Ɛ́FƐSƆ 2:10 - Kɛ́lɛ Niinaí

¹⁰ Ngalá tɔ́ í mú bátɛngɔ kíya a mú na. I mu bátɛngɔ ngáá niina kpahaí wá mú su Jísu Kílisitii wa ngáá a mú ngenge pándai sítii mbo sí í suubátɛnga náa kílii ngáá a mú tí wo.

Ɛ́FƐSƆ 2:10 Iomraidhean Croise

MÁFIYU 5:16

Ngimɔ́ɔ́ nɔ́ɔ kule í wú w̃á wú lámbongi í hólo nuu kpɛ́lɛɛ kákala. Ná lɔ́ áá kɛ ti wú háá vandaítii tɔ, táa wú Kɛ́ɛ́ɣɛ Ngalá ndaaw̃áálɛ, lɛ́i í ngelegóóh̃u.”

NJƆÚ 3:21

Kɛ́ nuí fíli áá ɣɛ́ ngáá tɔɔỹaá híya mbo mɔ́ɔ aa gula lámbongi ya kɛinɔɔ́ nga ngí ɣɛ́ kpál̃au ngáá sí íwaa kɛ, aá lɔ Ngalángi vélei w̃a.

TI GƐ́Ɛ́ HAÍTII 9:31

Aáva Ngala fɛ́li mbélaitii kpɛ́lɛɛ ti ɣɛ́i Judíya lataí h̃u ɛ́ɣɛ Galéli lataí h̃u ɛ́ɣɛ Samááliya lataí h̃u, ti ɣɛ́i náa ndiilɛí h̃u. Ti h̃úú í báni, aáva Hɛ́ɛ́ma Ỹínangi í nduwúh̃ulɛni ngáá ti ye ti yangí ɣɛ wɔɔlɔ. Aáva tí lɛɛh̃úitii suuhíyani Ndemɔí Ngalángi lúwamba h̃u.

TI GƐ́Ɛ́ HAÍTII 9:36

Táingi ná h̃uu vá, nyah̃ápo yiláá taa ɣɛ́ ma Tabíta, ti mɔ́ɔ́ ɣɛ ma Dɔ́ka Gilísi woí h̃u, ná wúi wáá ngáá ndɔpá í ngáá Jísu volú w̃ɔ́i ta aá lɔ́ ngáá taí sí h̃uu w̃ɔ́ɔ́ taa náá lolí ngáá Jɔ́pa. Nyah̃ápoi sí ɛ́i belé bɔ́lɔ ngáá faa bɔ́wɔ ɣɛndáá, aáva i ɣɛi áá bɔ́ nyaani yélaitii mba.

LÓÓMI 8:1

Ná wú báhangɔ áá ɣɛ́ la Jísu Kílisitii wa, kɛ Ngalá ngáá vaamá faa bá ndáma wú w̃a faa ỹɔ́u hááw̃a wáá ɣɛ́ kɛ́ni.

LÓÓMI 8:29

Ná wɔ́lɔ pá i suuwɔ́lɔ nɔ́ɔ ngáá elení tɔ í lókolonga tí wa i ti ɣɛ́ ngáá ngi ndá léélaa. I kpatɛngɔ́ gí ma ngáá ti ɣɛ́ ngáá ngi H̃íỹɛndou Loí ɣɛ́ kílii ngáá kɛinɔɔ́ ngi H̃íỹɛndou Loí í ɣɛ́ ngáá hésendaa Loí ndoú bíh̃i bíh̃ingaa h̃u taa ɣɛ́ ngeyá.

KƆ́L̃E HESENDAA GƆLƆÍ 3:9

Niỹá lɔ́ ngáá Ngalángi yénge mbelaa náá yénge ỹanda yílaa, wáá vá wú gúlangɔɔ lé ngáá Ngalángi báála. Wú gúlangɔɔ lé mɔ́ɔ ngáá Ngalángi vɛ́lɛ.

KƆ́L̃E GƆ́LƆI HELE KÉLEI 5:17

Ná nuu fíli áá báha Kílisitii wá, kɛ maa w̃ɔ́i ná lɔ́ náá ngáá nuu níína aáva tuva velé vɔ́lɔi aa ɣɛ náa lɔvéni, ngi níínai lɔ náá áá ɣɛ́ su.

KƆ́L̃E GƆ́LƆI HELE KÉLEI 5:5

Ngalá pá tɔ í mú ɣɛ kíli batɛa háwui sí hááw̃a laáva i Hɛ́ɛ́ma Ỹínangi héa mu yaá. Ná vá tɔ áá ngákɛ kpál̃au ngáá sítii í suubátɛngɔ mu haáw̃a tiyá lɔ́ɔ vá hítɛma nga.

KƆ́L̃E GƆ́LƆI HELE KÉLEI 9:8

Aáva Ngalá ngáá nɛ́ɛ́ma yéi wú w̃a kɛinɔɔ́ hɔ́wɔ fíli sí kpɛ́lɛɛ wú béɣengɔ ma wú maahɔ́lɔ bih̃í bɔwɔ́ haaw̃a laáva aa ɣɛ fení ngáá wú ɣɛ́ wáá faa bɔ́wɔ hii fíli kɛ́ lá.

GALÉSIYA 6:15

Faalɔ, tí nuú lɔ́vei pɛlɛ́ vólu ɔɔ taá nuu lɔ́vei pɛlɛ́ vólu aa ngáá faa fíli. Kɛ́ sí í ngáá faí, aá wáá ngáá Ngala ngí nuu ɣɛ́ ngáá nuu níína ɣɛ́ kíli.

Ɛ́FƐSƆ 1:1

Nyɛ́i ngí ngáá Pɔ́ɔ, nyá lɔ́ ngáá kɔlɔí sí vɔ́nɛ nyɛ́i ngi ngáá Jísu Kílisitii géélai áá gúla Ngalángi háá h̃uubatɛ su. Nyá lɔ́ ngáá Kɔlɔí sí vɔ́nɛ wú yéle wɛ́i wú ngáá Ngalángi vóngaitii taí sí h̃u taa tolí ngáá Ɛ́fɛsɔ, wɛ́i wáá híɣengɔ tɔ́wɔbaɣa vélei sí wa wú lɛ́ɛ́h̃ui h̃u wú kpáhangɔ Jísu Kílisitii wa.

Ɛ́FƐSƆ 1:4

P̃ɛ́ɛ́ ngelewu ɔ́ɔ́ bátɛ, Ngala ngí ɣɛi náa lokoloí mu wá ngáá ngi vóngaa, kpahaí wa mú sú Jísu Kílisitii wa ngáá faa ỹɔ́u ɛ́i ɣɛ́ mu h̃u ngaah̃u mu h̃úúlaahengɔ í ɣɛ́ la ngáá ndongí.

Ɛ́FƐSƆ 2:13

Wú w̃áá í ɣɛ́ngɔ gooh̃á Ngalá mba, kɛ́ wú báhangɔɔ lé náa Jísu Kílisitii wa, aáva wá lɔ naa Ngalá kpéla kɔwɔ́ato saáɣa haí wá Kílisitii í mbóni.

Ɛ́FƐSƆ 2:15

I Júsuai tí hávaitii ngi háá bɛni nga í ɣɛ́i na í ɣɛ́i áá nungái nguto kɛinɔɔ́ Júsuai ɛ́ɣɛ sítii taa ngáá Júsua ti ɣɛ́ ngáá nuu yílaa, tí báhangɔ í ɣɛ́ la su Jísu wa. Ná lɔ í kɛ́nga ndiihéi í híí félengɔi sítii ndówa h̃u.

Ɛ́FƐSƆ 2:2

Wú lúva veléi i ɣɛngɔ ỹɔu kíya nɔ́ɔ ngeleí sí wuu yélai ti lúva véle ỹɔu ỹɔungí tí na. Lɛ́i í ỹína nyɔítii maah̃u ngelewu, wú gólongɔ i ɣɛngɔ la mbu lɛ́i mɔ́ɔ í sítii maah̃u taá kólo lálai gúla ngáá Ngalá.

Ɛ́FƐSƆ 2:6

Sífaa, mu báhangɔ su maa Jísu Kílisitii, náá hááw̃a, a mu yooɣénga sái h̃u aáva a muỹá lɔ mba ngáá masangáá ngelegóóh̃u w̃ásandai h̃u.

Ɛ́FƐSƆ 4:1

Náá hááw̃a, nyɛ́i ngí ngáá pelésina bɔw̃álale nyáá lɔ́ɔ yénge Ndemɔí Jísu yɛ, nyáá lɔ́ɔ wú w̃áánɛɛnɛ ngáá wú gɛ́ɛ́ háitii ɛ́ɣɛ wú híya veléitii tí ɣɛ́ ngáá kíya Ngalá ndongɔ́ ti ɣɛ́ na ná h̃u í wú lólini.

Ɛ́FƐSƆ 4:24

Wú ɣɛ́ ngáá nuu níína ɣɛ́ kíli kíya Ngala ngí ná. Wú gɛ́ɛ́ háitii taa wú híya veléitii tí kɛ́ nuu kpɛ́lɛɛ tí ɣɛ́ kɔ́lɔ ngáá kɛ wá lɔ́ɔ híya ngáá Ngala pélei. Ná wáá ngáá, wú híya veléitii taa wú gɛ́ɛ́ háitii ti ɣɛ́ ngáá telembo péle ti Ngalá ndíílɛi.

FÉLEPA 1:6

Faalɔ, kí máá i kpál̃au ngáá Ngalá, lɛ́i í ngenge pándai sí lɔ́kula héinga wú lóów̃a, aá lɔɔ́ ndi ngu ma í ló su kpóloo í víla fóloi sí w̃a Jísu Kílisitii áá yangáima ma.

FÉLEPA 2:13

Sífaa Ngalá tɔ áa yénge ngáá wú ye, áá kɛ ngáá háwu áá ɣɛ́ ngáá wú líívo fáá ngáá wáa sítii kɛ áá nɛ́ɛ́ mbɛ.

KƆLƆ́SE 1:10

Ná ná áá ɣɛ́, wáá hómbo náa wú ɣɛ́ kíya Ndemɔí lóngɔ wú ɣɛ́ na, wúwaa sítii kɛ hɔ́wɔ fíli táá ndiilɛ́i. Wáá ɣɛ́ náa wáá faa vánda bih̃íw̃aa ɣɛ́ wú lɛ́ɛ́h̃uitii suuhíya kílii h̃u aáva wáá ɣɛ́ Ngalá kɔ́lɔ ngáá ele gíte waa ngáá laá ngáá pangɔ́.

KƆLƆ́SE 3:10

Wálaa nátii kɛ sífaa, wá lɔ́ náá ngáá nuu níína. Wú bátɛ mɔ́i Ngalá tɔɔ kɛ ngáá háwu wú ɣɛ́ kílii í ɣɛ́ nɔ́ɔ kélei ngáá kíya laá Ngalá kpútei í na. Aá lɔɔ ná ɣɛ́ h̃íí ná kɛinɔɔ́ í kɛ́ ngáá háwu wú ɣɛ́ kɔ́lɔ ngáá ele gíte waa ngáá laá.

TÍMOTI HESENDAA GƆLƆÍ 2:10

Kɛ́ laá ɣéle, ti w̃ááyili walaí í ɣɛ́ ngáá tuva velé vándaitii táá ɣɛ́ ti h̃u kíya kule áá ɣɛ́ nyah̃ái sítii ma taa ɣɛ́ ta tiyá lɔ ngáá Ngala fɛ́li mbélaa taá kɛ.

TÍMOTI HESENDAA GƆLƆÍ 5:10

Ponyah̃ái i ɣɛ́ ngáá nuu tɔwɔ́ vánda í mba, aáva áá ɣɛ́ maakɛ pánda vungɔ́ ngí léngaitii su. I ngáá nuu áá lókohei sotángaa wu ɛ́ɣɛ í ngáá ngufema háá ɣɛ́ mɔ́ɔ́ ngí mbála Yalá fɛ́li mbélaitii mbɛ, íwaa kpɔmba hé nungáá yɛ́ taa ɣɛ́ fáá báma h̃u aáva í bɔ́wɔ gúla kɛ́lɛma faa vánda vanda bih̃íw̃aa ɣɛ́ndaa h̃u.

TÍMOTI HESENDAA GƆLƆÍ 5:25

Ngimɔ́ɔ́ nɔ́ɔ máá hái í na nuu lúva velé vándai géle tɔ nga ngáá ɣɛ́ kpál̃au ɛ́ɣɛ múl̃ɔ sí ɣéle tɔ nga ngɛ́i ɣɛ́ kpál̃au ngwala, maa ɛ́i lɔ́ɔ́wu.

TÍMOTI HESENDAA GƆLƆÍ 6:18

Nde ti w̃a taayáá faa vánda ɣɛ, ná vólu, ti lóko h̃uulɔ́vengɔ í ɣɛ́ la ngwala kpɔmba hááw̃a nuu kpɛ́lɛɛ mbá. Ti ɣɛ́ ngáá nungáá taá ŋáni hé nuu yáá tɛi bóɣi kpoɣí, ná vólu, ti ɣɛ́ ngaá kɔ mbó mbélaa.

TÍMOTI GƆ́LƆI HELE KÉLEI 2:21

Nuí fíli áá w̃aaɣɛ́ gooh̃á faa ỹɔ́i nátii kpɛ́lɛɛ mbá, maa w̃ɔ́i aa ɣɛ́ ngáá ngángimba w̃ɔ́ɔ́ Ngalá ngeyá sífaa aa ɣɛ Ngalá fááw̃a seɣé héɣe ngi W̃ááliɣii Ngala ngí yéngengi hááw̃a. Maá w̃ɔi w̃aahéi wóngɔ aa ɣɛ lá ngenge pánda fíli mbó fááw̃a.

TÍMOTI GƆ́LƆI HELE KÉLEI 3:17

Ná ná vá ngáá ɣɛ, nuí sí áá ɣɛ́ ngáá Ngala ngénge mɔɔ, kulaɣɛngɔ́ áá ɣɛ lá Ngala ngénge faaw̃a, maa w̃ɔ́i w̃aahéi wóngɔ ngáá pangɔ́ ngenge pánda fíli mbó fááw̃a.

TÁITƆ 2:14

I lɛɛh̃úi gúlangɔ kɛ́lɛma mu haáw̃a ngáá í mu w̃ááɣawo faa ỹɔ́itii kpɛ́lɛɛ ngéya ɛ́ɣɛ í mú háá ỹɔítii ngúya mu w̃a fó, mu ɣɛ́ ngáá nungáá taá ɣɛ́ faaw̃a nɔ́ɔ ɛ́ɣɛ mu ɣɛ́ kíli batɛ́ngɔ í ɣɛ́ lá faa vánda ɣɛ́ fááw̃a.

TÁITƆ 2:7

Táitɔ, kɛ yá bɛ́lɛ nɔ í gɛ́ɛ́ haítii ɛ́ɣɛ í lúva veleítii tí ɣɛ́ pele w̃a faa kpɛ́lɛɛ su kɛinɔɔ́ yí ɣɛ́ ngáá tɔmaseí sítii faaw̃a yáá tí galámbo. Kalambongí wo ngáá tɔɔỹaá aáva i hɛ́mbɛ í ɣɛ́ su.

TÁITƆ 3:1

Nde í mbála Yalá fɛ́li mbélaitii ma múl̃ɔ tí bɔ́wɔ gula kɛlɛ́ma ɛ́ɣɛ tí ngúfema hé sítii kpɛ́lɛɛ mbɛ tí ngakpá sú. Tí gólongɔ í ɣɛ́ lá ɛ́ɣɛ tí héi gilí bátɛngɔ í ɣɛ́ la kpɔmba hááw̃a faa kpɛ́lɛɛ sú.

TÁITƆ 3:14

Kule lɔ mu mbála Yalá fɛ́li mbélaitii ma tí ɣɛ ngáá faa vánda ɣɛ́ mbélaa ngáá taayaa kpɔmba hé sítii mbɛ maanɛ́ɛ́ngɔ áá ɣɛ́ la ngáá tí kpɔ́mba w̃ááhɔlɔ kɛinɔɔ́ ti lɛɛh̃úi í ɣɛ́ ngáá kulasuunúma.

TÁITƆ 3:8

Ngoí sí va í léngɔ, aá lɔ́ ngáá tɔɔỹaá woo. Ndóngɔɔ lé yí laabákpa fái sítii mba kalambo sú kɛinɔɔ́ sítii ti langɔ́ ngáá Ngalá taayáá faa vándaitii kɛ, ná vá tɔ í ngáá faa vándai maanɛ́ɛ́ngɔ nuu kpɛ́lɛɛ fááw̃a.

HÍBULU 10:24

A mu béɣe ngáá ỹɔw̃ɔ́ ỹɔ́w̃ɔ, a mu ỹɔw̃ɔ́ ỹɔ́w̃ɔ liiwúúlɛ ngáá a máa hómbo mú ndó ngááh̃u ɣɛ́ ngáá ỹɔw̃ɔ́ ỹɔ́w̃ɔ, ná vólu, a mu ɣɛ́ maá faa bɔ́wɔ ɣɛ ỹɔw̃ɔ́ ỹɔ́w̃ɔ yɛ.

PÍTƐ HESENDAA GƆLƆÍ 2:12

Wú lúva veléi w̃aanɛ́ɛ́ngɔ í ɣɛ́ la ngwala sítii ndiiwáá taa ngáá Ngala fɛ́li mbélaa. Ngáá ná bɛ́lɛ taá í yéɣe ngáá tuva velé ỹɔ́u w̃ɔɔ, taá wɔ́lɛ nɔ́ɔ í lúva velé vándaitii mba tí Ngala tɛ folói ná w̃a íwaa vá nuu kpɛ́lɛɛ kɔ́sɔma ma.

NJƆÚ HESENDAA GƆLƆÍ 1:7

Kɛ́ ná a maa ɣɛ́ kala kála ma kíya nɔ́ɔ Ngalá kpútei í ná, í kála kála ma, ná ná áá ɣɛ́, kɛ a mu háá lɔ nɔ́ɔ su yíla. Aáva saáɣa haí Ngalángi H̃íỹɛndou Loí Jísu í mbóngɔ, aa mu wúya fó, faa ỹɔ́u fíli ɛi ɣɛ mu h̃u.

NJƆÚ HESENDAA GƆLƆÍ 2:6

Ná á maá nde ngáá maá Ngála mu ɣɛ́a ngáá nuu yílaa, kɛ kule lɔ́ mu w̃a mú lɛ́ɛ́h̃ui h̃uuhíya kílii í ɣɛ́ ngáá kíya Jísu Kílisitii ndái í na.