Ɛ́FƐSƆ 2:16 - Kɛ́lɛ Niinaí

¹⁶ Sái Jísu Kílisitii í mbóni kulɔ́sii w̃á i silímai gúlanga híí félengɔi sítii ndowah̃u, í tí ɣɛ́ ngáá nuu yílaa, í mɔ́ɔ kɛ ngáá háwu tí lówah̃u í bátɛ taá Ngála.

Ɛ́FƐSƆ 2:16 Iomraidhean Croise

LÓÓMI 5:10

A mu ɣɛ́ngɔ ngáá Ngalá mbaahílima yélaa. Kɛ́ sái w̃áá véle w̃a ngi H̃íỹɛndou Loí Jísu Kílisitii í mbóni a mu haáw̃a, i mú lówah̃u bátɛnga maá Ngalá. Ná áá ɣéle a mu lówah̃u batɛ́ngɔ maá Ngála, mu wumááwongɔɔ lé kpésekele ndɛɛh̃úi w̃aa véle w̃a Kílisitii í su.

LÓÓMI 6:6

A mú suuwɔlɔ́ ngáá maa hái gúlangɔɔ lé nɔ́ɔ ngáá kíya a mu ɣɛ́ngɔ maá lɛɛh̃úi h̃uuhíya hése aa mɔ́ɔ h̃íí, hése keleí ná í báhai Jísu wa ti kpákpa kúlɔsii w̃a, í ló na í há. Ná vá ngi ɣɛí kɛinɔɔ́ faa ỹɔu ɣɛ́ síya veleí sí í mu h̃u ngakpá ngálaa mɔ́ɔ́ ɣɛ mbɛ ngáá ɔ́ɔ́ mú wúto kíya nɔ́ɔ taá ndúwɔ lopói wúto,

LÓÓMI 8:3

Savaí Ngalá ngí féi Muusé yáá ɛi hómbo ɔ́ɔ́ sí ɣɛ́ bɔw̃álale mu lɛ́ɛ́h̃ui sí h̃uu líívo kɛí aa kɛ ngáá háwu ngakpá ngɛ́i ɣɛ savaí yáá ɔ́ɔ́ ná ɣɛ́. Kɛ́ Ngalá ngí mú wúmaawoni ná h̃u í bɔwɔ́ bɔ́wɔ H̃íỹɛndou Loí Jísu Kílisitii lɔ́veni ngáá nuu búsa kíya nɔ́ɔ nuu búsaitii mú na ngáá í ɣɛ́ ngáá saáɣa a mu háá ỹɔítii fááw̃a. Aáva i Jísu Kílisitii gúlani ngáá saáɣa ngáá faa ỹɔí ndái álaa ndó ma.

LÓÓMI 8:7

Nuu liivó fáitii ti woo áá ndái ma taá Ngála. A maa ɣɛ́ ngáá Ngalá mbaahílima yélaa bɔw̃álale, nuu liivó fáitii taa kɛ ngáá háwu a mɔ́i gólo Ngálangi hávai wu. Séimil̃a p̃ɛ́ɛ́, a mɔ́i hómbo mɔɔ́ gólo mbu.

KƆ́L̃E HESENDAA GƆLƆÍ 10:17

Maá ɣɛ́ ngáá nuu yílaa kíya bɛ́lɛ mu bih̃íngɔ áá ɣɛ́ la bɔw̃álale bíle yílaangi lɔ́ maá kɔlɛ wɔlɛ́ mú mɛ.

GALÉSIYA 2:20

aáva ngáá mɔ́ɔ ndɛɛh̃ú h̃u bɔwɔ́ hááw̃a kɛ́ Kílisitii lɔ́ náa ngí su faaw̃a. Ndɛɛh̃úi sí ngí su náa sí h̃úi, nyá lɔ su ndangí w̃aa véle w̃a ngí su ngáá Ngalángi H̃íỹɛndou Lói lɛ́i í longɔ́ ngáá ngé í lɛ́ɛ́h̃ui gúla kɛlɛ́ma fááw̃a.

Ɛ́FƐSƆ 2:15

I Júsuai tí hávaitii ngi háá bɛni nga í ɣɛ́i na í ɣɛ́i áá nungái nguto kɛinɔɔ́ Júsuai ɛ́ɣɛ sítii taa ngáá Júsua ti ɣɛ́ ngáá nuu yílaa, tí báhangɔ í ɣɛ́ la su Jísu wa. Ná lɔ í kɛ́nga ndiihéi í híí félengɔi sítii ndówa h̃u.

Ɛ́FƐSƆ 3:6

Ndɔɔwu h̃ú hái sí wáa ngáá kééla woo vándai í kɛ́a ngáá háwu Júsuai ɛ́ɣɛ sítii taá ngáá Júsua tí héi h̃u félengɔ p̃ɛ́ɛ́ tí ɣɛ́a ngáá nuu yílaa aáva ti kpɛ́lɛɛ taa Ngalángi nɛ́ɛ́mai w̃ááhɔlɔ ɛ́ɣɛ kuulóngi Ngalá ngi mbóngɔ Jísu Kílisitii í kɛ́nga ngáá háwu íwaa ɣɛ́.

Ɛ́FƐSƆ 4:4

Mu kpɛ́lɛɛ muỹá lɔ ngáá nuu yílaa aáva Hɛ́ɛ́ma Ỹína ngílaa kpéngi lɔ í mu volú kíya nɔ́ɔ Ngalángi í mú kpɛ́lɛɛ tólingɔ mu gítomai í yíla.

KƆLƆ́SE 2:14

Sí kpɛ́lɛɛ í ɣɛ́ngɔ mu wa ngáá mu waa háá savaí wú kɔwɔ́ato kolo lálai wa mu ɣɛ́i su la, Ngala ngi ngí háá bɛí nga. I ngi háá hiɣeí mú wa í kpɛ́lɛɛ ngéɣe í ti bakpá kulɔ́sii w̃a. Ná wáá ngáá, saí Kílisitii í mbóni.

KƆLƆ́SE 3:15

A bɛ́lɛ ndiiheí sí Kílisitii áá fé í wú wúto faa fíli su wáá ɣɛ́ wú kɛ, sífaa, Ngalá tɔ í wú lólingɔ ỹanda yílaa ngáá wú báha su wú ɣɛ ndííhei h̃ú. A waayaa sɛ́ɣɛɛ gula ma hɔ́wɔ fíli.