Ɛ́FƐSƆ 2:11 - Kɛ́lɛ Niinaí

¹¹ Wɛ́i wáá ngáá Júsua nde pele w̃a, wú lɔ́vengɔ láá le pɛlɛ́ vólu, ná va tɔ í kɛ́a Júsuai taa wú yéɣe ngáá Ngalá kɔlɔ́ tála yelaa. Júsuai pa taa bɔwɔ́ yéɣe ngáá Ngala mbélaa bɔw̃álale tí lɔ́vengɔɔ lé pɛlɛ́ vólu kɛ́ ná lɔ nɔ́ɔ́ ngáá nuu búsa ndá lúva vele. A gisíya ngáá kíya wú ɣɛ́ngɔ na hése.

Ɛ́FƐSƆ 2:11 Iomraidhean Croise

MÁFIYU 20:7

Nátii tí ngoo yápoteni, ti ɣɛ́ ma, ‘Nuu fíli aa ni yeɣéngɔ ngáá ni yénge mbɛ.’ Kɛ i ɣɛa ti w̃a, ‘Kɛ a lí hɔ́ɔ́ wá bɛ́lɛ wú yénge ní bélei h̃u.’

LÓÓMI 11:17

Wɛ́i wáá ngáá Júsua wú gúlangɔɔ lé ngáá ngulú yékei áá gúla ɔ́levi wuluí sí wa áá hále nɔ́ɔ bɔwɔ́ yɛ ndɔbɔ h̃u, ngáá nuu áá kpáha ngúlu wa aa sí ngáá í bátɛ. Wá lɔ́ náá ngulú yékei sítii ti vomá tí tí levéni mba. Náá hááw̃a, wá lɔ́ɔ liivó kɛ́ náá ngáá nɛ́ɛ́mai sítii taa yéi ngulúi w̃a taa wú báha mba.

LÓÓMI 2:26

Séimil̃a p̃ɛ́ɛ́, sítii taa ngáá Júsua ti lɔ́vengɔ láá le pɛlɛ vólu, ná taa híya ngáá Ngala sávai laa wói, kɛ ná ná áá ɣɛ́, nga tɔ́ tí wa Ngalá ngááh̃u kíya nɔ́ɔ jɔ́ sítii tí ná ti lɔ́vengɔ pɛ́lɛ vólu.

LÓÓMI 2:27

Náá hááw̃a, sítii taa híya ngáá Ngala sávai bele pá tí lɔ́vengɔ láa le pɛlɛ́ vólu, taá hómbo ti wú wááleve ngáá wáá vélei wɛ́i wú ngáá Júsuai, bɔw̃álale, kíya bɛ́lɛ wú lɔ́vengɔ pɛ́lɛ vólu aáva Ngala sávai i wú yáá, kɛ́ ná fíli sú, wáá híyama ngáá maa gálambongi.

KƆ́L̃E HESENDAA GƆLƆÍ 12:2

Wú kɔlɔ́ ngáá na h̃u nɛ́nɛ wú ɣɛ́i ngáá Ngalá fɛ́li mbélaa kɔɔ kɔɔ́ ŋániaitii faaw̃a taa tí yeɣé ngáá ngalángaa tiyá lɔ́ wú ɣɛ́i ti wu tiyɛ́i ndɛɛh̃ú áá ti h̃u, táá wú hítɛ kaka péleitii mba.

KƆ́L̃E HESENDAA GƆLƆÍ 6:11

Aáva ngimɔ́ɔ́ wú lɛ́ingaa wú ɣɛ́ngɔ na. Kɛ́ wú wúyangɔɔ lé náa faa ỹɔ́i yaa. Ngala ngí kɛ́a ngáá háwu tɔmbema w̃áá fíli aa wú wá. Wú ɣɛ́a ngáá telembo mbélaa Ngala ngááh̃u Ndemɔí Jísu Kílisitii laahéingi h̃u ɛ́ɣɛ Hɛ́ɛ́ma Ỹínangi w̃áá véle w̃a.

GALÉSIYA 2:15

Tɔɔỹaá hááw̃a, niỹá lɔ ngáá Júsua ni le péle w̃a, naa ngáá faa ỹɔ́u yélaa kíya sítii taá ngáá Júsua tí na.

GALÉSIYA 6:12

Nungái sítiini táá kpa wú w̃á ngáá kulé ngáá ti wú lɔ́ve pɛlɛ́ vólu, tiyá lɔɔ sí ɣɛ́ kɛinɔɔ́ Júsuai tí lókohei ti wu. Laáva sí í kɛ́a léi tíwaa sí ɣɛ ma aá wáa ngáá kɛinɔɔ́ tálaa faa bá maahɔ́lɔ keela wóo léndai h̃u kɔwɔ́ato Kílisitii váándai wa kúlɔsii w̃a.

Ɛ́FƐSƆ 2:2

Wú lúva veléi i ɣɛngɔ ỹɔu kíya nɔ́ɔ ngeleí sí wuu yélai ti lúva véle ỹɔu ỹɔungí tí na. Lɛ́i í ỹína nyɔítii maah̃u ngelewu, wú gólongɔ i ɣɛngɔ la mbu lɛ́i mɔ́ɔ í sítii maah̃u taá kólo lálai gúla ngáá Ngalá.

Ɛ́FƐSƆ 5:8

Wú ɣɛ́ngɔ hése wɔ́lɔ kpíndi h̃ú, kɛ́ wú báhangɔɔ lé náa Ndemɔí Jísu wa. Wáá mɔ́ɔ kpindi h̃ú. Wá lɔ náa kala kala ma. Faalɔ, wú híya gilíítii ti ɣɛ́ náa ngáá kíya sítii taa ɣɛ kala kala ma.

FÉLEPA 3:3

Ná wáá ngáá tɔvé pɛlɛ vólu hái, a muỹá gíte lɔ mu lɔ́vɔngɔ pɛlɛ́ vólu ngáá tɔɔỹaá kɛ́ tiyá laa le, bɔw̃álale a muỹá lɔɔ́ Ngalángi hɛ́li ngi Hɛ́ɛ́ma Ỹínangi bɔ́mbai w̃aa véle w̃a. Aáva a mu liilɛingɔ́ɔ́ lé ngáá a mu báha gílii su maa Jísu Kílisitii. Ná vólu, a mu ndá Yála fɛlindái mu lóko langɔ́i ma aa nɔ́ɔ ngáá faa lɛ́ingaani kɛndáá bɛ́kpɛ.

KƆLƆ́SE 1:21

Wú w̃aa gooh̃ángɔ i ɣɛ́i lá Ngala mbá hɔ́wɔ tá ɛ́ɣɛ wú ɣɛi ngáá mbaahílima yélaa, sífaa, wú lúva véleitii ɛ́ɣɛ wú gísiyaitii ti ɣɛ́i ỹɔu.

KƆLƆ́SE 2:11

Wú lɔ́vengɔɔ lé pɛ́lɛ vólu kpahaí wa wú su Kílisitii wa. Kɛ́ tɔve pɛ́lɛ vólui sí aa ngáá sí nungáá táá mbo ngáá loko, kɛ́ aá lɔ́ ngáá tɔve pɛlɛ́ vólui sí Kílisitii gite í kɛ́ngɔ ngáá háwu í wóngɔ ngáá wú yé. Ná wáá ngáá, i wú wúmaawonga faa ỹɔ́i yaa wú líí áá wú lóma.

KƆLƆ́SE 2:13

Wú ɣɛ́ngɔ ɣɛi kíya nɔ́ɔ nuu háángɔ í ná Ngala kákala, bɔw̃álale wú ɣɛ́ngɔ ngáá faa ỹɔ́u yélaa aáva wú wúmaawongɔ aa ɣɛi la nɛ́nɛ faa ỹɔ́i yaa. Kɛ́ Ngalá ngí kɛ́ni ngáá háwu Kílisitii í ndɛ́ɛ́h̃u gíte gúla kɛlɛ́ma wú yɛ́ í mú háá ỹɔítii kpɛ́lɛɛ súúhaalo.

KƆLƆ́SE 3:11

Náá hááw̃a, ndowah̃u kɔ́lɛ fíli áa mɔɔ sítii ndowah̃u taa ngáá Júsua ɛ́ɣɛ sítii ti ngáá Júsua, sítii ndówah̃u tí lɔ́vengɔ pɛ́lɛ vólu ɛ́ɣɛ sítii taa ti lɔ́vengɔ pɛ́lɛ vólu. Ná vólu mɔ́ɔ́, ndowah̃u kɔ́lɛ aa mɔ́ɔ sítii ndówah̃u ti ngáá ndɔwɔlɔ vékaa h̃uu yélaa ɛ́ɣɛ sítii taa wíí fáá fíli ngákɔlɔ. Ndowah̃u kɔ́lɛ aa sítii ndówah̃u ti ngáá nduwɔ lopóa taa sítii taa ngáá nduwɔ lopóa. Kɛ́ maa hái kpɛ́lɛɛ su, Kílisitii lɔ́ í ngáá faa bíkpingi, aáva aa ɣɛ Ngalá fɛ́li mbélaitii kpɛ́lɛɛ ndííh̃u.