Ɛ́FƐSƆ 3:17 - Kɛ́lɛ Niinaí

¹⁷ Ngáá Ngala fɛ́li ngáá Kílisitii í vá wú líí h̃u ngáá ndangí wáá ɣɛ́ su lá ɛ́ɣɛ ngí lóngi í wú líí h̃u láa hé

Ɛ́FƐSƆ 3:17 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:48

Maa w̃ɔ́i ɣɛ kíli aa ɣɛ ngáá siỹɛndópoi sí í ɣɛ́i áá pɛlɛ́i lo. I loí ndowái wɔmá í ló su í foló kɔtuí w̃a í pɛlɛ́i gɔwɔ́i hítɛ ma. Ná njɛí i wáni, njɛhéngi i vaaní í héi pɛlɛ́i ná wa kɛ́ aa tiikáni bɔw̃álale tongɔ́ i ɣɛi lá váni.

NJƆÚ 14:17

Maa bɔ́mba w̃ɔ́i waa ngáá Hɛ́ɛ́ma Ỹínangi lɛ́i áá tɔɔỹái yakɛ kɔwɔ́ato Ngala mbá. Ngeleí sí wuu yélai tɛí lókohei kpɔmba w̃ɔ́i sí wú bɔw̃álale tɛí tɔ kɛlaa tɔɔ́ ɣɛ́ kɔlɔ́. Kɛ́ wá laa wú kɔlɔ́ bɔw̃álale aá lɔ́ ɣɛ́ wú vólu kúnafɔ aáva wú báhangɔɔ aa ɣɛ la su.

NJƆÚ 14:23

Jísu í ngoo yápoteni, i ɣɛ ma, “Nuí fíli áá ɣɛ́ loí ngáá ngé, maa w̃ɔ́i aa híya ngáá ní gálambongi. Ní Kɛ́ɛ́ɣɛ vá aa lo ngáá maa w̃ɔ́i. Ná vólu, naá va naa ní Kɛ́ɛ́ɣɛ maa w̃ɔ́i yelé, ní ló ndoow̃á.

NJƆÚ 17:23

Ná wáá ngáá, kpáhangɔ lé ti wa, maa í ye va mu báhangɔ su. Ná vá tɔ í kɛ́ngɔ ti ngoo yílaa su ngáá pangɔ́ kɛinɔɔ́ ngeleí sí wúu yélai ti ɣɛ́ kɔ́lɔ ngáá yá lɔ́ yí tɔ́vengɔ aáva í lóngɔɔ lé ngáá ti ye kíya nɔ́ɔ í lóngɔ ngáá ngé.

NJƆÚ 6:56

Nuí fíli áá ndúwui ỹɛ, í ní ỹááw̃ɔi bɔ́le aa lo kpahai h̃u mba, nyá bɛ́lɛ ngí lo kpahai h̃u maa w̃ɔ́i wa.

LÓÓMI 5:5

Aáva kitómai sí ɛi mu vɛ́lɛ, bɔw̃álale Ngalá ngí kɛa ngáá háwu ngi lóngi yá ngí ɣɛ́ wɔɔlɔ a mu lií h̃u Hɛ́ɛ́ma Ỹínangi w̃áá véle w̃á lɛ́i í ngáá Ngala fémbɛ wɔ́lingi í féngɔ mu yɛ.

KƆ́L̃E HESENDAA GƆLƆÍ 3:6

Maa hái gulangɔ́ɔ́ lé nɔ́ɔ ngáá, sii híí ŋáni gáálɛ lɔ ngí síngɔ, Apólo íwaa njɛ vú ma, kɛ́ Ngalá tɔ í kɛngɔ́ í hálengɔ.

KƆ́L̃E HESENDAA GƆLƆÍ 8:1

Bɛlɛ́ náa ngí yɛ́pɛ kɔwɔ́ato mɛɛníí wa taá kula ngáá saáɣa kɔɔ kɔɔ́ ŋániaitii mbɛ taa ti yeɣé ngáá ngalángaa. Aá ɣéle tɔɔỹaá le ngáá mu kpɛ́lɛɛ mu faa gálangɔ kíya ndengɔ, maa háá galangɔi va, aa nuu h̃úu ɣɛ́ wɔɔlɔ. Kɛ́ ndóngi lɔ aa nuu h̃úúba.

KƆ́L̃E GƆ́LƆI HELE KÉLEI 13:5

A gísiya gíte ngáá bɔwɔ́ ngáá pangɔ́ wú tɔ́ ná wɔ́lii Jísu lángi áá ɣɛ́ wú h̃u. Wú ɣɛ́ kɔ́lɔ gíte ngáá Jísu Kílisitii háá lɔ wú líí h̃u. Ná wɔ́lii nga ngáá ɣɛ́ kpál̃au ngáá kɛ Jísu aa wú líi h̃u, kɛ wú bááh̃anga bɔ́wɔ wu.

KƆ́L̃E GƆ́LƆI HELE KÉLEI 6:16

Aa ɣéle kɛ náa Ngalángi vɛ́lɛini ngaa kɔɔ kɔ́ɔ́ ŋániaitii taa ti yeɣé ngáá ngalángaa ti bɔ́ faaw̃á? A muỹá lɔ mu ngáá pɛlɛ́ Ngalá ngí sí hááw̃a í ndɛɛh̃úi h̃u kɛ kíya Ngalá ngí í ndéngɔ, í ɣɛ́i ta, “Nyá lɔɔ ɣɛ́ ti loow̃áá ɛ́ɣɛ ngí híya hiyá ti liiwáá, aáva ngáá ɣɛ́ ngáá ti Yálangi, tiyá va tí ɣɛ ngáá ní vóngaa.”

GALÉSIYA 2:20

aáva ngáá mɔ́ɔ ndɛɛh̃ú h̃u bɔwɔ́ hááw̃a kɛ́ Kílisitii lɔ́ náa ngí su faaw̃a. Ndɛɛh̃úi sí ngí su náa sí h̃úi, nyá lɔ su ndangí w̃aa véle w̃a ngí su ngáá Ngalángi H̃íỹɛndou Lói lɛ́i í longɔ́ ngáá ngé í lɛ́ɛ́h̃ui gúla kɛlɛ́ma fááw̃a.

GALÉSIYA 5:6

Ná nuu báhangɔ áá ɣɛ́ la Jísu Kílisitii wa, bele bɛ́lɛ í lɔ́vengɔ aa ɣɛ lá pɛ́lɛ vólu ɔɔ í lɔ́vengɔ ɛi ɣɛ lá pɛ́lɛ vólu, ná aa ngáá faa fíli kpósouŋ. Kɛ́ sí í ngáá faa bíkpingi laá wáa ngáá ndangí nuu áá ɣɛ́ sú ngáá Jísu Kílisitii. Ná vá tɔ áá kɛ ndongí áá ɣɛ nuu h̃u nuu vekáitii fááw̃a.

KƆLƆ́SE 1:23

Kɛ́ a ndi ngu ma ngáá wu lángi wú su ngáá Kílisitii wú ló gite su kpáŋ kpáŋ. A waa híɣe nda pélei sí wa wɔ́ɔ́ gíkula wú gítomai h̃u wú maahɔ́lɔngɔ ná wú keela wóó vándai ỹɛ́nini. Nyɛ́i vá ngí ngáá Pɔ́ɔ, ngí ɣɛ́a ngáá ngenge mɔ́ɔ́ keela wóó vándai sí lé fááw̃a í lénga nungáitii kpɛ́lɛɛ má ngeleí sí wu.

KƆLƆ́SE 1:27

Ngalángi háá h̃uubatɛngí wáá ngáá í kɛ ngi vóngaitii ti ɣɛ́ fáá wɔ́lɔ kɔwɔ́ato ngi gééla woo w̃aanɛɛnɛɛngí wa í ɣɛ́ngɔ ndɔɔwu h̃ú ngeya nuu kpɛ́lɛɛ fááw̃a. Ndɔɔwu h̃ú hái sí wáa ngáá, Kílisitii lɔ wu líí h̃u, ná vá tɔ áá wú wɔ́ ngáá kitomaá ngáá kɛ wá lɔ́ɔ vá ɣɛ́ma Ngalángi yákpa ngwala w̃aanɛɛnɛɛngí h̃u.

KƆLƆ́SE 2:7

A ndi ngu ma wú lo kpáŋ kpáŋ kpahaí wa wú su Jísu Kílisitii wa, wú lókolangɔ í ɣɛ́ la ma wú lɛ́ɛ́h̃ui h̃uuhíya kílii h̃u. Ná vólu, ndangí wú su la nga ngí ɣɛ́ nɔ́ɔ áá ɣɛ́ wɔ́ɔ́lɔ kélei kíya tí wu gálangɔ la. Wú ɣɛ́ múl̃ɔ ngáá sɛ́ɣɛɛ gulama yélaa ngwala.

NJƆÚ HESENDAA GƆLƆÍ 4:16

Niỹa gíte vá ní ndóngi sí wɔ́lɔ í Ngála ngéya mu haáw̃a aáva ni langɔ́ɔ́ lé la. Ngalá tɔ ngáá ndo mɔ́ɔ́. Nuí fíli pá ndo ngáá ɣɛ́ ndií h̃u kɛ maa w̃ɔ́i báhangɔɔ lé Ngalá mba Ngalá bɛ́lɛ nɔ kpahangɔ́ maa w̃ɔ́i wa.

NJƆÚ HESENDAA GƆLƆÍ 4:4

Kɛ́ wɛ́i wú ngáá ní léngaa Ngala fái h̃u, wálaa, wá lɔ́ Ngala fááw̃a aáva sítii taá kúla ngáá tiyá lɔ́ ngáá Ngalá ndaa háá lé mbélaa kɛ́ ɛ́i ɣɛ ngáá tɔɔỹaá, wú hómbonga ti w̃a bɔw̃álale Ngalángi Hɛ́ɛ́ma Ỹínangi í wú vólu, ngakpángɔɔ lé í lɔ́ve ỹínangi sí wa í ngélei sí wuu yélaitii polu.

FAA YÁKƐ KƆ́LƆI 3:20

A wolílo! Nyá lɔ́ lói pɛlɛ́i la, ngíwaa túba. Ná nuu fíli áá ngóó ỹɛ́ni, í ndááwo, ngáá vá mbu maa w̃ɔ́i yéle, náa láá ni héi ní lááỹɛ ỹanda yílaa.