛ́ngɔ su, kɛ́ aa mɔɔ ndɛɛh̃ú h̃ú. Aá tɔ́ áá vá gulamá ndówa wálai sí h̃ú kpu ngáá mba, í lí mbéi áá saa w̃ááhɔlɔ na. Nungáitii tí ndɛɛh̃ú h̃ú ngélei sí wu aáva ti laahéingi vɔ́nɛngɔ áá ɣɛ́ngɔ lá kúnafɔ lɛ́ɛ́h̃u gɔlɔí h̃u ngelewu ɔ́ɔ́ ɣɛ́ p̃ɛ́ɛ́ í lɔ́kula héi, aa ɣɛ ngáá kindaa víli fáá wala ti hááw̃a ná taá ngakpa súwai sí lɔ́. Ngakpa súwai sí i ɣɛngɔ ndɛɛh̃ú h̃u, kɛ́ i ɣɛi náa haaní, kɛ́ aá lɔ́ vá vááma vólu.

FAA YÁKƐ KƆ́LƆI 4:11

“Ni Lemɔ́i ɛ́ɣɛ ni Yálangi, yá lɔ́ í gúlaɣɛngɔ ngáá nuu ngáá yí sɛ́ɣɛɛ gula ma w̃ááhɔlɔ taá ngufema. Ná vólu, yí ndaaw̃áálɛ mááhɔlɔ í yákpangi hááw̃a. Sífaa yí ngélewu kpɛ́lɛɛ kpátɛngɔ aáva i ɣɛngɔ ngáá í háá h̃úubatɛ ngáá yí kɛ́ngɔ ngáá háwu tí ɣɛ́ na aáva yí ndɛɛh̃ú vú tí h̃u.”