Ɛ́FƐSƆ 2:3 - Kɛ́lɛ Niinaí

³ Mú ndé ngáá tɔɔỹaá, a mu kpɛ́lɛɛ mu ɣɛ́i ngoo ỹɛni tála h̃u ngáá Ngalá. Sí fíli ɔ́ɔ́ mu liivó aá lɔ́ nɔ́ɔ a mɔ́ɔ́ kɛ. Mu ɣɛ kíli sí w̃aa véle w̃a, kule í ɣɛ́ngɔ mu w̃á á mu maanɔw̃ɔ́ yéɣe kíya nuu búsa kpɛ́lɛɛ tí na bɔw̃álale Ngalá tuungɔ́ i ɣɛngɔ lá a mu lɔ́ngɔ kpɛ́lɛɛ ngéya a mu háá ỹɔítii faaw̃a.

Ɛ́FƐSƆ 2:3 Iomraidhean Croise

Keela woó vándai Máa í pɔ́nɛni kɔwɔ́ato Jísu Kílisitii wa MÁI 4:19

kɛ́ ndɛɛh̃úi sí h̃uu hái lííhɛlɛngitii taa ɣɛ́ ti w̃a ɛ́ɣɛ ndongí taa ɣɛ́ su ngáá ngeleí sí wuu bátɛitii ɛ́ɣɛ mɔ́ni mɔ́ningi taa ɣɛ́ su taá Ngála ndaa wói w̃áá ba. Maa yélai pa tɛ́i faa fíli páá kíya nɔ́ɔ ngali ngáli tufaí hákpa fáleitii mbólo láá yílini, taa wáni.

NJƆÚ 1:13

Taa ɣɛ́i ngáá Ngala ndéngaa kíya nungáá taa ndou lé. Ná wáá ngáá, kíya siỹɛni taa nyah̃á taa bíti w̃a, kɛ́ Ngalá kítei lɔ í kɛ́ngɔ ngáá háwu tí ɣɛ́ ngáá ngi léngaa.

NJƆÚ 8:44

Wá lɔ wú kɛ́ɛ́ɣɛ ndá gákai w̃a lɛ́i í ngáá Ngutuwɔ́ Ỹína Nyɔí, laáva wú lóngɔɔ lé wú híya ngáá ndiivó fái. I séi tɔkula heimai, aa lɔ wɔ́lɔ kélei ngáá nuu váá mɔ́ɔ́. Aa loni tɔɔỹaá vele w̃a sífaa tɔɔỹaá fíli aa laá su. Ná áá ndɛí gɔ́ɔ́la kɛ i bɔwɔ́ híí woí kái káingi lénga sífaa aá lɔ ngáá ndɛɛ w̃ɔ́ɔ́, laá vá tɔ í ngáá kɛɛɣɛí ndɛí kpɛ́lɛɛ fááw̃a.

TI GƐ́Ɛ́ HAÍTII 14:16

Wɔ́lɔ wɔ́lɔmai h̃u, Ngalá ngí bení nuí kpɛ́lɛɛ mbá tí lí ngáá liivó péleitii.

LÓÓMI 1:24

Faalɔ, Ngalángi lokogúlai nungái sítii su tí pɛ́lɛ lɛɛh̃úi h̃uuhíyama ỹɔ́u ngáá ti bɔwɔ́ gísiya w̃aa véle w̃a, aáva sí ɔ́ɔ́ nɛ́ɛ́ ti yɛ laá lɔ́ tɔ́ɔ́ kɛ. Aáva tamál̃a kísiyaitii taa mbó ná aa kɛ ngáá háwu táá ngufe tála hááni kɛ́ ngáá ỹɔw̃ɔ́ ỹɔ́w̃ɔ.

LÓÓMI 11:30

I ɣɛi ngáá táingi ta wɛ́i wáá ngáá Júsua wú kólo lala gúlani ngáá Ngála, kɛ́ sí h̃úi náa, í wú yááh̃u w̃ááw̃aanu hóunga bɔw̃álale, Júsuai tí kólo lala gúlanga la.

LÓÓMI 13:14

Wú w̃aahéi wóngɔ í ɣɛ́ la ngáá Ndemɔí Jísu Kílisitii gɔ́ɔ́ wɔ́ nyaakáitii, ná ná áá ɣɛ́, wɔ́i mɔ́ɔ́ ɣɛ́ nɔ́ɔ wáá faa ỹɔ́i sítii kɛ taa ɣɛ́ ngáá wú líívo fáitii.

LÓÓMI 2:14

Nungái sítii taa ngáá Júsua, Ngala savái áá ti yaá, ná taa híya ngáá Ngala savái ná wáá ngáá, ná taa híya ngáá sí taa ɣɛ kɔ́lɔ ngáá áá lɔ pele w̃a, ná lɔ aa ngákɛ ngáá kɛ tí kɔ́lɔ sí í péle w̃a ɛ́ɣɛ sí áá péle w̃a kíya bɛ́lɛ Ngalá savái ɛ́i ɣɛ́ ti yaá.

LÓÓMI 5:10

A mu ɣɛ́ngɔ ngáá Ngalá mbaahílima yélaa. Kɛ́ sái w̃áá véle w̃a ngi H̃íỹɛndou Loí Jísu Kílisitii í mbóni a mu haáw̃a, i mú lówah̃u bátɛnga maá Ngalá. Ná áá ɣéle a mu lówah̃u batɛ́ngɔ maá Ngála, mu wumááwongɔɔ lé kpésekele ndɛɛh̃úi w̃aa véle w̃a Kílisitii í su.

LÓÓMI 5:9

Ngi hááɣa haí sí w̃áá véle w̃a Ngalá ngí mu yeɣénga ngáá telembo mbélaa, faalɔ, tɔɔỹaá hááw̃a Kílisitii i kɛa ngáá háwu Ngalángi lííyaw̃al̃ai ɛ́ɣɛ ngi háá bamaí tɛí mɔ́ɔ foló mú w̃a.

LÓÓMI 6:12

Náá hááw̃a, waa lúw̃ama ngáá wú lɛɛh̃úi h̃uuhíyandaa ngeleí sí wu faa ỹɔ́i ɣɛ́ndai ɔ́ɔ́ wu wúto ngáá sí fíli áá hítɛ wú gí ma wú kɛ.

LÓÓMI 7:18

Ngí kɔ́lɔ ngáá kɛ ndiivo kɛɛ́ w̃ɔ́ni mɔningítii ti sú taá kɛ ngáá háwu ngɛ́i faa fíli kɛ í ngáá faa vánda. Ná bɛ́lɛ ngáá ɣɛ́ loí ngí sí ɣɛ́ í péle w̃a, ngɛ́i kɛ.

LÓÓMI 9:22

Ngimɔ́ɔ́ nɔ́ɔ í ná kɔwɔ́ato sí wa Ngalá ngí kɛ́ngɔ. Ngalá ngí ɣɛngɔ́ lói í ngi lííyaw̃al̃ai taá ngí yákpangi yákɛ sítii maa véle w̃a kule í ɣɛ́ngɔ ti w̃a ti ɣɛ kíli í ỹááni. Kɛ́ áá ɣéle, háwui ɔ́ɔ́ kɛ ɔ́ɔ́ ná ɣɛ, aá ɣéle i liilɔ́lɔngɔ ti hái ya.

KƆ́L̃E HESENDAA GƆLƆÍ 4:7

Kɛ ele lɔ í wú lɔ́vengɔ wú mbála vekáitii mba? Bɛɛ́ gíte lɔ í wú yáá wáá mááhɔlɔngɔ Ngalá ngeyá? Kɛ ndeénii le hɔ́ɔ wáá maayónga tevé kíya kpéi sí í wú yáa ɛ́i ɣɛ́ ngáá fembɛ wɔ́li?

KƆ́L̃E GƆ́LƆI HELE KÉLEI 7:1

Mu mbála vandáitii, kuulóngi sítii kpɛ́lɛɛ tiyá lɔ na a mu haáw̃a. Mú luwúini ngaa mu h̃úúyafuw̃angai ti w̃ááw̃uỹangɔ í ɣɛ́ la fó faa ỹɔ́i yaa. Aáva faa ỹɔ́u álaa ɣɛ́ a mu h̃u kpósouŋ ngáá mu lɛ́ɛ́h̃ui maá suuhíya Ngalángi lúwambai h̃u.

GALÉSIYA 3:22

Pɔnɛngɔ́ɔ́ lé Ngalá Kɔ́lɔi h̃u ngáá faa ỹɔ́i lɔ áá nuu kpɛ́lɛɛ ngúto ngelewu, kɛinɔɔ́ kuulongí Ngala ngí mbóngɔ maahɔ́lɔ péle i ngáá ndangí nuu áá ɣɛ́ su ngáá Jísu Kílisitii í hé sítii ngeyá nda ngáá ɣɛ́ tí h̃u.

Ɛ́FƐSƆ 2:2

Wú lúva veléi i ɣɛngɔ ỹɔu kíya nɔ́ɔ ngeleí sí wuu yélai ti lúva véle ỹɔu ỹɔungí tí na. Lɛ́i í ỹína nyɔítii maah̃u ngelewu, wú gólongɔ i ɣɛngɔ la mbu lɛ́i mɔ́ɔ í sítii maah̃u taá kólo lálai gúla ngáá Ngalá.

Ɛ́FƐSƆ 4:22

A bé wú gɛ́ɛ́ háá vɔ́lɔaitii mba sí í ɣɛ́ngɔ wú h̃u ngáá faa ỹɔ́itii hése ngáá sí í ɣɛ́ngɔ wú lói kaka péle w̃a, áá wú ɣɛ́ kíli ỹaaní, wáá tɔ ngáá ndiivo kɛɛ́ le.

KƆLƆ́SE 1:21

Wú w̃aa gooh̃ángɔ i ɣɛ́i lá Ngala mbá hɔ́wɔ tá ɛ́ɣɛ wú ɣɛi ngáá mbaahílima yélaa, sífaa, wú lúva véleitii ɛ́ɣɛ wú gísiyaitii ti ɣɛ́i ỹɔu.

TƐSALÓNIKA HESENDAA GƆLƆÍ 4:13

Mu mbála Yalá fɛ́li mbélai, ni longɔ́ɔ́ lé wú ɣɛ́ tɔɔỹái wɔlɔ́ kɔwɔ́ato sítiini mba ti háánga kɛinɔɔ́ wɔ́ɔ́ vá ɣɛ́ wáá w̃aaw̃áánu ngwala kíya sítiini kitomáá áá tí yɛ taá kɛ.

TƐSALÓNIKA HESENDAA GƆLƆÍ 5:6

Faalɔ, a málaa ɣɛ́ ngáá nungái sítii kɛ kíli, ti ɣɛ kíli gulangɔ́ ngáá nungáá taá ɣɛ́ ỹíí h̃u. Kɛ́ a mu ɣɛ́ yááh̃u húluya, aáva mu ɣɛ́ bɔwɔ́ h̃úúhou kíli wɔlɔ́.

TÍMOTI HESENDAA GƆLƆÍ 6:9

Kɛ́ sítii pa ti longɔ́ tí bátɛ, na aa kɛ ngáá háwu faa ỹɔ́u ɣɛ́ndaa í tí h̃úúgɔvɔ, ti víli su. Ná vólu, kisiyá í víli ti w̃a áá kɛ ngáá háwu ti víli tamál̃a fáá ɛ́ɣɛ kɛ kíli ỹaaní háá bíh̃iw̃aa h̃u. Ná vá tɔ áá nuu ɣɛ́ kíli ỹaaní,

TÁITƆ 3:3

Muỹá bɛ́lɛ mu ɣɛ́i wɔ́lɔ ngáá tamál̃aa mbélaa ɛ́ɣɛ kolo lála yélaa hése ɛ́ɣɛ mú yakpolowangɔ. Muỹá bɛ́lɛ mu ɣɛ́i kíya nduwɔá taa ɣɛ́ na ndiivo kɛ́i híí kpɛ́lɛɛ su ɛ́ɣɛ mu ɣɛ́i ngáá nyaama yélaa mu lólomangɔ, ná vólu, mu hilímangɔ, nungáá bɛ́lɛ tí hílingɔ ngáá mu ye.

PÍTƐ HESENDAA GƆLƆÍ 1:14

A ɣɛ́ ngáá koló mbélaa Ngalá mbɛ́, ná vólu, wálaa mɔ́ɔ́ sí ɣɛ wáá ɣɛ́ loí wú kɛ ɔ́ɔ́ kɛ́ wú ɣɛ kíya wú ɣɛ́i na, ná h̃u nɛ́nɛ wáá ɣɛ́i Jísu Kílisitii wɔ́lɔ.

PÍTƐ GƆ́LƆI HELE KÉLEI 2:14

Ti yaah̃ú lɔ nɔ́ɔ fɔ́ kɔ́lɔsiya mbá, ti lii vá ngɛ́i la faa ỹɔ́u ɣɛ́ndai h̃u kulo bɛ́lɛ. Sítii ti h̃úúbangɔ láá le Ngala fái h̃u taa nátii píli kaka péle wa. Mɔní mɔ́ni fáá wala vilingɔ́ tí líí vólu ngwala, kɛ́ aáva Ngalángi vélengi lɔ́ ti wa.

PÍTƐ GƆ́LƆI HELE KÉLEI 2:18

Ti yónga tevéndai kele ɣelé kíte ɛi ɣɛ́ su. Ndiivo kɛɛ́ ỹɔ́u ỹɔungáitii taa ɣɛ su ngáá lúwui, laá lɔ́ taá nungáitii píli lá faa ỹɔ́u ɣɛ́ndai h̃u. Ná wáá ngáá, nungái sítiini taa ɣɛ́ nɔ́ɔ taá gɔ́wɔ gúla ngáá niina nungái sítiini ndiiwáá ti lɔ́ngɔ ti ɣɛ́ngɔ faa ỹɔ́i h̃u taá tiyéni.

NJƆÚ HESENDAA GƆLƆÍ 2:16

sífaa, sítii kínɛi ti ngáá ngeleí sí wuu haítii ti tá fíli ɛi gula Kɛɛɣɛí Ngála ngéya. Ti kpɛ́lɛɛ tɔ́ ngáá ngeleí sí wúu haítii. Ná waa ngáá, faa ỹɔ́u ɣɛ́ ndíívo kɛi áá ɣɛ́ nuu h̃u ɛ́ɣɛ sítii nuu yáá tí lɔ, ti w̃ɔní í víli í líí vólu ɛ́ɣɛ sítii kínɛi nungáitii ti lii áá ɣɛ́ wɔ́ɔ́lɔ faaw̃a ná taá tí w̃ááhɔlɔ.

NJƆÚ HESENDAA GƆLƆÍ 2:8

Kɛ́ aáva ná fíli su sí ngíwaa pɔ́nɛ kɔlɔí sí h̃u wú yéle aá lɔ́ ngáá kalambo níína kɔwɔ́ato sava vɔlɔí wa. Sí Jísu Kílisitii í kɛ́ngɔ ɛ́ɣɛ sí wúwaa kɛ aá lɔ́ áá ngákɛ ngáá kɛ kalambo níínai lɔ ngáá tɔɔỹaá. Sífaa, kpindíí lɔɔ lí náa aáva lámbo fongí gítei vá tɔ náa áá hólo.