Ɛ́FƐSƆ 2:2 - Kɛ́lɛ Niinaí

² Wú lúva veléi i ɣɛngɔ ỹɔu kíya nɔ́ɔ ngeleí sí wuu yélai ti lúva véle ỹɔu ỹɔungí tí na. Lɛ́i í ỹína nyɔítii maah̃u ngelewu, wú gólongɔ i ɣɛngɔ la mbu lɛ́i mɔ́ɔ í sítii maah̃u taá kólo lálai gúla ngáá Ngalá.

Ɛ́FƐSƆ 2:2 Iomraidhean Croise

MÁFIYU 11:19

Aáva nuí síí w̃ɔ́i taa ɣɛ́ ma Nuu Búsa Goo H̃ú Loí i vaangá íwaa laaỹɛ́, íwaa kpɔle kpɔlé ŋáni bɔle, nungái kpɛ́lɛɛ ti mɔ́ɔ ɣɛ ta, ‘A wɔlɛ lɛ́ɛ́ siỹɛndópoi sí wa! Aá lɔ́ ngáá kooh̃á w̃ɔ́ɔ́ ɛ́ɣɛ ndɔɔ bɔ́le mɔ́ɔ. Pava gula mbélaitii ɛ́ɣɛ faa ỹɔ́u yélaitii ngufema áá nuu fíli ngéya ti hááw̃a tiyá lɔ́ ti ngáá ngi mbálangaitii.’ Kɛ́ aáva ná fíli su, nuu áá ɣɛ́ kɔ́lɔ ngáá kɛ Ngalángi ndá géle ɣelengí lɔ́ í ngáá tɔɔỹaá gélei bɔw̃álale sítii taá lókohei mbu ti luvá veléi aa ngakɛ́.”

MÁFIYU 13:22

Hakpá súwui sítii pa ti gúlani mbéinda ngali ngáli sapeítii ti ɣɛ́i na, ti gúlangɔɔ lé ngáá nungái sítii taá Ngala ndaa wói ỹɛ́ni, kɛ́ ndɛɛh̃úi h̃uu hái lííhɛlɛngi áá ɣɛ́ ti w̃a, ɛ́ɣɛ ndongí taa ɣɛ́ su ngáá ngeleí sí wuu bátɛitii, taá Ngalá ndaa wói w̃áá ba. Maa yélai pa tɛ́i faa fíli páá kíya nɔ́ɔ ngali ngáli tufaí i hakpá fáleitii mboló láá yílini taa wáni.

MÁFIYU 13:38

Kpaalaí vá mbaa ngáá ngeleí sí wu. Wííti húwu vándai vá mbaa ngáá nungái sítii taa ɣɛ́ Ngalá mbu ngi w̃ásandai h̃u. Tufa gbáámangai mbaa ngáá nungái sítii taa ɣɛ́ nuí sí wú lɛ́i taá tóli ngáá Nyaama W̃ɔ́i.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 4:19

kɛ́ ndɛɛh̃úi sí h̃uu hái lííhɛlɛngitii taa ɣɛ́ ti w̃a ɛ́ɣɛ ndongí taa ɣɛ́ su ngáá ngeleí sí wuu bátɛitii ɛ́ɣɛ mɔ́ni mɔ́ningi taa ɣɛ́ su taá Ngála ndaa wói w̃áá ba. Maa yélai pa tɛ́i faa fíli páá kíya nɔ́ɔ ngali ngáli tufaí hákpa fáleitii mbólo láá yílini, taa wáni.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 16:8

Ngapúmai náa, kpatɛ w̃ɔ́i ná i telembo tála w̃ɔ́i ná lɛ́ni í ɣɛ́i ngáá ngeyá wɔ́li maah̃ú béle mɔ́i ngáá kele ɣeléngɔ́ɔ́ lé. Sífaa nungái sítiini taá Ngala fááw̃a ngeleí sí wu, ti géle ɣelengɔ́ɔ́ lé ti lɛ́ɛ́h̃ui h̃uuhíya kíli w̃a í lɔ́ve Ngalángi vóngaitii mba.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 22:31

Kɛ Jísu i ɣɛa mɔ́ɔ Pítɛ w̃a, “Sáimɔ! Setána i wú h̃úúhɛlinga Ngalá ma ngáá í wú h̃úúgɔvɔ. Aá lɔ va wú h̃úúyafɛma kíya nɔ́ɔ taa wíítii yafɛ.

NJƆÚ 12:31

Kɛ i mɔɔ ndengá, i ɣɛ ta, “Ngeléi sí wúu gɔsɔ́ndai lɔ náá í fóloa ma. Ngeleí sí wúu w̃ása ngwalaí va, Ngalá tɔ́ɔ vá kpɛ́ma ngeleí sí wu.

NJƆÚ 13:2

I ɣɛi ngáá kpindi yiláá Ngumaawó Kúi w̃ááỹii wó kpɔ́kɔi, Jísuni ngaa polú yélaitii ti ɣɛ́i héini táá mɛɛnií ỹɛ, aáva Ngutuwɔ́ Ỹína Nyɔí i ɣɛi náá vuní Sáimɔ Ɛsikɛ́liyɔ h̃iỹɛndou loí Júdɔ lií h̃u ngáá í Jísu lókoleve.

NJƆÚ 13:27

Aáva ná nɔɔ́ léi Júdɔ í bilé lukpuí ná hóuni Jísu yaá, kɛ Setána i vungá su. Kɛ Jísu va í ndeá Júdɔ w̃a, i ɣɛ ma, “Sí yíwaa vá kɛ́ma, maahulá yí kɛ bála bala.”

NJƆÚ 14:30

A mɔí mɔ́ɔ́ yɛpɛ maa wúyeni suu ɔ́ɔ́ ɣɛ́ gooh̃á bɔw̃álale ngeleí sí wuu w̃ása ngwalaí aá tɔ́ áá va. Ngi yákpa fíli aa mááh̃u,

NJƆÚ 15:19

Kɛbei wú ɣɛ́i ngáá ngeleí sí wúu yélaa gíte gíte, ná ná ɔ́ɔ́ ɣɛ ngeleí sí wúu yélaitii tɔ́ɔ́ ló ngáá wú ye kíya ti longɔ́ ngáá ti vóngaitii. Kɛ́ aáva wáá ngáá ti vóngaitii ti tá. Ngí lókolonga naá wú wa ngáá wáá mɔ́ɔ ngáá ngeleí sí wúu yélaa. Ná vá tɔ́ í kɛ́ngɔ tí hilíngɔ ngáá wú ye.

NJƆÚ 16:11

Aá lɔ́ áá vá kɛ́ma ngáá ti ye ngáá kɛ ti gísiyaitii táa péle w̃a kɔwɔ́ato Ngalángi gɔ́sɔngi wa bɔw̃álale Ngalá ngí ngeleí sí wúu w̃ásangi gɔ́sɔnga kílii ngáá aa veléi.

NJƆÚ 7:7

Nungáitii tí ngélewu tɛí híli ngáá wu ye, kɛ́ nyá laa taá híli ngáá ngé bɔw̃álale nyá lɔɔ́ ndé ti w̃a ngáá sí taá kɛ, aa pele w̃a.

NJƆÚ 8:23

Kɛ́ Jísu i ndiiní ngú ma ngáá yɛpɛndáá, i ɣɛ ta, “Wálaa wú gúlangɔ ngeleí sí wu, kɛ́ nyáá va ngí gúlangɔ ngelegóóh̃u. Wá lɔ ngáá ngeleí sí wuu yélaa kɛ́ nyá ngáá ngáá ngeleí sí wuu w̃ɔ́ɔ.

NJƆÚ 8:44

Wá lɔ wú kɛ́ɛ́ɣɛ ndá gákai w̃a lɛ́i í ngáá Ngutuwɔ́ Ỹína Nyɔí, laáva wú lóngɔɔ lé wú híya ngáá ndiivó fái. I séi tɔkula heimai, aa lɔ wɔ́lɔ kélei ngáá nuu váá mɔ́ɔ́. Aa loni tɔɔỹaá vele w̃a sífaa tɔɔỹaá fíli aa laá su. Ná áá ndɛí gɔ́ɔ́la kɛ i bɔwɔ́ híí woí kái káingi lénga sífaa aá lɔ ngáá ndɛɛ w̃ɔ́ɔ́, laá vá tɔ í ngáá kɛɛɣɛí ndɛí kpɛ́lɛɛ fááw̃a.

TI GƐ́Ɛ́ HAÍTII 19:35

Kɛ kɔlɔ vɔ́nɛ mɔ́i taa walái ná hááw̃a i faŋaí ná ya njéinga, i ɣɛ ti w̃a, “Ɛ́fɛsɔ yeláitii, kɛmbɛ nuí kpɛ́lɛɛ tí faa wɔ́lɔ mba ngáá kɛ Ɛ́fɛsɔ taa walái sí h̃úu lɔ í ngáá ngala ngwálai Átimi laa w̃áá vɛ́lɛ mái? Kɛmbɛ mbéinda lɔ ngi hɛ́ɛ́ma wɔ́tui í gúlani ngelegóóh̃u í h̃úndɛ na?

TI GƐ́Ɛ́ HAÍTII 5:3

Kɛ Pítɛ í mɔ́ɔ́ninga, i ɣɛ ma, “Ananáya, ndeénii le Setána í í líi h̃uulaahénga yí ndɛɛ gɔ́ɔ́la Hɛ́ɛ́ma Ỹínangi yáa, yí kaníngi ta gúlanga mba yí maahɔ́lɔngɔ í lɔ́wɔlɔi hááw̃a?

LÓÓMI 12:2

Wálaa ɣɛ́ ngáá sítii kɛ kíli táa Ngalá faaw̃a ngeleí sí wú, kɛ́ áá ɣéle, a lokohéi mbu ngáá Ngalá ngí wú gísiyaitii kpɛ́lɛɛ máálovi. Ná ná áá ɣɛ́, wáá ɣɛ́ náá kɔlɔ́ sí Ngala ndóngɔ la ná wáá ngáá, kíya wáá fáitii kɛ ngáá pangɔ́ tɔmbéma w̃áá fíli ɛ́i ɣɛ ti wa ngáá taá Ngála ndiilá.

KƆ́L̃E HESENDAA GƆLƆÍ 5:10

Ngáá yɛ́pɛma kɔwɔ́ato sítii mba taa ngáá Ngala fɛ́li mbélaa, ti gɔ́lɔsiyangɔ, ti ngáá mɔní mɔ́ni mbélaa, ti ngáá ŋuỹá yélaa, ti ngáá kɔɔ kɔɔ́ ŋániaitii fɛ́li mbélaa taa ti yeɣé ngáá ngálangaa. Sí áá kɛ wɔ́i báha kpaha ti wa, aá wáá ngáá, kɛ wú gúla ngetéyangi sí h̃úú wá fo fóndei.

KƆ́L̃E HESENDAA GƆLƆÍ 6:11

Aáva ngimɔ́ɔ́ wú lɛ́ingaa wú ɣɛ́ngɔ na. Kɛ́ wú wúyangɔɔ lé náa faa ỹɔ́i yaa. Ngala ngí kɛ́a ngáá háwu tɔmbema w̃áá fíli aa wú wá. Wú ɣɛ́a ngáá telembo mbélaa Ngala ngááh̃u Ndemɔí Jísu Kílisitii laahéingi h̃u ɛ́ɣɛ Hɛ́ɛ́ma Ỹínangi w̃áá véle w̃a.

KƆ́L̃E GƆ́LƆI HELE KÉLEI 4:4

Taá laí ngáá Ngala kééla woí sífaa, Setána lɛ́i í ngáá ngalángi ngeleí sí wu, i ti gi máitii ndaavɛ́lɛnga. I kɛ́a ngáá háwu keela woó vándai lɛ́i kulangɔ́ ngáá lámbo kɛ kíli áá hólo ti w̃a, taá tɔmá. Keela wói sí lɔ na kɔwɔ́ato Kílisitii yákpa maanɛɛnɛɛ ngwalaí wa lɛ́i í ngáá kíya nɔ́ɔ jɔ́ Ngalá ngí na.

GALÉSIYA 1:4

Jísu Kílisitii i lɛɛh̃úi gúlangɔ kɛ́lɛma mu háá ỹɔítii fááw̃a kɛinɔɔ́ í mú gúla nyaama yéteyangi sí yákpangi wu. Laáva sí vá tɔ a mu Yálangi lɛ́i múl̃ɔ í ngáá mu Kɛ́ɛ́ɣɛ í ɣɛ́i loí Jísu í kɛ.

Ɛ́FƐSƆ 1:21

Kílisitii w̃ásandai í ngelegóóh̃u áá lɔ́ masandái kpɛ́lɛɛ kpɛ́lɛɛ maah̃u ngelegóóh̃u. Masa tóów̃aa mbá lááheingi sí í mba, tɔvengɔ́ɔ́ lé masa tóów̃aa mbá lááheingi kpɛ́lɛɛ mbá í ngelewu ɛ́ɣɛ sí áá ɣɛ́ na kúna.

Ɛ́FƐSƆ 2:11

Wɛ́i wáá ngáá Júsua nde pele w̃a, wú lɔ́vengɔ láá le pɛlɛ́ vólu, ná va tɔ í kɛ́a Júsuai taa wú yéɣe ngáá Ngalá kɔlɔ́ tála yelaa. Júsuai pa taa bɔwɔ́ yéɣe ngáá Ngala mbélaa bɔw̃álale tí lɔ́vengɔɔ lé pɛlɛ́ vólu kɛ́ ná lɔ nɔ́ɔ́ ngáá nuu búsa ndá lúva vele. A gisíya ngáá kíya wú ɣɛ́ngɔ na hése.

Ɛ́FƐSƆ 2:13

Wú w̃áá í ɣɛ́ngɔ gooh̃á Ngalá mba, kɛ́ wú báhangɔɔ lé náa Jísu Kílisitii wa, aáva wá lɔ naa Ngalá kpéla kɔwɔ́ato saáɣa haí wá Kílisitii í mbóni.

Ɛ́FƐSƆ 2:3

Mú ndé ngáá tɔɔỹaá, a mu kpɛ́lɛɛ mu ɣɛ́i ngoo ỹɛni tála h̃u ngáá Ngalá. Sí fíli ɔ́ɔ́ mu liivó aá lɔ́ nɔ́ɔ a mɔ́ɔ́ kɛ. Mu ɣɛ kíli sí w̃aa véle w̃a, kule í ɣɛ́ngɔ mu w̃á á mu maanɔw̃ɔ́ yéɣe kíya nuu búsa kpɛ́lɛɛ tí na bɔw̃álale Ngalá tuungɔ́ i ɣɛngɔ lá a mu lɔ́ngɔ kpɛ́lɛɛ ngéya a mu háá ỹɔítii faaw̃a.

Ɛ́FƐSƆ 4:17

Ndemɔí yákpangi h̃u, nyáá ngáá ndaahi kpá kpángi sí wó ngáá wú ye. Wú híya gílii ɛ́ɣɛ wú gɛ́ɛ́ haítii tálaa mɔ́ɔ ɣɛ ngáá kíya sítii taá Ngalá kɔ́lɔ ti gɛ́ɛ́ haítii tí na, tiyɛ́i pele áá tí gísiyaitii su

Ɛ́FƐSƆ 4:22

A bé wú gɛ́ɛ́ háá vɔ́lɔaitii mba sí í ɣɛ́ngɔ wú h̃u ngáá faa ỹɔ́itii hése ngáá sí í ɣɛ́ngɔ wú lói kaka péle w̃a, áá wú ɣɛ́ kíli ỹaaní, wáá tɔ ngáá ndiivo kɛɛ́ le.

Ɛ́FƐSƆ 5:6

Wálaa kɛ nuu ɔ́ɔ́ wú yákpolowa ngáá ndɛɛ gɔ́ɔ́landaa wú yáá bɔw̃álale sítii kínɛi ngí yɛ́pɛa kɔwɔ́ato tí wá, tí hááw̃a lɔ áá kɛ Ngalá ngáá liiỹɔ́u sítii ma tɛi gólo mbɛ.

Ɛ́FƐSƆ 5:8

Wú ɣɛ́ngɔ hése wɔ́lɔ kpíndi h̃ú, kɛ́ wú báhangɔɔ lé náa Ndemɔí Jísu wa. Wáá mɔ́ɔ kpindi h̃ú. Wá lɔ náa kala kala ma. Faalɔ, wú híya gilíítii ti ɣɛ́ náa ngáá kíya sítii taa ɣɛ kala kala ma.

Ɛ́FƐSƆ 6:12

Ndapií sí múwaa kɔ, a máa kɔ́ma ngáá a mú mbála nuú búsaa, kɛ́ a muỹá lɔ́ɔ kɔ ngáá ngakpa ŋáni ỹɔu ỹɔungáitii tí ngélewu tiyɛ́i tí h̃úúbangɔ, ti ngáá masangáá, ngakpá ngwála í ti yaa ngetéya súúbindingɔi sí h̃u.

KƆLƆ́SE 1:21

Wú w̃aa gooh̃ángɔ i ɣɛ́i lá Ngala mbá hɔ́wɔ tá ɛ́ɣɛ wú ɣɛi ngáá mbaahílima yélaa, sífaa, wú lúva véleitii ɛ́ɣɛ wú gísiyaitii ti ɣɛ́i ỹɔu.

TÍMOTI GƆ́LƆI HELE KÉLEI 4:10

Dímɔ í vólu yáfenga mbá. Sɛmbɛ lɔ́ naa ngetéyangi sí h̃úúbatɛitii su, i liingá Tɛsalónika taí h̃u. Kilɛsikɛ va i liingá Galésiya lataí h̃u, Táitɔ va i liingá Damésiya lataí h̃u.

JIMISÍ 1:27

Sí mu Kɛ́ɛ́ɣɛ Ngalá ngáá ngéɣe ngáá tɔɔỹaá Yála fɛlindái tɔmbema w̃áá fíli áá mbá aá wáa ngáá sí, kpɔmba wóndai pondengáitii mba ɛ́ɣɛ ponyah̃áitii mba ti háá bɔlundaítii su. Ná vólu, nuu í w̃aah̃ú béle ngáá ngeleí sí wuu háá ỹɔítii ta ɔ́ɔ́ vá híyama.

JIMISÍ 1:7

Álaa ɣɛ́ nuí ná gí ma ngáá aa ŋani fíli mááhɔlɔ Ndemɔí Ngála ngéya,

JIMISÍ 4:4

Wú lɔ́wɔbaɣangɔ láá le Ngala ngéya! Wáá súúwɔlɔ ngáá na nuu áá ló ngáá ngetéyangi sí h̃u wɔ́lingaitii kɛ aa lɔ ngáá Ngalá mbaahílima w̃ɔ́ɔ? Nuí fíli áá ɣɛ́ lói ngáá ngetéyangi sí h̃uu wɔ́lingaitii kɛ maa w̃ɔ́i lɔɔ́ bɔwɔ́ ɣɛ ngáá Ngalá mbaahílima w̃ɔ́ɔ́.

PÍTƐ HESENDAA GƆLƆÍ 1:14

A ɣɛ́ ngáá koló mbélaa Ngalá mbɛ́, ná vólu, wálaa mɔ́ɔ́ sí ɣɛ wáá ɣɛ́ loí wú kɛ ɔ́ɔ́ kɛ́ wú ɣɛ kíya wú ɣɛ́i na, ná h̃u nɛ́nɛ wáá ɣɛ́i Jísu Kílisitii wɔ́lɔ.

PÍTƐ HESENDAA GƆLƆÍ 4:3

Wú lɛ́mbinga naá wɔ́lɔ fái sítii kɛ́ma sítii taa ngáá Ngalá fɛ́li mbélaa ti lóngɔ ngáá ti ɣɛndáá. Ngufe tála haítii tɔ wú ɣɛ́ngɔ ti h̃u, kɔlɔsiyángitiini, ndɔɔ bɔ́lendaa walaní, ndɔɔ hoúni su ɛ́ɣɛ kooh̃unɛɛ lááỹɛ mbo máá wala waláitii kɔlɔsiyá fáá áá ɣɛ́ na. Ná vólu, ngufemá héndai kɔɔ kɔɔ ŋáni vekáitii kɔndáá h̃u taa ti yeɣé ngáá ngalángaa kíya nuu áá ngufema hé Ngalá mbɛ sí í ngáá ngangufé fáá wala.

PÍTƐ GƆ́LƆI HELE KÉLEI 2:14

Ti yaah̃ú lɔ nɔ́ɔ fɔ́ kɔ́lɔsiya mbá, ti lii vá ngɛ́i la faa ỹɔ́u ɣɛ́ndai h̃u kulo bɛ́lɛ. Sítii ti h̃úúbangɔ láá le Ngala fái h̃u taa nátii píli kaka péle wa. Mɔní mɔ́ni fáá wala vilingɔ́ tí líí vólu ngwala, kɛ́ aáva Ngalángi vélengi lɔ́ ti wa.

NJƆÚ HESENDAA GƆLƆÍ 3:10

Kɛ ngimɔ́ɔ́ nuu áá ɣɛ́ Ngalángi léngaitii ɛ́ɣɛ Ngutuwɔ́ Ỹína Nyɔí léngaitii ndówah̃u kɔ́lɔ. Ná wáá ngáá nuí fíli ɛ́i ɣɛ́ áá sítii kɛ tí péle w̃a Ngalá kákala, ɔɔ nuí fíli ɛ́i ɣɛ́ loí ngáá ngí mbála Yalá fɛ́li mbélaitii kɛ maa w̃ɔ́i aa ngáá Ngalángi lóu.

NJƆÚ HESENDAA GƆLƆÍ 3:8

Nuí fíli áá ndí ngu ma ngáá faa ỹɔ́u ɣɛndáá kɛ maa w̃ɔ́i lɔ ngáá Ngutuwɔ́ Ỹína Nyɔí núú bɔw̃álale Ngutuwɔ́ Ỹína Nyɔí lɔ ngáá faa ỹɔ́u ɣɛ mɔ́ɔ wɔ́lɔ kpɔ́lɔɔ ngetéyangi lɔ́kula héimai. Ngalángi H̃íỹɛndou Loí i vaangɔ́ ngeleí sí wu háwui sí kái kái fááw̃a, ná wáa ngáá, í Ngutuwɔ́ Ỹína Nyɔí háá h̃uubatɛ nyɔu ỹɔungáitii kpɛ́lɛɛ nyááni.

NJƆÚ HESENDAA GƆLƆÍ 4:4

Kɛ́ wɛ́i wú ngáá ní léngaa Ngala fái h̃u, wálaa, wá lɔ́ Ngala fááw̃a aáva sítii taá kúla ngáá tiyá lɔ́ ngáá Ngalá ndaa háá lé mbélaa kɛ́ ɛ́i ɣɛ ngáá tɔɔỹaá, wú hómbonga ti w̃a bɔw̃álale Ngalángi Hɛ́ɛ́ma Ỹínangi í wú vólu, ngakpángɔɔ lé í lɔ́ve ỹínangi sí wa í ngélei sí wuu yélaitii polu.

NJƆÚ HESENDAA GƆLƆÍ 5:19

A mú súúwɔlɔ ngáá muỹá lɔ́ ngáá Ngalángi ndá núngaa aáva mu súúwɔlɔ ngáá nungáá vékaitii kpɛ́lɛɛ tí ngeleí sí wu tiyá lɔ́ Nyaama W̃ɔ́i wu.

NJƆÚ HESENDAA GƆLƆÍ 5:4

bɔw̃álale Ngalángi léngai ti yilá ngílangi fíli ngakpá tɔ́ ti yaá ngeleí sí wuu háá ỹɔítii mááh̃u. Ndangí maa ɣɛ́ su ngáá Jísu aá lɔ í ngáá mú yákpangi áá kɛ mú hómbo mú bɔ́wɔ h̃uuhóu ngeleí sí wuu haa ỹɔítii ngeyá.

FAA YÁKƐ KƆ́LƆI 12:9

Kaali wálai sí, ná wáá ngáá wɔ́lɔ wɔlɔma gáálii sí lɛ́i taa mɔ́ɔ ɣɛ́ ma Ngutuwɔ́ Ỹína Nyɔí ɔɔ Setána, lɛ́i íwaa nungáitii kpɛ́lɛɛ ngákpolowa ngélei sí wu sí h̃ui, aá p̃ɛ́ɛ́ ɛ́ɣɛ ngí w̃álekaitii kpɛ́lɛɛ, tí tí gúlani ngelegóóh̃u wá tí tí yéi mbéi ngélei sí wu.

FAA YÁKƐ KƆ́LƆI 13:14

I nungáitii kpɛ́lɛɛ ngákpolowani ngélei sí wú ngáá káámaa háitii Ngala ngí béni mba í ɣɛ́i áá tí ɣɛ́ hésendaa yakpa súwai yááh̃u w̃a. Ngakpa súwai hele kélei sí i ndéni náa nungáitii kpɛ́lɛɛ má ngáá tí kɔ́ɔ́ kɔɔ ŋáni bátɛ kulangɔ́ ngáá hésendaa huwaí sí ɣɛ́ kíli ngi wúfemai hááw̃a lɛ́i mbowa hɔ́kpɔi í ɣɛ́i ỹanda héini mba kɛ́ aa mɔ́ɔ ɣɛi haaní.

FAA YÁKƐ KƆ́LƆI 13:8

Nungáitii kpɛ́lɛɛ tí ngélei sí wú tiyá lɔ́ɔ vá súwai sí hɛ́lima kɛ léi sítii ti laahéingi vɔ́nɛngɔ kúnafɔ lɛ́ɛ́h̃u gɔlɔí h̃u p̃ɛ́ɛ́ Ngalá ngɔ́ɔ́ ɣɛ́a ngelewuí sí bátɛ. Ná wáá ngáá, kɔlɔí sí í Mbáálai sí hááw̃a tí pááni wɔ́lɔ.

FAA YÁKƐ KƆ́LƆI 16:17

Kɛ malékai wɔféla kélei i vaá í ngí ndá váningi h̃u háá bamaí vú ngeleya. Ngoo wála i gulaí masa kpɔ́kpɔngi ŋál̃aa véle í Hɛ́ɛ́ma Yála Pɛ́lɛi wu, i ɣɛ ta, “I vilangá.”

FAA YÁKƐ KƆ́LƆI 20:2

Í kaali wálai sí hóuni í ngáá wɔ́lɔ wɔ́lɔ ma gáálii lɛ́i taa ɣɛ́ ma Ngutuwɔ́ Ỹína Nyɔí ɔɔ Setána, i ngíli ngáá njɔlɔwɔ ngáá í ló ngíli h̃u fowó tásu ngiláá ndáá lówah̃u.