Ɛ́FƐSƆ 3:11 - Kɛ́lɛ Niinaí

¹¹ Ngalá ngí kɛngɔ́ ngáá háwu Jísu Kílisitii mu Lemɔ́i, í kɛ sí wɔ́lɔ kpɔ́lɔɔ Ngala ngí ɣɛ́ngɔ loí í ɣɛ́.

Ɛ́FƐSƆ 3:11 Iomraidhean Croise

LÓÓMI 9:11

Ná h̃u nɛ́nɛ taá nɛ́ɛ ɣɛ́i tí léni kpósouŋ kɛlaa tɔɔ́ ɣɛ faa vánda ɣɛ́ni ɔɔ faa ỹɔ́u, Ngalá ngí ndení ti njéé Lebɛ́ka w̃a ngáá kpakolo keleí aa ɣɛ ngáá ngenge mɔ́ɔ́ ndeɣe gélei yɛ́. Ngalá ngí sí léni ngáá kɛinɔɔ́ í hómbo í ngákɛ ngáá kɛ ngi líívo peleí lɔ́ áá híya la. Kɛ́ aa ɣɛi ngáá kɛ ndengái ti híya véle lɔ́ ɔ́ɔ́ ɣɛ́ loi mááh̃u ɔ́ɔ́ ná le.

GALÉSIYA 5:24

Sítii ti ngáá Jísu Kílisitii volú yélaitii, faa ỹɔ́u ɣɛ́ ndíívo kɛí ɛ́ɣɛ ndíívo kɛɛ́ háá walái áá víli nuu líí vólu ngwala, tí bénga nátii kpɛ́lɛɛ mbá.

Ɛ́FƐSƆ 1:11

Faí kpɛ́lɛɛ aa ɣɛ kɛ kíya Ngalá ngáá ɣɛ́ loí tí ɣɛ́. Ngalángi lokolongɔ́ ni wa ngáá ngi vóngaa kpahaí wa mú su Kílisitii wa. I sí ɣɛ́ngɔ bɔw̃álale sí lɔ́ í suubátɛngɔ ngáá í kɛ́ tɔkúla héimai wɔ́lɔ kpɔ́lɔɔ

Ɛ́FƐSƆ 1:4

P̃ɛ́ɛ́ ngelewu ɔ́ɔ́ bátɛ, Ngala ngí ɣɛi náa lokoloí mu wá ngáá ngi vóngaa, kpahaí wa mú sú Jísu Kílisitii wa ngáá faa ỹɔ́u ɛ́i ɣɛ́ mu h̃u ngaah̃u mu h̃úúlaahengɔ í ɣɛ́ la ngáá ndongí.

Ɛ́FƐSƆ 1:9

Ndɔɔwu h̃ú hái í ɣɛ́ngɔ kpatɛí i kɛ́a mu ɣɛ́ kɔ́lɔ Kílisitii w̃áá véle w̃a. Ná vá tɔ í ɣɛ́ngɔ loí í kɛ.

Ɛ́FƐSƆ 3:1

Náá hááw̃a, nyɛ́i ngí ngáá Pɔ́ɔ, nyá lɔ́ Ngala fɛ́li wú hááw̃a nyɛ́i ngí ngáá pelésina bɔw̃álale nyáá lɔ́ɔ yénge Jísu Kílisitii yɛ wú hááw̃a wɛ́i wáá ngáá Júsua.

TÍMOTI GƆ́LƆI HELE KÉLEI 1:9

Ngalá ngí mu wúmaawongɔ, í mú lolí ngáá mu ɣɛ́ ngáá ngi vóngaa. Aa ná ɣɛ́ngɔ mu lúva velé vánda haaw̃a. Kɛ́ Ngalá ngí kpatɛí ngáá í sí ɣɛ́ kpɔwɔ́ bɔ́wɔ háá h̃uubatɛ su ɛ́ɣɛ sífaa, faa bɔwɔ́ngɔ aáva i faa bɔ́wɔi sí ɣɛ́ngɔ mu yɛ Jísu Kílisitii w̃áá véle w̃a p̃ɛ́ɛ́ ngetéyangi ɔ́ɔ́ bátɛ.