Ɛ́FƐSƆ 2:14 - Kɛ́lɛ Niinaí

¹⁴ Jísu Kílisitii bɛ́lɛ i vaangá ngáá ndiihéi a mu yɛ sífaa sítii tí ngáá Júsua ɛ́ɣɛ sítii taa ngáá Júsua i ti ɣɛngá ngáá nuu yílaa. Sái Jísu i mbóni kulɔ́sii w̃a, i silímai gúlanga Júsuai ndowah̃u ɛ́ɣɛ sítii taa ngáá Júsua.

Ɛ́FƐSƆ 2:14 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:79

Ngi hólongi va aa holó sítii ma ti héini kpindíi h̃u ɛ́ɣɛ sái í hɛ́lɛni ti w̃ááh̃u ngáá í a mu lɛ́ɛ́h̃ui h̃uuhíya kíli ɣɛ áá li ndiiheí h̃u.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:14

“Ngufema í ɣɛ́ Ngalá mbɛ́ lɛ́i i ngelegóóh̃u, ndiiheí va í ɣɛ́ ngeleí sí wu nuu búsaitiini mbɛ ndiilɛ́ingɔ ti haáw̃a.”

NJƆÚ 10:16

Mbaala vekáá lɔ́ ngéya taá mbaala bɔ́ngi sí h̃u. Kɛ ngí vá ngáá ti ye tiyá bɛ́lɛ, aáva taá wólilo má. Ti kpɛ́lɛɛ pá taá bɔ́ naa su tí ɣɛ́ ngáá mbaala bɔ́ ngiláá, tí ɣɛ́ mbaala w̃ááh̃u belé mɔ́ɔ́ yiláa mbú.

NJƆÚ 11:52

Kɛ́ aa ɣɛi nɔ́ɔ́ léi ngáá Júsuai ngilaá fááw̃a, kɛ́ aá ɣéle, maa sái i ɣɛi na sítiini kínɛi fááw̃a ti ngáá Ngalángi vóngai ti vahá fáhangɔ ndɔwɔlɔ́i h̃u hááli kɛinɔɔ́ tí ɣɛ ngoo yiláá su.

NJƆÚ 16:33

Ngí fái sítii ndengá wú w̃a kɛinɔɔ́ wú ndiihéi w̃ááhɔlɔ máávele w̃a. Wá lɔ́ɔ ɣɛ́ wáá faa bá mááhɔlɔ ngeleí sí wu. Kɛ́ a liibá sífaa ngí hómbonga ngeleí sí wúu yákpangi w̃á.”

TI GƐ́Ɛ́ HAÍTII 10:28

Kɛ i ɣɛa ti w̃a, “Wá bútei wú suuwɔlɔ́ ngáá kɛ aa pele w̃a ni hávai h̃u ngáá Júsu w̃ɔɔ ɔ́ɔ́ báha kpahá sítii mba taa ngáá Júsua kɛlaa ɔ́ɔ́ ti héi heí. Kɛ́ Ngalá ngí ngakɛ́a ngáá ngé ngáá ngálaa nuu fíli tóli ngáá kpaló mba w̃ɔ́ɔ́.

TI GƐ́Ɛ́ HAÍTII 10:36

Keela wói sí lɔ Ngalá ngí tɔvení nungái sítii ngelé ti ngáá Ísulɔ yeláitii. Ná wáá ngáá, keela woó vánda lendái kɔwɔ́ato ndiihéi wa Jísu Kílisitii w̃aa véle w̃a lɛ́i í ngáá Ndemɔí nuu kpɛ́lɛɛ fááw̃a.

LÓÓMI 5:1

Ná náá a mu ngáá telembo mbélaa Ngála ngaah̃ú ndangí w̃áá véle w̃a a mú su la, a maá ɣɛ́ náá ndiiheí w̃ááh̃u a maá Ngála a mu Lemɔ́i Jísu Kílisitii w̃áá véle w̃a.

GALÉSIYA 3:28

Faalɔ, ndowah̃u kɔlɛ́ aa mɔɔ Júsuaitii ndowah̃u taa sítii taa ngáá Júsua, ɛ́ɣɛ nduwɔ lopóaitii taa sítii taa ngáá nduwɔ lopóa, ɛ́ɣɛ siỹɛngáitii ndowah̃u taá nyah̃áitii, wú kpɛ́lɛɛ wú báhangɔɔ lé náá su ngáá nuu yílaa Jísu Kílisitii wa.

Ɛ́FƐSƆ 2:15

I Júsuai tí hávaitii ngi háá bɛni nga í ɣɛ́i na í ɣɛ́i áá nungái nguto kɛinɔɔ́ Júsuai ɛ́ɣɛ sítii taa ngáá Júsua ti ɣɛ́ ngáá nuu yílaa, tí báhangɔ í ɣɛ́ la su Jísu wa. Ná lɔ í kɛ́nga ndiihéi í híí félengɔi sítii ndówa h̃u.

Ɛ́FƐSƆ 2:17

Faalɔ, Jísu Kílisitii i váani í ndiihéi gééla woo vandaí lé wú kpɛ́lɛɛ má wɛ́i wáá ngáá Júsua wú w̃áá gooh̃ángɔ í ɣɛ́ngɔ la Ngalá mbá ɛ́ɣɛ Júsuaitii tiyɛ́i tí ɣɛ́ngɔ Ngalá kpéla.

Ɛ́FƐSƆ 3:15

lɛ́i í kɛ́ngɔ ngáá háwu sítii kínɛi ti ngelegóóh̃u ɛ́ɣɛ ngélewu tí ná.

Ɛ́FƐSƆ 4:16

Jísu Kílisitii i nungáitii tongɔ́ mbéi maanɛ́ɛ́ngɔ tí ɣɛ́ na Ngala ngéngengi h̃u. Ti yilá ngíla p̃ɛ́ɛ́ taá ɣɛ́ taá ngengengítii mbo maanɛ́ɛ́ngɔ tí mbó kíya nɔ́ɔ nuu búsai i na sítii kínɛi ti nduwúi wa ti yéngemaitii ti léélaa léélaa. Ná ná vá ngáá ɣɛ́, ti kpɛ́lɛɛ taa ló ngáá ỹɔw̃ɔ́ ỹɔ́w̃ɔ ti h̃úú í bá.

KƆLƆ́SE 1:20

Saaɣá haí Ngalángi H̃íỹɛndou Loí í mbóngɔ kulɔ́sii w̃á i kɛ́a ngáá háwu Ngalá ngí ndówah̃u batɛ́ wó ti lówah̃u taá ŋániitii kpɛ́lɛɛ. Máá hái lɔ í kɛ́ngɔ ngáá háwu Ngalá ngí váángɔ ngáá ndiihéi vólu í mɔ́ɔ́ kɛ ngáá háwu ŋaniáitii kpɛ́lɛɛ ti ngélewu ɛ́ɣɛ ngelegóóh̃u tí ɣɛ́ múl̃ɔ ngáá ngi ndá.

KƆLƆ́SE 2:20

Ná Kílisitii í hááni, wa bɛ́lɛ nɔ wu háángɔ votó ngí ɣɛ́i lá aáva wú wúmaawongɔɔ lé náa ngakpa ŋáni ỹɔu ỹɔungáitii ngeyá tí ngélewu. Faalɔ, kule áá wú w̃a wú lúva veléi ɔ́ɔ́ ɣɛ́ ngáá ngeleí sí wúu yélaitii kái kái ti ndái ɣɛ kíli. Kule áá mɔ́ɔ́ wú w̃a wɔ́ɔ́ gólo sava lááli sítii mbu.

KƆLƆ́SE 3:11

Náá hááw̃a, ndowah̃u kɔ́lɛ fíli áa mɔɔ sítii ndowah̃u taa ngáá Júsua ɛ́ɣɛ sítii ti ngáá Júsua, sítii ndówah̃u tí lɔ́vengɔ pɛ́lɛ vólu ɛ́ɣɛ sítii taa ti lɔ́vengɔ pɛ́lɛ vólu. Ná vólu mɔ́ɔ́, ndowah̃u kɔ́lɛ aa mɔ́ɔ sítii ndówah̃u ti ngáá ndɔwɔlɔ vékaa h̃uu yélaa ɛ́ɣɛ sítii taa wíí fáá fíli ngákɔlɔ. Ndowah̃u kɔ́lɛ aa sítii ndówah̃u ti ngáá nduwɔ lopóa taa sítii taa ngáá nduwɔ lopóa. Kɛ́ maa hái kpɛ́lɛɛ su, Kílisitii lɔ́ í ngáá faa bíkpingi, aáva aa ɣɛ Ngalá fɛ́li mbélaitii kpɛ́lɛɛ ndííh̃u.

KƆLƆ́SE 3:15

A bɛ́lɛ ndiiheí sí Kílisitii áá fé í wú wúto faa fíli su wáá ɣɛ́ wú kɛ, sífaa, Ngalá tɔ í wú lólingɔ ỹanda yílaa ngáá wú báha su wú ɣɛ ndííhei h̃ú. A waayaa sɛ́ɣɛɛ gula ma hɔ́wɔ fíli.

HÍBULU 13:20

Ngala ngí kɛ́a ngáá háwu a mu Lemɔ́i Jísu Kílisitii í yóóɣe sái h̃u. Jísui sí vá kulangɔ́ɔ́ lé ngáá mbaala w̃ááh̃u béle mɔ́ɔ́ yakpángɔ wála kɔwɔ́ato saáɣa haí wa í mbóni. Sái ná lɔ́ náa í kɛ́ngɔ ngáá háwu kɛ́lɛngi Ngala ngí ngéɣeni ti lówah̃u taá ngí vóngaitii í ndó ma. Bɛlɛ́ Ngalá lɛ́i áá ndiihéi gúla kɛ́lɛma í kɛ́ ngáá háwu wú ɣɛ́ kíli batɛ́ngɔ í ɣɛ́ la faa vánda híí kpɛ́lɛɛ kɛ́ fááw̃a ngáá kɛinɔɔ́ sí áá ɣɛ́ loí wú kɛ́ wú kɛ, aáva bɛ́lɛ Jísu Kílisitii w̃áá véle w̃a í mu ya ngengé kíya fíli áá ndiivó. Aáva maayáá Jísu Kílisitii lɛ máá wúfe ma kúnafɔ taá ngí ndá gúnafɔ! Amíína.