Ɛ́FƐSƆ 3:6 - Kɛ́lɛ Niinaí

⁶ Ndɔɔwu h̃ú hái sí wáa ngáá kééla woo vándai í kɛ́a ngáá háwu Júsuai ɛ́ɣɛ sítii taá ngáá Júsua tí héi h̃u félengɔ p̃ɛ́ɛ́ tí ɣɛ́a ngáá nuu yílaa aáva ti kpɛ́lɛɛ taa Ngalángi nɛ́ɛ́mai w̃ááhɔlɔ ɛ́ɣɛ kuulóngi Ngalá ngi mbóngɔ Jísu Kílisitii í kɛ́nga ngáá háwu íwaa ɣɛ́.

Ɛ́FƐSƆ 3:6 Iomraidhean Croise

KƆ́L̃E HESENDAA GƆLƆÍ 12:12

Nuu búsai í yíla kpé, kɛ́ mbaawɔ́lingaitii kpíh̃ingɔ mba. Kɛ́ kɛ kíya bɛ́lɛ nuu búsai waawɔ́lingai kpih̃íngɔ mba, kɛ́ aa lɔ́ nɔ́ɔ́ ngáá kpusa yílaa. Aáva ngimɔ́ɔ́ nɔ́ɔ muỹɛ́i mu langɔ́ ngáá Kílisitii mu gúlangɔ ngáá kpúsa yílaa mbaa wɔ́li bih̃íngɔ mba.

KƆ́L̃E HESENDAA GƆLƆÍ 12:27

Wú kpɛ́lɛɛ wú gúlangɔɔ lé ngáá kpusa yílaa Kílisitii hááw̃a, aáva wú yíla ngílangi fíli wú gúlangɔɔ lé ngáá mbaawɔ́lingi tá.

GALÉSIYA 3:14

Jísu Kílisitii í sí ɣɛ́ni kɛinɔɔ́ nɛ́ɛ́mai Ngala ngí maa gúúlomboni ngáá Lébilah̃au, maanɛ́ɛ́mai í fólo sítii ma taa ngáá Júsua aáva taa maahɔ́lɔ Jísu Kílisitii w̃áá vele w̃a, ná vólu, kɛinɔɔ́ ndangí w̃áá véle w̃a a maa ɣɛ́ su ngáá Jísu, Hɛ́ɛ́ma Ỹínangi Ngala ngí maa gúúlo mboní í ɣɛ́ mu vólu.

GALÉSIYA 5:24

Sítii ti ngáá Jísu Kílisitii volú yélaitii, faa ỹɔ́u ɣɛ́ ndíívo kɛí ɛ́ɣɛ ndíívo kɛɛ́ háá walái áá víli nuu líí vólu ngwala, tí bénga nátii kpɛ́lɛɛ mbá.

Ɛ́FƐSƆ 3:3

Sí í ɣɛ́ngɔ ngáá Ngalángi lɔ́ɔ́wu h̃u hái nuu fíli áá ɣɛ́ngɔ faa wɔ́lɔ mba Ngalá ngí kɛngɔ́ ngáá ngé kɛ kíya nɔ́ɔ ngí faa gúlo lénga kɔwɔ́ato mba kɔlɔí sí h̃u.

Ɛ́FƐSƆ 5:30

bɔw̃álale a mu báhangɔɔ lé mba.

Ɛ́FƐSƆ 5:7

Náá hááw̃a, wálaa bɔ́ faa fíli má wáá ná w̃áa yélaa laaláitii.

KƆLƆ́SE 2:19

Aáva tókolangɔ láá le múl̃ɔ Kílisitii w̃a, lɛ́i í ngáá Ngalá fɛ́li mbélai ti wungí. Ngalá fɛ́li mbélaitii pa ti bɔngɔ́ɔ́ lé su, ti báhangɔ Kílisitii wa lɛ́i áá jíji vu ti h̃u kíya nɔ́ɔ nuu lúwui waa wɔ́lingaitii taa ɣɛ na ti báha kpahangɔ áá ɣɛ la wa táá lóóla kíya Ngalá ngáá ɣɛ loi ti lóóla.

NJƆÚ HESENDAA GƆLƆÍ 1:3

Sí ní tɔá ɛ́ɣɛ sí ní mɛningá, laá lɔ naá faa lé wú w̃a kɔwɔ́ato mba ngáá kɛinɔɔ́ wá bɛ́lɛ nɔ́ wú báha ni wa, a mu háá í ɣɛ́ su yíla maá Kɛɛɣɛí Ngálani ngaa ngí H̃íỹɛndou Loí Jísu Kílisitii.

NJƆÚ HESENDAA GƆLƆÍ 2:25

Aáva sí Jísu Kílisitii gíte í mu guulóngɔ lá aá waa ngáá kúnafɔ lɛ́ɛ́h̃ui.