Ɛ́FƐSƆ 3:2 - Kɛ́lɛ Niinaí

² Kɛ́ nɛ́nɛ p̃ɛ́ɛ́, ndángɔɔ lé lá ngáá wáá ɣɛ́ faa yɛ́ninga kɔwɔ́ato ngengengí sí wa Ngalá ngí féngɔ ngéya ngi háá bɔwɔí w̃áá véle w̃a ngáá ngí mbo áá wú gúlah̃uunuma.

Ɛ́FƐSƆ 3:2 Iomraidhean Croise

TI GƐ́Ɛ́ HAÍTII 13:2

Ná ti ɣɛ́i taá Ndemɔí Ngalá fɛ́li táá súngi hóu, Hɛ́ɛ́ma Ỹínangi i ɣɛ ta, “A Bánabani ngaa Sɔ́ɔ gula naa wa léélaa mbɛ́ ngengengí sí hááw̃a ngí lókolongɔ ti wa ngáá tí mbo.”

TI GƐ́Ɛ́ HAÍTII 13:46

Kɛ Pɔ́ɔni ngaa Bánaba tí tí woo yápotenga ngáá ndiibá, ti ɣɛ́ ti w̃a, “Kule í ɣɛ́ngɔ ni w̃a ngáá ní Ngalá ndaa wói le wú w̃á hése. Kɛ́ ná wáá lokohéingɔ mbu, aáva wáá bɔwɔ́ yeɣé ngáá kɛ wú gúla ɣɛngɔ láá le kúnafɔ lɛ́ɛ́h̃ui w̃aahɔ́lɔ fááw̃a, faalɔ, ni vótenga naa sítii ngéle péle taa ngáá Júsua,

TI GƐ́Ɛ́ HAÍTII 22:21

Kɛ Ndemɔí Jísu i ndengá má, i ɣɛ má, ‘Lí! Nyá ngaá í lɔ́ve kpɔ́lɔɔ sítii ngelé taa ngáá Júsua.’ ”

TI GƐ́Ɛ́ HAÍTII 9:15

Kɛ Ndemɔí Jísu i ɣɛa Ananáya w̃a, “Lí! Ngí lókolonga siỹɛndópoi sí wa ngáá ní yénge mɔɔ ngáá í lí Ísulɔ yeláitii ngelé ɛ́ɣɛ nungáitii sítii taa ngáá Júsua ti w̃ása ngwála walaítii í ndé ti w̃a ti ɣɛ́ kɔlɔ́ ngáá kɛ ele wáá ngáá nge.

LÓÓMI 1:5

Jísu w̃áa véle w̃a, Ngalá ngí naa gúlaa kɛ́lɛma mbɛ́ ngáá ngí ɣɛ́ ngáá ngi gééla Jísu Kílisitii hááw̃a ngáá kɛinɔɔ́ nungáá ti gúla híítii sú bɛ́kpɛ ti lá ngáá Ngalá, ti gólo mbɛ́.

LÓÓMI 11:13

Nyá lɔ́ɔ yɛ́pɛ náá wú yéle wɛ́i wáá ngáá Júsua ngáá ná nɔ́ɔ kái nyá lɔ́ ngáá Ngalángi gééla, Ngala kééla woo vandaí lé fááw̃a sítii ma taa ngáá Júsua ná lɔ́ ngáá ndíívo ngénge.

LÓÓMI 12:3

Ngálangi háá bɔwɔ walaí w̃áá véle w̃á í ngaah̃ú ɣɛ́a ngáá ngé, ngí ngátɔa mba ngáá ngí ndé wú w̃a ngáá kíya núi fíli áá ɣɛ́ na. Maa w̃ɔ́i gísiya álaa ngandɛ́i, ɔ́ɔ́ ngí háá lɛ́nga ɔ́ɔ́ lɔ́ve kɛ kíli wa. Kɛ́ láá ɣéle, ndangí l̃ɔ́ingi Ngalá ngáá kɛ́ ngáá háwu nuu fíli í mááhɔlɔ, laá lɔ́ áá lókola ma í bɔ́wɔ yéɣe ngáá ele wáá ngáá laá.

KƆ́L̃E HESENDAA GƆLƆÍ 4:1

Faalɔ, a gi síya ngáá ni ye ngáá Kílisitii yénge mbeláa niỹɛ́i Ngalá ngí ni ɣɛa ngáá ngi lɔ́ɔ́wu h̃u lɔ́ɔ́ỹaa haítii maah̃ú belé mbélaa.

GALÉSIYA 1:13

Wú faa ỹɛ́ninga kɔwɔ́ato ndɛ́ɛ́h̃ui h̃u híya kílii wa ná h̃ú ngí ɣɛ́i ngáá Ngalá fɛli kíya Júsuai taá Ngalá fɛ́li. Ngí ɣɛ́i ngáá faa báma wála la sítii ma ti langɔ́ ngáá Jísu Kílisitii, ná vólu, ngáá yakpá gíte ngwala ngáá ngí tí h̃úúvaha kɛinɔɔ́ maa hái yángi wálamba.

Ɛ́FƐSƆ 1:10

Ngalángi háá h̃uubatɛngí áá vá mbóma, ná kɛ fóloi áá fólo ma, aa kɛ ngáá háwu ŋaniáitii kpɛ́lɛɛ tí ngélewu ɛ́ɣɛ ngelegóóh̃u ti ɣɛ́ ngoo yiláá sú, Kílisitii í ɣɛ́ ngáá ti wútuwɔɔ w̃ɔ́ɔ́ walaí.

Ɛ́FƐSƆ 3:7

Ngalá ngí kɛ́a ngáá háwu ngi háá bɔwɔí w̃áá véle w̃á ngáá ngí kééla wóo vándai lé. Ngi yákpangi h̃uu lɔ́ ngáá ngengengí sí wó na.

Ɛ́FƐSƆ 3:8

Toow̃aá aa mbá Ngalángi vóngaitii ndiiwáá. Kɛ́ ná fíli sú, Ngalá ngí ngenge kpíkpi fengɔ́ ngéya ngáá ngi kééla woó vándai lé sítii ma taa ngáá Júsua kɔwɔ́ato faa bɔ́wɔ h̃uulɔ́vengɔ wálai wa nuu áá maahɔ́lɔ ná áá ɣɛ́ Kílisitii wɔ́lɔ.

Ɛ́FƐSƆ 3:9

Kule lɔ́ má múl̃ɔ ngí kɛ nuu kpɛ́lɛɛ tí ngátɔ mba kíya Ngalá ngáá vá ngi lɔ́ɔ́wu h̃u hái h̃uu híyama. Ngala, lɛ́i í ngáá ngelegóóh̃u ɛ́ɣɛ ngélewu bátɛ mɔ́i, i ngi lɔ́ɔ́wu h̃ú hái sí lɔ́ɔ́wungɔ nuu kpɛ́lɛɛ mbá wɔ́lɔ

Ɛ́FƐSƆ 4:21

Ngí kɔ́lɔ ngáá wú faá ỹɛ́ninga kɔwɔ́ato Jísu wa wɛ́i wú ngáá polú yélaitii. Ti wú gálangɔ ngáá tɔɔỹaá gééla woo vandaí kɔwɔ́ato mba.

Ɛ́FƐSƆ 4:7

Mu yilá ngíla p̃ɛ́ɛ́ mú fembɛ wɔlíngaa w̃ááhɔlɔnga kíya Kílisitii í féngɔ mu yaá.

KƆLƆ́SE 1:4

sífaa, ní faa ỹɛ́ninga kɔwɔ́ato wú lángi wa wú su ngáá Jísu Kílisitii ɛ́ɣɛ ndóngi wú su ngáá Ngalángi vóngaitii kpɛ́lɛɛ.

KƆLƆ́SE 1:6

Keela wóo vándai áá kɛ́ ngáá háwu nungáá táá nɛ́ɛ́ma w̃ááhɔlɔ ngeleí sí wú kpɛ́lɛɛ, maa woo lɔ́ɔ́ híya hááli haali. Aá lɔɔ ɣɛ́ kíya nɔ́ɔ wɔ́lɔ í ɣɛ́i ná wú lííwaa ná h̃u hése wú Ngalángi háá bɔwɔí w̃áá woo ỹɛ́nini wú ɣɛ́ kɔlɔ́ kíya gíte í na.

TÍMOTI HESENDAA GƆLƆÍ 1:11

Kalambongí sí vá í gulangɔ́ keela woó vánda w̃aanɛɛnɛɛngí sí h̃u Hɛ́ɛ́ma Yálangi í féngɔ ngéya ngáá ngí ndé.

TÍMOTI HESENDAA GƆLƆÍ 1:4

Nde ndɛɛ gálambo mbelái nátii ma ti bé bɔwɔ́ w̃ááhololima ngáá gbéle táálii nátii ɛ́ɣɛ wɔ́lɔ wɔ́lɔma lé suugúlandaa yɔli njɔlingí ná wa. Ná vólu hái aa ɣɛ́ nɔ́ɔ léi ngáá tamal̃á mááɣaali aáva tɛ́i kpɔ́mba he Ngalángi háá h̃uubatɛngí wa ngakɛ́ngɔ ngáá mu ye ndangí w̃aa véle w̃a.

TÍMOTI HESENDAA GƆLƆÍ 2:7

Ná vá tɔ í kɛ́ngɔ Ngalá ngí tɔ́vengɔ ngáá Jísu Kílisitii gééla, ɛ́ɣɛ kalambo mɔ́ɔ́ nungái sítii fááw̃a taá ngáá Júsua, ná vólu, ngí kééla woó vándai lé kɔwɔ́ato ndangí wa nuu áá ɣɛ́ su ngáá Jísu Kílisitii ɛ́ɣɛ tɔɔỹái kɔwɔ́ato mba. Ndɛɛ láá le ngɔ́ɔ́ ɣɛ́ ngáá kɔ́ɔ́la, sí ngíwaa nde aá lɔ́ ngáá tɔɔỹaá.

TÍMOTI GƆ́LƆI HELE KÉLEI 1:11

Ngalá ngí lokolongɔ́ mbá ngáá keelá ɛ́ɣɛ kalambo mɔ́ɔ ngáá ngí kééla woó vándai lé.