Biblia Todo Logo
Bìoball air-loidhne

- Sanasan -




Ɛ́FƐSƆ 2:20 - Kɛ́lɛ Niinaí

20 Mu kpɛ́lɛɛ nɔ́ɔ mu gúlangɔɔ lé ngáá pɛlɛ́ aáva Ngalángi géélaitii ɛ́ɣɛ Ngalá ndaa háá lé mbélaitii tí gúlangɔɔ lé ngáá maa vɛ́lɛi gɔ́wɔi. Jísu Kílisitii lɔ áá pɛ́lɛ gɔ́wɔi ná h̃úúba.

Faic an caibideil Dèan lethbhreac




Ɛ́FƐSƆ 2:20
20 Iomraidhean Croise  

Aáva ngí ndé í w̃á, Pítɛ, yá lɔ́ ngáá kɔtu ɣɛ kíli. Aáva kíya nɔ́ɔ nuu áá pɛ́lɛi ló ndɔwɔlɔ́ bángi w̃a kíya kɔtu í na, ngimɔ́ɔ́ nɔ́ɔ ngáá vá ní Yála fɛ́li mbélaitii ngatɛ́ma mba í w̃á. Saí ɣéle tɔ ngi yákpa ngɛi hombó ɔ́ɔ́ ɣɛ́ ti w̃ááh̃u.


Kɛ Jísu i ɣɛa ti w̃a “Nápa wáá nɛ́ɛ kalái Ngalá Kɔ́lɔi h̃u? Sí í ɣɛ́ngɔ ta, ‘Kɔtuí sí pɛ́lɛ ló mbélai ti bééleni mba í ɣɛ́i ti gi má ngangáámba, laá lɔ́ náa í ɣɛ́a ngáá ngangímba wɔ́tui pɛlɛ́i lo fááw̃a, í lɔ́ve kɔtu vekái kpɛ́lɛɛ mbá. Ndemɔí Ngalá tɔ í sí ɣɛ́i, aáva maa wɔ́tui w̃aanɛ́ɛ́ngɔɔ lé a mu yaah̃ú!’ ”


Ná ná áá ɣɛ, Ngala fɛ́li mbélaitii su, Ngalá ngí nuu kpɛ́lɛɛ tónga toow̃aá. Hésendaa loow̃aí waa ngáá sítii taa ɣɛ́ ti w̃a Ngalángi géélaitii, nátii kpélaa yélai mbaa ngáá Ngalá ndaa háá lé mbélaitii, ná vólu yélai mbaa ngáá kaamɔítii, ná vólu yélai mbaa ngáá káámaa haa ɣɛ mbélai, ná vólu yélai mbaa ngáá mbaló mbó mbélai, ɛ́ɣɛ kpɔmba hé mbélai, ɛ́ɣɛ sítii taá fáitii kɛ kíli ɣɛ ngáá nuu ye, ɛ́ɣɛ sítii taá yɛ́pɛ híí woo vekaítiini su.


Jimisí, Pítɛ ɛ́ɣɛ Njɔú, tiyɛ́i naa Yála fɛli mbélai taa ti yéɣe ngáá ngutuwɔ́aitii, tí ngátɔni mba ngáá kɛ Ngalá ngí ngengengí sí héngɔ ngéya gba ngáá ngí mbo. Faalɔ, tí fáma wóni ní w̃a naá Bánaba ngáá í ngákɛ ngáá kɛ ni lɔ́ngɔ niỹá lɔ́ɔ ngenge ngílaa mbó. Ni kpɛ́lɛɛ ní lúw̃ai náa ma ngáá nyá ɛ́ɣɛ Bánaba ni lí naayáa kééla wóó vándai lé sítii ma taa ngáá Júsua, tiyá va ti lí taayáá nde Júsuaitii ma.


Hése wɔ́lɔ nungáá taá ɣɛ́i ndɔɔwu h̃ú hái sí wɔ́lɔ, kɛ́ Ngalá ngí kɛngá ngáá háwu Hɛ́ɛ́ma Ỹínangi í ndɔ́ɔ́wu h̃ú hái sí ɣɛ́nga ngáá Ngalángi hɛ́ɛ́ma géélaitii ɛ́ɣɛ ndaa háá lé mbélaitii.


A ndi ngu ma wú lo kpáŋ kpáŋ kpahaí wa wú su Jísu Kílisitii wa, wú lókolangɔ í ɣɛ́ la ma wú lɛ́ɛ́h̃ui h̃uuhíya kílii h̃u. Ná vólu, ndangí wú su la nga ngí ɣɛ́ nɔ́ɔ áá ɣɛ́ wɔ́ɔ́lɔ kélei kíya tí wu gálangɔ la. Wú ɣɛ́ múl̃ɔ ngáá sɛ́ɣɛɛ gulama yélaa ngwala.


Sífaa, sí pɔnɛngɔ́i Ngala Kɔ́lɔi h̃u, aá wáá ngáá sí Ngala ngí ɣɛ́ngɔ ta, “A sí w̃aa hái lɔ lɛ́ɛ́! Ngí lókolonga kɔtu vandá wála wa aáva maa wɔ́tui vá tɔ́ ngáá ngangímba wɔ́tu. Nyá lɔɔ́ nda taa walái sí h̃u taa náa lolí ngáá Jɛlúsɛl̃ɛ. Aáva nuí fíli áá lá lá, kitómai ɛi ỹaaní kúnafɔ.”


Sasái sí í ɣɛ́i taa walái sí w̃a, i ɣɛi lóóni pɛ́lɛ ló kɔ́tu wala wala púúngɔ maah̃úú félengɔ w̃a. Kɔtuí nátii maa vá tɔ Ngalángi gééla púúngɔ maah̃úú félengɔitii tí Mbáálai hááw̃a ti laahéingaitii pɔnɛngɔ́ í ɣɛ́i lá ti w̃a.


Lean sinn:

Sanasan


Sanasan