Ɛ́FƐSƆ 2:12 - Kɛ́lɛ Niinaí

¹² Hése, wú báhangɔ aa ɣɛngɔ lá Kílisitii wa, wáá ɣɛ́i ngáá Ísulɔ yélai ti tá. Kɛ́lɛngi í Ngalá ndowah̃u taá ngi vóngaitii kɔwɔ́ato kuulóngi wa í mbóni ngáá ti ye, wáá ɣɛ́i naa wa. Wú ɣɛ́ngɔ nɔ́ɔ ndɛɛh̃ú h̃u kɛ́ wú gítomaa aa ɣɛngɔ na. Wáá ɣɛ́ngɔ tɔɔỹaá Yála kái káingi wɔ́lɔ.

Ɛ́FƐSƆ 2:12 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:72

I ndení mu káwalani ma ngáá aa ti yaah̃ú w̃ááw̃aanu hóu aáva aá lɔ́ɔ gíndo ngi hɛ́ɛ́ma gɛ́lɛngi h̃u í ngéɣeni ti lówah̃u taá tiyéni,

NJƆÚ 10:16

Mbaala vekáá lɔ́ ngéya taá mbaala bɔ́ngi sí h̃u. Kɛ ngí vá ngáá ti ye tiyá bɛ́lɛ, aáva taá wólilo má. Ti kpɛ́lɛɛ pá taá bɔ́ naa su tí ɣɛ́ ngáá mbaala bɔ́ ngiláá, tí ɣɛ́ mbaala w̃ááh̃u belé mɔ́ɔ́ yiláa mbú.

NJƆÚ 15:5

Nyá lɔ ngáá sii hii ŋáni wúlu ɣɛ kíli, wá va tɔ wú ngáá mbekeítii kɛ kíli. Ná wáá ló kpahái h̃u wú su mbá, nyá bɛ́lɛ ngáá ló kpahái h̃u ngi su wú wá, ngamba pánda aa hɔ́lɔ wú h̃u. Í síɣe féa mbá, wɔ́i faa fíli páa.

NJƆÚ 4:22

Wɔ́i wu ngáá Samááliyangaitii Ngalángi sí wúwaa fɛ́li wáá kɔ́lɔ ele gíte wáá ngáá laá. Kɛ́ niỹɛ́i ni ngáá Júsuaitii ní Ngalángi sí wɔlɔ́ níwaa fɛli bɔw̃álale nuu búsaa ngumaawóngi w̃ááhɔlɔngɔ niỹɛ́i ni ngáá Júsuaitii ni w̃áá véle w̃a.

TI GƐ́Ɛ́ HAÍTII 2:39

Kuulóngi sí lɔ na wú hááw̃a ɛ́ɣɛ wú léngaitii ɛ́ɣɛ sítii kpɛ́lɛɛ ti w̃áá gooh̃ángɔ. Na waa ngáá, sítii nɔ́ɔ kpɛ́lɛɛ Ndemɔí a mu Yálangi áá vá ti lolíma.”

TI GƐ́Ɛ́ HAÍTII 28:20

Háwui sí lɔ í kɛ́ngɔ ngí ndéi ngáá ngáá ɣɛ loí ngí wú lɔ, ná vólu, ngí yɛ́pɛ wú yele, sífaa sí Ísulɔ yeláitii ti gítongɔi mba laá pólu véle h̃uu lɔ́ í kɛ́nga ngí njɔ́lɔwɔ ya.”

TI GƐ́Ɛ́ HAÍTII 3:25

Aáva wá lɔ wáa kuulóngi sítii maahɔ́lɔ Ngalá ndaa háá lé mbélai ti yɛ́pɛni kɔwɔ́ato mba. Ná vólu, kuulóngi Ngála ngí maa gɛ́lɛ ngeɣéni ti lówah̃u taa wú káwalani. Ná wáá ngáá, sí Ngalá ngí ɣɛ́i Lébilah̃au w̃a, ‘Nuí kpɛ́lɛɛ tí ngélewu taa nɛ́ɛ́ma w̃aahɔ́lɔ í láála lengái maa véle w̃a.’

LÓÓMI 9:8

Ná wáá ngáá, sítii tí tí léni Ngalángi gúúlongi w̃áá véle w̃a, tiyá lɔ́ ti ngáá Ngalángi léngaa kái káingi, kɛ́ aá ɣɛi ngáá sítii taa ɣɛ́i kuulóngi ná h̃u.

GALÉSIYA 4:8

Wɔ́lɔ wɔ́lɔmai h̃u, ná wáá ɣɛ́i Ngalá kɔ́lɔ ngáá ele wáá ngáá laa, wú ɣɛ́i ngáá nduwɔ lopóa ɣɛ́ kíli ŋani tɛ́ingaani ti yákpangi wú tiyɛ́i taa ti yeɣé ngáá ngalángaa.

Ɛ́FƐSƆ 2:19

Náá hááw̃a, wɛ́i wáá ngáá Júsua wáá mɔ́ɔ ngáá híí vékaa ɔɔ sotangáá Ngalángi vóngaitii ndiiwáá, wá lɔ́ náa ngáá Ngala ndéngaa pɛlɛ́ lówa yílaa mbú.

Ɛ́FƐSƆ 4:18

ɛ́ɣɛ tɛ́i faa yátɔ mba. Tí ndá aa ndɛɛh̃u níínai sí wá Ngalá ngáá fe bɔw̃álale tí wolí h̃u bɔ́lɔngɔɔ lé, taá faá fíli kɔ́lɔ aáva taá lói tɔɔ́ ɣɛ́ faa wɔ́lɔ.

KƆLƆ́SE 1:21

Wú w̃aa gooh̃ángɔ i ɣɛ́i lá Ngala mbá hɔ́wɔ tá ɛ́ɣɛ wú ɣɛi ngáá mbaahílima yélaa, sífaa, wú lúva véleitii ɛ́ɣɛ wú gísiyaitii ti ɣɛ́i ỹɔu.

KƆLƆ́SE 1:27

Ngalángi háá h̃uubatɛngí wáá ngáá í kɛ ngi vóngaitii ti ɣɛ́ fáá wɔ́lɔ kɔwɔ́ato ngi gééla woo w̃aanɛɛnɛɛngí wa í ɣɛ́ngɔ ndɔɔwu h̃ú ngeya nuu kpɛ́lɛɛ fááw̃a. Ndɔɔwu h̃ú hái sí wáa ngáá, Kílisitii lɔ wu líí h̃u, ná vá tɔ áá wú wɔ́ ngáá kitomaá ngáá kɛ wá lɔ́ɔ vá ɣɛ́ma Ngalángi yákpa ngwala w̃aanɛɛnɛɛngí h̃u.

KƆLƆ́SE 1:5

Táingi ná h̃u ti tɔɔỹaá gééla woí léni wú w̃a hése, ná wáá ngáá, keela woó vándai, wú faa ỹɛ́nini kɔwɔ́ato kitomái wa nuu áá mááhɔlɔ su. Ndangí ɛ́ɣɛ ndóngi wú su aá lɔ́ɔ́ gúla kitómai h̃u í wú wa, ná wáá ngáá, sí ngandɔ́ɔ́lɔngɔ wú hááw̃a ngáá pangɔ́ ngelegóóh̃u.

TƐSALÓNIKA HESENDAA GƆLƆÍ 4:13

Mu mbála Yalá fɛ́li mbélai, ni longɔ́ɔ́ lé wú ɣɛ́ tɔɔỹái wɔlɔ́ kɔwɔ́ato sítiini mba ti háánga kɛinɔɔ́ wɔ́ɔ́ vá ɣɛ́ wáá w̃aaw̃áánu ngwala kíya sítiini kitomáá áá tí yɛ taá kɛ.

TƐSALÓNIKA HESENDAA GƆLƆÍ 4:5

Njeé sína w̃áá luvá álaa víli wú líí vólu kíya sítii taa béɣei Ngala fááw̃a kpósouŋ tí na.

TƐSALÓNIKA GƆ́LƆI HELE KÉLEI 2:16

Bɛlɛ́ mu Lemɔ́i Jísu Kílisitii laá gíte ɛ́ɣɛ mu Kɛ́ɛ́ɣɛ Ngala ti wú lííwuulɛ ɛ́ɣɛ ti wú h̃úúba faa vánda kpɛ́lɛɛ nde fááw̃a ɛ́ɣɛ kɛ fááw̃a. Ngala ndóngɔɔ lé ngáá mu ye aáva ngi háá bɔwɔí w̃áá véle w̃a, í kitomáá vánda hengá mú yɛ, í kɛ ngáá háwu mu lííwuulɛngi áa ndi ngu ma kúnafɔ.

TÍMOTI HESENDAA GƆLƆÍ 1:1

Nyɛ́i ngí ngáá Pɔ́ɔ, nyá lɔ ngáá kɔlɔí sí vɔ́nɛ. Nyá lɔ ngáá Jísu Kílisitii gééla kíya Ngalá lɛ́i í ngáá mu Wumáawo Mɔ́i ɛ́ɣɛ Jísu Kílisitii lɛ́i í ngáá mu gítomai ti ndéngɔ ngáá í ɣɛ́.

HÍBULU 11:34

Ti lɛ́ingaa í kɛ ngáá háwu tí ngɔ́mbu hó ngwála vaa, ti lɛ́ingaa tí w̃áávela ná tɔ́ɔ́ ɣɛ́ tí tí váa. Ti ɣɛ́i bɛ́ɣɛ bɛɣɛ kɛ́ Ngalá ngí tí h̃úúbani, ti w̃áábangɔ wála i ɣɛi lá kɔɔ h̃u aáva tɔ́ɔ́ ndɔwɔlɔ́ vékaitii ti hoyáitii kula kɔɔ h̃u.

HÍBULU 6:18

Faa félengɔ lɔ́ náa áá ɣɛ na ti w̃áá ɛ́i lóvi aáva Ngalá ngɛ́i ndɛɛ gɔ́ɔ́la kɔwɔ́ato ti wa. Tiyá vá mbaa ngáá sí, Ngala ngɛ́i baah̃á ngi gúúlongi hítɛma nga, ɛ́ɣɛ ɛi gulá ngí véle mbongɔ wu. Náá hááw̃a, a muỹɛ́i mú vílinga Ngalángi nda gákai w̃a maah̃u belé fááw̃a, mu liiwúúlɛngɔɔ lé ngáá mú ndí ngu ma mú gítomai sí Ngala ngí fénga mu yɛ a máálaa gíkula su.

HÍBULU 8:6

Kɛ́ Jísu ndá Yála sááɣa gula ngéngengi sí láa tɔvengɔ́ɔ́ lé Ngala sááɣa gula mbélai sítii ti ndái wa kíya nɔ́ɔ kɛ́lɛngi sí í súúbatɛngɔ Ngalá ndówah̃u taá ngi vóngaitii pangɔ́ hése keleí wa bɔw̃álale kuulóngaitii pangɔ́ɔ́ lé hése guulóngaitii mba.

PÍTƐ HESENDAA GƆLƆÍ 1:21

Kílisitii vá tɔ í kɛ́ngɔ ngáá háwu wú lángɔ ngáá Ngalá. Ngalá tɔ í Kílisitii wuyoɣéngɔ sái h̃u í kɛ ngáá háwu ngufema wála i mbɛ. Faale, wu lángɔɔ lé ngáá Ngalá wú gítongɔ mba.

PÍTƐ HESENDAA GƆLƆÍ 1:3

A mu sɛ́ɣɛɛ gula Ngalá má lɛ́i í ngáá Ngalángi ɛ́ɣɛ Kɛɛɣɛí a mu Lemɔ́i Jísu Kílisitii hááw̃a. Sífaa, ngi yááh̃u w̃aaw̃aanú walaí i kɛ́a ngáá háwu í ndɛ́ɛ́h̃u níína he mu yɛ ngáá mbuyóɣei í mbóni ngáá Jísu Kílisitii sái h̃u. Aá lɔ́ í kɛ́a mu gítomaa í na kúnafɔ.

PÍTƐ HESENDAA GƆLƆÍ 3:15

Kílisitii lúwamba í ɣɛ́ wú líí h̃u, wú ngufema hé mbɛ ná í ngáá Ndemɔí wú hááw̃a. Wú w̃ááhei wongɔ í ɣɛ́ la hɔ́wɔ fíli ngáá wú suugúla nuu fíli má áá wú w̃ɔ́ɔ́ni ngáá sí í kɛ́a wú gitóngɔ Kílisitii wa.

NJƆÚ HESENDAA GƆLƆÍ 3:3

Nuí fíli kitomái sí áá ɣɛ́ mbɛ Jísu Kílisitii h̃u, maa w̃ɔ́i aa bɔwɔ́ h̃uuhóu w̃a, nguyangɔ́ í ɣɛ lá fó faa ỹɔí yaá kíya nɔ́ɔ Jísu Kílisitii í na faa ỹɔ́u fíli áá su.