Ɛ́FƐSƆ 2:18 - Kɛ́lɛ Niinaí

¹⁸ Jísu Kílisitii w̃áá véle w̃á lɔ a mu kpɛ́lɛɛ kpɛ́lɛɛ, sítii tí ngáá Júsua ɛ́ɣɛ sítii taa ngáá Júsua, í kɛngá naa gúlangɔ kɛlɛ́ma mu yɛ ngáá a maá fólo Kɛɛɣɛí Ngalá ma mu Yála fɛ́li ngói w̃aa véle w̃a, Hɛ́ɛ́ma Ỹína ngiláá kpéngi sí w̃áá véle w̃a.

Ɛ́FƐSƆ 2:18 Iomraidhean Croise

MÁFIYU 28:19

Faalɔ, a lí náa nungáá kpɛ́lɛɛ ngéle, ngeleí sí kpɛ́lɛɛ mbú wú kɛ ngáá háwu ti ɣɛ́ ngáá pólu yélaa. Waayaa ngúyai wó ngáá ti ye, Kɛɛɣɛí Ngalángi laahéingi h̃u, ɛ́ɣɛ ngi H̃íỹɛndou Loí laahéingi h̃u ɛ́ɣɛ Hɛ́ɛ́ma Ỹínangi laahéingi h̃u.

NJƆÚ 10:7

Faalɔ, Jísu i mɔɔ ndení ti w̃a, i ɣɛ ta, “Ngí tɔ́ɔ́ỹai le wú w̃a, nyá lɔ ngí ngáá mbaala bakíí laabɔ́lungi.

NJƆÚ 10:9

Nyá lɔ ngí ngáá mbaala bakíí laabɔ́lungi. Nuí fíli áá lɛ́ ngéle pélei, maa w̃ɔ́i w̃aawalóngɔ aa ɣɛ́ la aáva aa lɛ, í gúla, í lí í ndaaỹɛ mbo.

NJƆÚ 14:6

Kɛ Jísu i ngoo yápotenga, i ɣɛ ma, “Nyá lɔ́ ngí ngáá peleí. Nyá lɔ́ ngáá tɔɔỹái ɣɛ ngáá nuu kɔwɔ́ato Ngalá mba. Nyá lɔ́ ngáá ndɛ́ɛ́h̃u gítei hé. Nuu fíli ɛi li Kɛɛɣɛí Ngalá ngelé kɛ léi máávele w̃á.”

LÓÓMI 5:2

Jísu Kílisitii i kɛa ngáá háwu Ngalangí háá bɔwɔí í fólo mú w̃a ndangí w̃áá véle w̃a a mú su la lɛ́i náa a máá lɛ́ɛ́h̃ui h̃uuhíya su. Ná ná áá ɣɛ́, a maá góóh̃unɛɛ kitomái hááw̃a í mú yaá ngáá a muỹá lɔɔ vá ɣɛ́ma Ngalángi yákpa maanɛɛnɛɛngí h̃u.

LÓÓMI 8:15

Maa Ỹínangi ɛi kɛ ngáá háwu wɔɔ ɣɛ́ ngáá nduwɔ lopóa ɣɛ́ kíli Ngalá ngeyá wɔɔ ɣɛ́ wáá lúwa mba. Kɛ́ áá ɣéle, áá kɛ ngáá háwu wú ɣɛ́ ngáá Ngalángi léngaa, a múwaa tóli ngáá a mu kɛ́ɛ́ɣɛ.

KƆ́L̃E HESENDAA GƆLƆÍ 12:13

Mu lɛ́ingaa muỹá lɔ́ ngáá Júsua, mu lɛ́ingaa maá ngáá Júsua, mu lɛ́ingaa mu ngáá nduwɔ lopóa, mu lɛ́ingaa maa ngáá nduwɔ lopóa, kɛ́ Hɛ́ɛ́ma Ỹína ngilaa kpéngi lɔ mu kpɛ́lɛɛ mú nguyaí w̃ááhɔlɔngɔ maa véle w̃a, mu gúlangɔ ngáá kpusa yílaa. Aáva Hɛ́ɛ́ma Ỹína ngiláá kpéngi lɔ áá ɣɛ́ mu yilá ngílangi kpɛ́lɛɛ pólu.

KƆ́L̃E HESENDAA GƆLƆÍ 8:6

kɛ́ muỹa mu haáw̃a, Ngalángi i yíla kpé nɔ́ɔ. Laá vá tɔ í ngáá mu Kɛ́ɛ́ɣɛ ɛ́ɣɛ ŋani kpɛ́lɛɛ kpátɛ mɔ́i, ngi háwui h̃úú lɔ́ í kɛngá mú ndɛɛh̃úi h̃u. Aáva múl̃ɔ Ndemɔí í yíla kpé, aáva laá wáá ngáá Jísu Kílisitii, lɛ́i Ngalá ngí ŋani kpɛ́lɛɛ kpátɛngɔ maa véle w̃a, aáva laa vá tɔ nɔ́ɔ mɔ́ɔ́ mú ndɛɛh̃úi h̃u maa véle w̃a.

GALÉSIYA 4:6

Sífaa wú ngáá Ngalá ndéngaa kíya nɔ́ɔ ní na, i kɛngɔ́ ngáá háwu ngi H̃íỹɛndou Loí Ỹínangi í ɣɛ́ mu volú, lɛ́i áá kɛ ngáá háwu aa maá Ngala tóli ndaanɛɛ h̃u, maa ɣɛ́ tá, “Kɛɛɣɛ́, Kɛɛɣɛ́.”

Ɛ́FƐSƆ 3:12

Kpahaí a mu sú Jísu Kílisitii wa ɛ́ɣɛ ndangí a mú su lá, i kɛngá ngáá háwu ngáá a mú fólo Ngalá má, ná vólu, a mu yɛ́pɛ ngelé nduwá ɛ́i ɣɛ́ mu h̃u.

Ɛ́FƐSƆ 3:14

Náá hááw̃a, ngááyaa ɣɛ ná léni, ngáá hítɛ wumbú yá ngí Kɛ́ɛ́ɣɛi Ngalá fɛ́li,

Ɛ́FƐSƆ 4:4

Mu kpɛ́lɛɛ muỹá lɔ ngáá nuu yílaa aáva Hɛ́ɛ́ma Ỹína ngílaa kpéngi lɔ í mu volú kíya nɔ́ɔ Ngalángi í mú kpɛ́lɛɛ tólingɔ mu gítomai í yíla.

Ɛ́FƐSƆ 6:18

Sí kpɛ́lɛɛ sú, waayaa Ngala fɛ́li ngáá Ngalá ngí bɔ́ wú wá. Waayaa Ngala fɛ́li hɔ́wɔ fíli Hɛ́ɛ́ma Ỹínangi yákpangi h̃u. Náá hááw̃a, wálaa bɔ́lɔ Ngala fɛ́lindai wa. Waayaa Ngala fɛ́li Ngala fɛ́li mbélaitii kpɛ́lɛɛ mbɛ́ hɔ́wɔ fíli.

HÍBULU 7:19

Saváitii Ngala ngí féni Muusé yaá ngakpá ngáá ɣɛi ti h̃u tɔ́ɔ́ núu ɣɛ́ kíli batɛ fó fóndei Ngala ngááh̃u. Kɛ́ Ngala ngí kitomáá vánda gulái kɛ́lɛma a mu yɛ áá kɛ́ ngáá háwu a mú fólo laa Ngalá ma.

JIMISÍ 3:9

Mu mbála Yála fɛ́li mbélai, mu nɛɛngí lɔ nuu áá Ndemɔí Ngála ndaaw̃áálɛ la, lɛ́i í ngáá mu Kɛ́ɛ́ɣɛi. Laáva tɔ nɔ́ɔ́ múl̃ɔ nuu áá faa ỹɔ́itii nde la nuu vékaitii mba, tiyɛ́i Ngala ngí tí bátɛngɔ kíya laá Ngalá í na. A mú lái sí nɔ́ɔ maá tɛ́ngi wó la, laá lɔ́ nɔ́ɔ múl̃ɔ a maá faa ỹɔ́itii ndé lá. A málaa ɣɛ́ maa ná ɣɛ.

PÍTƐ HESENDAA GƆLƆÍ 1:17

Ná wáá ɣɛ́ wáá Ngalá fɛ́li, wáá ɣɛ́ ma Kɛ́ɛ́ɣɛ. Laáva laá lɔ́ áá nuu kpɛ́lɛɛ kɔ́sɔ. Ɛi to polú fíli mbó ngi gɔ́sɔngi h̃u, kɛ́ aá ɣéle, kíya fíli nuu nda gɛ́ɛ́ haí áá ɣɛ́ na, ngimɔ́ɔ́ áá í wááleve, faale, a ngufema hé mbɛ nduwá mba h̃ú kúnafɔ ná wu ngélewu.

PÍTƐ HESENDAA GƆLƆÍ 1:21

Kílisitii vá tɔ í kɛ́ngɔ ngáá háwu wú lángɔ ngáá Ngalá. Ngalá tɔ í Kílisitii wuyoɣéngɔ sái h̃u í kɛ ngáá háwu ngufema wála i mbɛ. Faale, wu lángɔɔ lé ngáá Ngalá wú gítongɔ mba.

PÍTƐ HESENDAA GƆLƆÍ 3:18

Sífaa, Kílisitii áá ɣɛi ngáá faa ỹɔ́u ɣɛ́ mɔ́ɔ́ kɛ́ i haaní faa ỹɔ́u ɣɛ́ mbélaitii faaw̃a. I haaní naa héiw̃aa i yíla kpé kɔwɔ́ato mu háá ỹɔítii mba. Aáva í ná ɣɛí ngáá kɛinɔɔ́ í mu lówah̃u í bátɛ maá Ngála. Tí paaní, kɛ́ Ngalángi Hɛ́ɛ́ma Ỹínangi kɛní ngáá háwu í vá mɔ́ɔ́ ndɛɛh̃ú h̃ú volú,

Kɔlɔí Júu í pɔ́nɛni Ngala fɛ́li mbélaitii ngelé JÚU 1:20

Kɛ́ wɛ́i wú ngáá mu mbála vandáitii, hɛ́ɛ́ma lángi í wú h̃u í ló wú h̃u, í wú h̃úúba kpé wú híya velé h̃u. A waayaa Ngala fɛ́li Hɛ́ɛ́ma Ỹínangi yákpangi h̃u.