Ɛ́FƐSƆ 3:5 - Kɛ́lɛ Niinaí

⁵ Hése wɔ́lɔ nungáá taá ɣɛ́i ndɔɔwu h̃ú hái sí wɔ́lɔ, kɛ́ Ngalá ngí kɛngá ngáá háwu Hɛ́ɛ́ma Ỹínangi í ndɔ́ɔ́wu h̃ú hái sí ɣɛ́nga ngáá Ngalángi hɛ́ɛ́ma géélaitii ɛ́ɣɛ ndaa háá lé mbélaitii.

Ɛ́FƐSƆ 3:5 Iomraidhean Croise

MÁFIYU 20:7

Nátii tí ngoo yápoteni, ti ɣɛ́ ma, ‘Nuu fíli aa ni yeɣéngɔ ngáá ni yénge mbɛ.’ Kɛ i ɣɛa ti w̃a, ‘Kɛ a lí hɔ́ɔ́ wá bɛ́lɛ wú yénge ní bélei h̃u.’

MÁFIYU 23:34

Faalɔ, nyáá ngáá Ngalá ndaa háá lé mbélaitii tɔve wú yéle ɛ́ɣɛ siỹɛngái sítii tí Ngala sávai wɔ́lɔ ɛ́ɣɛ kaamɔítii Ngala mbélaitii fááw̃a. Wáá tí lɛ́ingaa váá, wú pékaitii paa ngáá ti bakpándai kulɔ́sii w̃a, wú pékaitii ngamɔ́ Ngala fɛ́li máákpɔ wotaítii mbu, ná vólu, wú tí bɛ taítii su.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:49

Laáva ná wú sí ɣɛ́nga, kɛ fái sí ndéngɔi Ngalángi géle ɣele ngói h̃u i hitɛngá nga, ngáá sí í ɣɛ́ngɔ ta, ‘Nyáá ngáá laa háá lé mbélaitii ɛ́ɣɛ ní géélaitiini tɔve ti yele. Aáva taa ndáá háá le mbélaitii ɛ́ɣɛ ní géélai sítii ti lɛ́ingaa váa, ná vólu, tí faa bá nda ti lɛ́ingaa w̃a.’

NJƆÚ 14:26

Kɛ́ kpɔmba w̃ɔ́i, ná wáá ngáá Hɛ́ɛ́ma Ỹínangi lɛ́i ní Kɛ́ɛ́ɣɛ áá va tɔvemá ndááheingi h̃u, aá lɔ áá wú gálambo ngáá faa kpɛ́lɛɛ, aa va í wú gísitɛ faí sítii kpɛ́lɛɛ mba ngí wú gálambonga la.

NJƆÚ 16:13

Kɛ́ ná Hɛ́ɛ́ma Ỹínangi lɛ́i áá tɔɔỹái yakɛ kɔwɔ́ato Ngalá mba áá va, laá lɔ áá kɛ ngáá háwu wú ɣɛ́ tɔɔỹái kpɛ́lɛɛ kɔ́lɔ. Aa vaamá ɣɛ́ma áá yɛ́pɛ ngáá wu maá, kɛ́ sí léi áá mɛni laá lɔ áá nde aáva aa ɣɛ áá nde wú w̃a sí áá va ɣɛmá.

TI GƐ́Ɛ́ HAÍTII 10:28

Kɛ i ɣɛa ti w̃a, “Wá bútei wú suuwɔlɔ́ ngáá kɛ aa pele w̃a ni hávai h̃u ngáá Júsu w̃ɔɔ ɔ́ɔ́ báha kpahá sítii mba taa ngáá Júsua kɛlaa ɔ́ɔ́ ti héi heí. Kɛ́ Ngalá ngí ngakɛ́a ngáá ngé ngáá ngálaa nuu fíli tóli ngáá kpaló mba w̃ɔ́ɔ́.

LÓÓMI 16:25

A mú Ngála tɛ́ lɛ́i áá kɛ ngáá háwu Ngalángi gééla woo vandaí sí ngíwaa nde kɔwɔ́ato Jísu Kílisitii wa íwaa wú h̃úúba ngi hái h̃u. Wɔ́lɔ kpɔ́lɔɔ tɔɔỹáa gééla wói sí w̃aa lɔ́ɔ́wungɔ i ɣɛngɔ la,

KƆ́L̃E HESENDAA GƆLƆÍ 2:10

Kɛ́ Ngalá ngí ngi lɔ́ɔ́wu h̃u hái kpɛ́lɛɛ kpɛ́lɛɛ ngákɛa ngáá mu ye kpál̃au ngi Hɛ́ɛ́ma Ỹínangi w̃áá véle w̃a. Hɛ́ɛ́ma Ỹínangi aa faí kpɛ́lɛɛ ngákula mba í lí bɛ́lɛ í to Ngalángi háá h̃uubatɛngítii mba tí ndɔ́ɔ́wu h̃u.

Ɛ́FƐSƆ 2:20

Mu kpɛ́lɛɛ nɔ́ɔ mu gúlangɔɔ lé ngáá pɛlɛ́ aáva Ngalángi géélaitii ɛ́ɣɛ Ngalá ndaa háá lé mbélaitii tí gúlangɔɔ lé ngáá maa vɛ́lɛi gɔ́wɔi. Jísu Kílisitii lɔ áá pɛ́lɛ gɔ́wɔi ná h̃úúba.

Ɛ́FƐSƆ 3:9

Kule lɔ́ má múl̃ɔ ngí kɛ nuu kpɛ́lɛɛ tí ngátɔ mba kíya Ngalá ngáá vá ngi lɔ́ɔ́wu h̃u hái h̃uu híyama. Ngala, lɛ́i í ngáá ngelegóóh̃u ɛ́ɣɛ ngélewu bátɛ mɔ́i, i ngi lɔ́ɔ́wu h̃ú hái sí lɔ́ɔ́wungɔ nuu kpɛ́lɛɛ mbá wɔ́lɔ

PÍTƐ GƆ́LƆI HELE KÉLEI 3:2

Kɛ́ ndóngɔ gíte lé wú gísei faí sítiini ma Ngalángi hɛ́ɛ́ma láa háá le mbélai tí ndéni, ná vólu, wú ɣɛ́ wáá giséi sí w̃a Ndemɔí Jísu lɛ́i mɔ́ɔ í ngáá mu Wúmaawo Mɔ́i í ndéni, niỹɛ́i ni ngáá ngí gééla hiya mbélaitii ni vái ní ndéni wú w̃a.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:17

Kɛ́ wɛ́i wú ngáá mu mbála vandáitii, a gísei sí w̃a mu Lemɔ́i Jísu Kílisitii géélaitii tí ndéni wú w̃a wɔ́lɔ ngáá áá lɔ́ɔ́ va ɣɛ́ma.