Biblia Todo Logo
Bìoball air-loidhne

- Sanasan -




Ɛ́FƐSƆ 2:19 - Kɛ́lɛ Niinaí

19 Náá hááw̃a, wɛ́i wáá ngáá Júsua wáá mɔ́ɔ ngáá híí vékaa ɔɔ sotangáá Ngalángi vóngaitii ndiiwáá, wá lɔ́ náa ngáá Ngala ndéngaa pɛlɛ́ lówa yílaa mbú.

Faic an caibideil Dèan lethbhreac




Ɛ́FƐSƆ 2:19
14 Iomraidhean Croise  

Faalɔ, ná kalambo ndópo áá ɣɛ́ ngáá ngi káámɔɔ ɣɛ kíli, kule lɔ́ ma ndiilɛ́ingɔ í ɣɛ́ la. Ngimɔ́ɔ́ nɔɔ́ ná ngenge mɔ́ɔ́ bɛ́lɛ áá ɣɛ́ ngáá ngi w̃ááliɣii ɣɛ́ kíli, kule lɔ́ ma ndiilɛ́ingɔ í ɣɛ́ la náa háaw̃a. Ná wɔ́lii taa ɣɛ́ taá ndengí h̃uu wutuwɔ́ɔ́ w̃ɔ́i lolí ngáá Biyɛ́sebɔ, ná ná áá ɣɛ́ sítii taa ɣɛ́ ndengí ná h̃u taá ti lolí ngáá ndaahéi nyɔ́u ỹɔ́u hɔ́ɔ́ bɛ́lɛ í lɔ́ve ndengí h̃u wutúwɔɔ w̃ɔ́i ndái wa!”


Faalɔ, ná nɛ́nɛ toko í mu yɛ, a maa yáá faa vánda ɣɛ́ nuu fíli mbɛ́ ngungí í ndá mɛ́ɛ sítii ma a maá tiyéni mu ngáá nde ngiláá ndangí w̃áá véle w̃a a mu su ngáá Jísu Kílisitii.


Hése, wú báhangɔ aa ɣɛngɔ lá Kílisitii wa, wáá ɣɛ́i ngáá Ísulɔ yélai ti tá. Kɛ́lɛngi í Ngalá ndowah̃u taá ngi vóngaitii kɔwɔ́ato kuulóngi wa í mbóni ngáá ti ye, wáá ɣɛ́i naa wa. Wú ɣɛ́ngɔ nɔ́ɔ ndɛɛh̃ú h̃u kɛ́ wú gítomaa aa ɣɛngɔ na. Wáá ɣɛ́ngɔ tɔɔỹaá Yála kái káingi wɔ́lɔ.


lɛ́i í kɛ́ngɔ ngáá háwu sítii kínɛi ti ngelegóóh̃u ɛ́ɣɛ ngélewu tí ná.


Ndɔɔwu h̃ú hái sí wáa ngáá kééla woo vándai í kɛ́a ngáá háwu Júsuai ɛ́ɣɛ sítii taá ngáá Júsua tí héi h̃u félengɔ p̃ɛ́ɛ́ tí ɣɛ́a ngáá nuu yílaa aáva ti kpɛ́lɛɛ taa Ngalángi nɛ́ɛ́mai w̃ááhɔlɔ ɛ́ɣɛ kuulóngi Ngalá ngi mbóngɔ Jísu Kílisitii í kɛ́nga ngáá háwu íwaa ɣɛ́.


Kɛ́ a muỹá mu ndái, a muỹá lɔ ngáá ngelegóóh̃u yélaa aáva a muỹa lɔ́ɔ mu Wúmaawo Mɔ́i Ndemɔí Jísu Kílisitii w̃áálɛlɛ gɛ́lɛ gɛlɛ ngáá í híɣe ngelegóóh̃u,


Ndangí Lébilah̃au ɛ́ɣɛ Áise ɛ́ɣɛ Jékɔ ti ɣɛ́i su ngáá Ngala, ná lɔ́ í kɛ́ni tí lókoheini Ngalángi gúúlongi wú kíya bɛ́lɛ maa gooh̃ángɔ í ɣɛ́i lá ti wa áá hítɛni nga í ló sú tí há. Tɛ́i belé suulɔ́ɔ́wu kɛ́ tɔ́ɔ́ nde ngáá tiyá lɔ́ nɔ́ɔ ngáá sotángaa ɛ́ɣɛ tɔ́ve mbélaa ngeleí sí wu.


Sífaa ngeleí sí wu taa walá fíli aa na mɔɔ ɣɛ su yɔ́ɔ́ ɣɛ́ aa ɣɛ́ na kúnafɔ, kɛ́ a muỹá lɔ́ɔ́ naa lúwɔɔ béle ngáá taa walái sí Ngalá ngáá vá kɛ́ma ngáá háwu í ɣɛ́ na a mu ɣɛ́ su, lɛ́i áá ló ná kúnafɔ.


Mu mbála vandáitii, nyá lɔɔ́ fái sí lé wú w̃a gíte, ngáá ná muỹá lɔ́ ngáá sotángaa ngeleí sí wu mú na, mú maavéla véle h̃u, wálaa bɔwɔ́ gula múl̃ɔ kɛlɛ́ma ndiivó kɛ́i yɛ́, ɔ́ɔ́ víli wú líí volú. Ndiivo kɛ́i áá vílii nuu líí vólu, ti lówah̃u ɣɛ́ kíli taá nuu h̃úúyafuw̃angi kulangɔ́ɔ́ lé ngáá kɔɔ áá ɣɛ́ nungáá lówah̃u.


A tɔ lɛ́ɛ kíya Kɛɛɣɛí Ngalá ndóngɔ ngwala ngáá mú ye. Ndongí í su ngáá mú ye ngwala yabɔ́ɔ́lɔngɔɔ lé ná lɔ í kɛ́a p̃ɛ́ɛ́ taá mu lolí ngáá Ngalángi léngaitii aáva p̃ɛ́ɛ́ a muỹá lɔ́ ngáá ngí léngaa. Nungái sítii tí ngáá ngeleí sí wúu yélai taá kɔ́lɔ ngáá ele gíte waa ngáá mú ye sífaa nápa taá ɣɛ́ngɔ Ngalá kɔ́lɔ ngáá ele gíte waa ngáá laá.


Lean sinn:

Sanasan


Sanasan