Ɛ́FƐSƆ 3:8 - Kɛ́lɛ Niinaí

⁸ Toow̃aá aa mbá Ngalángi vóngaitii ndiiwáá. Kɛ́ ná fíli sú, Ngalá ngí ngenge kpíkpi fengɔ́ ngéya ngáá ngi kééla woó vándai lé sítii ma taa ngáá Júsua kɔwɔ́ato faa bɔ́wɔ h̃uulɔ́vengɔ wálai wa nuu áá maahɔ́lɔ ná áá ɣɛ́ Kílisitii wɔ́lɔ.

Ɛ́FƐSƆ 3:8 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 14:22

Ná bɔ́ilopoi ná í yangáimani, kɛ i ɣɛa ngí núu walaí w̃a, ‘Kawalái, sí yí ndengɔ́ má ngí kɛngá, kɛ́ seiw̃áa bih̃íw̃aa lɔ nɛ́nɛ na nungáá taá na.’

NJƆÚ 1:16

Maa haa bɔwɔ́i í ndiíh̃u laahéngɔ, i kɛ́a ngáá háwu a mú Ngalángi háá bɔwɔí sí w̃ááhɔlɔnga kɛɛlɛ́ ngáá mba.

TI GƐ́Ɛ́ HAÍTII 5:41

Ngalángi géélaitii ti híɣeni náa faa le mbélaitii kákala ngáá kooh̃unɛ́ɛ́, bɔw̃álale Ngalá ngi ɣɛi náa lokohéini ti wu ngáá tí máánɔw̃ɔ yéɣe Jísu haaw̃a.

TI GƐ́Ɛ́ HAÍTII 9:15

Kɛ Ndemɔí Jísu i ɣɛa Ananáya w̃a, “Lí! Ngí lókolonga siỹɛndópoi sí wa ngáá ní yénge mɔɔ ngáá í lí Ísulɔ yeláitii ngelé ɛ́ɣɛ nungáitii sítii taa ngáá Júsua ti w̃ása ngwála walaítii í ndé ti w̃a ti ɣɛ́ kɔlɔ́ ngáá kɛ ele wáá ngáá nge.

LÓÓMI 11:33

Ngalangí bátɛi wála yabɔ́ɔ́lɔngɔɔ lé ngáá suulɔ́vengɔ, ngi géle ɣelengí ɛ́ɣɛ sítii í tí wɔlɔ́ kɛɛlɛ́ ngáá mba. Nuu fíli áá na ɔ́ɔ́ háwuitii kɛ bɛ́kpɛ Ngála ngáá fáitii kɛ ma kɛlaa nuu ɔ́ɔ́ ngí háitii kɛ́ kílitii suugúla.

LÓÓMI 12:10

A ló ngáá ỹɔw̃ɔ́ ỹɔ́w̃ɔ kíya nɔ́ɔ wú lóngɔ ngáá wú létɔaitii. Nuí fíli í ɣɛ́ áá wúfe ngi mbálangai ma í lɔ́ve laá gíte wa.

LÓÓMI 2:4

Ngalángi háá bɔwɔ walaí ɛ́ɣɛ ngí líílɔlɔi ɛ́ɣɛ wú hái áá kúmbo h̃u, ta fíli aa wú yááh̃u ngáá faa fíli. Wáá kɔ́lɔ ngáá aá lɔɔ ná ɣɛ́ nɔ́ɔ ngáá kɛinɔɔ́ í kɛ́ ngáá háwu wú vólu yáfe wú háá ỹɔítii mba?

KƆ́L̃E HESENDAA GƆLƆÍ 1:30

I kɛngɔ́ ngáá háwu mu báha su maa Jísu Kílisitiini. Í mú ɣɛ́ ngáá kele ɣéle mbélaa, í mu yeɣé ngáá telembo mbélaa laá búte yaá ɛ́ɣɛ í mu w̃ááw̃uỹa fó fóndei, ná vólu, í mu wúmaawo mu háá ỹɔítii ngeyá. Ngala pá i sí kpɛ́lɛɛ kɛ́ngɔ mu yɛ Jísu Kílisitii w̃áá véle w̃a.

KƆ́L̃E HESENDAA GƆLƆÍ 15:9

sífaa, Ngalángi gééla vekaítii kpɛ́lɛɛ ti lɔ́vengɔɔ lé mbá aáva ngáá kúlaɣɛi p̃ɛ́ɛ́ ngáá nuu ngáá tɔɔ ngéɣe ngáá Ngalángi gééla, bɔw̃álale ngí fáá bá ndáni Ngala fɛ́li mbélaitii ma.

KƆ́L̃E HESENDAA GƆLƆÍ 2:9

Kɛ́ ná fíli sú, sí pɔnɛngɔ́ Ngalá Kɔ́lɔi h̃u aá wáá ngáá sí, “Sí nuu fíli áá nɛ́ɛ́ tɔí kɛlaa ɔ́ɔ́ maa woo ỹɛ́ni, sí nuu fíli áá nɛ́ɛ gísiyani la ngáá aa ɣɛ, maa hái kái kái tɔ́ Ngala ngí kɛ kíli batɛngɔ́ sítii mbɛ ti longɔ́i ngáá laá Ngála.”

GALÉSIYA 1:16

ngáá í ngí H̃íỹɛndou Loí ɣɛ́ ngáá ngé kɛinɔɔ́ ngí keela woó vándai lé kɔwɔ́ato mba sítii ma taa ngáá Júsua. Aáva ngáá nuu fíli mɔ́ɔ́nini ndaahi fááw̃a,

GALÉSIYA 2:8

Ngalá ngílaa kpéngi sí áa kɛ ngáá háwu Pítɛ áa ngi gééla woí le Júsuaitiini ma, laá lɔ nɔ́ɔ mɔ́ɔ áa kɛ ngáá háwu ngíwaa ngi gééla woí lé sítii ma taá ngáá Júsua.

Ɛ́FƐSƆ 2:7

I sí ɣɛ́ngɔ mu yɛ kɛinɔɔ́ nuu kpɛ́lɛɛ ti ɣɛ́ kɔlɔ́ kúnafɔ ngáá faa bɔ́wɔ lo ngwalaí sí í su ngáá mu ye kɔwɔ́ato kpahaí wá mú sú Jísu Kílisitii wa.

Ɛ́FƐSƆ 3:1

Náá hááw̃a, nyɛ́i ngí ngáá Pɔ́ɔ, nyá lɔ́ Ngala fɛ́li wú hááw̃a nyɛ́i ngí ngáá pelésina bɔw̃álale nyáá lɔ́ɔ yénge Jísu Kílisitii yɛ wú hááw̃a wɛ́i wáá ngáá Júsua.

Ɛ́FƐSƆ 3:16

Ngáá Ngala fɛ́li ngáá Ngalángi háá bɔwɔí w̃áá véle w̃a wú ngakpá mááhɔlɔ Hɛ́ɛ́ma Ỹínangi yáa ngáá wú líí í bá.

Ɛ́FƐSƆ 3:19

Ngáá Ngala fɛ́li ngáá wú hómbo wú ɣɛ́ Kílisitii lóngi wɔ́lɔ, í ɣɛ́ wú yɛ, wú ɣɛ́ ngáá Ngalá kɛ kíli kíya bɛ́lɛ ngi lóngi h̃uuwɔ́ɔ́lɔngɔ nuu áá kɛɛlɛmáá wɔlɔ́.

Ɛ́FƐSƆ 3:2

Kɛ́ nɛ́nɛ p̃ɛ́ɛ́, ndángɔɔ lé lá ngáá wáá ɣɛ́ faa yɛ́ninga kɔwɔ́ato ngengengí sí wa Ngalá ngí féngɔ ngéya ngi háá bɔwɔí w̃áá véle w̃a ngáá ngí mbo áá wú gúlah̃uunuma.

FÉLEPA 2:3

Ndii álaa ɣɛ́ nɔ́ɔ wú góó ya faa ɣɛ́ fááw̃a bɔwɔ́ yɛ́, kɛlaa wɔ́ɔ́ ɣɛ́ wáá faa ɣɛ́ yonga téve fááw̃a bɔwɔ́ w̃á fúŋ. Kɛ́ a bɔwɔ́ wu nga njéi ỹɔw̃ɔ́ ỹɔ́w̃ɔ yɛ. Nuu fíli álaa bɔwɔ́ yéɣe ngáá ngangímba w̃ɔ́ɔ́ ɔ́ɔ́ lɔ́ve ngi mbálangai mba.

FÉLEPA 4:19

Ngalá pa, lɛ́i ngíwaa yénge mbɛ aáva kpatɛngɔ́i ngwala, aá lɔɔ wú béɣema wɔlingái kpɛ́lɛɛ kúla kɛlɛ́ma wú yɛ́ Jísu Kílisitii w̃aa véle w̃a.

KƆLƆ́SE 1:27

Ngalángi háá h̃uubatɛngí wáá ngáá í kɛ ngi vóngaitii ti ɣɛ́ fáá wɔ́lɔ kɔwɔ́ato ngi gééla woo w̃aanɛɛnɛɛngí wa í ɣɛ́ngɔ ndɔɔwu h̃ú ngeya nuu kpɛ́lɛɛ fááw̃a. Ndɔɔwu h̃ú hái sí wáa ngáá, Kílisitii lɔ wu líí h̃u, ná vá tɔ áá wú wɔ́ ngáá kitomaá ngáá kɛ wá lɔ́ɔ vá ɣɛ́ma Ngalángi yákpa ngwala w̃aanɛɛnɛɛngí h̃u.

TÍMOTI HESENDAA GƆLƆÍ 1:13

I ná ɣɛ́ngɔ mbɛ́ kíya bɛ́lɛ ngɔ́ɔ́ ngoo ỹɔ́u ỹɔ́u nde kɔwɔ́ato Jísu wa, ngí faa bá ndá ma, ngí ngɛ́ɛ́li, kɛ́ Ngalángi mááw̃aanu hóuni bɔw̃álale ngáá ɣɛ́i nɛ́nɛ laí ngáá Jísu aáva ngáá ɣɛ́i kɔ́lɔ ngáá faa ỹɔ́u lɔ́ ngí ɣɛ́i ngáá kɛ.

TÍMOTI HESENDAA GƆLƆÍ 1:15

Sí ngáá vá ndéma aá lɔ ngáá tɔɔỹaá wóo, kule lɔ nuu kpɛ́lɛɛ má tí lókohei mbu ɛ́ɣɛ tí lá la, ná wáá ngáá, Jísu Kílisitii i vaangɔ́ ngeleí sí wu ngáá í faa ỹɔ́u yélaitii ngumááwo. Aáva faa ỹɔ́u yélaitii kínɛi su, nyá lɔ ngí ngáá ti wúngi.

TÍMOTI HESENDAA GƆLƆÍ 2:7

Ná vá tɔ í kɛ́ngɔ Ngalá ngí tɔ́vengɔ ngáá Jísu Kílisitii gééla, ɛ́ɣɛ kalambo mɔ́ɔ́ nungái sítii fááw̃a taá ngáá Júsua, ná vólu, ngí kééla woó vándai lé kɔwɔ́ato ndangí wa nuu áá ɣɛ́ su ngáá Jísu Kílisitii ɛ́ɣɛ tɔɔỹái kɔwɔ́ato mba. Ndɛɛ láá le ngɔ́ɔ́ ɣɛ́ ngáá kɔ́ɔ́la, sí ngíwaa nde aá lɔ́ ngáá tɔɔỹaá.

TÍMOTI GƆ́LƆI HELE KÉLEI 1:11

Ngalá ngí lokolongɔ́ mbá ngáá keelá ɛ́ɣɛ kalambo mɔ́ɔ ngáá ngí kééla woó vándai lé.

FAA YÁKƐ KƆ́LƆI 3:18

Faale, nyáá ngáá wú lááhi ngáá wú vá wú góóli wuyangɔ́ yáa má kɛinɔɔ́ wú bátɛ. Wú kula wóle ngíya wú ngíli w̃a kɛinɔɔ́ wú w̃ááỹaaka ɔ́ɔ́ ɣɛ́ lá ɛ́ɣɛ mɔ́ɔ wú salé yáa yááh̃ui hááw̃a kɛinɔɔ́ wááyaa ỹanda lɔ.